Owl’s Stage (Closed)

今晚同朋友2個人黎試呢間西餐，2個人叫左一個set dinner, 另外加左個蝦蟹糕蟹肉帶子意大利飯同凱撒沙律配煙三文魚~ 佢首先上左個跟餐既沙律，係黑松露野菌沙律，其實叫既時候無為意，反正間間西餐個沙律都基本係菜同蕃茄，都係唔駛煮既野，但佢上菜時見到個沙律有雜菌係有驚喜，而且份量都唔細，個汁酸酸地好開胃~因為我地想食菜所以另外叫左個凱撒沙律配煙三文魚，上菜時見到嗰隻動L既溫泉玉子無辦法唔心心眼，當我篤爆個黃嗰一刻心裡面真係有啲興奮LOL~之後就到個燒澳洲肉眼扒，呢個其實有驚喜，驚喜在嗰個原隻上既爆蒜頭! 我真係勁鍾意蒜!! 同埋之前食扒都無咩餐廳會咁整，個蒜應係加左啲油去焗，已經焗到裡面超腍，一野將啲蒜唧哂出黎，用啲蒜加埋塊扒再點埋個汁一齊食真係好好味呀! 而且塊扒好juicy好易切開，勁正! 最後就係個蝦蟹糕蟹肉帶子意大利飯，佢好香既蟹糕味，個飯都有咬口，2粒帶子好大粒，仲好爽口，其實我地叫既份量對2個女仔黎講都係多，但勁飽都會想繼續食~ 真心覺得呢個必食! 

今個星期日約左朋友去太子大南街Owl's Stage食午餐。地點雖隣近地鐵站，但唔算太旺，竟然都可以搵到甘高質素嘅餐廳，好驚喜😍。餐廳裝潢分外有格調，掛滿特色靚畫，大部分以貓頭鷹為主題，富有藝術色彩。食物亦相當有質素，點了兩主菜，沙律及一個甜品同朋友share食。蝦膏蟹肉車厘茄意粉($108)，濃烈蝦膏味與鮮甜蟹肉完美融合在一起掛滿每條意粉，好creamy令人再三回味😋。另一個主菜係燒紐西蘭肉眼扒($138)。這塊肉眼扒非常嫩滑多汁，燒烤得剛剛好，保持了肉的原汁原味。每一口肉都帶著濃郁的肉汁，再加埋配菜甜蕃薯角及露筍一齊食，一點都不膩。但我其實最欣賞個雜菜湯，由盛湯嘅柸至湯嘅清甜都與一般雜菜湯不同。湯夠熱，西芹清香味突出而不會帶有"草青味"。相信唔食西芹嘅人都可以接受都呢個湯。甜品抹茶梳乎厘班戟、配咖啡芝士奶蓋($78)。非常推薦就係一定要選配咖啡芝士奶蓋，好香濃咖啡味不太甜帶點咖啡甘苦味與班戟一齊食係絕佳配搭

今日想過大南街靜靜地食lunch，見未試過Owl’s Stage，就入嚟試下蕃茄蛋黃醬車打芝士和牛漢堡配脆炸薯條($118) - 漢堡用心製作，包烘得又香又脆，包面滿佈芝麻，每層嘅配菜同醬都好均勻，和牛牛味香濃，食得津津有味，粗薯條又熱又脆，絕對高質牛油果蟹肉沙律($68) - 健康之選，牛油果同蟹肉都好多，啖啖都食到，蟹肉一絲絲，沙律菜同蕃茄仔亦好新鮮，清新開胃柚子蜜糖雞翼($38) - 雞翼炸到皮脆肉嫩，配埋甜甜地同有柚皮嘅柚子蜜糖，香甜可口 金筍湯 - 金筍味香濃，口感厚實，好好飲Triple Chocolate Smoothie($68) - 同飲品名一樣，幾層朱古力嘅香味，甜度啱啱好，配埋邪惡嘅cream，係咁飲唔停，夠晒消暑午餐提供嘅選擇同配搭都好夠，主餐牌仲有好多其他吸引嘅選擇仲有幾得意嘅優惠，客人個名有Owl’s Stage嘅字母會有唔同嘅優惠Owl’s Stage裝修得幾靚，深色系有種神秘同高貴嘅感覺，座位又新又舒服，特別嘅係，同餐廳嘅名一樣，好多裝飾同擺設都以貓頭鷹為主題，佈置得幾有心思同幾靚，員工亦好主動同殷勤，食物亦食得出店家係好用心製作，值得一讚

