Outback Steakhouse (Moved) New Location

I have been dining here like once in every month. The steaks are always great and succulent. The waiters and waitresses are hospitable. The pasta is pleasantly flavorful. I ordered a blue cheese burger this time and it impressed me a lot. The garnishes were mouth-watering.All in all, it is always great to dine here. But there are two things I would like to share. First, when I took out my phone and asked for the use of my e coupon from my VIP membership, the waitress just grabbed my phone

附近行街，難得出到來，試吓扒房既午餐~~午餐有set餐，$98-$148，包湯，飲品，沙律，黑糖包及主食，呢個價錢有咁多野食，好抵！食物質素好好，物超所值，食到好飽既一餐！

朋友話一直未食過outback，就話好想試下究竟係咪其他人口中咁好食，所以就同行三條友一齊去試下了😙三個女仔都幾擦得，嗌咗成4個dishes嚟share🙈首先，有個小拼盤，最愛係芝士薯條，條條都拉絲😛第二碟係個芝士大蝦扁意粉，辣辣地但好味道😙第三碟係芝士雞肉夾餅，呢個真係超好食，尤其佢嗰個黃色sauce，嗰味同夾餅係絕配！薯條都條條好脆，點嗰sauce都好正😋最後，因為黑卡會員有好幾張8oz rib eyes coupon，咁用咗就可以免費吃肉眼了😆仲要會員可以全單8折，所以真係好抵食，又飽！

生日飯停不了好朋友比左幾間餐廳我揀..最後揀左outback因為我好鐘意食炸洋蔥圈知道佢地有個洋蔥花球好出名lunch set有好多選擇..$98-218不等~點好餐waiter哥哥就即上暖暖地ge自家黑糖面包甜甜地..好軟身..配埋牛油...兩個人唔覺唔覺好快食哂一個特製洋蔥花球 $86原個洋蔥炸！炸完真係成個花球咁架！炸漿唔會好厚...炸得arm arm好！而且炸漿有調味ge..就算唔使點醬..都已經好夠味好好食！let set會跟餐湯同沙律 味道非常一般...餐湯似罐頭粟米忌廉湯..仲要甜得好緊要沙律菜切到好碎..無乜口感..求其淋d沙律醬上去上碟美國安格欺肉眼牛扒 (10oz) $218賣相還可以吧...我地叫左7成熟..切開先知~第一刀切開....yeeee...好似生左d喎...似5成...再黎第二刀...yeeee...又好似熟左d喎...似8成..唔知煎扒個pan係咪高低不平衡...而令到塊扒由左至右受熱程度唔一樣....生熟ge程度都唔同呢...anyway..多謝朋友生日飯

係尖沙咀行完街想食個early dinner, 無乜preference 既情況下因為有信用卡優惠而揀左outback. (當時用hsbc 信用卡有套餐7折優惠，仲有獎賞錢1蚊當2蚊用）食outback 既其中一個重點當然係食佢既黑糖面包。微熱微甜既面包加上d cream/butter, 每次都一定要食至少半條先夠喉！嗌左呢個有龍蝦尾同埋牛扒既套餐，仲好似連兩杯野飲同一個意粉。兩個人十分夠食。牛扒要左medium, 岩岩好，唔會太多筋，有牛味；龍蝦正常；伴碟個d 蔬菜都幾有驚喜，蘆荀夠脆，洋蔥烤到好林。呢個質素，呢個價錢（有信用卡優惠），性價比高！

During lunchtime, not many people going, so no need to wait for a table, nice environment hereGrape bushman bread is reallyy soft and delicious, esp for me, i love bread so muchh, haaa, smell really good too with honey wheat taste. And you can refill as much as you want haaaa, me bread loverr haaSalad and soup, I like the creamy chicken soup with many vegetables such as carrot and onion slices insides, so rich the taste Grilled us scallops creamy risotto having rich taste, so excited getting thr

