太平洋咖啡 (曼克頓山)

Open Now

Now Closed

今次去Pacific Coffee，我點咗杯口感滑溜嘅黑糖福岡抹茶咖啡，第一啖嘅綿滑抹茶混合咗深邃嘅黑糖香，真係正！咖啡味道夠晒提神，又唔會搶咗抹茶嘅風采。搭埋烤芝士辣玉米片配三醬，味道真係正到飛起，芝士嘅香味咁豐富，辣玉米片仲有啲微辣嘅kick，簡直係一個絕配！太太就揀咗個茶之魅，咖啡店竟然都玩到果汁嘅清爽，個冷泡茶底加入多種飲品層次豐富，舒服嘅香氣就好似夏日個涼風吹過咁爽。而家嘅Pacific Coffee真係唔止賣咖啡，連小食都做得出彩，俾我諗起香港嘅潮流小食一樣，時刻更新，跟得上潮流。行過呢度，不妨入嚟坐坐，飲杯嘢，食小食，真係幾舒服嘅！

今天氣溫得28度。錯在曼克頓山商場內的Cafe店有侷促的感覺！這個商場的冷氣超級不足，各位超過30度真的要慎重考慮要不要來嘆咖啡！沖一杯熱的Mocha，要等成5分鐘咁耐，等到啦，對唔住原來沖錯size,又要繼續等！要不是貪這間咖啡店比較大，容易找位才不想來！咖啡也還好，沒特別，飲了不覺得很開心，因為實在太熱了。難為他們裏面工作的員工。熱住飲熱咖啡真是超唔開心，一間平平無奇、超普通的咖啡店！$40很貴很貴很貴呢！

幾個月前去過一次「饒宗頤文化館」嘅「Pacific Coffee」嘆午餐，覺得環境好好，好舒服，打算趁呢日天氣好，仍然涼涼哋，唔太熱，再去多次，點知原來轉咗為另一家咖啡店，加上「饒宗頤」有啲活動搞，可以講喺人滿之患，所以，轉場落返去「曼克頓山」間「Pacific Coffee」，呢一間分店都好耐無到訪話過喇。由於喺周日關係，就算呢間店都有唔少人幫襯，不過，就幾鍾意佢個環境，因為地方大，樓底又高，空間強，更特別多梳化櫈，可惜，今次都喺一櫈（梳化櫈）難求。小弟向來都喜歡試新嘢，早前就喺經過見有款「福岡抹茶咖啡系列」，好奇都想試試，睇吓呢款帶和風嘅「鴛鴦」喺點。呢個新系列有兩款出品：黑糖福岡抹茶咖啡、黑糖福岡抹茶咖啡其樂冰，前者較合我喜好。除咗「福岡抹茶咖啡系列」新嘢外，仲見到有另一款新嘢「無酒精特飲及小食系列」，新出咗幾款特飲：茶之魅、椰林飄香梳打及兩款小食：烤芝士辣玉米片配三醬、香辣雞翼配甜酸醬。我見到上面水牌嘅廣告仲有其他小食，如西班牙油條、椒鹽魷魚，店員就話會輪流推出。原本就打算只喺嚟坐吓、飲吓嘢，就因為新推出咗幾款小食，咁就不如試試，嚟一個輕怡下午茶過過口癮。黑糖福岡抹茶咖啡 $4

曼坊的 Pacific Coffee，就在我家樓下，每天都會經過，生意很好！COVID-19疫情期間，生意仍然不錯！Perfect Cup Card會員，7月、8月享優惠：#7月：充值200元，贈手調飲品１杯#8月：買手調飲品，享５倍會員績分我７月份充值了800元，獲贈４杯手調咖啡，我喜歡這家Pacific Coffee，是因為：人情味！我媽媽患腰腿痛，不能走太遠，要找個地方歇一歇，她會在這裏休息一下，再回家，老人家沒有消費(40元/杯咖啡，老人覺得貴！)，年輕的店員很好！給老人家方便！我充值Perfect Cup Card，給媽媽歇息時，吃麵包/蛋糕，順便支持有人情味的店！

📍太平洋咖啡店- 檸檬撻我自己平時就勁鍾意食一啲酸酸甜甜嘅嘢～所以我自己本身好鍾意食檸檬口味嘅tart~呢一款tart亦都冇令我失望食落去有少少酸 但係如果再酸啲就更加好🥰出邊個皮都幾脆身😚會想encore 😝✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評外觀：★ ★ ★ ★ ☆回頭率：★ ★ ★ ★ ☆抵食指數：★ ★ ★ . 5

Occasionally visit. Very good and relaxing environment. I like their coffee cream and its better than coffee. I mainly drink Coffee and taste is above average and the same goes for pastry and food. It is a nice location when you need to meet someone.I wouldn’t drink coffee every day in pacific coffee, if I compare with quality and price. I hardly drink the latte, nevertheless, this is the only place, I drink a latte, whenever I decide to have one, compare to other locations nearby.