太子大南街個邊一直比人感覺都係有不少中式菜館。但原來都有不少好chill既西餐廳。今日我就試左其中一間Owl‘s Stage。🔸秘製燒焗德國咸豬手酸椰菜配蜜糖芥末醬：豬手炸得好好，皮脆肉軟。加埋餐廳的芥末醬非常好食！至於酸椰菜醃得岩岩好，酸酸地夠哂開胃🤤。豬手仲會免費送小食，有牛油焗薯角、田園沙律、意式燴雜菜同牛油汁西蘭花。我就叫左薯角，薯角炸得岩岩好，牛油味又夠香。🔸燒澳洲肉眼扒（8安士）：肉眼扒燒得好香。肉汁濃郁之餘，又唔會乾身，誠意之作！另外，肉眼扒配椰菜炒煙肉。椰菜炒煙肉都炒得好夠火喉，好正！由於肉眼扒係dinnner set，仲會包前菜、湯同野飲（凍飲同熱飲都免費），真心抵食

太子覓食 即興Walkin 18:30 嚟到只有少量座位📍 Owl’s Stage (太子)太子大南街27-31號富威閣地下3-4號舖位置雖不太顯眼 估唔到深受客人歡迎建議OpenRice訂咗位先Set Dinner Menu 加配 Menu ✨黑松露野菌沙律及餐湯南瓜湯口感柔滑🤤✨Mini Seafood Platter鮮藍青口 帶子 半殼青口配香蒜牛油汁融合牛油與大蒜香煎海鮮 更加鮮美🤤✨香草青醬汁藍青口車里茄意粉濃郁香草香氣 為意粉增添豐富風味✨燒紐西蘭特級肉眼扒 8oz配煙肉炒椰菜廚師好細心 伴碟配有蒜 芥末 鹽 為客人提供更豐富嘅口感同味道👍🏽肉眼扒七成熟 嫩軟多汁 配炒香嘅煙肉同椰菜🤤🤤唔錯唔錯 下次再嚟食過👍🏽👍🏽👍🏽

前菜蟹肉牛油果多士 - 調味適中，有些驚喜鑽石蜆 - creamy 出色主菜羊西冷 - 一般和牛漢堡 - 合格啤酒存貨- 要改善可以自己帶酒，算是比較合適枱細細但環境也舒服、服務算不錯

太子同埋旺角都有好多西餐嘅小店，其實性價比都幾高，之前喺旺角附近食過味道都唔錯，今日就嚟到太子試吓呢間西餐廳，佈置係以貓頭鷹為主題，有貓頭鷹嘅公仔同埋畫，都幾得意㗎！晚餐set性價比較高，包埋沙律、餐湯，主菜同埋嘢飲，我哋叫咗兩份晚餐。黑松露野菌沙律 - 加咗啲黑松露醬嘅沙律，蔬菜都算新鮮。南瓜湯 - 熱辣辣都幾好飲。香草燒雞胸肉漢堡 HKD 198 - 用咗雞胸肉黎做，預期唔係好似雞扒咁滑，但係就比較健康，配上醬汁同埋蕃茄生菜，個包好鬆化。燒澳洲肉眼扒 8oz HKD 228 - 叫左5成熟，有一邊比較生，正常發揮。Jo Mug Ale - 搞笑名嘅Mocktail，應該係Ginger Ale 黎加左d 橙咁，味道幾清新，配餐只係加二十蚊。熱奶茶 - 正常發揮。價錢都算性價比高，服務都好好，店員都好有心咁介紹唔同既菜式！

