Video
Payment Methods
Other Info
Wi-Fi
TV Broadcast
Above information is for reference only. Please check details with the restaurant.
比個名吸引左，禾牛西日餐廳，心諗應該係啲fusion野，牛扒應該唔會太差，所以就去試下。餐牌有（1）西式的牛扒餐，什扒餐，價錢由$80-$120不等。（2）鐵板餐，價錢$50+， 有湯有飲品，+飯/意粉，仲可以叫兩款餸（西冷扒，漢堡扒，雞扒，司華力腸，腸仔蛋，雞翼⋯），仲可以選黑椒汁，蒜香汁⋯）（3）日式餐，有定食，拉麵，價錢$50-70好似仲有其他餐牌，不過無留意了。見到呢個價錢，其實性價比都幾高，就選左鐵板餐，要腸仔蛋+西冷牛扒，意粉，面黑椒汁。鐵板既木邊，油林林到不得之了，感覺好污穢😖牛扒用梳打粉乸都勁林，無晒牛味，但多根，同好咸，加上勁咸既黑椒汁，成碟野一個字，咸！成碟野煮得最好應該係啲意外，唔會太林，又夠熱！雖然呢個價錢，有咁多野食，唔會有咩要求，但⋯⋯ 真係唔掂😅 比大家樂還要差
continue reading
轉手後水準很高，抵食，套餐$45起，每次都能保持水準，唔會令人失望。洪水橋嚟講數一數二，用心製作，好有 heart。最近仲有埋中式碟頭飯，幾全面。服務員態度親切，嘢食嚟得快，好滿意。
continue reading
今朝一早醒左個肚仔已經開始 咕咕聲，於是乎嗱嗱臨起身出街去屋企附近的禾牛西日餐廳食個早餐先，由於好肚餓的關係，去到一坐低我望一望個餐牌，就立即叫侍應幫我落order喇，叫左個粉嗲牛肉腸仔煎熟蛋米粉加一杯凍菜蜜！落完单不到2分鐘個侍應就好有禮貌甘放低左份早餐比我，我就急不及待食下D牛肉先，真是唔錯，肉質咬落鲜嫩唔 韌 ，而且仲好有沙嗲味，甜甜辣辣幾野味，跟住食埋隻煎蛋，好有蛋香味，再試埋D米粉，都幾好食，D米粉索晒D沙嗲汁好正好好味，最後食埋條腸仔同埋飲埋杯冰凍菜蜜已經好飽好滿足了
continue reading
前日貌似有個新侍應？，平時我係到食開晚餐都唔見佢。平時真心覺得呢間服務態度麻麻 四眼個個真係 不予置評 應該係老闆！！？不過叫佢比多杯水比小朋友食藥，係到嘖嘖聲 激鬼氣，唔知以為你啲水好貴啊！另外新黎個個就唔同 服務態度好好。@@@@@@@@@@當晚我一家四口落去食飯 叫左3個扒餐 食物質素唔講 自己食完就知哈哈，新侍應唔話得 ，個日好忙踢晒腳，但我地不停要求佢拎辣椒仔 茄汁，走幾轉都無好似四眼個個係到嘖嘖嘖！！！野食黎到個時仲不斷提醒小朋友：「小心熱啊，小心彈到！」態度非常十分好還主動比幾張餐紙我地！想食服務就去呢間！想食好西就走啦師兄
continue reading
1. 飲品 - 糖水係用白砂糖撞熱水開，唔駛講都知杯野係十級難飲2. 湯 - 仲衰過金寶3. 洋蔥汁豬扒配飯 - 洋蔥汁同茶餐廳係一樣。豬扒好硬。飯有飯焦。總結係宜家已經變左一間西餐廳外貌+價錢，茶餐廳質素。終於明白新老闆講嘅"大眾化d"係咩意思。超級失望，覺得比人呃左。
continue reading