太平洋咖啡 (太古城中心)

Open Now

Now Closed

平時都唔太鍾意去starbucks或PCC...不過早幾日因為行行o下街想坐低飲杯o野﹐所以就去o左附近間PCC.見到britannia o既sparkling water 幾特別﹐又未見過其他地方有得賣﹐所以就買o左o黎試o下。我買o既係人參+梅味。第一啖飲落去好大陣人參味﹐不過好快就俾o的梅味蓋過o左。好就好在o的味一o的都唔假﹐飲完成個人覺得好爽!結果同男朋友坐o左o係鋪頭出門o的open area度﹐好舒服o甘坐o左個幾鍾。呢類cafe最好就係o的staff從來唔趕客﹐好relaxing~

食完太古城海天皇宮的味精餐口渴死，迫著走來這裡喝一杯咖啡。太古城中心有兩間Pacific Coffee，去的是近UNY那家。一直沒有留意的是這裡只Serve紙杯（冇廚房的關係？）本來無乜問題但係紙杯的份量少過瓦杯呀！再者我叫Mocha，一個杯蓋坑下來，ＤCream又少Ｄ。都算啦～兩個沒買咖啡的妙齡女子衝前霸機，旁邊一個外國人拿著杯熱咖啡不能衝直跺腳，店員冇出聲，呢度時時都係咁....

到樓上開會前，在這兒吃早餐。點了原味貝果（$12）和中杯咖啡（$20）。貝果沒啥特別，理應地香脆。咖啡係Sumatra，店員建議瓦杯上，說完即刻倒入瓦杯，不容我反抗。算，反正有十五分鐘在這兒hea！明顯地堂食的瓦杯容量比外帶紙杯少四分一以上，對我…絕對係一個大問題！咖啡唔夠熱亦唔夠香濃，應該話唔夠新鮮，完全唔掂，惡夢！店員態度惡劣，self-serve 吧的果醬給拿光，要求櫃檯女店員給一枚果醬我，佢抖膽懷疑我唔識分辨果醬的package，仲大大聲咁話：係晒果度。我火光！咪用英文鏟番佢，佢立刻一百八十度變臉，sorry 前sorry 後咁親自響counter 後面的吊櫃取存貨給我！莫非真係「客人親疏有別！？」

同朋友傾下計, 這裡是不錯選擇, 大梳化舒服, 人唔算多, sparkling grape juice幾特別又好味, 朋友的咖啡亦ok.

我ｂｏｓｓ知我鍾意食面包個ｄ野佢去買ｃｏｆｆｅｅ就買左ｄ蛋糕仔比我食我冇問佢個ｃａｋｅ叫咩名不過應該係合桃又有點香蕉精既ｃａｋｅ仔其實都唔係唔好食不過合桃就真係唔係我杯茶而且個包好乾香蕉精好重ｏｖｅｒａｌｌ，食一個會好飽好彩我要左一半少少地試下都ｏｋ了

尋日同男朋友仔去左食，買左個greek salad ～真係唔錯～芝士夠多，味道又夠！不過d 醬要另計真係有d 搞笑既感覺。我地仲買左支有汽既apple juice同無汽既mango juice ，真係好好味！～apple 既濃度又夠，飲落去有少少酒feel ～而mango juice仲正，有好重既mango味* 如果佢可以show 個drink menu 出黎而唔係放係cashier 隔離會比較好^^"

今晚吃過晚飯後，經過Pacific Coffee，看見有新的凍朱古力飲品Chocolate Paradise Frappe，真的一飲難忘!! 香濃的凍沙冰朱古力內，有一粒粒的朱古力碎，最適合我這種很喜歡凍飲的朱古力人。真的很難抗拒呢......今次有難了!!

又係咁多人! 係呢個shopping mall經己有兩間pacific coffee 架啦!點知竟然兩間都無位,好誇張呀!在五樓的那間,我相信是比較好的,而且平日應該無咁多人行,但在lobby 個間就無時無刻都咁多人呀!