同朋友去尖沙咀諗唔到食乜嘢,最尾呢就見佢地方好方便所以就決定咗食呢一間outback.咁我哋食飯嘅時間可能仲早，所以呢唔需要等位就可以入到坐。咁啱有信用卡做優惠二人餐好平就食到，咁我哋三個人呢就嗌咗個二人餐再加多一份豬肋骨，同一人一杯啤酒一齊happy一下。前菜嘅麵包呢非常好食呀，用來點湯食就更加完美，而且佢係無限refill架。 龍蝦意粉呢非常好味呀，肉都好彈牙，而豬肋骨呢就煮得好好，啲肉呢完全離曬骨嘅，輕輕一切呢就已經可以食到喇，唔需要好辛苦咁樣去分肉。整體嚟講呢啲餐都好食嘅，不過價錢就稍貴啦三個人食咗個二人餐加樣嘢同一人一杯飲品已經四位數啦。

同朋友去咗尖沙咀附近買嘢，諗住搵間正常西餐食...點知都中哂招而一入到去以為聖誕節要等位，但其實都唔洗點等位。Outback黑糖麵包：麵包微熱，而且鬆軟可口，仲帶少少甜麥味，食咁多次都係覺得好好味。洋蔥湯：中伏系列，難食在湯面好多油但飲落冇味道，飲咗一啖就叫佢收走。飲水好過佢！Angus Ribeye Steak：我會覺得牛扒應該要熱食...但佢上到枱就好快涼了...令到我覺得佢唔太好食。而佢個沙律真係好食過佢。Combination Appetizer：呢個小食拼盤，有炸雞、燒排骨、芝士薯條，三樣野都非常香口好食，而個人最鍾意燒排骨，燒汁好入味，整體唔拈醬都OK。

心情唔好， 約朋友食個飯、飲番杯。 去咗尖沙咀Outback, 叫咗HSBC個二人餐。 套餐有湯， 沙律， 黑糖麵包。 主菜叫咗「燒美國頂級紐約牛扒配加拿大龍蝦尾」及 「雞肉拼燒蝦寬麵」， 當然仲有啤酒啦。 黑糖麵包依舊咁好食， 餐湯就太濃味， 鹹咗小小。 主角牛扒連鐵板上枱， 好後悔叫咗medium well, 因為鐵板好熱， 切完食得都熟晒， 但係都好好味。 建議order medium 或 medium rare會較好。 其實食物都如一往水準。 埋單時， 發現張單有小小問題， 計多成百幾蚊， 好彩都有望一望。

最初outback開到屯門嘅時候，真係經常到訪，不過唔知點解近年少食左，多數就咁買麵包外帶。最近因為朋友生日，再次黎到outback。一早預訂位置，無需等候，呢間分店位置唔算好多，週六都未有滿座，坐得舒適。而且店員都好友善，印象良好。接近happy hour完結前，我先趕上尾班車點左杯菠蘿香蕉特飲，ok嘅，唔會太甜，冰感低。點餐後送上麵包，個人幾鐘意佢地嘅麵包，任食大方，而且好軟熟。我諗呢個成為好多人仲會光顧outback嘅其中一個原因。人數較多，點左兩份小食拼盤，包括有薯條、雞槌、ribs，呢個組合適合多人分享。雞槌唔夠脆口，發現唔同分店嘅味道真係有少少分別薯條不過不失，硬係覺得單點會好食過拼盤。燒雞肉凱撒沙律同主菜送嘅沙律重覆左lol，應該點羽衣甘藍先啱。燒雞肉幾香口，唔算乾柴。點左兩份主菜都係配左沙律。我地每次都會點美式慢燒安格斯肉眼牛扒，但平時係點最少份量，第一次點最大份量，七成熟最終出到黎都接近全熟了，肉眼厚身，頗大塊，燒到幾香，好在肉質食落都唔會鞋口，不過少咁啲肉汁囉配菜揀左甜薯同薯條。西冷牛扒點左五成熟，厚薄適中，較易掌握，肉質嫩紅但唔會流哂血水，質素ok。但其實我個人較

