Outback Steakhouse (尖沙咀中心) (Closed)

Outback嘅黑糖麵包真係好出名，連我本身唔食黑糖嘅都覺得好食😂😂可能因為佢落左好多糖🤭成日都黎食lunch，今次就試下佢個ribs🤣·Baby back pork ribs($128)望落有少少細份，但都足足有9條骨😆ribs上面搽左燒肉醬，好入味🤤肉質嫩滑，唔乾唔鞋👍🏻👍🏻薯條份量都好多，熱辣辣食好正，呢個價錢有齊麵包、湯同飲品，真係幾抵食😋所以我成日都過黎食lunch😆😆😆

因為經常到帝國中心跳舞又慣性舞後食大餐所以 位於尖沙咀中心的outback就成為我們幾個大胃女王的飯堂無限添加的黑糖面包是必須吃和無得輸的我和朋友本來是生酮飲食的結果 破酮爆碳就係因為呢個包一般我們都不要餐湯加錢upgrade沙律菜然後 餐牌的lunchset幾乎都給吃遍首先介紹清清地嘅蝦沙律沙律菜新鮮爽口就一定喇不可不知 唔係間間分店蝦都煎得靚（銅鑼灣翡翠明珠店就唔OK）朋友中有全素食者每次點素肉漢堡什麼洋蔥 姜 蒜 葱 通通要走乾淨每次waitresses 都超有耐性廚師也從未出錯要給大大個讚雞肉夾餅都保持水準豬肋骨做得很嫩滑肉眼扒係當然之選咁梗係啦 扒房喎件扒掂係必須的順帶一提 餐飲都係無限添飲可以揾到一間坐得舒服食物保持穩定水準仲要價錢合理 直頭抵食嘅餐廳我豎起手指公👍推薦outback 特別尖沙咀中心分店肥務都好好㗎waitresses waiters都好有禮貌服務態度非常好👍

光顧了這間餐廳已經多次了,還是會食過返尋味無論想 chill 一 chill, 或是想吃飽肚的都能夠滿足!👍座位舒適之餘,餐廳內環境佈置亦十分寬敞.....最值得一讚的是：就算是繁忙用餐時段, 也沒有限制用餐時間！🥰免翁牛柳套餐$248肉質鬆軟,口感juicy... 跟餐的薯條熱騰騰的,口感十足豐富！😋豬肋骨套餐$168醬汁調教味道適中,不會太鹹,因為是套餐,一樣有薯條配送,並配有開胃酸菜, 也是必食之選👍所有套餐均配有黑糖餐包及餐飲, 仲係可以免費再添加的....真係抵晒👍😍唔想咁飽嘅話,多款特飲及小吃, 也令人有選擇困難啊😉😆

🫓燒雞肉芝士餡餅 $108餡餅一份四件 餅薄超香脆每件有兩三片薄雞肉 內餡有芝士 洋蔥同埋蘑菇粒夾著適量蜜糖芥末醬 惹味得嚟唔會過膩跟餐薯條係最愛嘅粗薯 有口感又食到薯仔味！表面撒咗啲燒烤粉更惹味🍔澳坊芝士漢堡 $98包體鬆軟 漢堡排結實有嚼勁但因為頗厚切所以保留到肉汁跟餐薯條就同餡餅嘅一樣出色

朋友生日相約咗去食牛扒之中嘅牛扒之星，未食之前已經聽聞多次好值得去試，今次終於試到，我哋叫咗個二人套餐，價錢六至700 ，雖然貴但係值得。首先俾咗杯檸檬水，兩碗香濃又滑蘑菇忌廉湯，之後就上咗好出名嘅黑糖麵包，不過我哋都覺得唔錯嘅，但係冇傳聞中咁好食。之後就上咗芝士溫泉蛋沙律，好好味， 沙律上鋪滿好多車打芝士，加埋日本溫泉蛋，令到個沙律好惹味，平時唔好沙律嘅朋友都讚不絕口。之後陸續就上燒海鮮同牛扒主菜，牛扒外脆內軟，一咬好多牛汁湧出來，海鮮都好新鮮啖啖肉，沒有多餘嘅調味，只係加咗海鹽同黑胡椒，新鮮嘅食物食原汁原味係最正嘅☺️☺️☺️。我哋連旁邊嘅烤蒜頭都唔放過，全部清晒滿載而歸！ 另外仲叫咗帶子鮮蝦意粉，上面嘅海鮮都好新鮮，意粉好彈牙，好滿足呀。

Outback steakhouse 常有光顧。但第一次參加旅行社本地遊都有機會品嚐。雖然有心理準備，旅行團未必食得好。去到當日原來有成百人於門外等候。心唸大件事。但團隊進場，領隊協助，服務生帶位到膳食安排都好有效率。其他客人不受影響。正式上菜，依然喜出望外。食材依舊有質素。水準依然。黑糖飽，薯條仍然新鮮熱辣！如果能夠用香港一天遊價錢，食到Outback。性價比真心抵。excellent! 熱烈推介！假日好選擇。

