Page Common

Open Now

Now Closed

呢度真係好出名食Tiramisu，黎兩次都賣晒，仲要係晏晝時間！出名到有時經過行過，都會有人問「係咪搵食Tiramisu個間野啊？」就知道幾咁出名，以冇賣廣告嘅情況下嚟講，真係好犀利！嚟兩次都食唔到個tiramisu，都黎到就咁唯有食包啦！叫咗個牛油果無花果牛角包 avocado fig croissant 即時感覺好健康😂 牛油果🥑極多，好豐富，真係食牛油果都食飽。呢度啲咖啡都幾好飲，所以食唔到蛋糕都可以照食lunch 。朋友就嗌咗多士同latte，整體都係唔差嘅。呢度座位與座位之間都好多空間，都真係幾舒服，可以嚟飲杯咖啡chill 下 。鬼叫同Tiramisu無緣咩，希望下次食到啦。

有一日比較得閒，就諗住搵間Cafe坐吓啦。☕️見到呢間page common，門面睇落都好似幾好喎，就諗住去試吓啦。入到去坐低一陣，就發現好多人，同埋好嘈。環境實在係太open，咩人都可以隨便入嚟。呢樣都算啦，咁我就order咗一杯flat white，牛油果牛角包同埋Tiramisu。😁杯flat white真係唔係好掂，咖啡唔夠香濃，同埋太多奶。至於牛油果牛角包方面，味道都還OK，但係實在太貴啦，要收$98💸💸，價錢唔合理。😣至於tiramisu，唔係好多人都話好好食嘅咩？但係我食咗之後就發現其實冇乜特別普普通通。🙁又好細件，仲要收我成$52⋯⋯太貴啦。呢間冇下次，真係伏嚟㗎。😠

Tiramisu 人稱香港世一tiramisu！嚟到第一時間咩都唔諗就嗌啦🤣🤣🤣真係期待咗好耐到底係咪真係世一！🤣🤣好老實講 我係真係覺得佢質素入到我覺得好食嘅前3名🥰由於我係比較中意食濕啲嘅texture 我覺得呢個match到我要求 直程超出我預期😚食到入面都有一絲絲好濃嘅咖啡味滲出😋加埋我最最最欣賞係上面個層充滿朱古力粉嘅cream 口感好滑好滿足 一啖擺入口即溶😌可以話係味覺嘅享受😜食嘅時候我覺得好好食 太大反應 嚇親對面嘅叔叔😂😂😂不過唔緊要 好食就唔尷尬😉不過留意啊 我唔係打手🤪都有必要提醒睇梗post嘅大家~如果係唔中意texture太wet/中意酒味濃嘅你地 可能唔會覺得佢好似我講到咁好食(始終每個人對tiramisu嘅要求唔同)😛但對我嚟講 呢個tiramisu值90分！🥰再加上同一日食咗另一間(遲啲會出現係我story警世…post就唔會嘥時間出了🙏🏻)有對比真係有傷害 page common真係好食100萬倍🥹🙏🏻 但如果大舊返啲會再加分！🥹.Cappuccino 咖啡就不過不失啦🤣咁始終我最主要都唔係嚟品咖啡😛奶泡唔多咖啡豆味亦唔算太有記憶點🙈勝在barista

Pagecommon 藏身係Page148精品酒店大堂，環境寛敞舒服，人太多基本上都self serve的。蟹肉芫茜牛油果多士個賣相好靚，麵包 外脆內軟，蟹肉沙律上面有幾粒牛油果 、番茄咁，味道清新 再飲杯咖啡 chill 下去過一個休閑既下午 。

位於Page Hotel樓下的咖啡店, 有不少人說其Tiramisu很出色, 甚至可說是全港最出色的. 當然對於這些評價, 我就抱有些疑問, 當然位置於酒店大堂, 空間感不會差, 裝修典雅, 至於價錢還好, 就是一般Coffee Shop的定價. 咖啡豆有來自瑞典的Fika Fika, 台灣的VWI by Chadwang, 當然也有本土代表的Ideaology, Latte Art表現正常, 奶泡綿密, 用上較Nutty的口味也較適合冬天. 連綠茶也有出處, 是江西廬山的雲霧, 以冷泡處理, 甘味突出之餘, 尾段也有海苔的餘韻. 主角的Tiramisu有點失望, 口感綿密而濕潤, 咖啡味香濃, 但蛋香不夠, 而且外表和一般的差不多, 沒有別人影的外表半溶, 打卡度一流的流心.

