太和殿海鮮火鍋 (Closed)

元朗好多火鍋店，呢間算係最乾淨同環境好既一間兩個大人帶住bb其實比較難打邊爐，所以搵到呢間都喜出望外。食物方面：因為太夜，手切牛無哂。點左個美國安格斯牛，二百幾一大碟。呢個好食，無雪味，咬落肉汁好香口，唔點醬已經夠好味湯底揀左胡椒蘿蔔牛腩，$128 好似貴但其實好抵，因為全部料都食得，啲牛腩仲好好味，唔會老身咬唔開，又唔會細到變肉丁唔捨得俾你食桶蠔就一般喇$149 得4隻貴左啲，無咩鮮味另外仲點左墨魚滑同百福豆腐其實點多左，因為煲底加牛肉已經好飽下，點左個粉都食唔落另外提一提服務好好，唔會趕客唯一係價錢貴，人多食就抵啲

今日放工相約朋友一齊去元朗食下飯～ 睇下食評原來有間叫太和殿食中菜都幾多好評，於是就去試下啦😎😎😎佢個名雖然叫火鍋店，但係一樣有惹味既中菜食😍😍😍門口有好多餐廳既特價優惠，裝修都好grand咁，已經比到我第一下信的-呢間太和殿應該幾好食既～仲有個3層既魚缸，入面養左好多海鮮～ 龍蝦、鮑魚、星斑....全部新鮮游水👍🏻👍🏻👍🏻到入到餐廳，坐座都好闊落～ 坐得舒服，雖然都有人打邊爐，但抽氣通風做得應該幾好～一點味都有，完全唔驚打完邊爐成身微味😛😛😛 幾好幾好👏🏻👏🏻👏🏻個點小菜既菜單都有好多選擇😆😆😆我同朋友最後點左2個送：欖菜肉碎蒸茄子🍆另外一個就係梅羔醬燒骨🍖首先上左呢味茄子先😙😙😙欖菜同肉碎既味入晒茄子肉入面～ 應該仲放左少少豆豉醬 令茄子的鮮甜味更突出 仲有蔥香味😋😋😋 成碟既擺碟都好靚 好像開花咁散開～ 茄子我最中意食煮到軟身又入味既口感，呢味菜完全中晒！用大火蒸，令肉既鮮味.欖菜既獨特鹹味.豆豉既香氣.蔥的提鮮... 一一都配合得很和諧很合味😻😻😻👍🏻送飯真係一流呀！我仲加佢既汁，簡直係精華所在😽😽😽 撈飯真係一流🤤🤤🤤 真係一碗飯係唔夠咖😝😝😝連飯都一粒不留咁掃清光🤗🤗🤗我同

同朋友去元朗太和殿試吓一間小菜火鍋店，入到去餐廳環境好舒服，空間都算大，門面裝修幾靚。入到去店員安排我哋坐四人枱，見到好多小菜選擇，不過大多數人就打邊爐多，我哋就一人揀咗一個小菜諗住試吓。我就揀咗「咕嚕脆肉」，賣相好吸引，而且五顏六色，醬汁亦都好香，咬落去外面啲皮脆，入面啲肉熱辣辣同埋軟林林，而且有菠蘿味道，好正宗嘅咕嚕肉。我朋友就叫咗「石鍋海鮮彩虹滑豆腐」，賣相都幾吸引，有點像蟹粉豆腐嘅感覺，當然唔少得叫兩碗白飯一齊食啦，啲豆腐好似百福豆腐咁滑，一個鍋可以送幾碗白飯，好快我哋就食晒了。清清淡淡食咗兩個小菜，都係＄300之內埋單，而且有茶飲，不過由於唔夠食，食唔飽，之後我哋就去試其他元朗道地小食！

