OPEN MEAL開餐生蠔刺身專門店

Open Now

Now Closed

完全唔記得寫返個食評，因為以前食過呢間嘅刺身生蠔外賣，知道老闆喺呢個唔起眼嘅商場開咗呢間門市，所以特登過嚟支持，只可以話水準非常之高，老土啲講啲嘢新鮮已經冇得輸咁呢度已經做到，食乜都冇所謂，因為全部都係老闆推介，我哋冇嘢唔食. 價錢你可以同老闆自己傾，夠晒彈性, 因為為食嗰陣時毛蟹當造，所以老闆就問我哋參加毛蟹，另外生蠔都有唔少選擇就同老細講想要邊一款就可以.其實老闆每晚只係做一輪最多都係坐到三至四個人，所以有興趣都要早啲預約

值得一去的隱世壽司店，不一樣的體驗。不一樣的廚師發辦，令人10分驚喜。而且唔可以用金錢嚟衡量，呢一間真係好親民嘅壽司店。估唔到係一個咁唔起碼個商場都會有咁嘅驚喜。值得一試。佢哋啲魚生真係好新鮮，而且會根據你個喜好嚟揀選。預約之前可以同廚師多多溝通。記得提早預約，場地同埋座位有限。一晚只招呼一台客。但係確實係一個好專享嘅服務。食物質素10分超班。廚師知道我鍾意食貝類，特別準備咗一隻極大北寄貝，真係好驚喜。

點咗外賣刺身做晚餐，真係好正。朝早落order，當晚有得拎。每樣都好新鮮，唔係普通急凍貨。叫咗厚岸蠔，笠子，龍蝦，象拔，原個海膽，帆立貝，北寄貝，赤貝同秋刀魚。生蠔好Creamy，海膽，秋刀魚，笠子同赤貝鮮甜，龍蝦刺身非常新鮮，蝦頭仲識郁，小朋友見到好開心，北寄貝刺身唔係度度有，帆立貝好厚肉，象拔勁爽口。睇得出老細好有心機整，整得好乾淨，切完仲擺得好靚。大人細路都食到lam lam脷，有驚喜，下次一定再幫襯。

今次第一次寫食評，因為23/3叫咗呢間嘅壽司刺身生蠔外賣速遞，試完都覺得真係幾好食，所以想借位出個post讚賞一下。叫咗個二人壽司刺身set,加多3隻赤崎蠔,2隻氣仙町蠔。先試生蠔，自己開蠔，蠔身好爽口，味道鮮甜兼海水味重，好啱我口味。跟住食刺身，北寄貝赤貝真係好新鮮，肉質大爽脆，其他刺身都好正，同其他店比較，質素都高得多，有啲店舖賣嘅刺身肉又霉又無味，呢間比起上嚟係好得多。最後壽司啲飯我最鐘意，佢用自己調較嘅赤醋做壽司飯，好有誠意，令我有啲覺得個飯比起其他壽司店好食好多總括黎講整體都高質，另外係送到嚟都仲好靚，唔會話亂晒龍，希望大家睇完呢篇不妨order 嚟試下呢間壽司店。

呢間之前都有叫開到會，都幫襯好多年，每次叫都冇失望，佢係屯門開左間，當然即興去搵食，叫左壽司和刺身盤 少少蠔，佢地個醋飯味道好好，用赤醋，食物都超有水準，價錢都合理，唔係搵個c9整比你，食得出好有心的味道刺身選擇都多款，因為係即開所以都要等左一陣先可以，當然即場食左幾隻蠔邊等邊食好爽.有保溫袋有冰包，配料酸汁都有，包裝都唔錯，好快會有下次，因為附近除左大集團都冇壽司小店，最欣賞係個醋飯和原條魚刺身。