極品煮意 鷄煲.烤魚.火煱 (Closed)

打便爐係大眾香港人必食之選，香港人把火鍋叫,亦是粤語的統稱秘製湯底處理後麻辣味道一直深入民心，不少餐廳廚師以優質熬製滴滴都是真正精華，火鍋頓時變成超人氣之選滋味無窮的佳餚火鍋專門店抗海嘯價按時段推出$158,任點任食任飲2小時火鍋烤魚雞煲時令，食品選擇極多元化，大約有40多款肉類/海鮮/蔬菜生料及供熟食即食食材大吃大喝，一家大細或應酬晚膳可作首選！最回本放題任食立即啟動吧！引入三款吸客賣點既雞煲/烤魚/火鍋主打，位於葵芳路位置很放便，如果你喜歡海鮮又喜歡火鍋既朋友們這兒是不二之選室內全設有電視及全設獨立餐桌內置電磁爐頭，讓來臨客人可在梳化位置舒適環境下享受美食秘製雞煲從選料按人頭人數出品都顯得一絲不苟，雞煲創新且辣可自行調整辣口味，雞件多肉份量標準，雞煲內雞件混入香濃汁料共煮、啖啖細味嫩滑，雖然出色雞煲有一套標準，但可令口感味蕾升温食出陣陣火喉，己經算不錯不過講到靈魂所在，每家店都有自家風味例如選購放在自助食物凍櫃上原材料，包括凍豆腐-豬紅-蟹籽丸-獅子狗，熟食材料手拍青瓜-炸魚皮-鹵水雞腳等……不一一細分根據食材口感煙韌滑溜，而且麻辣味鮮活質感爽口，開胃，讓客人全面擁有歡樂的樂趣品嚐

今日同朋友行完葵涌廣場對掃街冇咩興趣既我地！行到好累拎住好多野朋友話想食雞煲...於是就帶左我去（極品煮意）2個人食放題比較好！想每樣食少少都可以！唔洗散叫咁貴😂地方都幾大...晚飯時間都好full一坐底就叫左一個秘制極品雞煲少辣！唔該😂之後就出左去攞野飲和熟食😘飲品選擇好多又有酒飲👍🏻勁岩酒鬼熟食大約有10款8款又有糖水!唔錯簡左1-2款食就等我地個雞煲😂上枱後煲多幾分鐘打開！勁香 !雞件數量好多！又唔會太細粒！好野味！食到咁上下仲可以點佢地既肥牛和魚而外面自助拎配菜既選擇都有好多萵筍真係好爽脆😍食到好飽飽...仲可以去沖杯熱茶飲佢哋茶葉嘅選擇都有好多！係其它放題好少見的.最後又點少得食埋杯雪糕！畫上完美的句號！

一家三口加一個朋友仔試試 的確呢區比較少雞煲放題 冇咩選擇小朋友3歲收小童錢 其實真係好唔抵食但想食冇辦法啦！小食有8至10款 可以接受除左肥牛 羊肉 豚肉片 鲩魚片要order其他都係自取 白蜆好食 自取食物同飲品都多款環境都可以 有窗邊卡位 服務就個別睇啦雞煲食完仲可以加148算係咁 但雞煲味道就一般當然唔可以比較荃灣既好食位置嚟講算可以啦！因為近葵廣 食完就可以行街不過都係果句3歲人仔90cm多數都過放題真係好唔抵 半個烏冬 兩條腸仔 兩粒冬菇

雖然而家葵廣開左好多小食店，好正咁，但係都係爭張櫈比我坐下休息下，血拼左咁耐係要抖下既！～見到banner大大隻字寫住烤魚就吸左我上去啦！唔知點解烤魚有種吸引力，唔會厭，可能我都唔係成日食掛～～上到黎好多野都好自助，方便拎仲有熟食提供，不過唔夠熱，夠熱既話應該幾好食既未黎烤魚個陣夾左黎食主角登場！！！魚煎得好香，而家唔係太多骨，但係都要小心D食至好！可以係出面夾D配料，多種選擇，緊有一樣岩肉類就要係menu揀，有D要加錢先可以點餐廳會按人頭送蝦比你，食完覺得好食可以加錢食完仲有甜品呀

