百好咖啡餅店 (Closed)

朱古力千層蛋糕用料十足， 絕不媽夫，全塊蛋糕底都係朱古力，已很少餐廳識做 / 肯花時間做這些美點了。杯奶茶茶香充足， 入口順滑， 比起咩咩所謂奶茶王之奶茶好得多。店内還有大大塊蝴蝶酥，及雞批， 還有Cup Cake, 下次一定要試埋佢

百年好合。心想事成。和表妹相約下午茶。咁熟見面先隨心食！約在西灣河。食咩好？嗯：：：：表妹：就百好喇，同爸爸成日食！好食呀!哈，go!這種裝修，買不到的。時間年歷，味道，感覺，舊餐牌，伙計食客同成長，工具地板餐具，不得了。套餐：豬扒烏冬併飲品。煎豬扒不會硬及油，烏冬正常，湯底清爽。最愛用紅豆冰，感覺一間茶室。紅豆自家做，不是叫貨，不會太甜，就是不夠“唸“身。沒有用椰汁。就用黑白奶。也香滑的。合格。早餐，下午茶餐，午餐，收工，哈。沒有晚餐。明天請早。

吾舒服，好想食三文治，安慰食品，來到街坊店「大龍鳳」，其實早午晚特餐常餐都差不多，任你組合價$幾蚊上落。叫個午餐，叉燒米，清淡健康無油，叉燒算瘦有肉味，病人食幾好。麵包係甜餐包，甜甜地加小小牛油，好過白麵包呀。炒腿旦，望落有D油，賣相麻麻，食落又OKay喎。茶走必飲架啦。吾知係咪病，條舌頭遲鈍，叫多杯咖啡，刺激下味蕾，滑丶香丶滑丶正。$28一個安慰午餐，支持特色傳統街坊小店。

吾舒服訓到11點先起身，想食comfort food, 尋找兒時安慰，速到附近傳統冰室茶記，此乃黃秋生+莎姐的「大茶飯」取景地點，餐牌沒有多變化也沒有很多選擇，但勝在水滾茶靚的奶茶和特色傳統糕餅，街坊的快速早餐/碟頭午飯/下午茶來個蛋撻或蝴蝶酥就在此攪掂。接近中午，我叫了個早餐，早餐是全日供應，只有一款，早晨全餐甚豐富，有煎雙蛋，九成熟，仍有小小蛋液流出，食落比一般煎王全熟甚至穿蛋的感覺頗外新鮮有益，而且有農場雞旦味，麵包是甜餐包，係兒時扒房伴碟的甜餐包，成本也頗高，小小甜味，加上微熱牛油半溶，暖暖的甜麵包加上牛油的咸香，令人多一份幸福感，火腿通粉是傳統茶記用的玉龍通粉貨色，湯底落小小鹽，食落咸咸地，通粉浸熟夠林卻不會爛到糊狀，雖不會像外國貨般彈口，卻這才是茶記冰室的水準。茶走真係要讚，夠滾，茶香味濃，淡奶的比例剛好，促使杯茶夠滑，而練奶不會過多以致像一般茶記杯茶走會死甜，我飲到最後一啖都是少甜，吾浪費又貼心的一杯高水準茶走，我估老人家都啱飲。我見有D公公婆婆，單叫杯野，加個蛋撻/蝴蝶酥/西餅，就聊聊天睇報紙，侍應都殷勤有禮絕無黑面，人情味好好呀~

