蠔站 (荃新天地)

Open Now

Now Closed

第一次去食 生蠔十蚊隻 好抵 吸引左 所以去食訂好位準時入座 不用等 環境不錯 有投影大螢幕 播放不同英文歌同韓文音樂MV 叫食物試了豬仔骨同生蠔 豬仔骨好冧身 好易切 很好吃 豬仔骨附上薯條 也很脆 食物夠熱 另外凍生蠔值得一提 夠凍 夠肥美 好鮮甜 比酒店的更好吃十分滿意 坐得舒服 隔離有人都不會覺得好迫 唯一不足係收加一果到係收返生蠔原價加一 感覺爭些 另外如果多些折扣會係主菜單更加好 會更吸引到多人入去食 而家都係主要覺得生蠔平先會入去餐廳食 不過都好滿意了

為左有正價7折去食坦白講waitress 服務唔錯但野食方面真係好麻麻先係朋友食到一隻唔新鮮蠔（有屎味）食到反左胃隨後本人返到屋企肚柯左幾次😞我諗應該冇下次😞

上次生日食過一次 但係分得兩隻蠔 唔夠喉所以過嚟encore ～ 上次叫咗兩款主食（冬陰功海鮮意粉、軟殼蟹天使麵） 都係細細碟 味道不過不失 Pizza 都係偏細 味道一般 呢個價錢係第二間食仲好過 以上三款可以唔使試🇲🇽墨西哥辣椒意式牛肉丸🌶️辣味香濃、肉汁濃郁、飽滿 可以一試😋🍇🍑水果味嘅梳打 $98/Jar 西餐黎講 幾抵飲🤩同樣叫左🦪生蠔396/12 pcs 基本上都係韓國同日本嘅蠔 海水味濃 口感濃厚滑想食法國嘅Gillardeau 所以以每隻加$20嘅價錢轉左三隻 另外係店員推介下 以每隻加$10嘅價錢轉左另外嘅法國蠔x3🦪同預想嘅一樣 法國蠔一定好食啲雖然蠔肉唔算肥美但口感清爽 彈性脆口 係自己鍾意嘅口感🥹但係無論係 原本嘅蠔定加錢轉嘅法國蠔 都係偏細隻🥹味道都係爭咁啲 所以有啲失望 圍返每隻都唔平 九龍城嘅Oyster More 價錢差唔多 但會大隻少少 味道更加好 🈹$10蠔🦪真係好抵！叫左半打細細隻 少許甘甜 少許蠔味 普普通通唔算好食 對得住價錢 要求唔高 又想啪大量蠔 可以一試！Ps 店員哥哥服務唔錯 幾好笑容同禮貌👍🏻

呢間野真係搞唔掂， 唔知其它分店是否一樣？服務一般， 無咩人理會蠔好一般， 感覺唔係話好新鮮， 其實野食更加唔洗講， 無咩好食， 亦都唔係特別平環境唔得， 好熱， 比部風扇我地吹就算整體都需要改善

👦🏻👧🏻拍拖到結婚既紀念日，如果想食生蠔，一定會黎呢度食！😍 臨近聖誕節，要去慶祝一下🍽️～ 依架餐廳做緊全單7折，唔包括lunch set，食生蠔7折超抵！我地叫咗$199 生蠔拼盤同加錢叫咗來自愛爾蘭、法國、日本等等既生蠔，由creamy食到重海水味，真係超滿足！另外嗌咗個lunch set 澳洲西冷扒配薯菜$168，牛扒煎至七成熟，外皮微脆，肉質粉嫩juicy，有芥末、黑椒汁同鹽可沾，👧🏻鐘意沾鹽食，👦🏻鐘意咩都唔沾，食原味😋📍 蠔站 (荃新天地) (荃灣)荃灣楊屋道1號荃新天地一期上層地下UG41號舖

生蠔十蚊一支 真係夠平，一分價錢一分貨，不夠肥美，勝在價錢便宜。提前訂位有折扣，都是算抵 人均$200 適合影相打卡。唔建議特地去食，經過試下都ok的！唔差都談唔上好！

朋友話要去食蠔，其實天寒地凍我想打邊爐多啲，不過都要照顧下各位嘅口味，所以聽佢話去左荃新天地嘅 oyster station. 先嚟一打蠔同一個Tower 嘅 Draught beer. 蠔只係HKD10 一隻又係幾抵。朋友再點左mixed cheese pizza, pork knuckle 再後加一個pasta. 個pizza 好差，最大問題係個pizza dough, 冇乜texture。我自己整的96hr 嘅pizza dough好味過佢多多聲。個pork knuckle 是可以，三個熱食最正常係佢。後加的pizza唔記得影相，不過係辣嘅，怪怪哋，我朋友食唔到辣所以唯有我食。埋單430一位，咁嘅價錢咁嘅食物唔太值，有好多其他選擇。

當日因為有提早Book位，所以唔洗等位就可入座餐廳安排左等地係邊邊既窗口位，係對住出面平台，有少少燈咁，環境都算浪漫.今次叫左：❇️ $199生蠔拼盤$199係餐廳做緊平價，另外仲會跟一杯餐酒入面有7種唔同既生蠔，上既時候staff沒有特別解釋，所以都唔太清楚邊隻打邊隻，想再單叫都有點困難.❇️德國豬手豬手皮脆口，夠味👍🏼另外仲有連薯角，同少量沙律菜.❇️冬蔭公海鮮意粉冬蔭公味唔太出，正正常常.❇️ 海鮮沙律

