芝麻開門甜品專門店

Open Now

Now Closed

好友吃飽飽但耳猶未盡，二人近近地，隨意去了附近的糖水店。她的芒果盛世38價錢有如十年前的許x山，有爆珠有布甸，有鮮果肉，最特別既有柚子啫喱，多個層次，一次滿足，朋友說喜歡。我呢？點了個香蕉奶昔28一黎到好大杯，不過後來發現只係個杯大姐，可能我大喝症，一飲已無左半，香蕉味幾丰富，奶又解渴夠冰凍，無太甜，感覺ok開了可能兩年吧，今晚才第二次來，家庭式糖水店，今日發現冷氣不足，但吹水好啱，做街坊生意，開始做得起多少了，中西甜品都有，選擇亦不少，附近沒有太多甜品店，都可一試。

在旺角MOKO看完戲後，尋尋覓覓的找了一間潮州打冷吃晚飯。飯後，餘慶未盡，時間尚早，就打算在附近找一家糖水鋪。竟然發覺不遠處有一間打招用綠色和黃色襯出來頗突出的店鋪。事前沒有做過功課，也沒有上過OR看這家店的評價，友人就衝了入去。不過沒差，看過餐牌，款式選擇頗多，連榴槤做的甜品都有。(款式選擇很多，蛋糕，糖水，窩夫，班戟，冰，凍飲......甚至較中式的豆花糖水都一應俱全)浪子選了一個杏仁糊豆腐花(熱)。一上檯，就能以"青靚白淨"來形容。豆腐花香滑，口感不錯。杏仁糊有沙感和甜度，襯托出豆腐花的細滑和清淡。但兩者竟然又出奇地夾。碗子看似很細，但份量其實不少。正苦惱第二款甜品的時候，看到鄰座的男孩在吃窩夫，看似不俗，便又叫了一個。可以隨意在雪糕欄裡選自己喜歡的雪糕，而我們選了抹荼味。因為窩夫是即叫即造，等了約10分鐘左右。賣相很討好，竟然擺得這樣有心思。雜果不是罐頭雜果，而是新鮮生果來的。其中看到西瓜切成心形，著實不俗。雪糕球凍，但抹茶味可能未及抹茶專門店的苦，偏向是牛奶味重的雪糕多一點。窩夫外皮有少許脆脆，內裡卻是紥實。$40元以這個份量，味道和賣相的確是一個超讚的選擇。店家並不大，約莫

每次同另一半在旺角太子食完晚餐, 想食小小甜點, 之前很多想去的甜品店都有排長龍  不過我發現了一個新地方同另一半去試  店舖位於太子地段, 感覺不太難找到, 我們來到店大約9點幾, 店裡一個客人都沒有  所以任由我們選擇座位, 我們點選了三樣甜品: 榴槤糯米卷 木瓜燉雪耳 流金歲月  先講榴槤糯米卷, 我自己不是榴槤愛好者, 我都試了兩粒, 感覺幾特別, 有口感, 一口食完最好   這間甜品店有中式甜點, 真的夠大眾化, 我自己就試了木瓜燉雪耳, 用料真材實料, 最重要滋潤了我的心  至於另一半點的流金歲月, 見到已經好吸引, 芒果榴槤食起來十分夾, 唯是芒果不夠甜  我們差不多離開的時候已經坐滿人, 感覺很多是熟客, 店舖環境舒適, 甜點又正, 怪不得喇

最近榴槤當造, 我整天都有榴槤癮! 吃過晚飯剛好對面便有賣榴槤甜品的甜品鋪, 正呀!先點一個榴槤千層試試 $54唔~~~好香榴槤味, 稔稔的質感, 就好像大啖大啖吃榴槤一樣, 但又不會太溜, 因為加了點千層pancake~點一個不夠喉! 吃完千層餅再點一個榴槤糯米巻 $30有4舊, 又是好香的榴槤呀, 這次稔稔的榴槤蓉餡料配著外邊的椰絲及煙yun 的糯米皮, 口感一流!雖然是有一點兒貴, 不過可以一解我的榴槤癮, good!

