外野手 (Closed)

已經帶朋友嚟食過幾次, 最近自己生日同朋友嚟興祝, 水準依然keep到，推介食品有：各式魚生; 蝦tempura, 燒牛舌, 蟹子粥, 一口牛, 牛油帶子, 雞軟骨, 炸蠔等等都好好食.但係如果坐位可以寛倘啲會更好, 仲有洗手間太遠而且唔係幾乾淨除此之外其他都幾好, 而且冇乜試過miss單(依家做緊promo飲品任食添)

見有咁多好評，今晚諗住試一試，點知入去侍應問我地係唔係食自助餐，我地話散叫，唔知點解要諗同商量先比枱，當時還有最少4張，係要我地坐係一對情侶隔鄰，啲枱已經又細又冇空隙，見到有6人枱已經坐兩人我地諗住坐6人枱另一邊，問下坐個張得唔得，個女人勁黑面話有人訂左，6人枱已經坐兩人，真唔明點解要我地坐8人枱逼埋一齊呢，都唔知留番啲枱做咩，未食已將這個餐館列入黑名單，好食嘅餐廳咁多冇需委屈自己！

$148有兩小時任食任飲，食物水準唔錯，特別係熟食，真係值得一試，店員服務唔錯有禮，值得加分！

$148有兩小時任食任飲，食物水準唔錯，特別係熟食，真係值得一試，店員服務唔錯有禮，值得加分！

尋日好友牛一,一行6人,見到openrice咁多笑臉,就黎試下,第1round先試魚生-ok,重有鮮帶子,雖然係迷你,但好味,(因為本人係鮮帶子迷),其他特別的有池魚他他,同針魚,油甘魚等等炸蠔-雖然都係Tonkichi好食0的,但以此價錢,有甘quality,都好juicy,很好了軟殼蟹,一口牛,牛油帶子,黃金蝦卷,天婦羅,全部都好食;又黎燒青魚,鹽燒雞肉,雞腎,三文魚魚頭煲,鐵板豆腐等等,飲品同雪糕重任叫,但都有漏單,壽司一直都無黎.優點:以$148而言,抵食,waitress 有禮貌,經常主動加茶缺點: Toilet位置太遠連加一,$163,抵!

見到咁多笑,就在星期3試了,睇評論話好多人,要預先book位,就真係吾覺,得幾抬客,食物就真係好好,特別係熟食,樣樣都熱騰騰,連個紅豆撻都焗到好熱好脆平時任飲野不收錢,都幾抵,星期6或假日就收錢!!整體好滿意,又不用就住食,一定會再去

其實已經係第二次食外野手再食返上次覺得好好味O既炸蠔不過今次D蠔冇咁鮮冇咁好食其他野都仍然係保持到水準值得一讚係個炸軟殼蟹蟹O既鮮味仍然保持得好好另外D 刺身仍然係擺得好靚不過有樣野幾唔滿意就係D WAITER 收野太快收得快唔係唔好但最慘係佢D SAUCE O係隻碟到我夾起最後一舊野就畀佢收埋隻碟想點SAUCE 都點唔到

外野手正!! 是朋友生日的不二之選! 預早講會有壽司蛋糕送的,外表精美,但好唔好食就見人見智。又唔漏單, 又快黎, 又送野飲, 又新鮮。D煲多d人食一齊share就最good,最好食係D刺身, 同甜品, 細細粒, 容易食!

上個月媽咪生日，佢好鍾意食三文魚刺身，見食評咁好就卜位試。四個人去，試好多食，最好味係軟殼蟹、豬軟骨& 雞軟骨，一口鏝、黃金蝦卷、天婦羅...都唔錯，反而刺身就麻麻，有壽司蛋糕& 飲品雪糕任叫，總括講都幾好。但好快就飽，所以覺得$163都係有唔抵囉...

