棕櫚閣西餐廳

Open Now

Now Closed

同一班前輩食飯，黎到佢地嘅主場，話呢度抵食。 酒店已有一啲歷史，餐廳都係比例平實。 刺身幾靚、壽司一堆、仲有一杯杯迷你前菜。各式火腿凍肉，仲有沙律。 冷盤仲有好多海鮮，定期有青口、螺、蟹、蝦等，但好快俾人掃晒。 樣樣野都大大件大大碟。三文魚都係勁厚切。 熱盆選擇都好多。 比較好食有燒牛肉同埋燒烤部，串燒都唔錯。 甜品時間。 一個凍櫃放左好多杯杯甜品， 檯上仲有好多蛋糕。 杯杯甜品比較好味，印象深刻啲有奶凍、木糠布丁、朱古力慕絲等。 價錢係平，食物選擇唔算多，比較適合鍾意食海鮮嘅人。 食物唔算精緻，普普通通，的確岩成熟人味，非常平實，所以真係比較多年長嘅熟客仔。

不論同同事、家人 呢間酒店自助餐 都已經食過好幾次 真係勝價比高價錢合理 食物質素高既每次黎都會食佢既刺身 三文魚刺身相當肥美 每件都係厚切 食落去啖啖肉 魚既油甘味充滿係口腔飾內 幸福感爆登！另一款推介係鐵板燒系列 當中佢有燒虎蝦 鵝肝同羊架 呢三款係我地每次都食好多好多！鵝肝大大個 配上法包可以減膩羊架唔會燒列太老 熟度恰好 最少都自己一個食三隻！仲有佢個虎蝦 蝦肉相當彈牙架當然想食到好野 要時不時出去捕定 因為每次燒完 都好快比人夾走晒嫁

棕櫚閣 轉變中！?折咗張卡位 加咗旦糕櫃雪櫃有 細件旦糕 啫喱 冇Terimisu豆腐花滑香 冇涼粉……沙律 冇 蘑菇蘆筍蚧子沙律有蘋果雜果雜菜 … 唔吸引冇試 好多買點吸引嘅食物都換咗 ……冇羊鞍 冇牛仔骨 走中式路線！?燒鴨 & 白飯 替代咗湯粉麵檔白飯硬 炒烏冬咸 冇湯粉麵 可以選擇法包嘅鐵板燒烤 ~ 獨沽一味 燒魷魚仔但尤魚微腥 肉太淋中西湯 ~ 温度唔夠熱酸辣湯~比較辣創喉 金菇黐牙菠菜海鮮薯蓉湯~滑香較淡口雖然薯蓉飽肚 都飲咗2碗冬蔭公海鮮~ 墨魚仔&虾爽 味淡芝士條 ~非常膩 唔會再試白菜 清清地但菜頭黃咗魚生壽司類都新鮮 少份量提供多人吼嘅壽司 冇refill ……冇乜人吼嘅熱葷 唔使refill擺到尾唔係一定要羊鞍牛仔骨貴價嘢 當然有就有驚喜簡單嘅鐵板煎豬扒雞扒 都吸引家常清湯 湯粉麵都係令人回味

今晚有個大project ，為了安定心神，自我放逐半天，來這兒儲電。不用大魚大肉，但勝在味味啱食。冷熱盤選擇平均。喜歡吃沙律的應該會感到滿意。環境舒服，窗外悠閒的風景，洗滌內心的煩躁。

自助午餐"冇羊鞍失望 牛仔骨油膩”凍盤 刺身 壽司 甜品 冇乜點變熱葷款式有改變 味道好好… 但 冇羊鞍供應 好失望黑椒牛仔骨~ 油膩醃料味重 失咗牛肉香味 冇refill白汁蘑菇雞~鮮蘑菇雞滑炒米粉 太甜味南瓜汁海鮮~虾肉腥 墨魚仔爽口薯仔片三椒炒魷魚~ 一般 尤魚唔鮮旦花汁節瓜~ 夠清 節瓜淋滑煎三文魚頭 扒爐~ 煎多春魚 單1選擇冇中式老火湯 南瓜味金菇羹偏甜即煮粉麵檔冇咗 提供 燒鴨&白飯個人較喜歡湯粉麵 冇咁膩濕濕口尾聲出 香草欖油意粉好好味 但已飽 淺嚐……甜品豆腐花 滑滑…… 飽滿又1餐天婦羅軟売蚧

今次去九龍維景酒店食自助晚餐，因為有4張免費劵，所以就去試下啦。都幾多人食，不過唔爆滿，6:30pm開始食。見間酒店唔係話好高級好靚，自助餐既地方亦唔係好大，點知出面食物款式都有好多! 個人認為係以海鮮為主，有冷盤既青口、螺、蟹腳、蝦，亦有係焗既熱盤青口、扇貝，亦有炒海鮮、蒸魚同埋避風塘炒蟹，岩晒我呢個海鮮狂! 蒸魚已經起左骨，所以好容易食。湯方面係南瓜湯，但湯就一般啦。有炸魷魚圈，但有D凍同埋D皮都幾粉，淨係食入面條魷魚就算。刺身方面有三文魚、吞拿魚、希靈魚，仲竟然有三文魚腩添，不過真係相當膩呀，食幾舊都飽飽，不過都幾厚身嫁。估唔到仲有即切既牛肉同火腿，質素都唔錯，個燒汁好match好好味。仲有個鐵板燒區，雖然細細個區但都好多選擇嫁，有鵝肝、羊架、銀鱈魚、蝦，樣樣都唔錯。另外，甜品方面有個開心果噴泉，有movenpick雪糕任食，印象中有朱古力、雲呢拿、士多啤梨味，cake方面都有十幾款，仲有熱山水豆腐花，仲有麵包布丁可惜到我去拎既時候已經冇晒。亦有即整既pancake，入面係碎燕窩同芒果肉，另外自己再加上cream，熱辣辣好好味!另外每位都會送一份海參鵝掌總結食物大部分都好好，款式

