極品煮意 鷄煲.烤魚.火煱 (Closed)

之前聽朋友講呢間餐廳CP值幾高，今日過來順便一試。如圖，佢係唔同時間會有唔同嘅價錢，今日假日收費就係$178+10，未計加一。一入到去foodpigss🐷🐷就揀左極品雞煲，係等佢上雞煲嘅同時，我就去左熟食區搵食，入面有唔同嘅前菜，包括青瓜，炸野腸仔，同埋糖水等等。雖然普通，但係味道十分唔錯，絕對唔會係過夜同埋係岩岩炸出來。拎完冇耐熟食都未開始食，雞煲就上到了。雞煲份量十足，而且十分香口，估計係香料十分足夠，有少少麻，食得十分過癮。食完後就自己拎旁邊嘅湯倒入去，呢個時候當然去配個醬料，當然唔少得蒜泥同埋炸蒜豉油啦。火鍋配料方面，除左肥牛豬豚肉或魚類，呢到係自己夾嘅，種類都幾多，包括有唔同嘅丸同埋菜。保冷都做得幾下，D菜十分新鮮。飲品方面，有冇酒精都係任拎，呢到比較有特色嘅就係自製餃子，豆漿同埋甜品。每樣試少少都可以食得十分飽。

由於成日行葵廣同新都會，入面好多餐廳都試過，所以今次就行遠少少去周邊餐廳試下，然而就去左呢間主打食鷄煲，烤魚或火鍋的餐廳。由於今日係假日，收費就係$178+10(未計加一)。因為得兩個人既關係，今次只可以選一個主食，就選左極品雞煲。 呢個雞煲嘅雞都肥幾好肉地，而且幾滑。兩個人食埋都飽左7成，之後枱面會有湯自助加落鷄煲到之後就可以打邊爐。配料都有三四十種下，都係用自助形式，雖然咁樣要行來行去，但可以好快咁簡到自己鍾意食嘅菜都十分唔錯。當中以菜類最新鮮，全部都係好綠冇變黃。如果想再叫肥牛豬肉片或魚的話就要用紙寫。飲品方面都幾多選擇，可以拍得住出面大型放題咁多種類，但係如果大家對啤酒好有要求，要飲藍妹同埋雪花就要加少少錢啦。總括來講，呢間野性價比幾好，值得再去。

今日跟很久不見的朋友一起吃飯，就選了在朋友家附近的雞煲，可以坐久一點。坐下之後先選擇湯底，去得雞煲店就當然要吃雞煲啦~點完湯底可不是坐下來聊天的時候，要起來選擇飲品跟食物了飲品櫃都有3個~而且還有熱茶提供~一整壺拿回坐位慢慢喝~太多了~~~選擇困難症發作除了火鍋配料之外還有熟食~終於選好食物可以坐下了雞煲剛好來到~想不到價錢如此抵的火鍋店竟然連海鮮CP值都十分之高不過肉類就好像有點兒太多脂肪了菜餃是店家自己包的，餡料超足吃到最後當然要吃甜品加雪糕啦~好幸福啊

假日同屋企人plan咗食雞煲，見葵芳呢一間極品雞煲嘅評論都唔錯，於是就去試吓啦。一入到餐廳裡面，已經聞到陣陣雞煲既香味。餐廳既空間好大，而且非常寬闊，坐得好舒服。除左雞煲之外，仲有好多唔同選擇，不過第一次食，都係先試左雞煲先肉類係要用紙點的，其他火鍋配料都係自助形式的火鍋配料既種類非常多，有丸類、蔬菜、腸仔、內臟、午餐肉、豆製品，仲有蜆tim而且仲有小食自助區，小食賣相好靚，望落好惹味雞 煲一黎到要先煮一陣，等收乾d汁先可以食，味道非常濃郁，食落好惹味，而且雞肉口感好滑，一啲都唔韌食到差唔多我哋就開始加湯打邊爐，必點美國安格斯肥牛，牛味濃，肥瘦適中而其他丸類同埋蔬菜都十分新鮮，而且感覺好乾淨整潔而自助嘅小菜，味道都唔錯，多數以辣為主，非常惹味飲品同甜品都係任食嘅，自己鍾意食咩飲咩就自己揀啦，食完正餐食甜品就啱晒啦，最後都食返杯雪糕做完美嘅結束。 總括來講，食物款式種類都幾多，而且味道都唔錯，價錢都幾抵食，一定會再次幫襯😆😆😆

