Outdark (H8)

Open Now

Now Closed

Outdark韓國釜山開到黎, 有2間分店都開左一排. 今次第一次試. 微暗嘅燈光, 上面掛有好多月亮星星燈吊飾🌟配埋微暗嘅燈光, 幾有氣氛佢有最近新出Summer menu 菜包肉幾吸引, 叫左個好有驚喜菜包肉$248個豬肉好掂, 真係好嫩, 而且係帶豬肉香味, 唔會有酥味. 配搭兩款sauce, 一隻係平時燒肉常見紅色韓式包飯醬. 但我更大愛配另一款, 更開胃帶出香味仲有醃白菜, 少量生蒜粒、辣椒片仲有醃過蘿蔔, 爽脆惹味, 可以包埋一齊食. 如果lettuce 可以多幾片黎包就perfect雙拼炸雞 $208揀咗蜜糖芥末同香辣, 新鮮即炸嘅無骨雞, 啖啖肉肉質嫩兩者我較喜歡香辣, 真係幾夠辣好惹味, 反而honey mustard 的mustard 無想像中咁濃仲配有大量薯格同薯條, 不過我情願要多d炸雞烤牛肉飯卷 $98有多款配料, 中間係醃過牛肉仲有青瓜、黃蘿蔔、紅蘿蔔絲、醃牛蒡香脆, 減膩豐富口感

Outdark係我同朋友食韓國菜既回憶! 估唔到而家仍然咁高人氣，好多人排隊呀! 黎到一定會叫炸雞!! 簡左香蒜蜜糖味(全份)，個醬汁甜甜地好好食。雞肉仲好大件，而且冇骨，肉質嫩滑! 而且真係好大份，仲有薯條，薯格，薯角，大滿足。見到新menu出左水冷面，之後可以自選一款肉，我就簡左烤牛肉。水冷面既湯汁雪成冰，之後會慢慢溶，所以就算溶左，都唔會溝淡左個湯汁。水冷面食落好清爽，加埋醋汁就仲開胃! 烤牛肉好入味!海鮮煎餅望到差唔多台台都有叫呢個! 一上台見到原來都幾大份! 煎餅每邊都係香脆，海鮮粒曬鋪係面，我會點埋個醬汁，帶少少辣，十分惹味。

今晚突然收到通知去食炸鷄，旺角店去過，呢間分店就去過，估唔到門口已經掛滿鎖仔造成”特色牆”，彷彿重遊南山塔。店內裝飾與旺角店差唔多，昏暗燈光中掛滿星星燈，用黎打卡無難度。今次黎發現有新菜式，菜包肉及水冷麵正!  終於係度食到水冷麵 ($138)，有三款肉任選其一。選擇咗豬肉，已經調好味嘅炒豬肉，味道係可以配白飯口。但今餐係配口感煙韌嘅蕎麥麵，放於冰涼嘅高湯之中，伴以蘿蔔泡菜及青瓜絲，又帶點爽脆口感。又可根據喜好加醋及芥辣，夏天食真係可開胃口同暑氣全消。歡喜呢度嘅紫菜飯捲，尤其係烤牛肉紫菜飯捲 ($98)。一啖一舊夠滿足，紫菜飯包住嘅牛肉及醃蘿蔔有甜甜地嘅味道，又有蘿蔔絲及青瓜嘅脆感，成件事好平衡。友人唔”酒”得，想飲嘅馬格利酒要留待下次。生果味嘅梳打從來唔會輸，西柚梳打 ($48)同莫希托梳打 ($48)就成為今晚嘅特飲。友人提議叫泡菜煎餅 ($128)，話無泡菜食又點似食緊韓菜?! 又岩喎。全蔬菜做，就算係素食者都無問題。除咗泡菜，仲有金菇菜及辣椒。邊位煎得香口，中間位置材料滿滿，口感札實。加分位仲有個煎餅汁，點埋甜甜地仲好味。壓軸出場呢度必食嘅炸鷄，幾款口味，今晚試香蒜蜜糖 (半份

朋友要食韓式年糕，考起我了，於是上網找資料找到這間，試過果然質素高。🍽️海鮮炒年糕盤🥰超大盤年糕，有大大原隻炸魷魚，再加上蜆肉及甜辣醬，絕對將年糕昇華。🍽️甜辣/香蒜蜜糖炸雞雙併🥰直接將最多人選的甜辣及香蒜蜜糖炸雞雙拼，炸雞外脆內嫩，啖啖肉，滋味無窮。🍽️烤牛肉飯卷😋最後以烤牛肉飯卷作總結，烤牛肉牛味濃郁，加上青瓜雞蛋及紅蘿蔔等等，份量滿足。現在韓式餐廳越來越多，但這間給我的感覺是非常用心製作。

