太平洋咖啡 (Closed)

放工返到屋企，想開門之際，發現竟然冇帶鎖匙。打電話同屋企人求救，最快嗰個都要45分鐘先返到黎，我唯有周圍等。落到樓下，靈機一觸可以去 Pacific Coffee 坐下。呢度又有雜誌睇，消磨時間一流。雖然唔係好夜，但都怕飲太濃咖啡會瞓唔到，於是叫咗杯 Caramel Latte。Caramel Latte $41 - Latte 比起其他咖啡，牛奶比例比較多，咖啡味自然無咁濃烈。而焦糖份量剛好，唔會太甜，令每啖咖啡都有焦糖嘅芳香。

當你趕時間，沿路又有間方便嘅coffe shop，就去快手買啲嘢食同咖啡。呢間開正方便去地鐵嘅地方，就入去買嘢食同咖啡，想快手快腳買完走人。呢個決定真係超大嘅錯誤！！！入到去收銀啲職員完全都唔多理你！仲要用咗會員卡比錢，唔可以用八達通比餘額同增值！一定要比現金！好啦！比咗現金，同啲職員講比餘額，佢地走來比全數、唔儲會員分！再講多次係比餘額，佢地仲要聽唔到，增值咗！！呢間真係又差又唔方便！！！⭐️果間方便好多！！

對於太古城這個地方每次經過只是衝衝而過。其實我好怕系呢個平時人來人往的商場搵食，排隊對我而言是非常奢侈的事。肚仔餓到咕咕叫，眼前的 Pacific Coffee 是我不二之選。印象中我好耐好耐冇系Pacific Coffee 慢慢嘆過咖啡。這間店比一般的更寬躺，如果想吸收多點自然光的可以選擇坐戶外，雖然都是位於商場內，但感覺會較為開揚。心多多的我從肉卷和批餠中選了後者。雜菜批 $27店員會為客人再將批餠再焗熱，一經焗熱後香味四溢，非常吸引。批皮明顯地較厚，以純素作餡岩曬間中想吃得清清地既我，雜豆蔬菜餡以醬汁煮過，味道吾會太濃烈，非素食者亦可以一試。green tea latte $33抺茶濃郁而香滑，雖然以豆奶冲調，但亦沒有令整體味道跌 watt ，那抹茶芳香令人感到想為它的回甘停留多一會。

與太古和鰂魚涌工作至今大概已經五年多，從前在康怡吉之島附近工作是沒有好好珍惜，原來不知道我也有很多美食，現在搬到去比較近食物沙漠的太古坊工作。。。不是就會來到這邊找好朋友一起午餐。太平洋咖啡這個位置由從前的超級三文治變成星巴克在變成現在的太平洋咖啡，其實都只不過係說等幾年的光景，超級三文治和星巴克都是同集團，改到現在的太平洋咖啡，大概這邊要收支平衡不容易吧。這間是太平洋咖啡新建立的概念店，比起其他分店這裏會買咁多特色的甜品和一些即叫即做的美食，比起平時那些只係翻熱的東西，更加精彩。點了這杯這裏才獨有的朱古力木牌雪糕latte . 雪糕球10分美味，帶點點沙冰的感覺，不過味道真係有點偏淡，不論是朱古力味還是咖啡味，還未做到均衡而且突出的感覺。結論是 實在比較偏淡，同志還需努力，希望每月一聚的下一次，來到會有所改善！

Only went here for lunch because they had some exclusive stuff.Ordered the exclusive skillet chocolate cookie which turned out really disappointing because it was not doughy and chewy enough.The texture and taste was more like a half baked biscuit.It was sweet enough and didn't need the caramel sauce.The feta and spinach roll was good because it was cheesy.They gave me a quiche instead of the chicken pie I ordered.Anyway, I got it changed but the chicken was not fresh so the pie was a waste of m

晏就係柴灣食完鐵板雜扒，緊係要去埋試下鑊仔曲奇喇，一於就去太古呢pacific coffee 食返個tea 喇～同友人一去到就好快下左決定食邊樣，最難選的，反而係雪糕的口味lol落左單，都係用科技提你去拎野食。我地叫左一個岩鹽榛子窩夫，同埋鑊仔曲奇 岩鹽榛子窩夫:個窩夫一咬落去就好似食緊ma薯波波咁，好有咬口(但本人係偏向鍾意食脆脆地的)。落埋個士多啤尼醬，都幾夾，但係就唔係好食到有榛子味。D鹽既分怖就好唔平均，一係就好喊，一係就唔係好食到有鹽味。仍係跟一個movenpick既雪糕，但一黎到就已經溶溶地。扣左少少分~ 鑊仔曲奇: 曲奇個雪糕同窩夫一樣，都係movenpick，但都係一來就溶溶地，。而曲奇係軟身曲奇，佢配個焦糖一齊食，但我同友人都覺得曲奇本身已經夠甜，再加就太甜了~ 當食左四分三之後，我地不約而同咁，覺得佢個味有D似光酥餅，不過係實的的版既~整體: 我覺得曲奇試過一次就可以了，下次黎可以試下其他。曲奇買其他牌子的，感覺都係差不多，只係大小不同 lol 

路過見到呢間新開的 Pacific Coffee, 一定俾佢出面個門面招牌吸引著，因為係用燈箱砌出 Pacific Coffee 字樣的。 落單的地方有個大玻璃櫃，展示出各式各樣咸甜美食。竟然有waffle 加雪糕及其他配合雪糕的甜品，厚多士同特式凍飲，下次一定要來試。今日叫咗 Latte 同洋蔥煙肉蛋餅 Onion and Bacon Quiche, 店員知道我堂食，所以問我是否想要瓷杯，我覺得用瓷杯飲咖啡真係比紙杯好味得多。。。哈哈！Latte 味道洽如其份，蛋餅其實係有好幾款味道的，但都是沒有肉的，所以選了這款，店員幫我整熱了，裡面幾多煙肉碎，蛋味香，沒有令我失望！今次冇試到那些特式甜品，下次一定要試到呢！

收工落車嘅地方新開嘅咖啡店，一路睇住佢裝修！ 入內地方好大，店舖彎曲，門口係櫃檯，入內樓底高，黑紅主色！值得讚係店內廁所又大又乾淨！設備齊全！店員好有禮問我哋飲乜， 仲介紹有自選咖啡！呢度仲有好多甜品可以選擇！ 有好多臘造嘅甜品模型！不過我哋只係想搵地方吹水！叫咗兩杯餐牌咖啡！睇住店員在櫃檯入面沖，沖嗰位好明顯新人，旁邊有位店員指導！攞咗咖啡搵個靠牆靚位坐低，店內有長方大枱，四人木枱，我哋揀咗皮椅小木圓枱，不過走道太多小木椅！好似捧住托盤玩障礙賽！ Mocha($36)紅色瓦杯好醒神，捧住好暖手！可惜個拉花好暗淡，係我見過最失水準嘅拉花，不過店員自己都唔好意思咁笑，又唔影響味道，都唔好太過大反應了，每人都要歷練嘅！咖啡味道偏甜，朱古力味重，所以聞落唔夠咖啡香！我無再加糖都覺得甜！咖啡唔重，易入口！ Cappuccino($33)朋友飲，賣相好靚，好似舖層厚雪一樣！不過佢𢳂走啲泡之後，見到啲咖啡奶白色，飲落好奶，最後忍唔住去櫃檯加咖啡（朋友話正常要加錢，呢次店員無要佢俾）佢嘅感覺味道一般！店員有禮有笑容！服務正常！地適合吹水傾偈，那不過調咖啡水準有待加強！