上次過嚟staycation, breakfast in room serving yogurt bowl & avocado croissant 🥑🥐 心心念念想再品嘗，於是閒日一個下午過嚟了🥹(´▽｀) Yogurt $48濃縮奶味在口腔徘徊，乳酪跟石榴和脆卜卜穀物實在太搭！3333好吃，唔夠喉 ´д` ;(⁎⁍̴̛ᴗ⁍̴̛⁎) Tiramisu $52mascarpone cheese呈流心狀態，輕盈又細滑，入口即化的同時芝士味相當濃郁！表面的咖啡粉平均灑上 ，手指餅濕潤且重酒香，確實不錯§.）

<a perfect balance between indulgence and freshness>🍦🤍As I stepped into the coffee shop, the inviting aroma of freshly brewed coffee filled the air, creating a warm and comforting atmosphere. The café was adorned with soft lighting and rustic wooden furniture, giving it a cozy and intimate ambiance.I found a comfortable spot near the window, where soft rays of sunlight streamed in, illuminating the table and casting a gentle glow on my indulgent treat. The tiramisu arrived, elegantly pre

Tiramisu / 52Smoked salmon bagel / 98Added scrambled eggs (+15)Americano / 36今次試咗被譽為香港最好食嘅TiramisuMascarpone cheese香滑挺身 加埋可可粉唔會太甜手指餅唔會浸到軟淋淋 咖啡味非常濃厚 酒味可以再加重少少 整體口感唔錯——————————————————推介度: 7.5/10——————————————————尖沙咀柯士甸道148號Page 148地舖——————————————————

☕️ Iced Mocha 💰$45Mocha偏向重咖啡味多過朱古力味，但同時因太多冰，所以連咖啡味都沖淡埋🥐 Pain Au Chocolat 朱古力牛角包 💰$22講牛角包，但其實似牛角酥，咬落都鬆脆，包入面充滿朱古力，成個包好甜🍰 Basque Cheesecake 巴斯克芝士蛋糕 💰$62Cheesecake既軟硬度做得適中，表面焗得夠濃，芝士味濃，做到有少少流心感覺🍰 Tiramisu 提拉迷蘇 💰$52咖啡味同酒味都有，但唔夠濃， cream太多，講真比以前食係失望整體嚟講❌唔太建議去食💰價錢偏貴🪑由於page common喺Page148既大堂入面，好多酒店客人去坐曬啲位，但唔係用餐，加上啲凳已經殘殘舊舊，環境差左好多

聞說呢度有高質TIramisu⋯⋯所以weekend嚟試吓囉。Cafe 裝修簡潔，只有兩、三張小高枱，及一張長枱，坐位不多，人流亦不多。聞說中Tiramisu 就係依個賣相，幾好樣。入口係……一陣風咁又或者形容為好空氣感，總之質地非常鬆鬆軟軟，柔柔滑滑。㗎啡味酒味適中，亦不甜不膩，係好食嘅，可以一試。另外，點了熱cappuccino，拉花奶泡滑滑啲，鍾意佢㗎啡味清淡香香的，啱口味。溫馨提示：Cafe係自形式，用餐之後請自行收拾餐具😌唔該哂

