原味家作

Open Now

Now Closed

佢啲燒賣，係好特別嘅，每一次想食燒賣，就算返工唔順路，我都會特登行過去買，無他嘅，係好鍾意食燒賣入邊啲木耳絲，爽脆，佢哋粉漿又唔會太粉，呢間啲燒賣係我食過都算數一數二，下次再encore🤩

日日lunch都已經唔知食咩好，日日諗到好苦惱~有同事提議去食原味家作~標榜無盬無味精😉有湯飲又無味精幾好啊..平時日日食外賣食得太唔健康😂😂😂以前公司附近都有間飲湯既鋪頭不過因為疫情執左，所以我都好耐無飲過住家湯😂😂😂蠟腸排骨飯配螺頭雪耳湯 $65餐牌上有好多唔同配搭，搞到諗左好耐因為個個湯都想飲😂12點半去到已經開始多人，不過外賣既多，所以都仲有位坐🙂個飯就不過不失無乜特別，個湯好甜好飲，佢隔左渣岩哂唔食湯渣既我😝

今日想食粥🥣，又想食燒賣，醒起原味家嘅粥套餐就啱曬我口味喇😄我外賣左金銀蛋瑤柱鹹瘦肉粥🥣加燒賣套餐。早餐黎講，碗粥嘅份量尚算ok，加埋佢個菜脯，幾好味。但有點失望嘅係金銀蛋瑤柱瘦肉非常之少😅😅。燒賣有6粒，份量可以，大家可以自取豉油、辣椒油加埋食😋除左燒賣之外，呢間店舖嘅早餐款式還有好多配搭，如炒麵、飯卷、豆漿🥛等。套餐都幾抵食嘅。

今朝想食燒賣，就去咗附近嘅原味家作買早餐。呢間店舖嘅早餐款式都好多選擇，有粥🫕、炒麵、燒賣、豆漿🥛，飯卷等等。可以散買，可以買早餐，但係套餐係抵啲嘅，haha。我今日去到都多人排隊，但係職員效率好快，好快就買到早餐喇。我外賣左菜乾豬骨粥加燒賣套餐😋😋早餐黎講，碗粥同排骨嘅份量OK嘅，排骨唔肥，加埋佢個菜脯，味道唔錯。燒賣就有六粒，大小算適中啦，加埋豉油、辣椒油配搭very good喔🥰。唯一美中不足係食物唔係好熱😅，希望佢哋會改善下啦😃下次會再試吓佢嘅豆漿🥛加炒麵。

忙完坐底飲涼茶飲完舒陽透心涼得閒作下詩人生更寫意講完爛gap再講反枝涼茶😂———————平日經過原味家作都係外賣，唔知道原來呢間有堂食😊天氣熱到死，忙完一個上午又到咗午餐時間，但係又未肚餓，人又多，買枝涼茶飲吓坐底抖抖，晏小小先在搵嘢食😂😂—————-呢到既食物同涼茶都唔錯，有時自己無時間煲涼茶，經過都會買枝涼茶飲吓，近排疫情雖然較早前回落，但都買枝潤肺涼茶飲吓👍👍👍👍👍—————-一飲透心涼再飲會愛上閒時飲涼茶做人唔會濛查查😂😂😂—————開心🥳⋯⋯簡單

在等人期間想找個位置坐，看到這店鋪想起有優惠券，所以就決定換個湯，坐下來等人吧。 這家店鋪在商業大廈的大堂，冷氣不算多但尚算涼快。 由下單到取餐不用五分鐘，果然很快😂😂。💥無花果蘋果海螺雞湯 HKD$58，這個價錢屬於中等，性價比一般😅。 不過湯品很熱，需要攤放一陣子才飲用。 這款湯品的味道挻清甜，只飲到蘋果味道，飲不到有雞湯的味道，裡面沒有材料的。這個湯品味道偏淡，味道和性價比也只是一般，但湯品顏是清透的。 看到來買東西的客人是買飯多過飲湯的😂，還有一張湯品劵，下一次再飲其他湯品吧。