偶爾路過百好咖啡餅店，看到甚具歷史的裝修，便決定入內懷舊一番。早餐、午餐全日供應，只需$27，價錢便宜，可惜味道欠佳，只能劣評了。先說那叉燒湯意粉，看賣相會誤會忘了放叉燒，我當然知道叉燒沉粉底，但鄰桌有顧客果真不知道，便跟落單兼送食物上桌的姨姨查詢，得到以下答覆：「D叉燒響底下，你方我地會呃你咩！」哈哈，茶餐廳的服務確實「親切」。言歸正傳，把叉燒翻到面層，一看，噢，又薄又瘦又少，入口淡而無味，到底放了多久呢？至於意粉，適合給牙齒掉光、正在生病要吃清淡食物的顧客，非常腍，湯底毫無調味，差！明明餐牌寫的是牛油餐飽，可是登場的是一片有如蛋糕的包，不鬆化亦不新鮮。而我最期待的火腿炒蛋，賣相失敗，炒得太爛，蛋上沾了些黑色鑊燶，糟糕極了！再看早餐的食品。火腿通粉尚算正常，與意粉一樣是沒甚麼味道的。同樣地，牛油餐飽變了其他包。西煎雙蛋可謂最合乎預期的，不能要求煎得半熟，但求不爛已很好了。最後，我們喝的凍咖啡、熱菜蜜是唯一無需劣評的，味道不過不失。百好咖啡餅店雖則令我們感覺時光倒流，但食物質素亦不能全無要求吧！總結而言，這頓晚餐令人失望，我們不會再光顧。

4個同事趕住食lunch，求其入左呢間鋪。見到其他食評話伙記服務態度有改善空間，但個日我地4個點餐個陣係咁改單又睇錯餐牌又慢個伙記都冇唔耐煩同催我地，仲同我地解釋餐牌，可能冇乜人比較空閒?!我地4個都叫左個常餐，即係一個粉+餐包+煎蛋+餐飲，落完單好快就嚟齊。沙爹牛肉有啲霉，唔夠實正，餐包有啲硬，食左一半就冇食，但整體可接受，純粹醫肚的話不過不失。

一直想試此店，今天終於有機會試了。一向對舊冰室情有獨鍾，但不知為何坐下後感覺不太舒服。可能店內不是舊那麼簡單，又帶點髒⋯又沒有冷氣⋯又有點死氣沉沉感覺⋯⋯雖是下午茶時段，聽到隔離枱食客叫早餐，我也點了早餐。先來奶茶，眼看顏色非常白，白得好像淡奶色！喝一囗，完全只感到奶味！簡直不是一杯奶茶本人一向已是喜歡奶味較重的奶茶，但實在接受不到如此奶的！似乎70%是奶。飲了幾口已感到非常膩！最後放棄了。火腿通粉：湯底味道怪，通粉過腍。雙蛋多士：多士不夠脆，蛋過油。好少會遇到間無論食物及奶茶都唔得的茶記，實在令人失望。是巧合嗎？？

一早，剛好在附近辦好事，路過百好，見尚有座位，決定一試。懷舊的店子，與街外繁擾的世界隔絕，保留著七八十年代的舊樣貌。適時，店內入座率約有八成五，以長者街坊為主。開飯啦食友們，對百好咖啡餅店的服務，彈多於讚！今早，總算見識了！未坐下，樓面阿姐，已催促小妹落單。一而再，再而三，頗惹人煩厭的。 “就來一客牛油餐包餐吧！“小妹說。“咩啊！早餐就早餐，咩牛油餐包餐。都唔知你講咩！“阿姐不甚高興地咆哮。頓時，小妹心裏一沉，挺沒趣的。早餐$25份，包牛油餐包，西煎雙蛋，火腿通粉和咖啡或茶，蠻抵吃的！奶茶甫上枱，茶色不太對勁，似乎牛奶茶水比例拿捏未夠準繩也。呷一口，果然，奶多茶小，茶味欠奉，似奶水多點兒，失望！火腿通粉湯底呈奶白色的，通粉尚算具嚼勁，火腿貨色一般。西煎雙蛋邊沿位置煎得焦燶，且油膩膩的，略感失望。其中一隻蛋黃更破了，沾滿牛油餐包的底部。厚實的餐包應該在發醇過程中出錯，故入口帶酸苦味。咬一口，即棄掉了。

If your British then you should be very familiar with the Jammie Dodger biscuit."Jammie Dodgers are a popular British biscuit, made from shortbread with a raspberry flavoured jam filling. They are currently produced by Burton's Biscuit Company at its factory in Llantarnam. In 2009, Jammie Dodgers were the most popular children's sweet biscuit brand in the United Kingdom, with 40% of the years' sales consumed by adults." quoted from Wiki.Anyway, I walked past this Chinese cafe and saw these overs