終於食到好多人推介嘅Tiramisu價錢係💰$52我覺得個Tiramisu咖啡味濃、軟滑食一件其實唔係好夠所以基本上我去嘅話都會叫兩件自己食其他嘢食其實冇乜嘢好揀首先係價錢唔係平例如我食炒蛋煙肉Beagle都要💰$98價錢真係偏貴另外叫咗杯Mocha朱古力味比較重，我個人鍾意咖啡味重啲所以依杯唔係太啱我環境係空間感好大但係其實可以坐嘅地方唔多所以星期六日去有機會要等位而且Tiramisu嘅數量有限有時可能一點幾去到都冇晒你話值唔值得食，如果未去過可以試一次但如果要等好耐位，我就覺得唔值得

朋友說過這間是她吃過最好食的TIRAMISU，當日我COVID痊癒後覆診，時間未到便去看看環境是否多人。去到見有位，店員友善地提我可以慢慢坐下來再看吃什麼再去櫃面下單。最後叫了牛角包餐及TIRAMISU。牛角包是當日最新鮮的，謝謝店員親切提點。食物還不錯～然後到「主角」出場，嗯。。。不知是我大病未康復還是怎樣，感覺淡淡，未去到想像中的感覺，不過還是好味的。這裡是自助，用餐後要把餐具餐盤分類放好。這個也是很好。

今次終於試咗呢間Tiramisu 好出名嘅cafe🤪前排去咗幾次都要排隊所以就放棄咗😢呢間Cafe係喺一間位於尖沙咀嘅精品酒店地下，位唔算話好多，不過都幾寬敞，如果可以喺度飲杯咖啡做吓嘢都唔錯😽✨Handmade Tiramisu $48首先介紹咗呢度最出名嘅Tiramisu，佢嘅外觀真係好靚😻而且味道都唔差🤤個cream好綿滑，中間當然唔少得浸左咖啡嘅手指餅，成個Tiramisu 咖啡味好重，苦味都少少出，啱晒唔鍾意食太甜嘅人🤪同啲cream撈埋一齊食真係好夾🥺✨港式咸牛肉炒蛋多士 $58平時炒蛋多士就食得多，加埋咸牛肉呢個配搭都真係幾特別🤓我個人好鍾意食鹹牛肉炒蛋，個蛋都炒得好滑，多士都好香脆，夾埋一齊食好正🤤

無數次見到社交媒體網站介紹，有「全港最好食」光環，作為Tiramisu 超級愛好者，已經想試好耐。但耐何地方唔就，又規條多多（e.g Tiramisu 唔可以外賣，5:30就last order)，極難試到。星期六臨時有時間，就專登去試。環境：主要係兩張大枱，另有少量吧枱位置，感覺好似係Food Court 食野，無一種Cafe 可以寧靜同享受嘅氛圍。好彩我都搵到一個corner嘅位置，總算可以唔使同陌生人面對面咁樣食嘢。食物及飲品：炒蛋牛角包加煙三文魚Matcha Latte牛角包分咗兩邊，要讚嘅地方係就咁食牛角包係酥脆，微暖；至於另外一半有炒蛋喺面嘅牛角包可能因為有蛋嘅緣故就偏淋身。炒蛋係偏硬身嘅炒蛋，上面有鹽同胡椒，可惜調味料唔均勻，會食到一口鹹一口無味，感覺似M記既炒蛋。至於加左$20既煙三文魚有4片，偏細塊同薄身，值唔值得就見仁見智。至於Matcha Latte，感覺我自己沖比佢更好😂😂抹茶味唔出，同牛奶既平衡完全做唔到，唯一嘅優點係冇加糖，切合我嘅口味。Tiramisu 入口感覺好輕身，手指餅有咖啡味，酒味唔明顯，亦感覺唔到Mascarpone Cheese既味道，係養生既

 Homemade Tiramisu:                      The delicate balance of mascarpone cheese, coffee-soaked ladyfingers, and a dusting of cocoa creates a symphony of flavors that dance on your taste buds. The texture is incredibly creamy, and the espresso infusion isn't overpowering, allowing the different components to shine. It's a slice of heaven that's hard to resist. Avocado Toast:                     The addition of a perfectly poached egg on top adds a wonderful richness, while the sprinkle of red