朋友生日，佢又鐘意貓頭鷹，所以就特意搵左間貓頭鷹主題餐廳同佢慶祝一番。餐廳地方唔算太大，有好多貓頭鷹擺設同掛畫，可見店主花左心思去佈置。見到有set dinner都幾啱心水，我哋就叫左個意大利飯同埋肉眼扒餐。餐湯：甘筍湯甜甜地，幾好飲。黑松露野菌沙律：淡淡黑松露味道，都幾多菇，菇味濃。沙律菜乾淨，幾新鮮。白酒忌廉汁西班牙辣肉腸車厘茄意大利飯：每啖都食到有辣肉腸，充滿醬汁，好creamy，整體味道唔錯。燒紐西蘭特級肉眼扒去煙肉炒椰菜：肉眼扒七成熟，切開仲紅紅地，肉質厚實唔韌，點少少海鹽已經好好食。旁邊配菜煙肉炒椰菜都好好，爽口鹹鹹地，夠晒味。凍奶茶：茶膽味道都ok，唔會好淡，我哋都幾滿意。Chocolate Brownie：自家製甜品都幾有水準，朱古力味濃，有口感帶少少流心，旁邊配左百香果做伴碟，酸酸地，中和返朱古力甜嘅味道，幾好食。

今日想食西餐係太子附近搵野食店主應該好鍾意貓頭鷹餐廳名叫owl’s stage餐廳內有好多好可愛既貓頭鷹擺設我同朋友都Order了Set Dinner有餐湯同黑松露野菌沙律我的是紐西蘭肉眼扒8oz的本身跟煙肉炒椰菜但朋友想食薯條就+32升級了 芝士焗薯條肉眼扒、我點的是6成熟很不錯的擺盤當然是要打打卡平時比較少配上一個烤焗蒜頭很驚喜～ 因為焗蒜頭配牛扒是很夾的肉質很juicy~ 六成熟我覺得剛好朋友Order的是白酒忌廉汁辣肉腸車厘茄意大利飯我也試了一點忌廉汁非常Creamy的上面還有一些芝士片～跟意大利飯溶合一齊食很贊跟餐升級了這個特飲是很邪惡的triple chocolate是沙冰來的、朱古力味很濃但又不會覺得很甜我覺得是非常好飲

今日帶大家嚟到太子酒吧街附近嘅一間西餐小店，餐廳主要用貓頭鷹做主題，好多貓頭鷹嘅裝飾，都幾特別幾少見🫣🌟燒澳洲肉眼扒8oz (set dinner $228)Set dinner包括餐湯+沙律+ main course + 餐飲🥗沙律 - 當日太晏去喇😮‍💨無曬餐湯，但店員都好好人話幫我哋將個沙律加大份啲！沙律菜新鮮爽口，一改往日會加上沙律汁嘅餐前沙律，餐廳配上以牛油及黑松露炒製嘅多款菇類，帶出整體風味～🥩燒澳洲肉眼扒8oz嗌咗5成，餐廳煎得啱啱好唔會過生/過熟🫶🏻，表面燒得好香，內裡軟淋且牛味重，仲跟埋燒汁，個燒汁一啲都唔hea! 充滿濃郁肉香及蔬菜味～點埋個牛食又係另一番風味😛另外我哋加$32轉咗五重芝士薯條😋芝士醬份量都好多～口感濃郁，配埋金黃香脆嘅薯條，邪惡同時幸福😋😋🌟香煎鵝肝$78朋友講咗好耐好耐話要食鵝肝～呢間嘅鵝肝$78大大塊！鵝肝煎得外脆內軟，咬開油脂感重，配埋脆卜卜法包以及餐廳特製酸甜藍莓汁，平衡返鵝肝豐富嘅油脂感⚖️🌟蝦蟹膏蟹肉帶子意大利飯$168呢個絕對必叫！餐廳對於用料一啲都唔馬虎姑寒，每一啖都食到絲絲蟹肉🥹，蝦蟹膏蟹肉嘅鮮味同濃郁忌廉互相融合，再加上大大粒帶子