平時食個雞煲，每人都要二、三百元左右，今次路過，突然又想食!!!原因無他，因為這間6點半前結帳，每位只需100元!!!真的非常非常便宜的食到飽任食火鍋呀!!店內環境很不錯，超大間，今次去食的時間比較早，所以好多座位可以選擇~一入去就可以見到好多自助食物。例如涼拌小食之類的，每款都好好味道，特別是這個芽菜，好香好好味道!!飲品是超級多，不是一般的多，由汽水到酒到豆漿再到茶，應有盡有。我好喜歡這裡的茶是一壺的!!好像去了茶樓一樣~~調味料都是自助的~選個自己喜歡的組合吧~坐下後先點選鍋底，我們都是決定要食雞煲~點的是中辣，我覺得再辣一點會更好，下次可以試試大辣~雞好嫩好滑，而且好入味。吃到差不多就可以自行加入湯底~湯滾開了就可以放配料。店內的火鍋配料不能說是很多，但想要的都大概有~選的時候，店員不停向我們推薦店家自家製餃子，這個的確味道很不錯~~牛肉比較薄，喜歡的多點幾次~~另外，湯底配蔬菜真的好喜歡!!吸收了雞煲的甜和辣~最後，再來甜品~有雪糕和糖水~非常滿足!!!

星期六約咗朋友去葵涌廣場行街，行到咁上下，朋友話帶我食雞煲，佢話之前喺附近食過一間雞煲唔錯，就帶我去試吓啦依間雞煲按時段收費，假日繁忙時段都只係＄158加一，都真係幾抵，而且好近葵涌廣場，地理位置都唔錯呢間餐廳除咗食雞煲之外都仲有好多唔同種類嘅煲，我見仲有魚煲同埋其他火鍋湯底。不過朋友極力推介雞煲，所以就食雞煲啦。肉類就係另外喺點餐紙度叫嘅而火鍋配料就係自助形式嘅，隨你喜歡自己鍾意攞咩就攞咩，款式都幾多㗎，驟眼睇都幾新鮮，而且處理得好乾淨整齊咁我最愛嘅麵類，攞嚟食雞煲一流，可以索晒啲汁飲品同甜品都係係個雪櫃裏面，客人可以自己隨便攞，款式都有好多㗎雞煲都未上已經先送兩隻蝦黎，都幾大隻，望落幾新鮮雞煲香噴噴地上枱，聞到重慶嘅味道，雞肉好嫩滑而且入味，醬汁好惹味，仲有啲洋蔥喺裏面，索晒啲汁非常好味食雞煲之餘不忘食佢出名嘅自助式小菜，都係偏向惹味既，個人最鍾意嘅就係酸辣土豆絲，土豆絲爽口，味道酸辣開胃個人亦都十分推介安格斯肥牛，食完雞煲打邊爐嘅時候淥塊牛肉都幾正，牛肉新鮮肥美食雞煲點少得飲番啲凍飲解解辣，餐廳自家製既豆漿，豆味濃郁，而且口感香滑仲有糖水食，芋頭西米露係我摯愛，食埋呢碗糖水可以畫

平時喺葵興返開工，放左工都慣左去尖沙咀或者荃灣食飯，都冇諗過喺附近食，甘啱有同事同我講係葵涌廣場附近，有間好抵食嘅雞煲火鍋，所以星期五晚就去試吓啦！我哋七點半去到，當時都未滿座，所以我哋兩個人，都可以霸四個位，方便擺嘢食。除咗打邊爐之外，出邊都擺咗好多小食，最好食就係雞翼，你睇幾大隻。其實除咗雞煲之外，佢都可以揀烤魚或者普通火鍋，而我哋由於唔想食辣嘅關係，就揀咗個清清地嘅蟲草花椰子雞煲。雞煲到咗，都幾多蟲草花同雞，味道清清地，飲落都幾舒服。食晒d雞後，我哋就出去揀咗好多配料，配料好多選擇，最鍾意就係有咁多菜，平時打邊爐好少會叫咁多菜，今次仲要係任夾添，佢其中一個雪櫃仲寫明新鮮蔬菜，分別有娃娃菜同唐生菜，擺得都幾精緻。除咗自己夾配料，其實仲可以任點肥牛、鯇魚骨腩、豬肉片等。另外，佢哋嘅飲品係超多選擇，只係飲品，都已經放五至六個雪櫃。而另外一個驚喜，就係即食麵烏冬嘅選擇，全部都未拆袋，感覺好衛生乾淨及大方。最後，我哋每人食咗兩個雪糕先走，老實講味道唔算非常驚喜，但係用呢個價錢來說，是超級物有所值。