我係一個食肉獸，特別鍾意食牛。當發現他他生牛肉可放入口嘅時候，食牛就自然生啲都可以接受。但食比較生嘅牛肉時，我會選擇有信譽的餐廳，品質同衛生先有保證。so 見到Outback有粉紅嘅慢煮牛，當堂想試下。Order嘅時候侍應已經話會比較生，肉真係粉紅色咁上枱，如果接受唔到可以幫你兩邊燒一燒。但唔介意生牛肉嘅我，梗係想食原汁原味，所以叫佢唔使燒。上到枱，果然係粉紅色嘅牛扒世界啊食落口有非常鬆軟質感，又食到原有肉味，十分不錯。好嫩滑呀，入口少少溶，咇晒啲肉汁出嚟好Juicy🥰不過，塊牛扒比較多筋位，難切啲，同埋脂肪較少冇香味。

Outback Lunch set 好抵食，一有機會經過就會去食，個餐包餐湯+黑糖麵包+飲品，今次就叫左:-烤帶子煙肉白汁燴飯 $118三粒煙肉包住帶子，煙肉脆口加上帶子啖啖肉，好彈牙，食落有牛油香，放係重好濃嘅白汁燴飯到，非常惹味可口，已經連續係呢到叫左幾次呢個SET。另外仲包左黑糖麵包，外脆內軟，軟綿綿而又帶有彈性，帶有淡淡黑糖甜味，搽埋附上既牛油，好好味但好邪惡，黑糖麵包可以任食，所以都食左兩件。餐湯同飲品就普通野，食完又可以繼續下午既工作。人均: $100 - $150抵食: 💰💰💰💰💰味道: 😋😋😋😋😋服務: 💁🏻‍♀️💁🏻‍♀️💁🏻‍♀️💁🏻‍♀️環境: 😉😉😉😉😉

好耐無黎過食牛扒喇! 今次仲食多2隻黑糖麵包先!叫左份大牛扒2個人食 用鐵板上 大約5成熟 呢件大牛扒厚切 用鐵板熱力煎到七成熟味道更濃郁呢件牛肉脂肪豐富油感重 七成熟都一樣咁嫩滑有肉味 中間仍然係粉嫩色澤 好有肉汁!美國拼盤 酥脆炸雞 芝士薯條 豬肋排 炸雞塊配沙律醬炸雞上了粉炸脆,咬開好有肉汁仍嫩滑, 脆粗薯條加芝士醬,又脆又濃味豬肋排,BBQ醬好惹味黑糖麵包,鬆軟香甜好食!炸雞寶,每隻大大隻,咬開肉嫩多汁!平均消費$500評分8/10尖沙咀東部麼地道66號尖沙咀中心高層地下UG23-28號舖

真係非常鐘意食 outback, 閒唔中就想去食🤣 最鐘意食當然係個黑糖包!🥖 每次都要食兩條先夠!😅一直都係食 dinner, 原來 lunch set 都幾抵食! 當然質素一樣! 一樣有黑糖包, 一樣可以 refill! 🤭🤭Lunch set 都有好多款式選擇, 飯, 麵, 漢堡, 扒類, 沙律都有! 今次叫左燒肉醬味烤雞配有味飯🍗 份量都唔少, 烤雞有半隻 + 有味飯 + 少量蔬菜, 好均衡😄 雞肉都幾嫩滑, 真係唔怪得成日都想去食!!🤣

•特製洋蔥花球•$88呢個夠晒特別外型夠誇張呢個要趁佢熱辣辣嘅時候就要食啦因為又脆卜卜 又惹味如果唔係冧咗 就覺得多啲油唔鍾意食洋蔥 呢個都好易接受嘅(●’◡’●)ﾉ因為唔係好強烈嘅洋蔥味 但係又食到洋蔥喎不過真係好飽啊😂😂😂😂😂•辣雞柳蕃茄肉醬意粉(期間限定)•$128呢個辣雞柳幾好食以為佢啲雞柳會鞋颯颯但係佢鞋得來都幾有雞味～加上佢嘅肉醬意粉我真係幾鍾意食😆😆😆不過成碟自己一個人食 都真係飽㗎因為佢啲醬 唔係出邊嗰啲蕃茄肉醬意粉所以如果再嚟都會encore呢一碟但係佢係期間限定啊🤧•香辣燒蝦飯•$88呢個啲飯比較乾啲蝦係新鮮嘅但係呢個飯冇咩特別佢嗰啲蘿蔔絲係炒到好乾身 脆卜卜但口感方面我就麻麻呢一個啦因為我唔鍾意食一啲又淋又脆嘅嘢(●’◡’●)ﾉ加上佢呢碟比較淡味道•加拿大全天然無激素黑毛豬肉眼扒•$138呢個黑毛豬肉眼扒正呀淡淡都係肉 我就叫咗全熟嘅但係佢嚟到嘅時候 都唔會話超級全熟所以食呢個嘅口感係比較嫩嘅加上佢呢一個餐呢都配埋少少飯所以呢個餐算幾飽㗎啦 肉食獸啱曬！Ps 我呢幾個餐都係lunch time食嘅所以可能價錢同夜晚會有啲出入不過食outback都係一啲特別日子先食

