Outback Steakhouse (Moved) New Location

已經都唔記得係第幾次幫襯，每次都會約一大班朋友一齊去，因為可以點好多唔同既款式😂，最好先訂枱，如果唔訂就唔知要等幾耐，環境好舒服，服務員亦都好好禮貌，其實每款食物都有水準👍🏻，牛扒好冧，有肉汁，而佢個黑糖包，每一次都會叫，真係好好食😍，值得一去再去😂😂

今日同朋友相聚，及慶祝朋友的生日，當然選擇西餐，這間餐廳我食過好多次，有限時1個半鐘，食得有些趕，最好預約8點後，較少人等位，而且坐好耐不趕人豪氣食到飽，order一些菜式，色香味具備前菜:主菜，以牛為主:牛嫩而不膩，好滑啊意大利飯好香胡椒味番茄青口長通粉，加上番茄醬，好開胃煎三文魚，好嫩口飲品:好滿足的一餐

今天同很久沒見的朋友短聚，晚上1715 hrs 巳到Outback dinner , 然後點了一份羊扒餐,羊扒也軟熟不錯，另加半份蟹腳但蟹腳實在太鹹了，再叫了一個芝士海鮮長通粉，還可以。令點了兩杯飲品一杯香蕉沙冰，一杯蘋果沙冰。今日都有happy hour 時間至晚上二十時正.後我與朋友不停傾計，傾到口痕痕，再叫了一個芝士薯條食，但口感麻麻，因為有芝士鋪滿在薯條，令薯條不太脆。食物普普通通。但是能夠與朋友相聚4小時實在難能可貴。

今日拎左早期同事在街上取的outback宣傳單，優惠是lunch set第二客半價，最正係星期六都用得，於是同黃兔去試下！Lunch set共有16款選擇，包沙津，餐湯，面包，主菜及餐飲！好豐富喔！剛order完, 沙津，湯同包就上枱了，快過茶餐廳，原以為湯同包是微暖的，點知是熱辣辣架！粟米忌廉湯有好多粟米粒，質地不會太希，但略咸少少黑糖面包熱辣辣的包塗上溶溶地的cream, 超好食店員還主動問我地要不要refill呢！結果食左兩個包沙津份量不太多，新鮮度普通，一般主菜我地叫左:加拿大黑毛豬扒豬扒煎得很香，醬汁味道剛好，不需再點其他汁。再配蕃茄粒炒飯，同豬扒好夾，好味到食哂煙肉藍芝土漢堡份量好多，牛肉漢堡好厚身，肉質軟熟還有肉汁，面包烘過脆脆的，再配剛炸好的粗薯條，超好食值得 一讚係食物都是熱辣辣上枱的，感覺不是預先做好！服務也不錯，店員會主動問面包及餐飲要不要refill！而我用的第二客半價coupon，真的好抵食呀！還可重複使用呀

永安有個旅行團，喺Outback晚餐，跟住就步行到尖沙咀公眾碼頭上船，睇海景同幻彩詠香江，仲可以喺船上任飲。因為係星期日，要貴$10，但每位都只係$169。團友們5:45PM就各自嚟到太興廣場OUTBACK用餐套餐有燒肉醬味豬肋骨、燒肉醬味烤雞或燒鯛魚柳。加$60仲可以升級美國安格斯肉眼扒。對比返單點費用，我地個餐真係好抵架。個餐有粟米忌廉湯同埋沙律，仲有呢度最出名嘅黑糖包(無限添加)，同埋野飲。粟米忌廉湯好甜:黑糖包好鬆軟，真係超好食，每次去OUTBACK都會食。凍飲都唔駛加錢:即磨咖啡:四個人: 燒肉醬味豬肋骨、燒肉醬味烤雞各一份，升級左兩份美國安格斯肉眼扒($60+$60+$12服務費=$132)燒肉醬味豬肋骨大大份，肉質好軟腍。燒肉醬味烤雞好乾，唔好食。我見好多枱食客都食唔到半份。美國安格斯肉眼扒，夠大份，但食唔出係安格斯牛，牛味亦唔濃，一般。整體嚟講唔可以話好食，只係抵食。百幾蚊一個餐加上船加任飲，抵!船上睇夜景特別靚，可惜當日大雨兼有雨，密雲，連幻彩詠香江啲激光都睇唔到       

outback不嬲都貴， 但係今次係永安買咗個團購， 平均一個人都係百幾蚊，真係勁抵! 原本以為佢會將貨就價， 點知個quality到仲係好好。團購裏面有固定餐， 有魚， 豬肋骨， 雞等， 如果加60蚊仲可以轉西冷牛。個餐一啲都唔馬虎，有湯同埋沙律做頭盤， 仲有呢度最出名嘅黑糖包， 呢個包真係度嘅名物。我哋最終選擇咗食雞同埋加錢食西冷牛， 個雞唔錯，個汁酸味味咁，好開胃，不過個炒飯就麻麻地。個西冷扒真係冇得輸， 好juicy，又大塊，個薯條都正，好脆，淨係碟牛扒已經值回票價，超級滿足。