千層蛋糕一直都係吸引的，今次仲可以食到至愛的榴連味！雖然實物伴碟與圖片有一點分別，如果實物與圖片可以一致就更好啦！但千層糕的外表仍很吸引，一層又一層，而且餡料同餅分佈要均勻，真係好考甜品師傅手藝同心機！榴連味真係好香好重，餅皮都做到好薄，口感一層一層好豐富！甜度比例調得好準，唔會太甜，所以唔覺得漏！餅皮雖然做到好薄，但可以做到更滑，這方面師傅可能需要再改良少少，咁就應該有滿分喇！ 榴連紫米味道主角當然亦以榴連為主，榴連獨特的香甜，真係與好多甜品都好夾！紫米口感棉棉的，加入椰奶就更加香滑，仲食到粒粒晶瑩的西米粒，絕對係用心的配搭！ 店員都好nice,可以同客人打成一遍有傾有講，實屬難得！

在下午茶時段走進了這間糖水舖，它沒有華麗的裝潢，應該是做街坊生意的。點了一個$38的餐(大概有4款選擇，都是三四十蚊有交易，包一杯飲料)我點了這個士多啤梨厚多士，等左大概15分鐘🙄⋯⋯但原來個厚多士真係即叫即做☺️都好，咁都算等得有價值上枱的時候，第一下的感覺係，😭空心既但食食下就會發覺，好彩唔大份ja，如果唔係又浪費了⋯⋯因為都幾「漏」下嫁。先由雪糕講起，士多啤梨味的雪糕似曾相識，我猜應該是雀巢公司😅之後加了少少士多啤梨醬，呢隻醬係有少少士多啤梨籽個種，食落去唔會係甜到喊，岩岩好跟著就到厚多士喇☺️入口鬆化，長度就大概係童年回憶的手指餅咁長到啦☺️本身的厚多士食落去都係有少少甜的，加埋加雪糕好好食啊，味道好夾😌$38+$2(凍飲)，埋單$40，輕食好推介❤️

約左朋友在附近食晚飯， 然後路過見無咩人， 就入去坐坐打算傾下計，問老闆娘有咩出名， 推介所有榴蓮甜品， 於是叫了榴蓮千層榚， 榴蓮味好濃又甜， 又夠滑， 食完後先醒起未影相， 於是， 又叫芒果千層糕， 噢， 食過榴蓮，芒果立即給比下去， 不是唔好食， 只是食過最好， 因此唔好榴蓮的人絕對會大讚， 另外叫左芒果拿破倫， 又係好脆好味， 估唔到呢一頭有使人驚喜的甜品店

位於太子大南街嘅呢間芝麻開門甜品鋪, 位置其實都幾偏, 唔係咁啱路經, 都真係幾難發現。店鋪裝修得有啲家嘅味道, 入到店內好有讓人放鬆嘅感覺…真係有啲不思奇解…餐牌上都有好多選擇, 眾多選擇之下揀左木瓜炖雪耳、蓮子腐竹蛋、楊枝金露同紫米露湯丸。甜品製作需要多一啲嘅時間, 因為有啲係需要即時處理! 感覺好有心~木瓜炖雪耳 – 清清地, 飲落喉嚨好舒服, 好滋潤。 蓮子腐竹蛋 – 賣相好靚, 甜度剛剛好, 而且好足料, 腐竹好滑~ 紫米露湯丸 – 顏色好靚, 呢個紫米露冇坊間啲咁杰身, 稀稀地更易入口, 椰奶令到成個糖水更香滑。 楊枝金露 – 睇見都已經感覺好sweet, 柚肉同西米嘅比例剛剛好, 好味! 鋪仔雖然細細, 但由甜品嘅味道同賣相睇得出係用心嘅製作, 而且價錢合理, 可以一試再試!支持小店,繼續努力啦!

入面環境好舒服，有得聽音樂，坐都坐得舒服。我見佢做緊一週年優惠價就試左星期一甜品鮮什果窩夫，25蚊，窩夫好香囗，重有個雪糕同生果，原來日日都有不同特價甜品。我朋友嗌麵餐食，芝士撈丁，芝士汁好香濃，芝士控必試，餸就簡左雞翼，都好味。整體黎講，食物味道不錯，價錢上係下午茶3-7點時間有八折優惠可以講得上物超所值。值得一試。

噚日放工, 同老公食完飯, 經過太子,大約7:00pm, 見到呢間甜品店, 不用等位 環境唔錯, 感覺店裡氣氛好開心, 於是就入去試下.  我點咗芒果千層, 老公點咗榴槤飄飄, 我個芒果千層, 超多芒果, 雖然個芒果好甜, 但成個甜品食落去, 又唔係好漏, 我覺得好味過D酒店多多聲, 老公嗰個, 佢話榴槤味好重, 受唔到榴槤千祈咪叫, 所以我掂都冇掂, 埋單幾十蚊, 我覺得佢用料好足, 值得推介.