Video
1-min walk from Exit A1, Yau Ma Tei MTR Station
continue reading
Telephone
60842959
52392393
Opening Hours
Today
12:00 - 22:00
Mon
Closed
Tue - Sun
12:00 - 22:00
Public Holiday
Closed
Above information is for reference only. Please check details with the restaurant.
Signature Dishes
嗱呢間野我想講有啲驚喜首先唔好意思掛住食無影相😂😂食左佢個2人餐花枝丸餃子刀削麵同雞翼鹵肉飯配百頁豆腐果set再加2杯野飲重叫左3款小食1. 鴨血(呢個有啲驚喜味道幾好重要份量都多)2. 雞翼(原本以為佢雞翼跟飯應該唔多所以叫多set點知個飯都有4隻🫣🫣)3.台灣腸(無乜特別)講返2款主食，無諗過個麵係蕃茄湯，預都唔係純蕃茄煲出黎都加左啲茄膏不過真心合格既酸酸地都開胃份量都夠個飯想講個汁幾好送飯，個鹵肉都幾香簡單講可以再戰，都建議大家去食❤️
continue reading
偶然喺Openrice見到，同第一次見面嘅朋友食飯，佢喺油麻地收工，所以我揾咗幾間喺油麻地可以食嘢嘅地方俾佢揀，呢間超近地鐵站，勁方便，佢最後揀咗呢間，朋友真係有眼光，因為嚟到之後令我非常驚喜。雖然係外賣店，但係隔嚟有店家嘅共享休憩空間，可以坐低食嘢、唱K，仲有個白板可以畫畫，成個地方都好舒服，老闆同老闆娘人又nice，我地喺隔嚟食仲拎過嚟俾我地。二人餐係$159蚊，人均80蚊，包兩份主食（粉麵飯），一set兩款嘅小食組合，一份涼拌菜，兩杯手搖飲品，兩份甜品，amazing！如果係平時出街食其他嘢，要有呢個豐盛嘅程度，可能呢個二人套餐嘅價錢淨係夠order一個一人餐。相片我冇影齊，我地叫咗滷水雞翼滷肉飯同鹽酥雞粒滷肉飯，小食組合揀咗炸地瓜條+香蔥餅（印象中好似有四塊），涼拌菜係fix咗嘅涼拌木耳青瓜片，我嘅飲品係綠茶多多，朋友飲脆脆阿華田，甜品我揀咗黑糖珍珠仙草芋圓，朋友揀嘅係紫薯鮮奶布丁。呢個係我嘅滷水雞翼滷肉飯，我第一眼見到以為得兩舊雞翼，都已經覺得好合理，食多陣先發現原來有四隻，我好感動，係我阿媽先會一餐放四隻俾我，平時出街食飯，如果配菜係雙拼，頂盡得兩隻。雞翼仲要整得好香好軟嫩，滷肉都鹹香又彈牙，味道啱啱好，幾有家常感覺，仲有兩片酸蘿蔔可以食到一半refresh一下個口腔繼續食。朋友嘅鹽酥雞塊我都食咗一舊，香脆有肉感，完全唔柴，好食。地瓜條超大一份，外面好香脆，裡面好有番薯味，不過食到後面個口有d乾，我拎嚟點咗一下我甜品d黑糖漿，又幾正。如果之後有其他口味就好，例如海苔粉、酸梅粉，不過我淨係睇咗二人餐嘅menu，二人餐呢個係原味嘅，其他menu我冇仔細睇。香蔥餅係真的香，我最初以為佢會係一塊煎餅切成一塊塊，原來係一粒粒小圓餅，非常好食，皮係類似糯米嗰種半透明嘅餅皮，裡面有d蔥，同埋我食出咗韭菜煎餃嘅香味，可能有類似嘅餡料，入面都幾juicy，正！涼拌木耳青瓜片係辣嘅，調料頗有川菜嘅風味，香辣，但係有d鹹，有d豆瓣醬嘅香味，特別嘅，呢個涼菜撈飯好食。