蠔站 (荃新天地)

Open Now

Now Closed

蠔站最出名一定係$10/1隻生蠔， 因為真係好抵，同埋佢嘅生蠔真係唔錯， 唔會話真係畀啲好細好細隻嘅。 雖然一打裏面可能有唔同款， 咁反而仲食到唔同嘅味， 有啲偏海水味，有啲creamy 呢個價錢整體嚟講真係冇得輸 其實佢呢個優惠都做咗好耐， 好多年 ，估唔到仍然仲可以維持到而家 希望可以keep住有

黎左荃灣荃新天地呢間蠔站分店，夜晚可以walk in唔洗book位，咁岩黎到生蠔有promotion $199有1set 八個國家既生蠔，今次唔係食10蚊蠔，而係叫左兩set八國生蠔仲有2杯白酒送另外仲有叫左蠔站至尊Pizza , Pizza好有芝士味，應該係用左水牛芝士，仲要有拉絲，真係好正最後叫左個牛臀肉5成熟開頭仲有啲擔心會好韌，結果一啲韌都冇下次會再黎食既，會試埋其他分店下次要試埋佢既肉眼，相信都會好好食呀。自費用餐共$1111

門口永遠都冇人，manager鐘意企係場入面同職員傾計，唔會理門口有冇客人。入到去冇人會理你，明明有套餐，跟杯酒，但唔會同你講，因為去過其他店舖食，所以先會知。同好似好趕咁，明明仲有食物係枱，會咩餐具都收走晒，唔會再去荃灣食。

第一次試呢間餐廳＊10蚊蠔好好質素 推薦一定要叫＊如果咖啡係拉花就好啦＊ 喜歡午餐係set lunch 麵包加湯加主菜加飲品。價錢經濟實惠＊最中意係佢既甜品拼盤 樣樣都有芝士蛋糕同心太軟都幾好總結：會回訪既餐廳＊＊＊＊＊＊＊＊＊＊＊地點： 8／10食物：9／10價錢：9／10

每日都有$10/一隻生蠔，任食冇限quota，平靚正，以為$10只得細細隻生蠔仔，點知嚟到出乎意外地靚，價值絕對超過$10其他熱食都好高水準，薯條，蒜蓉包，炸魷魚圈，意大利粉，全部都好味值得再光顧

平日的晚上，經openrice 訂位，六點入座，埋單有八五折。十蚊一隻生蠔？ 猶豫會唔會中伏，心想叫一打都只是一百二十，若唔掂，豪俾佢。我哋二人叫了海鮮薄餅、炸魷魚、一打生蠔。原本想叫燒牛沙律，點知話冇😮‍💨⋯⋯最遲叫的炸魷魚，反而來得最快。份量都不少，魷魚圈不會過靭，易咬。不過放底的魷魚鬚黑了點，但質素都不錯。海鮮薄餅，是薄皮，香脆，兩個人食足矣。不會過鹹，餡料不少，鹹淡適中。這店有多款不同國家不同價錢的生蠔，雖然我們只是叫了最平，十蚊一隻那款，但不差。有蠔的鮮香氣味，入口感覺新鮮，口感不遜色，真的非常抵食而且又有質素。八五折後，這餐埋單只是四百七。還有一杯白酒哩！

朋友生日 見呢間西餐$10生蠔比佢吸引左😅📍生蠔黎講大大隻 都算新鮮$10黎講都過得去👍🏻再叫啲小食等埋朋友到先上主菜📍薯條味道唔錯 唔會太乾 又唔會太油份量亦都唔小📍香辣雞翼單支炸雞翼 好食😋咬落去仲係脆口而家好多汁一份唔夠食完要叫多份🤣📍辣肉腸pizza熱辣辣出爐 薄薄既餅批趁埋芝士茄醬呢啲又係無得輸既👍🏻📍大啡菇意大利飯我覺得好食 因為我好鐘意食大啡菇同黑松露所以兩樣野加埋一齊 簡直係絕配😍📍拿破崙鮮蝦墨魚意粉諗住叫你俾小朋友食，點知出到嚟係辣嘅，同埋小朋友唔太接受墨魚意粉（黑色），最後變左大人食🙈📍RIBS 肉質鮮嫩，容易脫骨，配搭燒烤醬，辣辣地📍心太軟雪糕最後叫左個甜品 配紅豆雪糕正正常常咁啦🙈整體黎講 味道就唔差既不過等待時間就真係有啲耐員工態度都好好如果普通同朋友happy hour食生蠔飲吓酒，呢間都係一間唔錯嘅選擇👍🏻值得推介☺️

一行三人去食蠔，通過open rice book枱重有Discount,準時五點到，服務員第一句不是歡迎光臨，而係叫你準時7點交枱。冇所謂，Happy Hour 兩粒鐘差不多，雖然有折但食物一般二百至三佰，細細碟，蠔每人一set,開咗兩次white wine加幾個小食，埋單$2000幾，加一還要按正價，小家到死，叫第二支wine時還重覆要七點交枱，當然一早埋單，準時交枱，走時都唔見有幾枱有人坐，無客都趕你走，明白點解港人北上消費。

