棕櫚閣西餐廳

Open Now

Now Closed

好耐冇食自助餐，近排好想食，咁啱老師約我地去呢度食，真係啱晒☺️老師係酒店既常客，以前食過中菜廳果邊，都好味，今次食buffet充滿期待😋餐廳雖然無華麗嘅裝潢或者吸引眼球嘅風景，不過勝在受歡迎嘅海鮮可以自己挪、食物refill都快，加上食物都放得好集中，方便食客挪同時又唔會disturb 其他食客蟹腳有蟹味，解凍適中，肉質新鮮有彈性，encore左兩次😋刺身、籌司選擇唔多，不過都係大路款式，都好新鮮煎物當中羊扒同大蝦係最搶手，大蝦見廚師煎左2-3 round，但一出好快畀人挪曬🥲羊扒肉質鮮嫩香口燒豬炒飯係餐廳既名物，全晚都refill左2次，可能我挪既時候已經開始涼，冇左食燒味趁熱香口嘅感覺，所以如果座位坐近食物區好處係可以趁食物一出就挪，趁熱食沙律、熟食、凍食選擇都係常見嘅款式，味道唔錯甜品首推芒果蛋糕&藍莓芝士蛋糕，都係夠奶油香但唔會死甜，當然仲有Movenpick雪糕🥳整體黎講，食物整體水準平均，如果再食都會想各類食品食一round😏

一大班人想搵又抵食又平嘅自助午餐，友人推介呢間長者只收148元全包價，睇下有乜嘢食先。雖然遲咗少少入座，但見三文魚刺身已被清空，惟有食凍蝦、煎牛扒同一啲沙律，凍蝦都正常，沙律得好少選擇，至於件細小嘅即煎牛扒就唔多掂！今次終於等到有三文魚同鯛魚刺身，食落都 ok，之後再試左碗叻沙，啲蝦完全冇鮮味，個湯底就好唔掂，非常差。甜品都得好少，最後食咗兩個雪糕就收工！整體評分：三文魚刺身只 refill咗一次，熱盆同甜品都好少選擇， 如果唔苛求，咁嘅價錢都可以接受嘅！

本身BOOK果陣話每日都爆左，諗住應該好好食，點知去到安排個位去到山長水遠，一D都唔近BUFFET 枱，旁邊幾枱都話想調枱都冇得調但D位又唔滿wo。算去攞野食，攞三文魚個個好似餓狗搶x咁就梗嫁喇，加又加得慢，搶左幾轉都搶到少少既最爆笑就係個經理話我地唔會要客人係度等，食野係享受，但個個都企係度等，就係因為一次都等唔到，根本就係加得慢，死雞撐飯蓋。最過份既係果隻夾，三文魚同蝦，青口果隻夾冇分開既，D人夾完蝦又用黎夾刺身，D刺身全部都係蝦殼，蝦鬚。真係睇見都唔想食。熱食其實冇咩好食，西湯ok，牛仔骨ok,仲咩魚蛋，餃子，熟三文魚就冇食喇，$168話平唔平，話貴唔貴，但我寧願食轉打邊爐都好似值D

之前聽人講話呢間好平仲話晚餐唔使二百蚊今晚同朋友仔食，三個人埋單$1164呢杯話係海膽，一食！好濃酒味！侍應放低冇講過有酒唔識同唔鍾意飲酒嘅我，一啲都唔識欣賞鮑魚係一人一隻 都幾大隻！但頗靭⋯⋯啲蟹腳好咸，蝦都算爽口凍海鮮唔多吸引刺身同一般放題質素咁上下 但三文魚竟然有骨！我插親牙肉芝士蛋糕冇乜芝士味，拿破崙淋嘅，生果撻仔都ok！反而涼粉幾好食！好爽口！甜品質素麻麻地，仲綠色蛋糕冇綠茶味，仲苦苦地燒牛肉好生，冇牛味，幾靭吓係雪糕有movenpick最加分！雙皮奶先最搞笑！拎出嚟係凍嘅！有爐坐熱緊！我拎嘅時候，個碗䁔䁔地，雙皮奶係凍差唔多四百蚊食啲咁嘅嘢真係中哂伏

之前在網上睇到好多人推介呢間酒店中午自助餐，一直都好想試下，終於揾左一日同朋友閒日去食，未夠十二點去到酒店超超多人，好彩book咗位，等咗大約十五分鐘就安排到入座，後來知道原來全場爆滿，出去行咗一個round，真係超多嘢食，有三文魚/蝦都好新鮮，見有新鮮嘅沙律菜雜果沙律，當然唔會放過，哈哈哈！熟食雖然唔係貴價嘢都好多選擇，最後當然唔少得嘅甜品，甜品選擇也不少，以咁嘅價錢食到咁多嘅食物，真係真心值得推介，餐廳座位排得比較迫，希望餐廳可以改善。