東亞洲盛行冬天的時候打番個温暖便爐，其特色為邊煮邊吃，熱氣騰騰任食兩小時雞煲、烤魚、火鍋，都可以隨便選擇，所以今次我會推介專門店雞煲烤魚火鍋]食飽飽既同時又可準備過冬而且慳住荷包要儲定之餘再者鍋中食物具有保胃暖身功效！葵芳後街新開火鍋店,雖然係上樓經營但地點方便靠近沿途鐵路站，步行只需8分鐘餐廳地方闊落獨立枱或四人梳化廂首先雞煲辣度可以由食家自由控制我選了小辣，雖然本人不是特別好雞煲，但場內叫雞煲人士頗多，半隻雞份量肉質鮮嫩，配合得剛好唔會過咸而蓋過味蕾，最重要雞件少骨鮮甜剛熟令雞滑嫩無比吃過不停火鍋料落足心思去迎合，兩旁最正中間係自助凍櫃放滿貨真價實食材如:滑雞片吊筒仔鮮冬茹餃子芝士腸蔬菜各款不同丸類等，讓客人隨意跟著自己心水點菜專為打邊爐而設，豬頸肉煙韌不會死實實，雞片脂肪肥瘦均勻，如各款餸料下湯久涮後亦不會變得糊爛保持口感，尤其係丸類啖啖彈牙爆醬，吊筒魷魚爽滑軟身等……員工長期追加添貨，品質確有一定水準，漏單既情況無出現種類和質素與逐碟計錢的火鍋料無異，非常欣賞如果一大班人傾計既話，兩小時限時任食充份足夠唔錯，牛品質粉嫩即叫先上桌，甘既價錢連加一$174食足，冇投訴啦

係葵廣行完街過左對面食任食火鍋上到去先知原來除左火鍋仲有得食雞煲同烤魚，但始終都係想烚下烚下，所以都係叫左個鴛鴦鍋除左肉類要用點餐紙叫，其他食材，熟食同野飲都可以自助拎。 食材款式同種類都好多，海鮮蔬菜丸類粉麵通通都有齊，有選擇困難症的朋友今翅大獲鳥~ 野飲種類都多同埋有heart，淨係忌廉溝鮮奶都有3隻味可揀。 熟食都有一大枱，個薯餅本身期望不大，預佢會唸，點知食落仲係脆，有點喜出望外肉類包括豬，牛，羊，魚，雞都有齊，一盤盤疊好咁上，其中最中意既係梅肉片，又薄又軟又唔肥~食飽飽就緊係出去攞雪糕，唔食雪糕仲有涼粉，花奶可自己加，對於無選擇困難的我，多個選擇又再開心d~

好耐好耐冇黎過葵芳行了，係葵涌廣場同新都會行左接近一個下午，係時候坐底醫肚了。係地鋪一個招牌帶左我地上到黎二樓。同其他放題類既食店一樣，不同時間離座，收費會有唔同。但係估唔到，我地六點鐘入座，但已經有不少枱客食飽走人。佢既煲類主要係分雞煲、烤魚煱同湯煱。其實本來我地係比烤魚吸引左上黎，但係最後都係叫左秘制極品鷄煲，辣度係小辣。今晚既人手明顯唔多，但係店員服務殷勤。過左一陣，鷄煲就黎到了。出奇地鷄件既份量蠻多，我地兩個女仔驚食唔曬。雞煲小辣既辣味不太明顯，而且後期加湯會把辣味沖淡，我建議可以選較高既辣度。配料方面都較為大路，不過款式都幾多，雖然我冇仔細去數，但都有兩個配料櫃，蜆、豬紅、芋絲、韓國年糕等都有得選擇。而粉麵類就有烏冬、公仔面等，因為我本來對粉麵飯冇乜興趣，所以就直接跳過左。最特別係有一個熟食區，我就偏小朋友口味好煎雞翼同薯餅，雞翼同薯餅脆口，唔會有擺涼既問題。甜品有西米露同綠豆沙，兩個都係低糖的，同埋有涼粉、啫喱。飲品區有一個專放可口可樂產品既櫃，其餘都有啤酒櫃同其他飲料櫃。本來對百餘塊既放題期望都不大，但係係呢度都幾喜出望外，食物選擇多，服務都唔錯。