同事推介我來這間店到食牛扒還有生蠔，因為慶祝生日，book 了8:00 一去到預留了餐廳最入！原來這店有室外，但枱經過好像只有兩張！我們兩人叫了生蠔拼盤，乳豬，意大利飯，魷魚圈！魷魚圈有少少過咗火外皮，但魷魚還軟熟，意大利飯好香黑松露，直得推介是乳豬，真的非常脆外皮，不需要點醬都好夠味，可能我麻麻地這果醬汁，佢有三個size 可選擇，一份，半隻同一隻！我地叫咗一份！兩人食剛好！蠔有三款在拼盤内，這個蠔是可以自己選擇的！但我哋就交由店員決定，我地只係說了要淡味的，不好太海水味重，我不太喜歡蠔我都覺得好食好新鮮，另外他們有10元一隻的，因為都好飽了，所以没叫到，下次會再去試下！蠔是可以自己選擇的！但我哋就交由店員決定，我地只係說了要淡味的，不好太海水味重，我不太喜歡蠔我都覺得好食好新鮮，另外他們有10元一隻的，因為都好飽了，所以没叫到，下次會再去試下！

Order了12隻$10 生蠔(今晚是法國生蠔,但名稱忘記了）, size適合一口一啖吞下, 意外的鮮甜肥美, 不會太瘦弱🤣, 之後再order了兩隻$68法國Gillardeau 入口爽脆,味道甘甜無比, 之後又再order了刺身拼盤, 內有6隻美國生蠔, 海水味都算濃、肉質都爽，最緊要係「大件夾抵食」🤭 今晚的生蠔宴完美收場☺️

今日難得女子組人齊，外出午飯聚餐。先order$10生蠔一打及半打$120生蠔。鮮甜，厚肉，海水味重Pacific Rock～淡味,麻麻地, Tong Yeong～厚肉、脆、有海水味okay, Scottish Cumbrae~勁海水味，咸味勁必點香脆既蒜蓉包今日餐湯～熱辣辣磨菇湯，勁正。以前餐湯只是暖的，no good，有改善。一定要食澱粉既靚女order鰻魚溫泉蛋意大利飯煎豬扒煎蛋伴薯菜，燶邊蛋，正。煎雞扒煙肉伴薯菜～雞扒煎得好脆**今日聽到服務員與客人對話：這裡有三張午餐菜單，每星期更換一次。下次去要影下餐牌透過openrice訂枱，餐牌正價七折。

每次想約friend都會嚟呢間西餐廳。呢度嘅生蠔同牛扒都好出色，真係唔可以錯過😋。🦪 $10 生蠔超值之選～ 生蠔新鮮肥美，每一隻都帶有海洋嘅鮮甜味道。配埋少少檸檬汁同佢哋嘅cocktail sauce，味道更加豐富。每一啖都感受到海洋嘅氣息，真係好滿足，食得好開心。🥩 炭燒美國 C.AB肉眼扒（12安士）呢個牛扒不錯～ 炭燒得外脆內嫩，肉質多汁且帶有濃郁嘅炭香味。12安士嘅份量絕對夠飽，每一啖都好juicy，加埋少少鹽同胡椒，味道更加突出👍。

$10一隻生蠔優惠性價比極高！味道先海水味後口甜，Size唔會話太細隻，同朋友各自食咗一打，配上白酒，超級大滿足，美中不足嘅係醬汁調味一般，Btw坐窗邊打卡一流🤘🏻

冷氣機滴水職員明知都安排坐低。食食下個囡話濕先知原來係冷氣滴水（開頭應該無開機所以未滴）只安排換枱。又無道歉。紙巾都無比返張抹返乾事後當無事發生一樣。道個歉有幾難？比張紙巾抹小朋友都好(但完全無）

想靜靜地，揀了間唔多客的西餐廳，同埋有生蠔食，不錯。點了正做優惠$120/半打的生蠔。專登叫了侍應主菜後上。很快來了紅湯和餐包，湯的味道原本不錯，內裏的肉和菜蔬也豐富，但溫度實在是問題，一點熱都沒有。生蠔有美國、韓國和愛爾蘭，每款兩隻，侍應話要跟這次序食。送來時，嗅到蠔的鮮。蠔的口感不錯，亦不是一味後加的鹹水味，最緊要是沖得淨，一點蠔殼也沒有，它不是肥肥的那種，但滿足矣。主菜的雞肉扁意粉，很creamy, 扁意粉軟硬度適中，鹹度適中，整體滿意。埋單接近二百。可以坐得舒服，靜靜嘆個午餐都不錯。如果湯夠熱，分數會更高。