太平洋咖啡 (中染大廈)

Open Now

Now Closed

今日晏畫想嘗試極度吸引眼球嘅太平洋咖啡新出品 👉🏻 米乳咖啡。 於是跑去公司附近的太平洋咖啡品嘗。這間咖啡店感覺很chill, 可以嘆住杯咖啡食件cake, 懶洋洋渡過一個下午。而且買米乳咖啡附送米通一件，我嘗試浸入咖啡內，使到原本已充滿米香的咖啡，有埋米通的口感，即刻令到整杯咖啡更有層次感。我另外買咗一件焦糖脆餅芝士蛋糕，呢件蛋糕既有芝士的綿軟細膩，又有焦糖脆餅的酥脆香甜，兩者結合，簡直回味無窮，蛋糕上重加埋一塊Lotus餅乾，另到整件蛋糕外觀更完美。

今日食評✍🏻Pacific coffee@中染大廈試食指數⭐⭐⭐店舖衛生⭐⭐⭐⭐侍應態度⭐⭐⭐⭐((每項5⭐️為滿分)) ·樓上係ikea如果行行下街小朋友瞓咗💤地下的Pacific coffee係父母休息的好地方·飲品正常店員態度親切有禮我哋坐咗接近45分鐘係去洗手間🚻麻煩啲要上ikea嗰層才有女廁🚺經常排長龍·疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋bw.foodie幫到你無論大鋪小店我哋都會盡試盡講

一直以來都好想試多啲種類既蛋糕，最近發現唔少人講緊俄式蛋糕🍰，一直未搵到邊到有得賣，行過Pacific Coffee 見到佢地有賣，一於買黎試下！佢全名係俄式八層蜂蜜蛋糕，蜂蜜味都濃，上面就似木糠，整體感覺就係蜂蜜木糠千層蛋糕。中間既木糠比較硬身，我個人唔係太中意呢種蛋糕🍰

大約7:30食完晚飯，同🤴🏻行左緊街街😊😊，有少少口渴，去飲杯嘢先🥤咖啡店同某信用卡買一杯飲品可以用$1積分換一碟小食，唔好放過呢個優惠啦😁😁～～～紫薯雲石抹茶牛奶～～～$47今期限定飲品紫薯系列之一，但可惜都係照‘騙’，沒有圖片一樣有雲石效果🥲🥲味道方面紫薯同抹茶各有各香，同時又混合得唔錯，幾好味😋😋～～～雞翼（5隻）～～～用$1信用卡積分換嘅雞翼，足足有五隻雞翼咁多😚😚，隻隻都熱辣辣、香噴噴，肉質鮮嫩，亦提供酸甜醬😘😘冇想過咖啡店都有高質素嘅食品呀🥳🥳

同老公專登黎荃灣IKEA買啲收納用品，順便搵間野坐低食tea。其實pacific 食過唔少次，不過其他分店蛋糕🍰多啲款揀，好似黃埔個間就有埋窩夫。荃灣呢間得New York Cheese cake & blueberry cheese cake ，海綿蛋糕款都無😿佢個cheese cake偏甜，無咩芝士味，我唔太鍾意👄 而Americano就不過不失。我唔鍾意偏酸既咖啡，佢呢杯唔酸，都ok la

呢排真喺日日熱到爆，過開荃灣Ikea睇啲嘢，本來都想買杯台式冰茶邊行邊飲，不過，諗諗吓，索性不如搵個「竇」攤抖吓。結果，經過中染大廈嘅「Pacific Coffee」，食埋個下午茶，打吓躉，慢活一下，先再起行。雖然荃灣久唔久都會過嚟，但呢一邊就真喺較少行到，而呢家Pacific Coffee就更喺第一次光顧。依家香港人對呢類中檔消費嘅咖啡店都好接受，所以，眼見真喺坐滿晒人。早餐飲咗咖啡，所以，依次就無點咖啡，反而試咗款新梳打凍飲，共有兩款口味：薄荷藍莓梳打及薄荷紅西柚梳打。薄荷紅西柚梳打 $42喜歡紅西柚陣味多啲，所以，揀咗薄荷紅西柚梳打，賣相晶瑩剔透，望見都透心涼。晌等候期間，跟店員傾開，原來喺用咗意大利有汽礦泉水嚟製作，加入紅西柚果漿，攪勻後入口，酸酸甜甜嘅紅西柚味道特別爽，仲帶有薄荷嘅香氣，飲落裡面仲有啲清爽嘅啫喱粒，非常解暑。上文都講話嚟順便下午茶啦，所以，揀番款甜品襯吓。甜點方面，放晒晌餅櫃下層一眼睇晒，共6款選擇。甘筍合桃蛋糕 $30相對地，幾款芝士蛋糕較多食，檸檬撻亦於早前就試過，所以，相中較少食嘅甘筍蛋糕。甘筍蛋糕糕身本身加入唔少甘筍幼粒，口感都會比較實淨啲，唔會食完好