Outdark 店舖細細但佈置環境浪漫雅緻，一出升降機門就見到情人鎖扣，都是情侶情定終生的浪漫字句，進入店舖昏暗浪漫氣氛襯托星形燈飾好有情調，可惜我唔係同情人嚟進餐，只是同朋友聚餐烤牛肉炒粉絲～粉絲炒得爽彈配上鮮美牛肉，芝麻配菜的甘香映聚，滋味無窮海鮮煎餅超級美味，煎餅一點也不油膩，海鮮配菜帶出不同層次口感，脆焦鮮甜豐富口腔味蕾半份炸雞配上薯條，炸雞🍗咸中帶甜外脆內軟，肉汁在雞肉中，一點不用點醬已非常夠味薯條🍟亦是熱騰騰配上店鋪秘制味粉，又是別有一番滋味飲品賣相有心思，但味道一般般，食畢脆炸食物嚟一杯凍飲正好中和味蕾平日晚上惠顧店鋪細細已座無虛席，侍應無暇招呼，有時要呼喚幾次才有人理睬。食物水準很好，但服務上有改善空間😅

Outdark這間餐廳位於香港尖沙咀的H8商業中心17樓，係一家以韓國傳統為主題的餐廳。剛好當天做完運動想吃點辣的 決定嘗試呢間book mark了很久的餐廳。韓式炸雞Outdark的韓式炸雞外皮酥脆，內部肉質嫩滑，但並沒有給我留下深刻的印象。它的味道中規中矩，沒有特別突出的特點。如果你只是想填飽肚子，這裡的炸雞是個不錯的選擇。韓式辣豬肉Outdark的韓式辣豬肉口味還不錯，但也沒有什麼特別之處。辣度適中，肉質鮮嫩，但缺乏令人驚艷的風味。如果你喜歡辣味，這道菜還是可以一試。總括來說，Outdark的食物質量中等，價格正常 如果你只是在尖沙咀想隨便吃點韓國料理，這裡是個不錯的選擇。但如果你追求更高的味覺享受，或許還有其他更好的選擇。另外收到電郵說我曾經進行過試食優惠才出此post可惜事實係用真金白銀俾錢食的：-）

有feel韓國菜，記得上一次食已經2018年！環境裝修依然一樣 回憶返曬黎~今次同幾個朋友聚會，可以叫多幾樣🤪🧀🐣芝士炒雞炸雞加埋年糕+超多芝士極度邪惡！旁邊有不同配料~！泡菜，雞蛋，紫菜包飯同菠蘿🍍🐮烤牛肉飯捲正正常常~🐟串串魚糕湯分量都幾多，夠4-5個人share~

尖沙咀一直都係韓式餐廳林立，Outdart係人氣過江龍之選。除左炸雞啤酒之外仲有其他熱門選擇。 🌕🌕🌕🌕🌑東萊海鮮煎餅一般煎餅都係主要用粉去做底，Outdark嘅東萊海鮮煎餅係用左唔少野菜做餅底，配合海鮮煎香左一樣好惹味。 🌕🌕🌕🌕🌕豬腳韓式炆豬腳一直都係賣飛佛，配合醬料味道濃郁，伴以生菜減輕油膩感。 🌕🌕🌕🌑🌑米酒傳統韓米酒未必啱香港人口味（喺韓國好似都唔太受後生一代歡迎），但係如果想感受傳統韓式氛圍都值得一試。

由於台灣朋友日前嚟香港，佢話好想食韓國嘢！ 😆當日我哋又喺尖沙咀，咁就上網睇吓邊間韓國炸雞好食啦！ 最後我哋揀咗人氣爆燈嘅 Outdark! 好彩嘅係我哋好早去到唔需要排隊等好耐！ 餐廳要人齊先可以入座，限時只有90分鐘😅 炸雞種類都有5 款，仲可以叫half half 👍🏻我地諗左一陣，驚叫太多食唔哂....所以我哋只叫了雙拼炸雞（ 全份）, 我們點的是甜辣炸雞 和香蒜蜜糖炸雞😋兩個人食好飽啊😆總結：餐廳燈光比較昏暗，而且冷氣比較弱，食物好，但服務有待改進😂