今次係第二次嚟到極品煮意所以已經記得佢大約有咩野食提供喇食到飽之旅正式開始一嚟就拎咗啲熟食先，解下餓上次嚟係點烤魚，今次試雞煲因為雞可以無限添加，即係可以狂啪雞啊！雞唔算話好入味，但係以放題形式嚟講算係唔錯另外有收費項目同埋任叫食物記得睇清楚先好嗌啊埸內仲有新鮮豆漿提供呢d係免費啤酒亦都有需要付費嘅酒，例如藍妹咁調味料已經包咗喺費用入面當日都有好多人嚟食，但係食物嘅供應速度都好快而且店員會keep住refill限時2小時嘅放肆結束喇

一講起葵青區，相信如果你係同我一樣成長於2000年代，一定會諗起葵廣～相信呢個亦都係好多人中小學的回憶。最新同朋友經過想回味呢一種青春感覺，不經不覺行左3個鐘頭，血拼左一大輪之後，友人拉左我去葵廣後面，原來佢想同我食呢間放題餐廳！一上去發現已經好多人等緊位，十分熱鬧～餐廳同一般的放題唔同，屬於半自助形式，首先坐底可以先選擇食雞煲或者魚煲，落完單係等緊的同時，可以去近門口的自助吧先拎少少前菜開開胃，有泡淑雞腳同埋手拍青瓜等前菜，完全令食欲大增～！差唔多食左一半前菜，香噴噴的雞煲好快就送到你面前，就咁睇已經流晒口水，加上開胃前菜已經頂唔順啦！！！我地叫左中辣，食落雞肉比想像中入味，而且肉質好嫩滑，抵讚！如果唔夠喉既話就當然要試下餐廳自家製作菜肉餃子啦！除此之外仲有各式各樣飲料以及甜品提供任食，大滿足呀！

有朋友介紹話呢度嘢食唔錯，1行6人就去試吓新嘢......去到舖頭位於2樓要行樓梯......舖面沒有豪華裝潢，不過都算整齊舒適，好有做街坊生意嘅感覺問侍應有乜好介紹，佢就好親切咁介紹咗一個招牌雞煲同一個麻辣酸菜魚煲同問我哋食唔食得辣同今日乜嘢魚新鮮d......今次介紹我哋食隻叫劍魚喎⋯⋯上菜速度都算快，首先上嘅係魚煲，香氣撲鼻，魚肉新鮮嫩滑，仲要好大盆......之後再上埋個雞煲，非常多配菜兩個煲睇樣已經攞咗唔少分，加熱後立即試味，雞煲非常入味，鍾意重口味嘅一定啱哂😋我就最鍾意食入面嘅洋蔥喇！而且雞係可以不停加......我哋就加咗3次😆期間又問吓我哋夠唔夠辣呀⋯⋯可以加d湯冇咁易燶⋯⋯跟住再食個魚煲，啲肉非常咁好味值得推介😋唔使一陣就俾我哋食哂，而個湯味度都好好，可惜魚就冇得再加唯有剩低個酸菜魚湯留嚟打邊爐囉，放題食物款式都算多排列得好整齊，全自助式......另外火鍋肥牛五花腩等貴價嘢就要order 送嚟，因爲每碟得幾片份量唔多，所以我哋叫咗好多轉，不過落order後都好快到，真係辛苦咗位侍應......最後埋單都係每人$170幾，價錢算中規中矩啦有機會都會再去食嘅😊其實放題係