落雨斯濕☔️ 真係唔想四圍行，最衰呢排又無準備啲蔬果擺喺公司，唯有落樓下搵食，不過來來去去都係果幾間餐廳， 有時真係食到好悶👉🏻👈🏻 之前成日見同事攞住 #原味家作 嘅外賣返公司食，反正我都未試過，就問同事借張會員卡（有9折㗎）去試試😅餐牌上有好多唔同嘅配搭，睇到我眼都花埋，最後鎖定要 #粟米魚肚羹，再隨意揀咗個 #酸甜陳醋燴肉排飯😏 #粟米魚肚羹 好足料，單係飲晒個湯已經半飽😝 輪到要試吓個 #主菜「酸甜陳醋燴肉排」，個醬汁都幾送飯嘅，但係啲肉排得棚骨，用料似乎就差咗啲。加加埋埋都要$62.1埋單😅 又要排隊又要等... 早知都係坐抵喺 #茶記 算啦😉

繁忙既生活已經令人透不過氣，OT完收工，想飲返碗靚湯滋潤真係難上加難，好彩有原味作家。但係佢地如果淨買一碗湯都已經要四十幾蚊，六十幾蚊一個餐就可以包一個主食加一個湯，我就揀左一個炒麵加一個章魚蓮藕湯，炒麵不過不失大大份，夠晒飽，加碗湯好有屋企住家湯既味道～十分滿足。😋👍🏻

搬咗新公司之後發覺呢度附近真係冇乜嘢好食而且又貴同左個同事諗起附近有呢間原味家作就決定走去買外賣嘩，佢一個餐都60幾蚊不過就包湯如果淨係個湯都四十幾🙈所以好似叫餐抵啲而我呢，就揀個最平嘅餐，又有湯飲所以嗌咗炒麵餐不過佢雖然都偏貴，但係個湯真係好似冇加味精，而且好足料👍🏻👍🏻👍🏻我嗌左章魚蓮藕湯，真係好似媽媽煲咁同事叫左飯餐，試咗少少佢嘅餸，都唔錯呀我個炒麵亦都唔差😋附近來講算係咁啦

今日胃口欠佳，想飲個湯，買個大湯550g話每碗有9成滿，又不是第一次買，立即去問返店員換來只係一肚氣，，如果無湯券呢個湯要89，真係離哂譜，大家睇下相邊度有9成滿啦。。。

因為係公司附近, 所以方便就腳, 有時買午餐. 下午茶食就幫襯...有時有帶眼鏡肥肥地既女仔收銀, 粗聲粗氣!有次試過另一個比收銀低級小小既女仔, 成份燒賣掉落台面, 蒸氣水熱親我!講真, 野食真係麻麻, D飯好硬, 糖水稀到好似用水沖開 (嘔)

唔知點解每次食飯時間先落雨😑 唯有去附近買外賣返公司食。突然間好想飲湯，知道附近有間原味家作，講到明無味精，無雞粉，原味道，就試吓佢啦～如果只是想飲湯，呢度都可以單點老火湯。見到有套餐，貪方便點套餐就算，包一杯8安士的老火湯。我點了今天的午餐，木瓜蘋果螺片豬腱湯 + 蕃茄炆豬柳飯。首先那個湯真的好喝，清淡的木瓜蘋果味，甜甜的，但整體上又有濃郁的感覺，就因為是老火湯嘛😋蕃茄炆豬柳 我就覺得一般，看上去很油膩，但味道還可以了，豬柳看似有點乾，但咬一口又不是那回事，肉質爽爽的。至於飯是用了糙米，比較健康了。

去返工嘅時候經過見到幾多人排隊，橫掂未食早餐就睇下有咩好食啦。見最穩陣應該係一份燒賣加豆漿，燒賣係幫你加蓋之前，佢會先比你自己加醬油、辣椒醬同埋仲有辣菜鋪，豆漿可以揀凍或熱都得，就算前面有3、4個人排隊，排隊等買完去到拎走得都係5分鐘之內，算幾快手。而且，夠時間既話，可以揀堂食，唔洗外賣，坐係到舒舒服服食埋先返工又得，d位都幾舒適，就算唔係早餐，下午茶過黎偷食一下又得。味道整體滿意的，特別係d 燒賣辣椒油同辣菜鋪互相配合

買左原味家作既牛腩飯！ 要成$50蚊仲要得4件牛腩！ 真係點解可以咁貴！咖啡味都濃！但配菜都好小！仲要全部都係胡蘿蔔！ 薯仔好小！ 佢個飯另上！ 份量都好大 但餸既份量就好小！ 所以我覺得佢既價錢同份量 質素都吾成正比啊