今次山長水遠走到入元朗食，同個朋友試吓佢啲小菜，一人叫咗一個小菜加一個白飯，諗住食唔飽都試吓啲小菜手勢！入到餐廳裝修、環境、擺設都算幾華麗，而且入面座位空間闊落，兩個人坐一張四人枱，坐低左店員俾咗一壺茶我哋飲，我哋就點左兩個小菜分別係「咕嚕脆肉」同埋「石鍋海鮮彩虹滑豆腐」。個「咕嚕肉」賣相幾吸引，而且見到咕嚕肉上面有好多醬汁，當然唔少得菠蘿粒，食落去咕嚕肉外脆內院，肉質都算鮮嫩。至於「石鍋海鮮彩虹滑豆腐」，熱辣辣上枱，見到入面都有好多材料，有青椒、紅椒、豆腐、蝦等等，豆腐鍋啲醬汁好似蟹粉汁咁，加埋白飯一齊食，送飯一流之選。一人叫咗一個小菜，當然都唔會太貴啦，＄300之內埋單，但係當然唔夠飽，所以走咗去第度食其他野。如果計啲食物質素，其實都算好食嘅。

上次去萬芳吃晚餐時經過這間中菜館， 主打是打邊爐卻有小菜供應， 小菜更加是由擁有超過 20 年經驗的潮菜廚師主理， 餐牌上有介紹過他是善於炮製多款手工菜及 Fusion 菜式。就是這個小菜餐牌，看看菜式名字又真是頗有特色，當中點了兩款小菜後便被侍應生勸停，因為他解釋說：他們的小菜份量大，喔 ... 明白！咖喱牛腩煲 ( 跟炸響鈴卷 ) $ 108 石鍋是熱騰騰的送上來，裏面的咖喱汁在沸騰著，飄出椰醬的香氣；咖喱汁配搭洋蔥、薯仔、青紅椒、牛筋、牛腩，牛腩軟腍，咖喱味道是比想像中的甜，辣味慢慢滲出來。跟上的炸響鈴卷，用它們來蘸咖喱汁吃，或是把響鈴卷完全的浸在咖喱汁裏吸嗦，又是別有一番的風味 ~潮式芋頭烙 $ 102 蠔烙、九肚魚烙 ... 這些潮州烙會吃得多，反而芋頭烙是第一次接觸，它有酥脆而味道及質感似 ⟨ 四洲脆脆蝦餅 ⟩ 的烙餅皮，面上鋪滿粒粒大顆的粉芋頭，吊起味道的 蝦皮及菜脯粒，吃來不油膩也很惹味。茶錢是每位 $ 12，另設加一服務費。味道 3.5環境 3服務 4衛生 4抵食 3.5

放低部車去整！順身食埋飯先啊！就去左車房隔離食飯啦！冷氣開放夠哂正啊！裝飾都幾豪華！又夠多位！見到有好多野食！但又好想食d有汁又炸既野食！所以就叫左個梅羔醬燒骨！好正啊喂！豬肉炸到香香脆脆！又舊舊燒骨都擦滿左醬！食落去就食到好好脆既口感！炸到每一個位都係香脆嫁！跟住仲有勁香濃既醬！好似咕嚕肉咁！不過係中間又有陣微微地既梅味！好食啊！一碟仲要勁多舊！送飯一流啦！仲有豬肉唔會老！實實地但又好爽口！好好食！

