百好咖啡餅店 (Closed)

12-5-2007 1648打完機後，臨返回主場時，黎呢度坐底休息下。凍奶茶飲落唔會有苦澀，裡面有冰，之前已經攪動過，飲極都有甜味及茶味。蛋撻已經凍過，但酥皮仍有少少鬆化，甜味及蛋味都比較重些少。4蚊一隻蛋撻真係貴左的，我諗係六七年代的冰室所需的無形成本比現代感的還貴。

去東龍島搭船前，先o黎食個早餐。門口唔似舊式茶餐廳，原來舖內真係好懷舊，好似睇粵語殘片6、70年代的冰廳，好有特色。早餐有餐包、炒蛋或煎蛋及火腿通粉，餐包是好傳統的，包身較重、顏色比較深，雖然唔係新鮮出爐，但仍然食得出好重牛油味，味道夠香。炒蛋好過煎蛋，炒得好滑，可惜勁多油。而火腿通粉幾有水準，通粉好彈牙有咬口，唔似一般舊式茶記，煮到淋pat pat。奶茶好濃好夠茶味，老公讚唔錯。

上個星期六同男朋友去呢度食左兩個茶餐，我o個份有火腿炒蛋、多士、叉燒湯意同凍檸茶少甜。呢度d炒蛋好正，好滑；叉燒湯意又好食。原本想叫多個炸雞翼，不過又食唔落，最後只叫多一個'奶醬多'(因為男朋友食完個餐都唔飽呀)。

任教的學校未搬新址前, 這裡的叉燒湯意、公司會意、豬扒意和乾炒牛肉意曾陪伴過我無數的中午. 搬校後, 不彈此調久矣.最近回來緬懷一番, 哈, 一切如舊, 裝修完全無變, 午餐仍然o個幾味, 價錢仍係$19, 一樣無飯賣, 公司會意從配料到略酸的茄汁一成不變, 茶啡當然係典型大排檔style....突然覺得有些博物館feel!有自己風格的茶餐廳, 是值得一試的.