九龍維景酒店位處窩打路道，由油蔴地🚉 “D” 出口約行10分鐘就可到達，現在用電子方式支付 (例如：wechat、支付寶、八達通) 都有優惠，自助午餐成人$158，65歲或以上長者$138，小童3-12歲$100。以這個價錢，有新鮮蝦、青口和厚切吞拿魚，兼且凍肉、芝士、沙律菜一應俱全，價性比甚高 👍🏻😘牛扒係由廚師即煎，誠意十足，味道適中不太鹹又唔韌。坊間西餐廳一份牛扒動輒一百元以上，都算超值，加埋滑嘟嘟薯蓉也不錯 😃甜品款式多兼且不停補給，雪糕是仲係 “Dreyers” 添 😚士多啤梨撻係酒店餅店賣$22/件，家人即取兩件一同分享，個個都話👍🏻😋蛋糕亦頗多款式選擇 👏🏻😄餐廳近自助餐桌的枱較擠迫，推介坐右面大堂。總括來說，這間平價自助餐水平不錯，雖然要有心理準備人比較多，但也不妨一試 💁🏼‍♀️

上網見$158/位免加一諗住幾抵所以試吓，午餐12:00-2:30，話有各款刺身、前菜、熟食、甜品及雪糕，12:00入到去好似難民營搶嘢食，全部人聚集食物攞嘢食，食物走廊好迫，有三四款刺身，幾款凍肉，10多款熟食，10多款甜品，但食物Refill 速度勁慢，甚至有部份食物唔Refill，三文魚刺身基本上一點後都冇加過，熟食區1:30之後都冇咩refill，中湯淡如水，即煮區人手嚴重不足，一個廚師要負責麵檔、鐵板檔及甜品檔，有時要等好耐，食物水準一般，有D字頭雪糕及甜筒任食，但Refill 速度也慢，2:00左右去攞雪糕已經冇晒，等咗10分鐘之後先加。價錢真係平嘅，不過冇咩賣點，不如俾多少少錢去搵間好啲食。

今次來到九龍維景酒店食lunch buffet沙律區雜果沙律, 青瓜, 橄欖, 紅腰豆&鷹嘴豆, 番茄蘆筍, 雜菜, 粟米沙律, 醬汁有油醋, 千島汁, 法汁, 芒果咖喱汁海鮮區凍蝦, 青口, 希靈魚, 吞拿魚, 三文魚, 幾款壽司凍肉區Parma ham蜜瓜, 凍切肉腸, 凍雞, 海藻八爪魚, 香草燒牛肉, 煙三文魚, 莎樂美腸芝士片熟食區牛肉(沒有名牌), 香草海鮮多寶魚, 白汁芝士焗薯, 日式麻汁煙鴨胸海龍皇燴海鮮, 長通粉, 日式照燒雞, 香橙骨, 新鮮時菜後期有一碟轉了炸薯角熟食區對面有海鮮周打湯, 朱古力窩夫餅, 羊扒配蜜糖芥末汁, 菜肉包, 白飯, 還有4款餐包生果區哈蜜瓜, 西瓜, 蜜瓜甜品區蛋撻, 涼粉配花奶或雜果, 鮮果撻, cup cake, 芒果拿破崙, 合桃糊甜品櫃有唔同味道慕斯蛋糕, 芝士蛋糕, 提子拿破崙士多啤梨, 抹茶和芒果慕斯杯, 雜果啫喱雪糕Dreyer's雪糕杯, 只有芒果味, 甜筒有抹茶味, 柚子味和朱古力味飲品咖啡, 奶茶, 橙汁, 蘋果汁蔬菜很新鮮, 露筍很好食凍蝦, 蝦肉彈牙青口, 好食三文魚切的很大塊吞拿魚有筋咬不開希靈魚鮮甜好食海藻,

朋友生日，係網上搵餐廳之際見到哩度既自助餐做推廣優惠，食物款式吸引，又有兩個時段比客人選擇，幾好，於是經網上用信用卡比哂錢到了當日，提早到達既我地去錯左旺角維景酒店，果面既門衛叫我地坐車去油麻地行過去，足足行左25分鐘先到，去到見到佢門口圍封了寫住隔離酒店，我地此時心諗唔係甘玩我地吧，又搵唔到裡面既人問，打電話又無人接聽，比哂錢係勁無奈之際，朋友問到旁邊的餅店可以經佢哋門口有條電梯直接上去酒店餐廳，但我始終心裡憂心，覺得酒店電話confirm booking時應該交代一聲通知客人情況及出入口位置的安排。幸好生日的朋友話唔介意，我地上到去，無招待，反正比左錢，我地當然直接入去，入到去見到大部份客人巳經食飽的樣子，而廳面食物提供的位置廚師們巳預備收檔，我再一次心諗唔係甘玩我吧？我book了20：30，我地20：25到達就預備收檔？朋友話唔好理甘多食到幾多就幾多啦，出面既食物款式唔多，有些更被取清無再補充，所以我行左個圈都真係唔知有咩岩食，唯有狂食冷凍吧的海鮮(長腳蟹腳、翡翠螺、扇貝、青口、香草龍蝦仔)，魚生部都仲有些三文魚、希靈魚等魚生刺身可惜我喜歡食既北寄貝同甜蝦刺身就收左我地仲食左些烤