素聞元朗有好多唔錯的食肆, 無論日本餐, 西餐, 燒烤或中餐, 今日元朗一餐飯, 真的見識到這地方真的是卧虎藏龍, 中菜好食到不得了. 元朗太和殿, 這間打邊爐及中菜的餐廳座落在元朗建德街, 若不是朋友介紹前來一試, 真的不為意在這稍為偏僻的地方有間非常不錯的中菜食肆. 入到裡面, 大多數食客都是在打邊爐, 眼見到打邊爐的食材都是非常新鮮, 由於我們來到是準備食中菜的, 我們也沒有意向想食打邊爐, 於是拿起Menu叫了幾個都幾特別的菜式, 睇下係唔係真是朋友所講有咁好食. 首先上來的是”沙嗲安格斯牛肉炒河”, 睇Menu時, 都已覺我呢味餸幾特別, 沙嗲與炒河的配搭未食過, 見到上來的一碟餸, 最面頭是鋪了一層濃郁的沙嗲醬, 裡面有些牛肉片, 有些青菜, 底下是炒底的河粉, 我們用筷子撈均, 一邊撈一邊聞到好香的沙嗲味, 無幾耐, 一碟色, 香, 味俱全的沙嗲炒河已在我們面前, 我們個個都急不可待想食, 一食落口, 哇, 河粉有咬口, 不會太林, 牛肉食到齒頰留香, 加上香濃的沙嗲味, 正! 好好食, 淨係呢一味, 我已知道朋友絕對沒有介紹錯, 真的好味道! 之後跟住上了欖菜肉碎蒸茄

入到元朗，當然要試吓佢哋呢度特有嘅一啲小店啦。呢間叫做太和殿海鮮火鍋，但係原來係有小菜供應架啱晒大人細路。職員耐心推介左呢度嘅小菜俾我哋食，其中叫咗一碟松子海王炒蛋白。海王係指新鮮蝦，蛋白炒到剛剛熟，又白又滑。蛋白表面係主角，其實我覺得松子先至係，松子數量不多，恰到好處，好香口。松子加上蟹子粒洒在蛋白上，白雪中帶點紅，賣相好吸引！另外仲叫咗一個雜菌鮮竹煮勝瓜，好清甜，啱晒怕熱氣嘅朋友。裏面有唔同嘅蔬菜，包括勝瓜、木耳、鮮竹同冬菇，材料非常豐富。用上湯炮製就可以代替肥膩嘅汁，清清地送個白飯都不錯。結帳每人約$100，價格不過不失。

雖然這間舖叫「火鍋」，但其實佢仲有中式小菜架！有潮州菜、廣東粵菜，而且菜式選擇有好多，我同朋友叫咗幾款試試。第一道菜係欖菜肉碎蒸茄子，鹹鹹嘅欖肉蒸出來嘅汁，滲入茄子，黑蚊蚊嘅欖肉加上蔥花鋪在茄子上，熱辣辣香噴噴，睇見都流口水，同白飯一齊食，好好味！另一個餸係雜菌鮮竹煮勝瓜，勝瓜好翠綠，好嫰、好甜，雜菌有仙菇、鮑魚菇、蘑菇，腐皮唔硬又唔油，好軟又有咬感，加上一些紅蘿蔔絲，綠中帶點紅，好吸引，所有材料炮製一起，湯汁好鮮甜！最後飲多幾杯茶就走啦，茶葉幾香，難得！

匆匆一生 , 究竟是為了些什麼 ? 人生自古誰無死 , 倒不如放膽一些 , 試多一點新事物 ~當天 , 我和太座就到了位於元朗的 " 太和殿海鮮火鍋 " 嚐到了新口味 ....Menu ~潮式芋頭烙 $ 102 : 我喜歡吃潮州菜 , 但就對潮式食物沒太多的認識 , 這道菜還是頭一次吃到 , 這個 潮式芋頭烙 外觀像 pizza , 餡料有 芋頭、蝦皮、菜莆 , 味道鹹鹹的頗香口 , 亦不算油膩 ~咖喱牛腩煲 ( 跟即炸響鈴卷 ) $ 108 : 生活上只要加些少心思就有新創意 , 響鈴卷配咖喱牛腩就是夠特別 , 其咖喱是以中式的煮法烹調 , 牛腩入味有咬口感 , 用即炸的響鈴沾上咖喱來吃 , 別有一番風味 ~ 本篇完 ~