呢排做嘢成日經過太子，咁岩lunch時間行過見到呢間西餐廳，所以入去試吓。———————————————同個friend叫左2個lunch set： 🟡餐湯是日餐湯係紅菜頭濃湯，味道十分濃郁，好好味，好快飲晒。🟣蝦膏蟹肉車厘茄意粉外表吸引，表面仲加左幾片芝士，意粉軟硬程度岩岩好，一放入口就feel到濃濃既蟹膏味，而且食到有蟹肉，夠足料。🟠 脆炸比目魚柳漢堡薯條炸到十分脆身，但唔會太油膩，漢堡包底面都煎香左，唔會就咁用黎夾住啲餡就算。中間除咗炸脆左既比目魚之後，配上左番茄、煎左既洋蔥再加左沙律醬& 少少嘅黑松露，成個配搭都幾出色，推薦。

上星期去咗「Owl's Stage」食lunch 🍔🥪🍟餐廳環境舒適，獨特嘅裝潢同溫馨嘅燈光，令人感到放鬆。佢地有不同嘅漢堡同三文治選擇，仲有意粉、扒類🦉🍔🥪😍「黑松露蛋黄醬脆炸比目魚柳漢堡配脆炸薯條」，比目魚柳炸得香脆多汁，加上黑松露蛋黃醬嘅濃郁味道，絕對係一個讓人垂涎三尺嘅美食享受。配上脆炸薯條，更加增添了口感的層次！「流心蛋沙律三文治」同「蕃茄蛋黃醬配煙肉野菌三文治」。流心蛋沙律三文治內有著鮮嫩的水波蛋，每一口都帶來濃郁的滋味。蕃茄蛋黃醬配煙肉野菌三文治則結合了野菌同煙肉的鮮美，加上濃郁的蛋黃醬，口感鮮美豐富！🐟🍟🥚🥗🍅🥓整體而言，「Owl's Stage」嘅lunch味道唔錯，值得一試！🍔🥪🌟😋

朋友為我慶祝生日，帶我去依度食生日飯。叫左好多野食，樣樣都好好食，牛扒叫左7成黎到唔多血仲tender，surprise地夜晚唔多人，全晚計埋我地得3枱，坐得好舒服。絕對會encore既餐廳，真心推介！

最近去左間貓頭鷹主題餐廳@owl.stage餐廳周圍都擺滿左貓頭鷹公仔同埋掛畫，好可愛🦉。環境、氣氛同埋食物都好好，傾到唔捨得走😁。🐮纽燒西蘭特級肉眼扒 $228 跟餐包餐湯同埋黑松露野菌沙律我地叫左5成熟，切開裡面係粉嫰色🥩，牛脂分布均勻，口感柔嫩，肉質腴嫩有咬口，食落非常juicy，可以沾上燒汁或碟邊既海鹽，更突顯牛既香味。我好中意伴碟既焗蒜，配牛扒食一流😍。🦀🦐蝦蟹膏蟹肉意大利飯 $168呢款可以揀飯或意粉架😝，意大利飯口感細膩，有嚼勁不軟爛，濕潤又不黏膩，每一啖都係滿滿既蟹肉同蟹膏，口感creamy，帶子鮮嫰，超好味。Orange juice $28朋友話好多果粒🍊好飲。 🍫🍫🍫Triple chocolate +$20濃濃既朱古力味但唔會話好甜，透心涼😊。

大南街這間餐廳鄰近太子地鐵站，內有唔少貓頭鷹裝飾，感覺店主極用心打造一個舒適嘅小天地。食物方面，set dinner頭盤點了黑松露野菌沙律🥗 廚師將不同野菌以黑松露炒得香氣四溢，拌著沙律菜吃，清新健康。主菜是香草青醬汁藍青口車厘茄意粉。意粉除了青草醬，更充滿蒜油味道，炒得很香。最後是8安士燒澳洲肉眼扒。我們要了五成熟，切的時候已發現肉質很腍，剛剛燒至五成熟，吃得出是一塊靚牛扒。跟餐還有炒雜菜和焗香的蒜頭🧄，炒雜菜加入了煙肉。除了洋蔥汁，廚師細心地在碟邊放了鹽，讓客人嘗試不同味道。值得一提的是，餐廳的黑松露鮮忌廉薯蓉($58)又香又滑，推薦。最後我們點了熱咖啡☕️，奶是打熱了的，感覺窩心，兩人埋單$500左右，性價比不錯。