公司同事farewell午餐，一於叫唔同main courses，小食一齊share!==============================🔸黑糖麵包Outback名物，可以免費無限追加🔸特製洋葱花球 $86洋葱花係幾壯觀，不過炸得比較燶同乾，外層更甚，好睇唔好食，大家share食少少就好😂🔸香辣炸雞搥 $72炸雞搥熱辣辣，醃得入味，味道夠唔使點blue cheese sauce都ok🔸燒蝦凱撒沙律 $88沙律不過不失，蝦表面灑上paprika等香料去燒，幾香口🔸美國頂級肉眼牛扒 $398牛扒表面焦香，肥膏頗多，肉中間呈微微粉紅色，牛味幾濃。燒蒜頭做配菜，喜歡蒜頭嘅朋友夾埋牛扒一齊食，多一種食法。🔸加拿大無激素黑毛豬肉眼扒 $138黑毛豬肉眼扒肉質爽口，中間juicy唔乾，配菜有西蘭花、紅椒、紅蘿蔔等等balance肉類油膩感==============================Outback Steakhouse📍尖沙咀東部麼地道66號尖沙咀中心高層地下UG23-28號舖

尼間餐廳一直想食好耐，香港有大量分店，不過可能太攰？職員既態度都麻麻地，未坐前想換個位置都有面色睇😅落完餐都好快送上餐包+餐湯。但勝在都可以坐得舒服不過用餐時間得1.5小時。-👅：黑糖麵包🥯送上枱後已經變左室溫但都唔影響佢既味道，一切落去好鬆軟配埋牛油食成件事好夾，仲好香既黑糖味。-👅：美國精選肉眼牛扒 $268一上枱望落個樣麻麻地，望落好多根，而且好薄但食落好有牛味好淋，充滿肉汁！完全同外表勁反差！同埋都有配菜：焗薯、雞油飯，尼啲都不過不失🤣但尼個價錢真係麻麻地。-👅：美國紐約西冷牛扒$268（12oz)塊牛扒都幾厚，口感都唔錯！但味道就唔太夠，唔夠肉眼牛筋個個咁有牛味。同埋好鬼韌，鋸到2046先鋸到一舊，再配埋佢個汁，淡到爆。-

端午節假期前的一個星期五，同一個就來要離開香港的壽星仔慶祝佢生日，雖然相識時間唔長但好有前途的後生仔祝你響異地開心生活，發光發亮大發笑彈😆唔好意思講返餐飯，好妹妹早左來攞位大家好快坐低就由我發板喇因為女仔多，只叫左6份lunch set, 另外加左兩款小食-炸蘑菇同炸雞鎚，可惜同行無人食洋蔥，下次有支持者再叫喇好黑糖包兩條加餐湯好快就上檯喇，黑糖包熱辣辣不過大家都驚飽所以都只暫時食左一半，湯係忌廉芝士粟米湯，因為係杰身好多料所以我都唔敢飲晒佢兩款小食顏色吸引香味撲鼻，生唔生暗瘡都要食返多少啦,兩款都係水準之上，菇菇$68，雞翼$78之後先來大蝦凱撒沙律-$78無睇錯一大排蝦同份量唔少的沙律菜，好抵食，蝦燒得唔乾加上芝士響面幾好食，女士來就咁食一份都一定好滿足之後再來西冷牛扒7成熟$228，呢個扒唔係差但又唔講得上好，性格比我下次唔會再揀佢反而再來的盲糟魚柳配飯就唔錯，魚柳煎得好香口，顏色吸引無腥味，加上檸檬汁食更見可口🥰Baby Pork Rib, 多年豬肋骨對決我都係投比ruby Tuesday 因為每次outback 都係燒得軟乾身嚡口，睇樣我都無抱有期望因為都係乾柴烈火D fri

其實為左食個炸洋蔥先來，個炸洋蔥係幾好食既。好似朵花咁，不過就咁食都好好食，點埋個芝士醬就有少少咸。呢一樣菜真係少有，其他餐廳都搵唔到，最後決定來試下，竟然最滿意既只有呢樣。牛扒真係有啲失望，叫左一份7成熟西冷，一份5成熟肉眼。價錢還可以接受，我自己食肉眼，雖然個心仲係粉紅，但兩塊牛扒表面都好柴，係乾到變肉絲/肉乾，表面食落真係好似煲湯啲瘦肉咁柴，要切走個表面肉乾先好啲服務係好既，不過我覺得呢個價錢唔應該食到質素咁差既牛扒。