哈哈！我又來食out back啦！未有小朋友已經成日嚟食！好啱我口味好好食！而家帶住小朋友都繼續來食！呢度有BB櫈，最重要假期都唔多人，可能冇咩人知呢度有間，午餐好抵食！黑糖餐包，暖暖地好好食！番茄忌廉餐湯同沙律，都好好食，食晒唔記得影相！叫咗個藍芝士漢堡包！正！分量足夠～肉汁豐富雞肉忌廉意粉，原來加咗少少黑椒，有少少辣⋯原本諗住俾小朋友食，佢話好辣唔啱食⋯我就覺得OK嘅忌廉汁好香濃！每次必叫嘅芝士薯條！最鍾意粗薯條又香又脆！仲有梗係炸蘑菇啦！大大粒蘑菇，超正！餐飲叫咗凍檸茶，又係好大杯！食到好鬼飽～午餐嚟食真係好抵！

Outback 分店多，價錢不貴，所以經常都會去食。今日閒日下午開完會去左尖沙咀既分店食野，因時間係四點幾，所以其實唔洗等位，非常正。時間咁岩，係 Happy Hour. 可惜又係唔飲得酒，所以叫左杯沙冰。平時都會嗌 barry 或青瓜，係最推介的。今次想 fresh d，就嗌左青瓜沙冰，唔會甜，好清，醒神，加上有小小薄荷葉味，好岩夏天。可惜我仲未搵到人鐘意飲，如果您都鐘意，不妨 like 一下我張相，等我知道有同道中人。女朋友叫左 Mojito，都好適合咁熱既天氣，我試左一啖，都唔會好甜，可以再試下。今日唔太餓，就叫左雞肉夾餅，唔想食粉麵或扒可考慮下，好處係有薯條跟。個醬係蜜糖芥末，其實同個餅唔算好夾，但用麵點薯，薯條就唔錯。另外，牛油果蟹肉脆脆 (我唔係好清楚個名)，呢個每次都會叫，都 light，清清地，唔洗下下食芝士 Nacho 咁重型。甜品，冇辦法，試過幾樣，都係 Brownie 最好食，有 cream 有雪糕，又凍又熱，係重型的甜品，但值得試的。服務方面，當日係 ok 的，唔會好似晚市午市打仗冇人理您。

食物 : 龍蝦是安格斯牛扒賣相 : 買相算唔錯，始終牛扒嘅造型沒有太多 可以變化味道 : 叫左五成熟，質感還算可以接受環境 : 7/10 有點吵價錢 : hkd 300/人 因為係假日(聖誕節)去唔知係咪比較貴性價比 : 7/10

今日係紀念日，一於食豪d🥰🥰🥰呢個係我最愛嘅包，好鬆軟又香甜，搽埋牛油食，正！豬肋骨拼牛扒，再加埋焗薯，真係好滿足！佢嘅豬肋骨烤得好惹味，表面有少少香脆，食落都夠軟腍😋牛扒叫咗五成熟，食落夠juicy，啖啖肉，食肉獸至like!好正呀佢個焗薯，勁多cream!!! 質感軟身，食落好夠味，好滿意仲叫左焗龍蝦🦞好大隻！肉質爽口彈牙！表面有少許胡椒，喼埋檸檬汁落去更有層次！🥰🥰呢度環境舒適,服務態度好好！推薦！

平時放假做完運動，唔知食咩好既時候，好多時都會揀Outback食，因為貪佢食物選擇多，應該可以食到啲唔過份既野之前夜晚食過另一款沙律，好想再食，見到午餐餐牌有套餐選擇，又有沙律，所以就揀左香芒燒雞肉沙律試一試。午餐套餐包左黑糖麵包，餐湯同埋飲品。（黑糖麵包一樣可以任叫）由於之前食個個沙律既醬好甜，口感太豐富，吸收左一次教訓之後，我決定今次叫佢幫我分開醬上，由我自己決定落幾多醬落去沙律菜好新鮮，而且有青瓜增加口感，令到成個沙律更加清新好味。雞肉係岩岩烤返熱，肉質結實，有少少鞋，但係沙律入面，雞肉係熱既，係會加分出面唔少食肆，見係沙律，唔會幫你翻熱肉類，但係一舊凍既肉類放入口，即使係熟既，都唔係咁討好所以outback呢個雞肉沙律好好食，岩晒想食得健康啲既人士。