來吃早餐之前，看過其他食家的網評，已預左要受氣，快快手手食埋埋單個種！一入去冰室，人半滿，見有卡位，我倆即想入座點知收銀亞姐可能想留座比熟客，叫我地坐中間我們無理會，直接坐下！好多二人客都坐卡位點解我們不可以？二人叫左兩個餐：沙嗲牛面跟熱奶茶煎雙旦+餐包+火腿通 跟凍鴛鴦所有野都好似一早整好！轉個頭就有！公仔面有點淋、沙嗲牛唔熱、煎雙旦太油、餐包又唔熱、熱奶茶太多奶、凍鴛鴦就可以接受！火腿通要等十分鐘先到桌！多謝晒$50，無下次！就算林子祥來過都係咁話！*題外話：午餐只係多兩蚊，就有叉燒意粉、火腿炒旦！如果亞姐唔催我，應該會叫左呢個午餐！

我是一個很喜歡懷舊的人，所以市面上一旦出現了一些復刻主題的餐廳，或是日久失修或故意不裝修的老食店，都是我很喜歡去探訪的。是日因病得來一天閒遊，我於下午茶的時段來到了西灣河、筲箕灣逛逛，發現了一家門面很舊的餐廳，名叫《百好咖啡餅店》。除了門面夠舊，更吸引我入內的，也就是門口的麵包部。這一個部門，重現了不少失去了的麵包西餅。雖然，未必款款都啱大家心意，但絕對是小時候，陪父母入冰室食下午茶，絕會叫上其中一款來送茶、送咖啡的小點蛋糕餅食。店內，一切以舊，一切都令人回想起香港於80年代的盛世。木製的卡位，暗黃色的牆燈，再配以咖啡色的格調。大家有沒有想過，當年我老爸老媽拍拖，入冰室，坐卡位，飲凍飲，是多麼浪漫的一件事。用紙皮石鋪的牆身同地板，在今時今日，大家會覺得很老土，但以當年的 fashion，牆身鋪了反光的紙皮石，是潮流的象徵。舊是舊，但這店的裝修、傢具、牆壁地下都保存得很好，完全沒有舊的感覺，這一個感覺，是回到過去，我眼前的東西，就是198X年的東西，這店的一切保存得非常好，令我感覺到，一推入門，就像進了時光隧道般，回到過去。店中的擺設，我覺得比較可愛的，就是這一個裝沙糖的小桶。怎去形容它

同一條街, 百利排長龍, 而餐廳名稱只差一個中文字的百好就水靜河飛，當然有佢既原因。但係如果你唔介意服務平平，抱著去見識本地冰室文化的心態，呢度一定係個唔錯既選擇。唔比較下，試下，你又點知邊間冰室先係你杯茶呢?想重溫昔日冰室既感覺? 唔使去到澳門既。呢度既裝修保留了六、七十年代的冰室原貌。由燈光、色調、牆身同料、餐牌、食物選擇，以至係餅盒(無錯，係硬紙皮印玫瑰花圖案果隻)，都係曾經係香港常見既冰室格局.. 當然，也包括了服務啦..員工成日催你"食咩"已經變左係佢地既口頭禪。有野送來就飛碟、撞杯，已經充分如實反映當日冰室常見既風貌。一分錢一分貨，明買明賣，佢個價亦都停留係九十年代未。廿年前BOR! 仲想點呀! 所以人就唔多，都係做街坊生意。就係因為咁，好好坐，可以嘆埋報紙雜誌，同屋企人HEA下~至於食物方面，就有經典既火腿通粉同义燒意。兩個湯底都有D唔同，而有同客就覺得佢既火腿通粉湯底正過百利啦! 大概23蚊有一個餐，包埋野飲。但係佢既餐包夾牛油就麻麻啦，輸在餐包唔熱。呢度既包都係最基本果D，無百利咁新鮮咁多花款。野飲方面，熱鴦OK GA. 至於值唔值得來多次就好個人啦。我就無問題既。同