炸魷魚好正好好味🤤🤤店員仲會好細心咁剪開炒年糕好煙韌，入面仲有蝦、魚糕同埋菜。normal嘅辣度都OK，唔食得辣嘅都應該可以芝士融融地，可以擺嚟沾年糕同炸魷魚

朋友約我試尼間韓國野，真係超級多人，門口排滿晒人，入面個個裝飾真係幾靚又特別，好有feel。叫左個芝士雞同麵，兩個人食份量夠晒，芝士份量好多，炸雞加埋年糕真係絕配。個麵撈埋d醬都好正。

幾年前已經嚟食過嘅outdack之前因為疫情成日都take away返屋企食趁住今日同屋企人喺尖沙咀就特登成家上嚟一齊懷緬一下食個飯叫咗蜜糖炸雞全份以前最鍾意食嘅炸雞今日有少少失咗水準個雞嘅味道好似冇以前咁新鮮變咗冰鮮嘅感覺反而豬腳仍然保持住嗰個美味全盤500 gram最後四個人食淨得返一條骨連喺豬腳下面嘅配菜都好好食是個人一份炸雞再加埋個豬腳再食埋個飯糰已經飽飽店裏面嘅侍應都係韓國人整個感覺都好似而家喺明洞食緊炸雞咁整體嚟講都係一個好好嘅體驗

今次約咗朋友去食飯，大家都鍾意韓國菜嘅關係，就揀咗呢一間位於尖沙咀H8 嘅韓國餐廳！一去到呢間餐廳有少少驚訝，因為入面比較暗，用手機影出嚟，畢竟電話幫我調光咗，但係實際其實係暗過一般嘅餐廳嘅，用餐環境都比較嘈，不過整體都算有氣氛同埋舒服。由於朋友同我兩個人都唔係太食得多嘢，所以我哋點咗比較簡單嘅菜式，包括半分蜜糖炸雞以及香腸年糕同埋泡菜煎餅。泡菜煎餅嚟講，我覺得一入口都幾好味，不過鹹咗啲同埋好油。蜜糖炸雞同埋香腸年糕放埋咗一齊哈哈😂我覺得年糕係外脆內軟，口感相當出色。炸雞都算幾好味嘅，係正常發揮嘅韓式炸雞！半份大概有四件雞，加埋啲薯條🍟咁樣食落去都幾飽！總括嚟講今次都係開心愉快嘅用餐體驗，今次咁樣食飯叫咗$330嘢，價錢嚟講係不過不失！不過食完之後成身油煙味同埋好口渴🙃🙃🙃

🦖有氣氛韓國餐廳✨尖沙咀咁多間韓國餐廳，呢個個人認為係最好食既韓國菜之一味道真係好正宗，好似去咗韓國一樣，聽聞老闆係韓國人而且，環境氣氛真係好好無論係一家大細定一班朋友都好適合背景播住K-Pop音樂，燈光比較昏暗枱與枱之間唔算逼，坐得舒服不過環境係比較嘈吵另外，仲有吊燈同埋心型鎖牆比人打卡👍🏻雖然呢度最出名炸雞，但我地冇試到，反而試左其他，都覺得好驚艷芝士炒辣雞韓式甜辣炒雞真係好好味，仲有大量嘅芝士同年糕店員會幫你將溶左既芝士捲埋辣雞口感好豐富，而且旁邊仲有泡菜、雞蛋另外配埋紫菜飯好滿足！完全同韓國食既係一模一樣芝士牛肉紫菜包飯超級足料，有牛肉、芝士、蘿蔔、蛋等配菜芝麻油味非常之香！

請岳父岳母試下韓國餐廳，網上訂唔到唯有6pm前walk-in 踩上去試下， waiter的英文唔太好但都溝通到， 成功訂左位， 要90分鐘交枱。呢餐飯好滿意，太座話好食，會再來！雖然岳父覺得4個人成仟元有啲貴，但我覺得值得，說這家是真正的韓餐廳。環境：整個場地不大，桌椅很緊凑， 熱鬧但也不顯得擠， 色調較幽暗。講粵語的小姐姐幫我們點菜， 如實話我們點得可能有點過量會吃不完建議炸雞改成半份。 最後四人點了五樣菜 。太飽了太飽了 ，沒想到份量不小。推介： 炸雞雙拼 原味 ／ 海鮮煎餅（👍必食）／＊＊＊年糕👍👍 ／ 炸醬面