以$200左右價錢來說的食物是超值，就單純享受一下純美食是可以推薦的😌但就不是打卡的地方哦😆餐廳環境雖然有點舊，有點黑暗，地下有點滑，要小心🍴，但食物質素可以，員工服務可以，價錢方面可以；要有心理準備係比較地道風味的餐廳，我去的母親節剛好全場滿座，自助食物係好快俾人拎晒無晒，手快有，餐廳亦都未必會添加。不過，好在有按人頭派的芝士龍蝦🦞同鮑魚，熱辣辣出爐，另有新鮮魚生，雪糕🍦同任飲果汁🧃。

今日一家大細嚟食自助午餐，感覺上非常好大環境舒適，嘢食充足好味，最緊要係性價比高兩大兩細都係516元真係好抵食。地點需要步行，但係對於食飽左跟住再去其他一個點，行下去其實都唔會太大影響。

我同老婆都係1️⃣2️⃣月之⭐️，已經諗好食啲乜，少至一餐係自助🍽，諗起都開心🤗。好景不常，隨著第4️⃣波開始，有啲淆底12月唔成團，但又撻🔥左鋪自助餐癮，所以拿拿聲搵返間，食左先講！咁啱網上見到11月自助餐優惠，九龍維景🏨棕櫚閣只需$299🤨⋯係，你冇睇錯，自助晚餐每位$2️⃣9️⃣9️⃣！咁重伏味本來都唔考慮，但佢介紹到又有🦞又🦀又鵝肝又剩，咁猛料間條，試下啦！🤗我地book左🕗，入面都唔少人，但又坐唔🈵。環境唔高級但唔cheap，有啲舊但可接受。食物唔算多但應有盡有，食材同味道絕對得起原價👍🏻。👨🏻‍🍳們超nice，態度又好又有講有笑，但佢地🕘就收工，亦唔再⛽️野食，所以有啲野食都encore唔到🙈。其實正價食都👌🏻，每位$4️⃣7️⃣6️⃣，而家$2️⃣9️⃣9️⃣真係賺左，但建議大家預早少少，雖然收🕙，但9點後開始收油，唔夠盡興。😅

九龍維景酒店棕櫚閣 龍蝦戀上鵝肝海鮮buffet $338抵食呢間野熟食麻麻，但鐵板燒好正！同一個鐵板用來煎羊架同鵝肝，兩樣都有點羶味，再煎大蝦碌，真係好好食！燒牛邊皮燶燶地都好食！仲有每人一隻香檳汁龍蝦同埋大閘蟹。不過鐵板燒的師傅不停大聲傾計癈up，仲在客人攞完嘢食離開之後批評客人，我覺得好失禮！甜品麻麻地，但熱辣辣的雙皮奶好食，雪糕任食橙汁任飲，坐3粒鐘邊食邊吹水都只係$338（原本預訂$358但尋日有特價）我覺得淨係食以上嘅都已經值，羊架食了6件！其他海鮮都係嗰幾款所以我冇食，熟食選擇不多同味道一般而且不夠熱我不喜歡，甜品冇乜驚喜，布甸好結實似食椰汁糕，怪怪的星期六都坐唔滿，如果突然想搵個地方坐下傾正計平平地食下buffet，中意食羊架的話可以考慮呢間

星期三同媽媽試左九龍維景酒店的lunch buffet 一去到 就直接係取餐區 環顧左一圈海鮮: 蝦 青口(推介)冷盤:三文魚刺身 凍西冷牛扒薄片熱盤: 炸魚手指 口水雞 燒雞扒 。。。仲配有各式各樣的甜品 雪糕方面係dryers 除左雪糕杯 佢仲有甜筒供應以$168 呢個價錢黎講 真係算cp值很高了

呢排疫情漸放，住酒店又平。於是乎又同媽咪去抖下啦😂順便嘆下自助午餐。呢次食又星期日又竟然冇乜人嘩咁真係好正⋯⋯事關好耐冇食，全場大約坐咗6成左右。而今次自助餐好多款式，由魚生刺到沙律，熱盤到即整甜餅，仲有白飯，雪糕，生菓同菓汁茶啡任飲。重點係佢有refill 🤪 同埋刺生堅好食夠凍！重中之重係dryers 雪糕同甜筒係新款仲要任食買單只係$288。好似成人$148、長者有優惠😘會再去！希望佢唔好又轉差！