蠔站 (亮賢居)

Open Now

Now Closed

今日經過詩歌舞街，見到有間食蠔嘅餐廳，作為生蠔愛好者一定要入去試吓，一坐低就叫咗一打生蠔。十蚊一隻，每日都會有唔同既promotion，今日個隻係南非蠔。一食落口，非常新鮮同creamy，另外嘅一個重點係，師傅會切埋個帶子位，依一樣野係非常欣賞嘅，因為就算連一啲高級酒店嘅自助餐，都未必會做到呢一步。其他食物品質都OK，但價錢都唔係話便宜，但又咁講，啲食物質素係對得住個價錢嘅。我哋叫咗個芒果大蝦牛油果沙律，呢個我覺得就咁食個牛油果蓉，都值回票價。另外座位舒適，完。總結：要記得book位，因為佢晚晚都full。$10一隻生蠔，唔試走寶。

之前去過這間食$10 一隻蠔（塔斯曼尼亞），今次再次光臨不過係食午餐。午餐當然有$10一隻蠔供應（今次promote 法國蠔）, size 很細少但非常之鮮甜，我哋二人頭盤一共食咗18隻。很甘味！之後，再order set lunch , 一個蒜蓉蜆肉意粉，一個紅酒牛扒,main dish 前有豆茸湯和麵包，main dish 後有餐飲及甜品。價錢$100一個set lunch 也不到，非常超值。因為附近有學校做埋學生優惠，今時今日嘅學生如果食一$60-70嘅lunch，絕對負擔得起👍😂

今個月我生日，唸住食蠔，想食好耐，今日我兩個朋友就約左我嚟呢間蠔站，因為呢間既蠔都吾錯，我哋之前食過，同埋佢有優惠$10/隻，雖然呢個特價蠔就吾系特別肥美，但都好清甜（法國蠔），今日我哋試埋另多一款，就貴少少既美國蠔$120有6隻，呢個好好味，肥美又清甜

今晚係親子日，疫情嘅關係原先我哋每年都會去歐洲一次，記得上年我哋去英國🇬🇧，好鍾意食生蠔同埋好鍾意英國風情嘅餐廳，奈何唔知幾時先再去到。我同細仔首先攞咗張枱，大仔嚟到之後即刻同我講好似去左英國Belgo 餐廳,餐廳環境闊落,樓底又高，恍如置身係英國一樣。至於食物方面：我哋叫咗一打半生蠔，只係$10一隻，當晚嘅推廣係塔斯曼你亞生蠔，蠔身肥沃，帶有海水味道，好新鮮！跟住我哋點了熱食。第一道黑松露野菌意大利飯，飯很香濃且富有豐富嘅黑松露味道，第二道菜係華麗皇室Pizza，味道也不錯，第三道係炭燒頂級西冷扒，我Order左medium , 果然冇令我失望,肉質鮮嫩，火喉啱啱好，牛扒有炭味之外，伴菜也很豐富，最後我哋叫了個薯條🍟送酒。真係好豐富！去唔到英國，但食到英國水準嘅西餐，好滿足！

近排真係勁想食蠔，於是揀左之前都幫襯過既大角咁分店，鍾意佢坐的舒服，環境又好，特別要讚既係一位男服務員，由接待到落單再到上餐都好有禮貌，俾到人好親切既感覺，相比樂富分店既員工，真係差到一個點，樂富分店無服務，環境差，食物質素差⋯講返今次大角咀依邊先，今晚點左兩round 生蠔，好新鮮，有好重既海水味開蠔哥哥仲好細心幫你cut 埋入面粒野，（樂富分店是沒有的） 另外點左一個西冷 要五成熟 賣相好靚 食落又林 好好味呀 ....其實今次食評 主要係讚佢地既服務

因為前度的關係，已經3年冇食呢間野。琴晚朋友好想食蠔🦪於是就近食左呢間。 生蠔10蚊果d係抵食的，性價比高。 但我地都有叫216/6隻，仲加左錢食更好的。 但係我覺得我唔值得加錢食。 因為好咸！因為10蚊已經唔錯。 但最勞氣既係！350幾蚊既黑毛豬排 好認好難食 好柴！ 而且份量係好細舊！ 再黎！138蚊既黑松露risotto係出水嘎！ 有冇搞錯啊！ 而且飯質好硬！ 啡菇又細！ 難食過薩莉亞！ 真喺唔好再俾機會！生蠔10蚊叫做唯一可取。