同男朋友好耐冇見啦！今日趁考試前要見一見！我地黎左葵芳食雞煲！近佢返工啊！雖然呢間餐廳嘅大廈要行樓梯上，但我就行樓梯當減肥嫁啦！我地入到去見到環境都幾大，座位闊落，好舒服！好多人，一家大細又有，情侶拍拖又有，朋友聚會又有，結婚週年都有（系我地附近咋Haha）。另外，佢地有個自助熟食區，可以自行選擇小食，有冷盤有熱盤，任君選擇！可以比我地系食野前食小小，當開胃！呢個任食自選櫃有啲似中藥櫃haha，好得意！入面啲野多不勝數啊！超級抵啊！仲有大家最愛嘅芝心丸同蟹籽丸！我覺得好好味啊！同街市買嘅一模一樣，但呢度系任食嫁！我地揀左秘製極品雞煲中辣！唔係講笑，真係好辣！而且秘製汁好香，秘製汁同辣味滲入左啲雞度好入味，好惹味！佢個爐都好夠力啊！啲雞好快就熟曬啦！食到我地津津有味，食完一煲仲想叫多煲！食完啲雞，倒左啲高湯落個煲度，瞬間變邊爐又得！我地叫左好少野，有點兒唔抵！但係冇咁大個胃就唔敢食咁多嘅野，唔想做大曬鬼！我地點左打邊爐必需品 - 肥牛！另外，都有我好中意食嘅魚片同鯪魚滑，又有得整鯪魚滑啦！！！另外，餐廳好窩心咁送左兩隻蝦比我地啊！！好開心！但係男朋友唔中意剝蝦，又系我黎！肥牛，肥瘦適中！

朋友成功上車，今日特意到佢葵芳新居幫忙睇裝修工程。當大家十五十六時，久久未能決定食咩時，有個朋友建議打邊爐，上openrice 看到附近餐廳，見到極品煮意餐廳有熟食又可以打邊爐。餐廳有3隻不同顏色餐牌，只需要選擇自己口味的雞煲、魚煱或湯煱，接著可以選擇另外付費的海鮮或材料，還有不同程度的辣味可選擇。我覺得餐廳提供任食的材料已經很足夠。我們選擇小辣秘製極品雞煲，很野味，雞肉入味，肉質嫩滑。餐廳還提供超過8款不同的熟食，於等待職員上菜前可以嘗試。蜜汁腸仔很好味，忍不住一添再添，味道甜甜地，又帶點咸。食完雞後，當然要加湯轉打邊爐，餐廳一早已放了湯於桌面，可以根據客人自己心意，加入適當份量。勁多不同款式的材料，一定可以選擇到自己喜歡的。金針菇及蘿白是我打邊爐的素食材料，蘿蔔煮到最後才食，可以吸收湯汁的精華，而金針茹爽口彈牙。還有不同的丸類，粒粒爽口彈牙。咁肉食材料不能缺席的是牛肉啦。薄切牛肉，只需要過一下滾湯，牛肉口感嫩滑。薄薄的魚肉，十分新鮮，肉質有光澤。

今次已經是第二次到訪，呢度冇咩大嘅轉變，質素都同上次差不多。今日叫左烤魚，魚質尚算嫩滑，亦頗大條，不過好快就食曬！亦覺得愈食愈開胃，唔夠飽。鐘情於飯嘅你可以去自助區裝飯，個人覺得呢個汁送飯都好正！仲有熱茶熱水供應，健康啲嘛！當然仲有其他飲品，都有好多選擇想食啲熟食都有架打邊爐嘅食物可以喺出面個櫃拎到，有勁多選擇，而肉類要靠落單紙點，有啲就要收費！餐廳送左2隻海蝦比我地，新鮮彈牙！最後都飽啦，食埋甜品就滿足離開餐廳，每人都係＄１５０

朋友之前食過極品煮意的雞煲，覺得抵食好味，特意推介我吃。今日我和媽媽就專程來一試真僞。7點幾到，餐廳已坐滿人，座無虛席。呢度可以選雞煲或者烤魚。我們選了秘製極品雞煲，食完可以加水打邊爐，一舉兩得。先食雞煲，洋蔥，芹菜滿鋪在雞煲面上，香氣四溢。雞件惹美，好嬾滑，而且份量不少，足夠2人share，朋友果然沒有介紹錯。食完雞煲，我們加水打邊爐。打邊爐配料不少。其中美國肥牛，五花豬腩片，鯇魚片，手打鯪魚滑，蒙古羊肉片等等任點任食。當然其餘，丸之類，蔬菜，金菇等也是任食的。仲每枱送兩隻蝦。其餘仲有熟食。飲品，雪糕當然吾少得。