今晚約左朋友o係觀塘食飯諗左好耐都唔知食乜好突然想起呢度就黎左叫左燒銀雪魚定食($46),雞扒柳川鍋定食($46),雞軟骨($22)同三色刺身($62)定食跟三文魚刺身4片,麵鼓湯同飯各一以下係以港式日本料理黎評分：燒銀雪魚定食～size適中,啖啖肉無骨,燒得嫩滑可口,難得係一d都唔油,加埋d燒汁一齊食唔錯雞扒柳川鍋定食～雞扒份量少而且較薄,但味道不俗,有蛋汁同少少鮮冬菇豐富口感雞軟骨～新鮮炸起好脆唔油,加埋七味粉一齊食,幾好三色刺身～要左三文魚,帶子同白拖羅,全部厚切,三文魚同白拖羅各有三大件,口感好好亦有鮮味,帶子雖然細細粒但幾鮮味,為左增加賣相,面頭放左少少三文魚魚子,出奇地唔鯹,好味!!服務因人而異最初為我地落單個姐姐較nice另一個就不過最抵讚係佢最後每人都送左粒糯米磁做甜品但唔好就係八點三要我地還檯

之前青葉觀塘分店開張,就急不及待咁試左..覺得ok only~~~ 之後試埋外野手, 又真係好味d wor !!!試過食佢嘅冷麵,你知啦..食冷麵最怕佢凍又凍唔哂咁,但呢度無呢個問題!! 仲覺得佢d料幾fresh, 味道幾好..不過佢嘅冷麵汁就just ok !!如可以加少少芝麻香味就perfect !!!不過以呢個price黎講已經算唔錯啦..$38 -->冷麵+ 前菜少食(中華沙律or 鮑片三塊) + Misco soup + Drink !抵!!免收加一!

本來今日同男朋友book左魚一丁任食壽司,但最後都揀左外野手試下佢既日式放題~我地一坐低就即刻有人教我地點食物,聽完當然即order刺生試試啦~呢度既刺生有成十款,大部分都好新鮮,特別係甜蝦同油甘魚,但三文魚則除外!(D顏色好麻麻...)壽司都OK,而且可以揀小手卷,唔使驚太飽~蝦天婦羅就又大隻又夠脆,好味!至於其他小食都算好好味(以日式放題黎講),全部都熱辣辣而且都夠味(唔似青葉D又凍又硬)~其中和風一口牛,炸蠔同七味軟殼蟹就最正!至於service方面都好好,有人會不停加水同收碟,而且都幾好禮貌,唔錯!雖然外野手真係幾好食,不過我估我同男朋友短期內都唔會再食喇!因為我地今次食完真係好飽好飽,提起日式放題或buffet都驚喇~哈哈…

又黎外野手食晚飯了。今次又係特登留肚去食既，所以又係食左好野，哈哈～ｂｏｏｋ左６點，６點３去到。可能時間仲早，好多野都剔左唔使５分鐘就黎甄喇～天婦羅（蝦﹑蕃薯﹑南瓜）好好味！茄子就麻麻。軟殼蟹好味之餘又超大隻！叫左幾碟全部都好大隻架。今日既壽司飯唔得，濕左ｄ＋唔夠實，一夾就散。麻辣由魚好食不過真係好辣好辣，我食左ｄｄ。...朋友話魚生類唔夠青葉好（明明上次佢話外野手好食ｄ架？！）不過食到一半先知呢度加左價呀，要成１４８＄一位（以前１３８＄）仲要加一哩！都幾貴ｗｏｒ．．．

女朋友唔係好擦得既人, 食野唔太多, 所以去到都係散叫, 叫左一個套餐.位係迫D, D 客亦都好多時會嘈少少, 但係唔算過份, 所以都冇問題.D 野食就真係掂勒, 我叫果個set 同以前涉谷D 野差不多, 但係就好食好多, D 料又新鮮, 你叫我數一樣特別好既我真係講唔出, 因為樣樣都唔錯, 又有刺身又有牛肉窩, 係有個鰻魚炒飯D鰻魚細骨多左DD, 但係都ok , 都幾好食, 另外又散叫左一個牛油帶子, 都係好好食.服務都好好, 食到咁上下仲細心到比過個碗我地食炒飯, 以免要用個有汁既碗食乾身既炒飯, 抵讚!講真價錢就唔平ga la不過我覺得真係值!有時間一定再去~

今日同個friend出去食飯...我大力推介下黎左呢間外野手...之前食過一次都覺得唔錯...今次就抱一個期待既心情去..早左一日book位...因為佢一定爆...唔book位都唔使望walk in入到去...一入到去即叫D剌身食...點知叫左到一段時間都未黎...其他小食都到左...諗住佢係唔係漏單既時候...就有一架刺身船放到我面前...個賣相真係好正囉~~~刺身都幾新鮮...唔會好似凍到僵左咁...其他小食, 鍋類由於食得太急...都食得唔係好多款...不過整體上都好滿意...一定有下次~~~!!!