相信好多人黎食都係為生蠔🦪啦，所以頭盤一定係佢10$/隻加拿大海膽，En....日本嘅好食啲🤣🤣，加拿大嘅肥啲，見仁見智啦再Encore生蠔，叫佐半打貴少少嘅，分別係美國同紐西蘭，好瘦，味道口感唔係咁值，相反特價生蠔抵食好多軟殼蟹扁意粉 $158不錯，第二次食，軟殼蟹好香口，扁意粉有鹹蛋香，好正德國豬手$278呢個價錢算抵，建議三至四人以上，好大份，味道都可以，薯角炸得好好食😋

與女神第 2 次的約會，靈魂跳動開心不矣！立即飛的 30 分鐘到達，等待女神降臨！轉眼 12 天悠長假期迅速蒸發，沒有緣出國旅行，每日都是暴飲暴食暴訓，明天要上班去了！著便服的四眼叔叔似老闆多過經理，主動地推銷及介紹食材，其他員工招乎都夠溫暖細心，舒服的晚宴。後生仔主任有活力有衝勁精神亦亦，服務周到溫暖有熱誠。最初安排坐大門附近，人來人往枱又細，我當然拒絕！要求坐梳化舒舒服服，初時只得一張細細迷你枱，落完單不久終於識得兩張合一張，醒覺知道我係大客。為搏紅顏一笑 $2500 蚊絕對值得。原來有幸運抽獎，每 $600 可轉一次，最後得到 4 張贈券可以下次使用。Sileni Estate Cellar Selection，頭幾啖係就係偏甜一點點，啖落還算清爽可接受，不苦不澀入口順喉不算粗糙。La Java Des white wine，各方面都十分平均，清爽不太甜，有果香有花香，配生蠔配肉都不錯。原板日本海膽刺身，配有青瓜及紫菜。青瓜太薄好快就乾掉，爽脆多汁較果不明顯，最好約有 5mm 厚。整行海膽滿滿的，搭載紫菜青瓜片列車直衝舌尖！涼浸浸飽滿彈彈濕潤的海膽，鮮味強烈只甜不腥極度優質，拼埋

最近身邊朋友幫襯過呢間做緊生蠔優惠嘅餐廳，睇佢啲相搞到我個心囉囉攣，之後忍唔住過嚟探生蠔BB🤣🤣本來聽朋友講$10一隻生蠔都有啲唔係好相信，我諗$10生蠔貨色應該麻麻地，點知嚟到真係好驚喜😌😙😋啲生蠔好新鮮，質素一啲都唔差，真心推介一定要嚟食生蠔$10隻好抵👍🏻 我地2個人食左2打，都只係$140，平時係d超市買，價錢都唔止啦。之後叫左🦀餅& 波士頓龍蝦長通粉，真心推介⭐️ 呢度既蟹餅，好鮮甜，唔似出邊嗰啲溝左麵粉去整，呢間餐廳真係好有水準😌💗波士頓龍蝦長通粉長通粉煮得唔夠軟身，龍蝦汁就幾好味兩個都係我嘅至愛💗💗 真係好滿足😙好幸福😌我係openrice book枱，成張單有八五折優惠，好抵食‼️

本身Book 左一間九龍城食結婚周年晚餐，但係依排食得太多燒牛肉，所以想轉下口味，就臨急臨忙去search下食d乜好。諗諗下不如食返上年周年晚餐嘅蠔站啦，就拿拿臨經Openrice book位（因Openrice訂檯有7折），但係撳嘅時間已經係最早嘅8點45分，隔離食飯仲有成2個幾3個鐘。hea下hea下都仲有個幾鐘，就打去問可唔可以早d黎，waiter話OK，幾時黎都冇問題，咁我地就可以早d去開餐啦。原來為左慶祝開店周年，所以今個月(即3月)做緊7折優惠，所有正價都有7折，早知道就早d過黎食啦海鮮冷盤頭盤意大利粉同意大利飯主菜小食薄餅飲品我地叫左海觧刺身拼盤($428)有是日精選生蠔8隻、日本甜蝦刺身2隻、加拿大翡翠螺2隻、扇貝及赤貝刺身各1隻生蠔可以出去揀，$38個d就不用補錢，如超過嘅就要補返，所以視乎自己想食咩品種，店員都會跟據個人喜好幫手介紹，所以不用擔心唔識揀。最後揀左Irish Premium ($38)、American Peal ($48) 、Nelia ($58) 、Sentinelle ($58)每款各2隻我本人鐘意食creamy d嘅，所以以上都係店員推介，我自