今次已經唔係第一次黎依度食飯，由於公司係附近既原故，平時多數同同事黎，不過今日同老婆係葵芳行街，而佢又想食火鍋，所以特登介紹佢試依間。 我哋比平時食飯時間早到，所以唔駛等位，兩個人坐左六個人卡位，好鬆動。 一開始要揀一個煲先，主要係雞同魚但係有好多唔同味揀，而今次老婆就揀左有少少辣既魚煲。一黎就係成條俾你，同平時食既水煮魚好似，雖然我唔係咁好魚，但我都有幫手清左三分一度，啲魚食落都好入味，又唔多骨，就當頭盤咁食。食食吓，老婆又攞左碟小食埋嚟，有雞翼，腸仔同薯餅，我地兩個人唔駛三分鐘就清哂成碟野，見差不多，就開始出去攞火鍋料同野飲了。野飲既選擇比較多，眼見有成四五個雪櫃，每個擺既飲品都唔同，見有個blackberry既果酒之前黎既時候都冇飲過，今次就首先試吓依個先，味道有啲似jolly shandy, 幾易入口，野食選擇亦好多，你睇我啲相就知啦，不能盡錄，由於要留位食我既主菜，安格斯牛，所以我其他野反而係hea 食咁滯。貴嘢都係哂張 order 紙度，但係我既目標都係放係安格斯牛度，始終出面任食既只有普B通肥牛，好似依間有安格斯任食比較少，兩碟，四碟，六碟咁上。。。最後我一個人食左十碟，

在葵芳逛完街，就到附近這間火鍋店打邊爐。極品煮意除了有打邊爐，仲有雞煲，烤魚可以揀。我就揀了雞煲和打邊爐我揀了秘製極品雞煲很多芹菜鋪在雞煲上面，雞煲香氣四溢。雞件份量多，雞件又滑，叫了走辣，仍然好惹美。食完雞煲，加湯打邊爐。呢度打邊爐的材料有好多選擇，有我喜愛的美國肥牛，又有五花豬腩片，仲有金菇，好好味的頂級香菇貢丸，丸都有十幾款，選擇好多。每枱送兩隻蝦，好新鮮。打邊爐的材料一盤盤承載住，方便大家拎來食。仲有熟食，雞翼夠香脆，好味。甜品有低糖芋頭西米露，低糖蕃薯糖水。糖水是低糖，夠健康。當然汽水，雪糕必定會有的。飲品亦有好多選擇。以$160為一個人，又有雞煲又有火鍋，實屬抵食，值回票價。

約好左朋友又黎一個飯局今次撞著冷風到達, 食個雞煲就暖笠笠啦!!同老公之前都係附近既西餐廳食過野發現呢一帶都原來幾多食肆, 今次就會一會呢個極品煮意啦!上到去, 唔使等, 仲有卡位坐望下張畫畫紙先...呢D都係任點任食所包既野黎既~初頭都以為, 下? 得咁少既???原來自己眼殘.........MISS左出面成2個大大既食物櫃菜啦, 丸啦, 腸仔啦, 仲有鵝腸, 栢葉, 尤魚, 吊筒烏冬, 麵....etc所有打邊邊既好朋友都聚集哂係呢2個櫃度隨時點拎都冇問題呀!!個煲未ready之前, 仲有唔少熟食俾大家食住等好貼心~話黎食雞煲, 梗係叫返個最惹味既原味雞煲黎食啦!一上枱, 香噴噴~等多陣就食得lu!!!!雞既份量都唔少bor, 我地4個人都夠食!味道呢~出面其他店既雞煲多數偏咸呢度既呢, 唔會過咸之餘好有麻辣香~~因為我地叫左小辣佢唔算好辣, 麻既感覺會重d食落好過癮~食完個雞煲, 就開始烚下烚下枱面有一壺已經ready既湯底好好呀, 隨你幾時食哂個煲就可以倒落去轉打邊邊頭先已經拎左一大堆食材返黎最開心既就係d牛栢葉同尤魚, 好正呀!!除此之外, 先前畫紙既order都送上黎有魚片

下午5:00，兩大一細入極品雞煲，點知5:30停電，跟住話廚房無電，拎唔到牛肉，結果熱到痴線，只叫我地拎出面d野食，但熱到無胃口，叫佢埋單，仲要收一大一細錢，最後太熱，唯有屈服，聽伙計講，成日停電，大家唔想一肚氣，就最好唔去呢度食，食物普通，但落單想叫肥牛？無伙計理你囉！