雞煲好惹味就係人都知啦但係點解會咁咁咁抵食架~!!葵芳呢間極品煮意138就任食任飲首先睇下呢個雞煲先~因為走左青冇左D綠色,但完全不減美味,聞到真係想食完再食有少少麻醬料好濃食完之後仲可以加雞,一定食到滿足哂~出面有好多蔬菜同野飲任拎最開心就係有jolly新地,真係一D都唔少野食肉可以剔左先拎黎有安格C牛,豬同羊片~唔少得就係不同種類既丸啦~雖然雞煲邊爐好多都大同小異但係係正呢個地點好方便,葵廣隔離又多野行多野買樓上店多位又坐得舒服一定會再去呀!!

心血來潮想食雞煲上網睇呢間價錢幾抵食又未食過就試吓好唔好食都好多唔同嘅煲類同埋湯底可以揀仲有好少地方有得食魚鍋不過我哋最後都係揀咗秘製極品雞煲個雞煲超級入味又野味煮起上嚟超級香而且個醬汁好香濃食落去啲雞好滑好有驚喜啲牛肉質素都幾靚夠晒多脂肪我最鍾意食肥嘅肥牛所以非常合我口味除此之外出邊仲有勁多唔同嘅小食俾你任食有好多都係有特色嘅有川菜風味嘅唔多地方有得食㗎而且佢帶啲麻辣味越食越想食嘅感覺同埋一定要試吓個青瓜超級爽口出邊有好多嘢飲可以揀連忌廉溝鮮奶都有蜜桃味士多啤梨味特別推介士多啤梨味唔多地方有得飲而且味道好香除咗一般嘅牛肉豬肉之外出邊連蜆肉都有得食！仲有豬紅鮮滑牛肉豬面青腸仔粉絲等等非常多選擇！咁嘅價錢食真係幾抵～款式多服務態度又好呢度啲店員都好親切！

呢日男友話想打邊爐，減緊肥的我又唔想食咁多肉，於是就黎食烤魚啦食完烤魚再任食打邊爐都係唔錯的選擇先揀個鍋，原來都有16樣選揀，真係花多眼亂啊。好彩我一早諗好係黎食烤魚我揀咗中辣嘅酸菜烤魚，兩邊有好多酸菜用料多，好香，酸酸辣辣好開胃條魚都幾大，夠晒我地兩個人食呀食完烤魚可以攞打邊爐嘅配料同埋小食呢度有好多款熟悉同埋涼拌，仲有兩款糖水我試咗涼拌海帶同埋蓮藕，小小辣，好爽口幾好味有幾款菜自己拎火鍋配料：款色都幾多，我幾欣賞自助夾配料，因為可以自己因應份量黎夾，唔怕食唔晒啦！另外都有張紙俾要點食物的：我試左肥牛同鯇魚片。鯇魚片好新鮮，食落口好滑食飽有啫喱同涼粉我就試咗佢嘅豆漿，豆香味濃，唔太甜呢間價錢幾抵食 又就腳

有雞煲 同烤魚揀 叫左普通雞煲食好入味 好多雞 ，兩個人完全食唔曬每枱仲有兩隻蝦送 好彈牙同大隻雞仲要係脾同多肉既話 好正仲有花椒同八角 好足料火鍋料都新鮮 仲有前菜食 前茶冷盤好好食抵得一讚公仔麵仲要係一丁麵 抵食驚喜係野飲就豆漿揀 味道不錯肥牛半肥瘦 好正最後環境舒服 服務態度十分好重點 168 連加一 真係好抵食

去左葵芳，九點幾走去打邊爐，見到個價錢又OK , 咁就試下。之後我地叫左個咸菜豬肚雞煲，聞到個湯底都幾香，食落都幾好味，又唔會太咸，而且呢間雞煲都好多野揀，野飲都有好多種類，又有好多熟食可以攞黎食，d熟食都Ok。其他打邊爐既野食都幾新鮮，唔似得有d鋪頭又有野變味又唔新鮮，所以呢間d野算好。同埋有雪糕同糖水可以攞黎食，仲有啫喱同涼粉。環境都闊，多人黎食都唔會話好迫。如果下次想食打邊爐，都可以再黎呢間打邊爐。