$10蚊隻蠔阿，真係好抵呀，Cp值抵到爛，衝住佢嚟。環境座位都幾寬敞舒適，而且唔係好多人，可以同朋友慢慢食傾多一陣計都得，而且員工都唔會好急咁趕你走。特選蠔🦪🫧$10一隻，入口幾爽口，仲有有少少甜，性價比幾高，無失望阿真，唔係平野無好野❤️❤️encore encore 阿要！德國🇩🇪咸豬手🫧豬皮炸到脆卜卜，肉質唔會好乾，肥瘦均勻推薦！白酒香蒜辣椒蜆肉扁意粉🍝🫧蜆肉份量都幾多而且size 都大大粒，少少辣都幾過癮。

以前幫襯過大角咀嗰間，還算OK，但最近去呢次，第一下坐落去無耐，個侍應（40幾歲嘅男人，疑似係經理）無啦啦行過嚟用隻手觸碰原本已經擺放好的刀及叉（係刀頭同叉頭果部份）已經令我滴晒汗，然後落單叫左個10蠔（結果落錯單，落左12隻），呢個都算啦，另外個軟殼蟹天使麵（麵粉仲多過啲蟹肉，而個天使麵又淋又難食，好似一劈粉漿），最後係個四式芝士薄餅（味道超級一般）。最差最差都係要個侍應，超級冇禮貌，個串串共，問多兩句又比面色你睇，俾錢買難受。

和朋友慶祝生日🎂特別選擇中午時段🤫🤫因為冇咁多人😂😂比較安靜✅可以傾吓計💋而且在OpenRice訂位😍😍仲有七折👍🏻👍🏻非常抵！一去到侍應安排窗邊位置🥰🥰非常舒適生蠔$10/ 1隻😍勁抵食👍🏻👍🏻一定要叫😎 我哋叫咗一打😂另外我哋試咗鵝肝不過不失都算好食仲有個煎魚好食最後見到午餐咩咩豬扒⋯⋯😂我們都叫了✅侍應很好👍🏻我哋叫個甜品🍮因為係生日🎂要求佢寫字✍🏻佢都幫我哋😝本人比較喜歡午餐時段過嚟👉🏻因為上次晚餐過嚟😅太嘈😝很多人

好耐冇食生蠔記起荃新天地有Oyster Station商場周圍餐廳都full晒 唯獨呢一間冇乜人 一於去食返一打生蠔先-$10隻生蠔是日精選係法國🇫🇷蠔蠔肉略嫌有啲細 唔算肥美 新鮮即開 鮮甜得嚟帶有少少海水味 $10隻 又真係唔能夠太高要求嘅 叫做物有所值Lunch menu望落都唔錯嗌兩個lunch同屋企人開心share先餐包有啲Dry 唔係咁好食 餐湯足料 好多好多雜菜-慢煮牛肉意大利飯唔係好食到個汁係咩味道 飯粒太林 無咩口感-澳洲西冷扒配薯菜賣相一般西冷扒叫五成 有大半塊係切唔開好多好多好多筋 配菜翠玉瓜同埋菇 望到輕輕煎過 但入面仲係凍嘅呢塊扒係我喺餐廳食過 人生最難食嘅西冷🤢可以嘅話 淨係食生蠔就好了7個lunch set 嗌2個都係唔好食😵‍💫

➊ 🦪 特選蠔 $10我係衝住佢黎的🤣 $10一隻蠔，叫左一打半黎試試先，蠔肉唔算肥美，但入口微甜，都好爽口，最重要係夠凍，對得住哩個價，下次可以再encore!🔥..➋ 🐷 脆炸德國咸豬手配蜜糖芥末籽醬 $278豬皮炸到好脆好香口，豬手嘅肉一定要連埋啲脆皮食先香口👅 而佢肉質嫩滑，肥瘦都恰當，配埋旁邊嘅酸菜會更加開胃🐒 因為用OpenRice訂枱主餐牌會有7折，所以唔洗200蚊就食到🤪..➌ 🐓 燒春雞配薯菜 $98一上到枱，嘩左出聲，心林點解得咁細隻，我以為有全隻雞，點知哩到應該半隻都冇🙁 不過雞嘅肉都唔算好鞋嘅。..➍ 🥩 澳洲西冷 $118叫左五成熟，大大件而且又啖啖肉嘅牛扒，不過不失。..環境同食物係唔錯嘅，但我本身見到佢個Shashimi menu林住食海膽同赤貝，點知佢話冇曬，好失望😥 題外話，OpenRice 訂枱主餐牌會有7折，但注意lunch menu就冇得享用。🤭 ..@lamlamfoodie

好得意，8月最後一個星期等等等到9月1日，只有荃新天地有訂座優惠（餐牌單點85折），所以即日訂位去食生蠔。4打$10特價生蠔分2次叫，比左2款唔同的生蠔，都好好味又新鮮。其他熱食都可以，肉眼就好多根。服務有禮，希望下次再去水準一樣。大滿足。

當晚有叫做緊10元一隻的特價蠔 (當日係法國蠔）size 相對正價蠔細隻, 味道唔錯。另外我地都叫咗其他品種, 包括試咗杜拜, 蘇格蘭, 南非及澳洲蠔, 正價係 39-49 元一隻, 最欣賞蘇格蘭蠔入口頗滑同滿口海水味, 澳洲蠔夠 creamy, 杜拜蠔雖然入口時比較淡, 但之後回甘, 各有各的特式, 大家食得好暢快。所以跟“蠔站” 這個餐廳名稱甚是匹配, 值得一讚！ 至於其他菜式與同類型餐廳比較沒甚特別之處, 味道ok, pizza 單看價錢 ok, 上桌先知原來只得 6 吋細 size, 略嫌貴咗少少。 同埋叫咗個2公升Stella Artois啤酒, 有麥味, 基本上餐廳環境都舒服好坐, 大家都吃得好盡慶, 大班人慶祝的地方。