這次是我第一次在 Openrice 留言，本來想多一事不如少一事，但想深一層，若人人也是如此，，就沒有人知道真想，社會就沒有進步… 今朝一早本來想和家人開心食個早餐，怎知換來一肚火，實情如下:因為要去銀行提款，所以老婆仔和仔仔先去這間茶餐廳。當我稍後到達後，發覺全間滿座。老婆仔和仔仔已坐在其中一卡位的一邊食緊嘢，另一邊也坐了兩個人。我惟有叫老婆仔坐入些，我也坐入去，但頗迫。剛坐下不久，後面卡位有人走了，我們便盡快轉坐後面，為了不麻煩人地，我們便自己搬先前已叫落的飲品和通粉在枱的空位處，但枱面仍有許多上手的杯碟，故要等侍應來執搭。在周圍望了一段時間後，一個五十來歲的阿嬏終於上前，但她不由分說，就態度惡劣，大聲謾駡我哋：「咁快攞囇D嘢落里，怎執嘢呀﹗﹗﹗」我心想：第一，我已坐了一陣，不是咁快就搬嘢；第二，我好心自己搬，不用麻煩您們，但換來卻給人駡；第三，我相信在這樣迫的情況下，盡快搬位也是人之常情，您是否有點那個…心裏滿不是味道，但也想稍稍解釋，便說：「因為有人來了。(所以搬位)」怎知這位阿嬏繼續重覆駡我們：「咁多嘢在這處阻住曬，怎執嘢呀﹗﹗﹗」簡直不可理喻，這是很多人的劣根性，烚得就烚，

今日3点幾又再向西灣河做野, 見肚餓,揾到e 間"冰室" , 貪佢冇乜人,得兩枱 , 啱我貪佢夠靜 , 間野装修真係好舊, 介意佢舊就真係吾會入..我費事煩..食宪林住仲hea 一陣先走仲得!叫左個午飧..火煺炒蛋配餐包, 叉燒通粉,凍奶茶 , 最難食係通粉..好林同咸.. 餐包好乾..應該'擺'左好耐..食左一半都吾想再食,,擺部 laptop 出黎林住做一陣野 hea 一陣先走..況且得兩張枱..用左半粒鐘laptop..林住走..點知有個白頭亞伯走過黎好大聲兇我話: 你吾好擺電腦出黎, 你快d收番佢!!我當堂呆左2秒..因從未遇見如此"服務"..我份人就係未見過惡人..尤其 e d 冇生意發窮惡 ge 人..我今次幸運地遇上...甘我緊係用通用語言大大聲回敬番佢la ..忍 e d 人我會比亞痳丙架!我終於明白成個鐘都係兩枱客 ge 原因..除左 d 野吾掂..d 人仲係主要原因!!吾係所有懷舊野係好..e d 40年前的舊物同人...絕對消失左也不覺可惜.. 

百好咖啡餅店，自六十年代起已迄立西灣河大街上。小時候返小學，這是條必經之路，它的門面可謂絕不陌生，但我卻一直甚少幫襯。還記得第一次光顧百好，不過是前年農曆新年的事。因為附近餐廳都打佯了，所以我的雙腳終於踏上它老舊的瓷磚地，還吃了一頓收費兩三倍的午餐。這一天，打算在西灣河區吃個午餐，不想去連鎖食肆，不想吃得太飽，腦子裡就出現了「常餐」兩個字。就這樣，再次走進百好咖啡餅店。對我而言，百好是一間冰室。它保留了開業時的傳統面貌，細心一看，其實裝修都算幾精緻，但就有些陳舊。　　點了一客午餐－－火腿奄列、叉燒意、牛油甜餐包、熱奶茶。火腿奄列賣相實在稱不上討好。奄列的份量小，蛋不夠滑，而且有些焦，加入火腿弄成奄列後，味道只算合格。而甜餐包包身偏硬，比較乾身，很不好咬，牛油也較硬身，唯一可取是包身仍然是溫的。　　吃完普普通通的奄列和餐包，接下來吃的叉燒湯意粉其實也是普普通通。幾片瘦叉燒，配合較粗身和煙韌的意粉，口感尚可，但味道上並沒有特別之處。另外，湯底很濃，味道偏咸。　　最後，來到熱奶茶，茶色均勻，還可以，但就有一陣微微的茶澀味。　　聽說，龍鳳檸樂等廣告也在這兒取景。五十年歷史的老冰室環境，確實是這