本來老婆星期日晏晝有個興趣班要到油麻地上堂，不過，撞正啲社會事件，油尖旺一帶「立立亂」，所以，課堂取消。突咗個晏晝出嚟，兩公婆就不如落去「太平洋咖啡」輕鬆下，嘆杯咖啡，睇睇書。「曼克頓山」呢間「太平洋咖啡 」特別鍾意，因為地方大，樓底高，空間感強，更特別多梳化櫈，可惜，呢啲假日時段，梳化櫈大多數都喺一櫈難求。小弟向來都喜歡試新嘢，所以，晌排隊買咖啡時，見到有款新系列：「Legend of the Fall」，以蜜梨入饌調配出兩款咖啡飲品，感覺會喺潤潤哋，一於試晒佢。但好可惜，啲蛋糕賣得七七八八，心水嘅檸檬撻都賣晒，得番一款較啱口味。蜜梨胚芽燕麥奶咖啡 $42呢款咖啡勁啱我老婆，因為用上燕麥奶，可以講喺「全素」出品，要求少冰，所以，唔會太凍，只喺涼涼哋。飲落好有驚喜，醇香嘅咖啡中，滲出清甜嘅梨香味，兩者味道平衡，更有一份滋潤喉嚨嘅感覺。除咗面面糝咗啲粒胚芽之外，底下仲有啲薏仁粒，粉粉哋，有啲咬口，不過，就未必人人都喜歡佢嘅口感。事後先知，原本呢款產品都提供到熱飲。蜜梨薏仁燕麥奶其樂冰 $42小弟就要杯其冰樂，送走夏日，迎來秋風。跟上面嘅燕麥奶咖啡做法差唔多，只喺做成沙冰，味道依樣晌醇香嘅

早餐經常都係幫襯茶餐廳，唔係火腿通粉就係沙爹牛肉麪，今日偶然食吓呢間餐廳嘅磨菇蛋批，味道真係唔錯，店員把批加熱，批皮十分香脆，磨菇和蛋由芝士黏著，蘑菇爽脆充滿蛋香，熱辣辣很可口，份量足夠又健康。

「我的星期六美孚早餐」呢個系列都好耐無寫喇，上月初晌中環嘅Pacific Coffee嘆個下午茶時，偶然發現佢哋推出咗啲紅菜頭特飲，呢啲健康嘢，啱晒我老婆啦，所以，專登搵個星期六落美孚曼克頓山嘅Pacific Coffee食個富貴早餐。晌美孚區，亦有Starbucks及其他咖啡店，但論到好坐，首推呢家Pacific Coffee。因為地方大，樓底高，木椅、梳化位任擇，空間感強，予人感到舒適悠閒。故此，過往日子，我哋間中都有落嚟食吓嘢。尤其星期六嘅大清早，客人少，環境就更清靜，食吓嘢，睇吓書嘅話，不知幾輕省。講明為個紅菜頭特飲，當然目標清晰，與此同時，見佢哋有推出咗一款與么鳳聯乘嘅「口立濕」系列，貪新鮮嘅我，今次就棄咖啡，試吓啲「騎呢」嘢。紅菜頭蜜糖檸檬水 $40紅茶頭系列共有3款，其中兩款喺其冰樂，太冰嘅嘢絕對唔多啱佢，所以，就揀另一款「紅菜頭蜜糖檸檬水」（少冰）。雖然少冰，入口仍然都好清涼，但就唔會凍到人口骹軟；你見得兩片檸檬，因為檸檬唔喺主打，只喺帶出少少檸檬嘅酸香味，飲落紅菜頭味十分突出，加咗蜜糖，繼而令感覺到一份清甜味，整杯飲品嘅配搭都好有心思。凍柚子話梅綠茶 $38話梅搭綠茶

好耐無寫過「我的美孚星期六早餐」系列，雖然近乎個個星期六都專登出街食早餐，早前兩公婆輪流小病，多數落「海皇」，否則就比較多去McCafe多，間唔時幫襯吓同區美字頭、大字頭嘅快餐店。今次，就唔同啲，打算入廸士尼玩，補祝老婆生日，所以，就一早輕鬆去「Pacific Coffee」嘆咖啡食早餐，培養吓遊樂嘅情緒。嚟得呢類咖啡店，就梗唔喺匆匆食個早餐就閃，所以，環境頗重要，個人就幾鍾意依間PC，因為地方夠大，環境闊落，無論揀梳化椅，抑或木椅位，都感覺舒適。對比起萬事達廣場嘅「Starbucks」，環境確喺佔優。一向喺鮮奶咖啡嘅粉絲，但走到櫃枱睇睇有咩好食時，見有啲應節嘅聖誕新品咖啡推出，反正價錢跟其他飲品都喺差唔多，當然貪新鮮試一試啦！剛好新品有3款，其中1款凍飲無供應，剩低嗰兩款熱飲就唔使多諗揀邊樣。順便望埋食物櫃，由於一早關係，選擇齊全，不過，以早餐而言，都喺揀番熱批窩心啲。咖喱素菜批 $28咖啡喺老婆喜愛嘅味道，素菜就更加啱佢，本應都對個素菜批有期待，不過，佢話個咖喱味未夠突出，而小弟就嫌個批殼厚身咗啲，亦都唔夠脆口。洋蔥煙肉蛋批 $28我就揀蛋批，香啲嘛，反而個蛋批做得幾好喎，批殼唔算