飲品方面，我杯綠茶多多符合預期，我叫咗少冰少甜，幾清新，不過朋友就話佢杯脆脆阿華田有d普通，我飲咗啖覺得的確冇我嗰杯好飲，佢個基底係類似茶餐廳凍華田嗰種口味，朋友好似話裡面有d oreo同cream，但同個base唔係好融合到，我覺得如果佢係類似McCafe嗰種阿華田飲品咁比較milky嘅應該會融合得好d，下次嚟再試下其他飲品。呢個係黑糖珍珠仙草芋圓，好colorful，唔係虛假嘅顏色，食落去真係有濃郁嘅對應味道，即係抹茶味、紫薯味、芋頭味、番薯味呢d，係真係存在，芋圓嘅口感非常Q彈，煮得好好（因為我自己煮過，煮到一pat嘢），每一啖細品都可以食到個味道，好出色，珍珠同仙草都同想象中一樣好味，食嗰陣可以撈下底下d糖漿再食。我覺得呢個好出色。朋友杯紫薯鮮奶布丁都好香，佢好鐘意，布丁嘅texture係軟滑嘅，非常有奶香味，紫薯泥都好濃郁，同鮮奶布丁味道好夾。我地兩個人食到勁飽，好耐冇試過食得咁舒服、盡興、又唔肉痛。D嘢食好足料，性價比高，而且包裝我都覺得揀得好好，幾好睇同實用，第一眼望落去有種好似唔算大份嘅幻覺，但其實裡面深不見底。係尋日嚟嘅，萬聖節所以畫咗d好有萬聖節氣氛嘅嘢。本身完全冇特別plan過要出嚟玩，只係打算同朋友隨便食嘢行下，但呢度環境真係幾有Party room感覺，即刻成個人都好有過節嘅氣氛，估唔到我嘅開飯環節都會咁開心。可惜我住上水加上唔係成日出市區，如果我住附近應該會成日幫襯，佢地單點嘅價錢都好划算。不過我已經推介咗比朋友，之後約其他frd都會嚟繼續支持下。今次應該係我第一次喺Openrice打食評，因為呢間真係太少評價，我最初揀嗰陣都係本著賭博嘅心情，見性價比高先嚟，結果發現超正。所以我希望我寫完之後其他人睇完會有多d資訊可以參考。最後祝巴豆妖長做長有！
continue reading
當忙碌左一整天。想搵一個地方想靜靜地做野。就比我見到這間台式小食店。佢隔離有個好舖服嘅共享休閒空間。有好靚嘅台灣風景牆。可以比人打咭。在這個繁雜的油尖旺區。可以搵到這個寫意舒適的環境。一邊工作，一邊聽歌，一邊嘆台式飲品。係我至愛的芋香珍珠奶茶。仲有好多美味嘅台灣小食。不過今日太飽只飲野。下次再試。地方細細地。但環境真的很舒服。。佢地話這度仲可以包場搞活動。又可以帶寵物入嚟坐。等我下次帶埋我位主子嚟開生日party先。。。
continue reading
尋晚10點左右突然口痕，咪諗住.睇吓佢哋仲有無野食。行到過去見收緊檔，咪同事頭婆講話肚餓吖，佢就話本來收咗但見係街坊就照做俾我。我話想食少少野當宵夜，佢就做咗個一人炸物拼盤俾我。……可能係佢哋轉咗供應商關係，台灣腸比起之前好味好多，表面夠香又夠脆而且仲好juicy添。以前佢哋啲湯餃子就食得多，但炸嘅就未試過，今次真係有驚喜，再加埋佢個秘製辣醬，超正。鹽酥雞粒就保持一貫水準，炸得啱啱好，香脆又guicy而外層唔會太干身。埋單都係幾十蚊，超值。事頭婆叫我下次可以試埋個滷味併盤，我就一定會試啦。
continue reading
夏日熱辣辣，好想食啲凍野，佢哋推薦我食新出嘅珍珠奶茶布甸，平時珍珠奶茶就飲得多，布甸好少見又唔貴所以就試下。食完幾驚喜好香奶茶味唔會好甜，口感嫩滑，加埋珍珠一齊食更加正，黑糖味又唔會遮晒奶茶味。老少咸宜極力推介
continue reading