我飲開既Irish Cream Latte,可以要Sugar Free,仲好唔洗咁甜,可以有多d藉口俾自己飲啦

個日行街, 累累地, 咪入去買杯野飲la, 之前一直d 人都話哩間d coffee 好飲過starbuck......但唔係lo~ ~超難飲lo.....買左一杯mocha, 一d 朱古力味都無.....只係得咖啡味...又唔夠滑, 又唔香咖啡味......too bad!!!如果唔係星記遠, 我真係唔會幫親.....名過於實~ ~唔會再幫襯~ ~

咖啡同其他個幾間無分別但係service 好差10:00關門坐多二個字都唔得未食晒d野唔通要我邊行邊食咩?好唔得lol

陰差陽錯下, 我地o黎到呢度食lunch. 揀左火腿車打芝士三文治, 同埋賣相好靚好可愛o既crayfish & shrimp cocktail wrap. 三文治ok 啦, 裏面o既不知名sauce 唔錯, d 餡就麻麻喇, d火腿好鬼韌又有根咬到好狼狽! 芝士香就俾d sauce "襟" 晒. 至於個wrap 係個disaster. 個綠色果塊wrap 好硬好厚, 食落口鞋什什, 加埋d好腥唔新鮮o既蝦仔同蟹柳(!!), 三十二大元付之東流. 我仲suggested 朋友同我share 呢個wrap, 見佢食第一啖即刻大嗌"好腥~~"我真係唔好意思.其實原本諗住去MIX o既, 估唔到呢度d野食真係差成咁(不嬲都知d cakes/pastry 唔得). 不過, 雖然呢度係個mall o既正中, 我地坐o係埋邊, 有梳化挨下, chat 下relax 下都ok, 呢點一定好過MIX.

日期：2004.05.19購買時間：13:30食品：Chicken Caesar Salad（$28）評語：份量只有170g，女生都未必夠作午餐。男生肯定唔夠。每盒有約75g去皮雞胸肉、羅曼生菜塊、少許甘筍絲。灑面的Parmesan 芝士可是薄片。麵包粒是烘，可不是油炸，另外以小膠盒盛起。沙拉汁味道份量剛好。算食得過。感想：午飯時份，此店只有4個客，和數個「齋坐」的中年男人。老實講，我和同事們頗介意那些「齋坐的中年男人」。他們目光怪怪，不幫襯，但又坐在這兒的絲絨沙發。同事們因此而不太敢（抗拒）在「少客」時份光顧此店。店家對這批另類「客人」，是否需要有所行動？（話晒，打開門口做生意嘛，應該保障有消費的客人！）

日期：2004.04.16時間：18:50 ~ 19:15食品：Almond Crossiant（杏仁牛角酥）價錢：$19/枚評語：未食之前，覺得定價$19 超貴。食過之後，覺得物有所值，因為它真的很足料。長型的牛角酥裡塗上香濃美味的杏仁甜醬料（差不多有2湯匙那麼多！），表面灑上杏仁碎片和杏仁味糖粉，賣相吸引。那些杏仁味的甜醬料，可能是以杏仁粒、杏仁膏、吉士粉（奶黃粉）、杏仁香精…製成。杏仁味超濃郁，香香甜甜，邊食邊覺得自己好幸福！註：每天早到此店買咖啡時，都會對自己說：「成$19 一個，太貴啦！」現在，我會對自己說：「$19 便可以買到剎那間的幸福感，挺相宜！」試想，一個長型牛角酥都要成$12 ，多付$7 便有近2湯匙的美味杏仁甜醬作餡料，定價忽然變得合理！杏仁味者勿試。個人覺得配不加奶的Columbia 黑咖啡就最好！

日期：2004.04.02時間：08:35 ~08:50食品：a. Mushroom & Spinch Quiche ($16)評語：一千個「好唔新鮮，隔夜過隔夜」！評分：2/5b. 是日咖啡(細碼，$14)評語：唔落奶，都好淡，唉！評分：2/5