為咗滿足阿妹個味蕾👧🏻被佢脅持咗去食蠔🍽️四個女人 眼闊肚窄嘅我哋今次醒 份量剛剛好-兩打蠔👈🏻$10隻真係好平 而且質素係唔錯架！-香炸魷魚圈 -北京烤鴨pizza-黃金軟殼蟹扁意粉👈🏻咸蛋黃sauce🤤邪惡！樣樣都好味 尤其是意粉同pizza都好特別值得一試！！

好多朋友仔都係為左生蠔黎呢度食飯😀其實呢度其他野食都吾差架🤭海膽濃郁鮮甜🤤一啖食落 海膽係口中慢慢溶化 滿足💓泰式生蝦刺身🦐蝦好大隻 蝦頭有膏 蝦肉新鮮彈牙 點埋啲泰式醬汁 酸酸辣辣 好味呀❣️$10一隻既生蠔都吾差 新鮮😀 咁既價錢真係超抵食🤭龍蝦湯都幾有誠意 湯係杰身既 飲落係咸咸地既龍蝦味🤤黑松露意大利飯未食已香氣撲鼻😀

之前同朋友傾開計，話呢道既生蠔好抵食！約左好耐，終於有機會一齊黎試喇🙇🏻‍♀️~~~~由於我地黎既目的係蠔，所以我地就即刻叫左一打生蠔試下～隻隻都好肥美，而且仲好重海水味！中間既雞尾醬同平時食既有d唔同，偏甜左d～生蠔點抵法？$10一隻炸食多幾隻都唔會心痛呀！我地一人6隻，好快就已經ko左一打。經理仲好貼心咁走埋黎問我地夠唔夠喉，使唔使叫多一打食😂why not?於是我地就ko左兩打生蠔。食完生蠔係時候食番d熱野～呢個炸雞翼係即叫即炸，上到枱都仲係辣手！不過小弟就覺得佢既「香辣」係黎自於旁邊嘅泰式甜辣醬，因為隻雞翼食落無咩味，啖味左d。而沙律菜就絕對唔馬虎，仲落埋黑醋汁main course 我地就叫左pizza～呢個pizza焗得好脆，好香口！長方形pizza既缺點就係最邊個兩塊會少d料。不過食落黑松露既味道都幾突出，唔錯

多年前朋友介紹呢間野，去過土瓜灣、樂富、尖沙咀、大角咀幾家分店，多年來幫襯夾夾埋埋超過10次都有啦。當初因為$10生蠔成日都去，其他嘢貴少少拉上補下都可以理解。但係呢一兩年再去，發現$198加一 一個嘅Pizza，細到連一個女仔都唔夠食，除咗生蠔，其他嘢（特別係海鮮類）標價比一般餐廳貴兩至三倍。已經有所謂正價食品八五折，三個唔大食嘅女仔每人都要$420 ，生意唔係咁做嘅。唔會再去啦，又或者淨係去食生蠔就算。

由於睇戲前一日已經諗定左想食蠔，所以我地係OpenRice 上邊已經早一日訂左位，訂位其間發覺原來經openrice訂位可享有7折（好似有分指定時間）。咁當日大概3點左右去到餐廳，由於黎之前食完雞蛋仔，我地都決定唔食太多野，只係想食生蠔過下過下口癮。最後我地叫左一個白酒香蒜辣椒蜆肉扁意粉同埋自選生蠔6隻（當日下午5時前時段有得120蚊6隻，可出去自選，但唔會有7折優惠），我地選左南非，蘇格蘭同埋澳洲既生蠔各2隻。咁其實好快生蠔就已上枱，侍應都好清楚話比我地知由淡味食到濃味，做左少少講解，咁我地先食既係南非蠔（老實講無咩特別感覺，似平時自助餐果d），跟住再食既係蘇格蘭蠔（呢隻味鮮得黎蠔味好重！Creamy得黎又好甜，三款當中我最鐘意食呢款），跟住食既係澳洲蠔（蠔味係真係好重既，但食落去既衝擊力無第2款咁重，但都不錯）。其實意粉係我地未食曬蠔前已上枱，食完蠔之後就開始食意粉，咁首先想講既意粉唔係好夠熱得黎調味亦都做得唔夠，成個意粉都食唔到酒味同辣味.....其實真係無咩味，但蜆肉係甜嘅，值得一讚。但最後因為蠔既質素都唔錯，所以我地叫多左2隻特價10蚊蠔，聽侍應講係法國蠔黎，呢隻比起我地食既