每年臨近農曆年，連鎖咖啡店都會推出限量版收納袋及利是封，出年是豬年，所以今期的收納袋和利是封當然就是以豬為主。就係為咗佢哋，所以中午專程來到咖啡店換購佢哋，順便飲杯咖啡，食個烤肉卷和火腿芝士牛角包。這間咖啡店分店位於中染大廈，論大小算是細了一點，但是修裝佈置都仍算舒服。今期推介岩鹽開心果Cappuccino，所以點了一杯，再配一個火腿芝士牛角包。杯岩鹽開心果Cappuccino味道有點怪，咖啡加咗鹽，搞到不倫不類，真係接受唔到。牛角包啲皮好鬆化，好重牛油味。芝士和火腿味道都正常。Normal 版啲 Cappuccino就好飲好多。烤肉卷味道很好，外皮鬆化。烤肉味道濃郁，而且有很香的香草和惹味的胡椒味。不過，食完都覺得幾 “漏”。

太平洋咖啡店點解會去食：2018-06-13 今日話就話放假，但約咗個朋友出嚟飲杯野，等佢之際，見到呢間咖啡店，有杯幾吸引我眼球嘅飲品食物新鮮程度：⭐⭐⭐️⭐️一shot espresso咖啡係用咖啡機即磨豆製成，入口細滑香濃.食物合適溫度：⭐⭐⭐️⭐️咖啡夠晒熱，雪糕當然係喺雪櫃拎出嚟，成個畫面出晒嚟，當杯熱辣辣嘅咖啡淋落去杯凍冰冰嘅雪糕度，冰火交融，雪糕嘅香味，即變成蒸氣上升。食物驚喜程度：⭐⭐⭐️⭐️🌟平時飲咖啡，成個動作好單調，因為我仲係飲espresso,黑萌萌冇乜畫面，但係個雪糕溝落個咖啡度做就無限畫面。—————————————————服務員態度：⭐️⭐️⭐️⭐️咪又係排着隊續個續個咁去買囉，邊度有服務可言啦！—————————————————最重要系。。。我會唔會再去？重遊指數：⭐⭐⭐️⭐️

同F响荃灣中心食完午餐，告別後行去愉景新城逛街，行到攰攰地，手機又無電，想搵個地方坐低飲杯嘢，靜靜地休息吓思考吓，於是過咗隔離中染，PacificCoffee 分店。蜜糖烤栗子牛奶咖啡，見佢做緊升CUP優惠，一於試吓呢個新口味慢慢飲hea吓休息吓。店員親和講解，follow店方IG優惠，買一送一，一個人的話，亦可以獲升CUP，所以變咗ALTO 。掛住覆WhatsApp，拍照時面頭的cream已經溶了一半 栗子味混在咖啡香中，奶味唔重味道又幾夾，叫咗少甜，口感順滑，好味，下次可以試凍飲。第一次來這家分店，店面範圍唔算大，勝在樓底特別高，吊咗幾盞signature燈，空間感十足，環境舒適，唔止機可以叉電，人都可以休息休息叉電。

荃灣新開左ikea 都未去過今天放假同亞女去逛逛Shopping 完就去左pacific coffee 嘆咖啡我點左杯latte (大杯）$38大大杯😜亞女就想食brownie$16 😍😍佢本身room temperature 我地就仲意暖暖地😍要求店員整熱店員都很樂意同快手讚👍🏻

今日下午我們喺荃灣中國染廠大廈做完嘢之後，距離同下一個人客見面嘅時間仲有段時間，所以我們就喺「Pacific Coffee」飲個下午茶！由於朝早嘅行程比較緊密，感覺好累同無乜胃口食嘢，所以我們祇係叫咗啲嘢飲！牛奶抹茶嘅奶味好香濃，抹茶嘅味道好清香，而且份量比例啱啱好，唔會抹茶嘅份量過多，而令到味道變得好苦澀！岩鹽焦糖牛奶嘅奶味比較淡，但焦糖嘅味道就相當芳香濃郁，加埋岩鹽嘅鹹香味，所以味道唔會過甜，真係好正呀！

食完晚餐，最好係嘆杯熱熱既咖啡，簡單係人生一樂也😋，見佢地今晚又有promotion🎉, 一心充滿期望想試下🌝陳皮牛奶🥛咖啡☕️，首先杯咖啡，唔知係咪天氣凍關係定啲奶打得唔夠熱，啲野暖身既🤔，而且飲落完全冇陳皮味🙄，反而感覺好似有橙味，係我錯覺？！下次試下杯櫻花牛奶咖啡，希望唔會咁伏啦

叫左個煙三文魚羊奶蛋批，勁有羊奶味，好食！個凱撒雞肉三文治就麻麻，仲有叫個意大利芝士蛋糕，都唔錯！新鋪環境都幾好，唔算太逼太吵。工作人員效率都幾高，唔係等好耐，不過本來想食檸檬撻，竟然無貨！下次要入定多d啦！

新開張唔到一個月，其實地點有啲隔攝，唔多人大概主要客源來自同一商廈工作人員，如果一般客人行過好自然會走過隔離大shopping mall 而miss 咗。其實位算多，坐落幾舒服，不過冇報紙雜誌提供，食物同咖啡種類同其他分店冇分別，靜靜hea吓都ok。但如果要用手機上網，可能位置太入，上網信號較弱上網唔流暢，起初以為自己選用網路較差，後來亦聽到隔離客人抱怨上網不穩定，冇用到提供嘅free wifi, 可能用wifi會好啲。