今日男人話想食豬肋骨 ，咁當然我哋就即刻諗起一間餐廳啦，所以我哋就由海港城行去尖沙咀 到睇下有冇位啦 ，黎到之後冇諗過差唔多爆曬棚都幾多 人 。坐下冇幾耐已經有麵包， 亦都係我同男人最鍾意食嘅餐前小食 ，真係唔知因為個包凍而且係醬汁偏淡??所以就味道一般吾再咁好食了…… 之後我哋今次當然叫左豬肋骨啦 ，但黎到豬肋骨好咸，我食咗兩嚿已經唔想食，連男人都食得重味嘅人都覺得好鹹 ，而且薯條係凍嘅，有啲失望 。芒果雞肉沙律 呢個好好味道，食落去芒果好清新而雞肉有少少辣味，雞肉份量都好多，菜都好新鮮。 最後嗌咗一個意粉， 白汁 芝士好多白汁濃郁，蝦都大隻同吾梅身，整體不錯但都幾滯下。

今日節日，前一日都book到位。甫入門，便見有人排隊。侍應帶我二人到counter背面，一桌十多人位子隔離。而我們的枱與枱之間只堪堪容一人出入。感覺像是因為多人而無硬生生擺出來的枱，感覺十分侷促。二人點了牛扒及羊扒，配菜選了焗薯，焗甜薯，沙律似乎是送的，忘了。點餐後不久，即送上有温度的黑糖面包，口感不錯，頗甜美。及後，再上Caesar salad, 醬汁不錯，菜亦新鮮。說時遲那時快，牛扒，羊扒，焗薯*2又陸續上桌。牛扒味道讚好，有roast的香味，亦不會太熟。羊扒堂算不俗，不過不失。焗甜薯味道甜美，加上醬汁錦上添花。可惜，所有食物同時在餐桌上，加上冷氣開放，牛扒羊扒很快變冷，而其他食物亦難逃劫數。最後，我們只有盡快埋頭主菜，食到趕頭趕命。不知是否節日關係，還是平時也是這樣，扒房這麼快上完菜色第一次見。而且座位安排欠妥，讓人用餐時感覺焗促。遊目四望餐廳內，我感覺這是最差的一張枱。這次用餐，食物雖然不錯，但服務欠周到，只比茶餐廳好小小。

約了两位舊同事晚飯，本身訂了18:30枱，由於我遲了收工，所以她們比我早到……三個女仔樣樣都想試，點知收到成枱食物，最後還是要打包呢。嚟outback點可以吾叫牛扒，侍應姐姐提我地盛扒的碟本身有溫度，所以落單既時候可以叫好叫咁熟其餘我們還點了洋蔥花，帶子長通粉，燒雞肉沙律，但當食物送來的時候，又嚟多個湯、海撒沙律、煙肉焗薯，原來個牛扒係套餐嚟架，點食咁多吖😨總括嚟講，食物仍然保持水準

早前去濟洲旅行，朋友在市中心看見outback, 說很想食很想食，但無理由去韓國唔食地道嘢食屋企樓下都有嘅outback㗎。記得讀書時期找朋友義務幫我拍一條短片，事後請他們食outback作為慰勞，當時作為學生的我覺得好貴好貴，但時移世易，現在隨便一間質素參差的cafe也跟它差不多價錢，當然多年過去自己收入也增加了，忽然覺得outback很價廉物美。食過outback都知這個免費可任添的黑糖麵包是重中之中，品質多年沒變，微暖軟熟的麵包，帶有黑糖的微甜，再配雪白輕盈的牛油，不知不覺成為outback的signature dish.雖然是點lunch set, 但還是忍不住單點個芝士薯條$45。以前的芝士薯條是很大碟的，大到永遠只能在洋蔥花與它之間二選一，前者是視覺享受，但食味比較單一，還是喜歡後者。現在芝士薯條變成伴菜的份量，價錢也降低了，其實也很好，可以過過口隱也不致於太飽，但芝士量是比以前少了。午餐是很抵的，由$78起，除黑糖包外還包沙津、湯和餐飲。湯是我很喜歡的忌廉洋蔥湯，非常濃郁creamy, 又有濃烈的洋蔥香甜味，平時晚市都會散點這個湯。跟友人常戲稱這裡的前菜及甜品比它的主菜優