是日入咗元朗交收 元朗對我嚟講有啲遠，難得一場嚟到，就梗係要順便諗下去邊度行街呀、食咩野好 最近食多左西餐，就想食番中國小炒 太和殿雖然名有海鮮火鍋，但原來有小炒同埋可以飲茶梅膏醬燒骨 呢樣係同朋友人嘅愛好難得呢度見到，就一定要畀佢點 梅膏醬酸酸甜甜，岩哂夏天食，味道好突出同開胃 而且排骨一D雪藏味都冇，抵讚 雖然係排骨但都好有肉地 石鍋海鮮彩虹滑豆腐 呢個菜式就係我點既，因為突然想食豆腐平時有豆腐既菜式都會比較濃味，呢一款都係偏甜酸，味道都好岩夏天由於係石鍋上，所以長期都可以保持溫暖海鮮亦比我想像中多款式、多量，有魷魚、大蝦等，仲有三色椒 大蝦身型真係幾大，而且彈牙 三色椒就保持爽脆，豆腐滑而不散 因為兩個小菜份量好大，我哋只係另外加多咗一碗白飯，就已經食到飽曬兩個人黎講都幾抵食

貓貓今日食左好好味既晚餐。話說貓貓好耐冇食過中菜，今日好想食飯。貓貓自己一個，好勇咁點左個石鍋魚香茄子，自己享受貓貓既浪漫。石鍋真係堅正，魚香汁沸騰既聲同香味飄出黎，好懷念魚香茄子呢個味道。成個茄子煲好熱。送飯食一流，貓貓再次濕左個嘴。茄子煲仲有野菌係入邊。口感好彈牙。側邊啲茄子被石鍋既熱力整到質感硬身，口感更加好。貓貓鍾意食到每個茄子都有淡淡既魚香味，而且每次食都係咁熱，慢慢食都仍然可以做到趁熱食既效果。惹味既茄子煲，貓貓慢慢食，慢慢享受，食完貓貓既胃已經飽飽。巧開心唷。

今日同男朋友食飯，佢訂左枱喺元朗食中菜，一早放工就揸車入黎接我。欖菜肉碎蒸茄子。欖菜咸香加上肉碎味道濃郁，茄子本來味道比較淡口都嫩得香濃，男朋友叫左碗白飯呀我突然想飲湯，男朋友就叫左個紫菜魚蛋肉碎湯，入口清清甜甜的，魚蛋爽口彈牙，配上紫菜味道變得咸香不再單調。另外叫左工個沙爹安格斯牛肉炒河，沙爹醬汁味道濃郁香口，河粉掛汁力極高，牛肉爽嫩完全唔會鞋口，好鐘意炒河濕潤唔會太油，沙爹入口好滋味咸香豐富。

今日同媽媽入元朗探朋友，夜晚就食埋飯先番屋企，見到有間火鍋中菜店，我地就入去食個小菜。欖菜肉碎蒸茄子。茄子味道清清，加上咸香欖菜非常合適，肉碎咸咸的份量都有好多，送白飯非常配合。梅糕醬排骨。梅糕醬酸酸甜甜，排骨先炸後炒，肉質爽嫩爽口，入口不太乾身肉汁豐富。媽媽好鐘意酸酸甜甜的菜，熱天食比較開胃。最後叫左一個沙爹醬安格斯牛肉炒河。河粉乾身掛上滿滿醬汁，沙爹汁味濃咸香，牛肉爽嫩唔會乾身，牛肉和沙爹味道好配合。

今晚同男朋友入左元朗食飯，去左間中菜館，原本想打邊爐但喺男朋友有啲喉嚨發炎，好彩都有小菜食呀。菜式選擇有好多，叫左幾款試一試。紫菜魚蛋肉碎湯。清清的湯汁，滿滿清甜味道，紫菜和魚蛋是最佳配搭。魚蛋爽彈，魚味鮮鮮，微微肉碎粒入口咸香滋味。欖菜肉碎蒸茄子。茄子吸哂醬汁，欖菜帶點咸香，入口好惹味。男朋友話要叫白飯。我就叫左個沙爹安格斯牛肉炒河。沙爹味濃咸香，炒河乾身掛汁力極高，牛肉嫩滑入口沒有筋有點咬口。