難得Happy Friday不用上學，就起個大早到最近的咖啡店，霸個靚位，靜靜地溫習。舖位為屋苑商場內一個半開放室間，正正對著出入口，旁邊又是美孚新村，人來人往，卻有點旺中帶靜的感覺。不過靠牆位都沒有插頭位，只見有些人拔掉裝飾燈的插頭，換做電腦的一坐下便是幾小時，快到中午時段，卻不見得店內有Pacific Coffee應有的爆忙情況。放lunch的上班族都是外帶咖啡三文治，只得小貓三四隻在溫書或做paperwork點了大杯的熱Hazelnut Latte，牛奶轉了豆奶。人不多，等待時間不過2、3分鐘。初入口有濃濃咖啡味， 可惜很快便被過分甜膩的糖份蓋過，榛子味亦不太突出。雖不至於寧靜，但消磨一下時間來說，也是挺舒適的地點

難得放假想搵個地方靜靜地休息下溫下書 就聽咗朋友推薦黎到呢間Pacific Coffee 黎度之後果然好滿意 呢度環境幾大 又好闊落 有好多位 其中靠牆邊嘅位都會有啲插頭可以充電 好方便咁我就叫左一杯Mocha Brownie Chillino都幾好飲 唔會太苦 飲落仲會有少少Brownie嘅碎 好特別 再加上一開始仲會有少少沙冰嘅感覺 飲落好有層次感但如果飲得多就會覺得太甜 同埋擺耐左 溶左就會更甜 建議要快啲飲另外如果要Wi-Fi密碼就要問店員先有

隨手買飲品，選了個比較有特色CHOCOLATE PARADISE WITH CREAM@TALL SIZE 夏天比較適合，好像沙冰一樣的質感，每一口都有很碎很碎的冰,吃起來很清爽，而且甜甜的味道剛好,朱古力味也夠香，有一粒粒的朱古力。上面cream都很滑，好smooth而且有一些朱古力醬，so sweet！如果以一杯$3X的飲品來評價，我覺得還是幾值得的！

早前，小弟、老婆、姨仔三人行去咗星巴克嘆早餐，試咗佢嘅無花果榛子士干、菠菜西蘭花芝士批及新出嘅星冰樂，悠悠閒傾吓偈，不知幾寫意。同老婆又想重溫一下嗰份悠閒，所以，今次就揀去同區遠少少嘅太平洋咖啡。由於既喺星期六，又喺晨咁早，所以，店內無乜人，只得幾個客 ，故此，就更加清靜，好讓我哋一邊食早餐，一邊睇吓書，一邊查閱吓電郵 。食物選擇都喺一啲三文治、鬆餅、麵包、酥餅之類，因為老婆都喺鍾情啲芝士批、蛋批，所以，我哋就揀咗一個全素嘅菠菜芝士卷及一個屬於白肉嘅煙三文魚羊奶芝士蛋批，啱佢偏素嘅取態 。 菠菜芝士卷 $28 條芝士卷同個蛋批都幫我哋烘番熱，所以，食落條芝士卷都脆脆口，又酥香，內裡填滿菠菜芝士蓉，味道唔錯。 煙三文魚羊奶芝士蛋批 $28 個蛋批好足秤，煙三文魚粒及羊奶芝士粒清晰可見，絕無欺場，啖啖蛋香卻又有少少羊羶味，過癮乎，而批皮頗鬆化，富牛油香，批面有脆脆哋 。 朱古力咖啡 $32 偏重於朱古力味，輕柔嘅咖啡香，所以，好啱老婆佢飲，加上注入奶泡，又比靜飲朱古力滑。 焦糖鮮奶咖啡 $32 先做好鮮奶咖啡，再將焦糖唧上面，但就嘥咗個心形拉花。然而，佢哋

Pacific Coffee is popular and I like to go there and drink a cup of coffee when I have spare time. However, sometimes I need to try my luck because it can be busy so I need to wait for a while. This café is easy to spot with a classical tone of colour and a big title on the top of Pacific Coffee.Every time I go to this café, I have to order a cup of coffee and a piece of cheese cake or pie. This time, I ate a piece of Oreo cheese cake and drank a cup of matcha. The texture of the Oreo cheese cak