雞翼種類選擇多,適合唔同人口味,值得一試薯條更是必叫之選,而且會唔夠喉即時再加單而沙律份量都算大,女士之選主菜牛肋條又係好正好惹味,醬汁絕配墨汁蝦球意粉都不俗,蝦球夠大！最後牛扒都唔錯,不過我會選擇牛肋條多一點,反而配菜既薯蓉既香口又好味如有會員咭/半價咭就非常抵食,絕對可以一去

Had tea here with friends. One of the waitress always forgot our drink, like we asked the first order or asked to refill, she could totally forgot. Finally we need to ask other waitress to get the drink.When we ordered lunch set, the waitress said there were children menu for my friend's daughter, that means the waitress who guided us didn't show us the children menu. I ordered the hamburger lunch set as usual. The beef was juicy, the bread was soft and warm.

自問唔係成日食Outback，但我食第一次就愛上左，皆因以西餐黎講，佢算價錢合理而且好食！所以長期full，冇book位就等死人......我最中意就係食佢個餐包！好高質，而今次主食就點左限定既扒set。免費不斷 refill 黑糖長包 $0每次黎食都起碼要refill兩次🤣，色身微脆，少許甜，但甜而不膩，有附打過既牛油，唔塗牛油就咁食已經好吸引，塗上牛油就帶點咸咸地既味道，但人中意唔點醬特製洋蔥花球 $88差不多每次黎都會點，皆因勁大一個😳，去西餐廳成日都點薯條厭倦了？咁就食洋蔥球，炸得酥脆，洋蔥甜又爽口，係我必點之一。美國頂級肉眼牛扒set $398跟set有餐湯,迷你沙律同一款配菜送，配菜有三款供選擇，分別係芝士煙肉焗薯片, 意大利黑醋椰菜仔同楓醬炸南瓜。SK選了意大利黑醋椰菜仔，本身椰菜仔味道甘苦，但採用左炸既方法再加上黑醋，猶如食紫菜乾咁，😋令本身唔係人人接受到既椰菜仔頓時十分容易入口且美味非常。而主角肉眼扒有12oz，點左三成，肉汁能鎖於牛扒，肉質頗稔，筋位略多，蘆荀索脆，吸左啲肉汁，整體不錯埋單600幾蚊兩人，有咩節日呀,生日去食，唔會覺得係比人劏錢先

在某間旅行社買了套票連尖沙咀這間分店的午餐，以為都團購貨，但原來跟餐廳內午餐一致，可能地址在樓上舖，顧客不多，反而多了幾分安靜，食物水準高，服務好，還問麵包夠不夠，多要一份，真的好吃 當日要了牛肉漢堡飽，比我期望差少少，但也好吃，老公點意大利飯，滿意不得了，還說有機會會再來 ，這次對outback 印象很好第二次獨自去愉景新城那間午膳，湯和麵包都保持水準，但意大利飯就差得遠，不夠熱同乾，不同店舖食物質素相差甚大，真失望

星期六，要找一間質素不錯而又有午市套餐的餐廳真的不容易，所以outback 是一間常列入我心水選擇的其中一間店。 午市套餐由$88起至$198 選了食物後，首先送上的是餐包，湯和沙律。相信這間餐廳的黑糖餐包，大家都不會感到陌生，不少人也十分喜歡這個餐包！濃郁的黑糖味，鬆軟的質感，再伴上那忌廉般的抺醬，好味到令人難以抵抗！ 是日餐湯是蘑菇湯，忌廉味濃郁，質地creamy,很不錯。主菜：煙肉藍芝士漢堡 $128 😈 漢堡扒分量很大，大過飽身很多，肉質雖不是很juicy,但有肉味又不會乾身，合格。藍芝士味道不是太重，配合煙肉的煙燻味和油香令整個漢堡包很惹味。 伴菜的薯條水準也不錯，炸得香脆又不會油膩。另一主菜： 意大利香草牛肉三文治 $98分量十分多！香草包烘至外表金黃，入面夾著溶化了的芝士和牛肉，令人食指大動！ 香草麵包的香草味與牛肉味道很夾，再加上芝士，簡直絕配。 餐飲要了熱檸檬茶，茶包與檸檬分開上，自行選擇加多少檸檬，味道正常。整個套餐包括麵包，餐湯，沙律，主菜和飲品，最低只需$88,值得推介！