冬至做節，親戚揀左呢間自助餐。老老實實，同朋友食飯俾我揀一定唔會黎呢間。首先價錢唔平，落樓每位$398，但係食左成晚，冇一樣食物，係令我覺得值呢個價錢。食物種類少，好食既更加係冇。全場比較好少少既係燒牛肉，唯一一款達到一般水平既食物。其他都係below average。即叫即蒸海鮮好似好有綽頭咁，其實蒸出黎唔好味，老虎蝦俾佢地蒸到鞋哂。長腳蟹完全係冇味既。原條蒸魚出左一次之後就變左出魚塊。仲有每次出得十件八件既燕窩蛋撻，但係一人最多可以拎四件，前面排左兩三個就係咁先，下輪請早。成晚我都唔知自己食左d咩，咁就冇左四舊水。呢個價錢好食過佢既出面大把選擇。試過一次就算，當出街跌左錢。

又再次來這店吃自餐，基本食品魚生等任取《不需要排隊限取2~3件》；可能這兒大都是老顧客，沒有人搶洗光盆^_^!而且這個月份推出現在好流行《蒸海鮮》，總算是有新吃點；而且也有為客人著想，只需在自己枱上拿了《有号碼的竹籤，放入在客自選生海鮮上；不用等待蒸熟，蒸好伙計拿來。》

本人從來不寫食評，但今次忍無可忍，從來未食過一間如此垃圾的酒店自助餐！！！大家自行判斷呢間餐廳正評既真確性。先唔好講食物質素，首先進入酒店的一刻，會發現裝修十分破舊，死氣沉沉；職員態度欠佳、冇禮貌、所有嘢都係負面評分。上一層進入餐廳，佈局一致，入到去已經知道今次令野。食物方面，除咗垃圾，沒有更適合的形容詞。我咁大個仔第一次食自助餐，會擔心自己食唔飽，選擇極少質素極低；有D食評話個海鮮湯好正，但我飲咗一啖，立刻吐返出黎，真係求忍其一間茶餐廳送俾你嗰個湯度高質過佢十倍。其他食物都冇乜嘢可以評論，都係食一啖吐一啖，好心唔識煮，就唔好浪費食材。成間野根本冇一樣野值得任何人去欣賞/食/影相，除左個movenpick雪糕囉（見圖），我食左7杯雪糕充飢。真心奉勸大家，價錢幾平都好，唔好去這間維景酒店自助餐，再講根本就唔平，亦都唔值，出面大把選擇，希望你地見到呢個留言。

去年在這裡吃了兩次，給我的印象不錯。昨晚再去發現大不如前！晚餐時間是6:30，我只是遲了十五分鐘，凍海鲜枱只剩幾只蟹腳、幾只小元貝和兩只凍蟹身，但卻有一堆小龍蝦，聽說小龍蝦是在不清㓗地方生長，是蟲不是蝦！所以沒拿，只拿了三只人家拿剩的蟹腳，蟹件和元貝。一吃之下，味如嚼蠟，沒誇大，真的一點味道都沒，很不新鮮！魚生有很多，我沒吃，怕不衛生！主打是蒸鮑魚，鮑魚又細又硬，咬了一口便吐了出來，沒再吃！其他食物也很一般，去年欣賞的龍蝦湯現在雖仍叫龍蝦湯，但变成了蕃茄湯，一點點龍蝦湯的味道都嘗不出來！羊架又熟又沒羊肉味！我吃自助餐笫一次去拿咖哩飯吃！因為沒什麼好吃的！全晚最好吃的是一條新鮮的香蕉🍌！食物補潻慢，過了八點基本上就沒加添過，枱又細，收碟又慢，可以一吃的只有果汁，蛋撻，面包和西瓜！非常失望的一頓自助餐！價格現在是418，非常不值！不會再幫襯！

一大班人一齊去食buffet梗係要搵最抵最正最多嘢既選擇啦!由於本人呢就係一個鍾意食海鮮怪物 食buffet如果可以任食海鮮 就perfect喇今次拉埋朋友一行三個人就出去食九龍維景酒店食自助餐頭盤梗係最重要嘅就係長腳蟹啦, 每人分別都食咗5隻長腳蟹而我最鍾意都係食凍蝦同青口, 大大隻又夠新鮮, encore咗3 round...(利申成晚就快食完變蝦😂)buffet最緊要就係食凍盤 又點可以錯過壽司刺身? 不過位置就唔太方便一般人都係一次過夾曬, 佢就分開咗兩邊...壽司刺身方面其實都有齊曬 大路嘢 三文魚, 油甘魚, 吞拿魚都不可錯過, 油甘魚仲原條上添!性價比非常之高! 淨係油甘魚同埋三文魚嘅刺身都已經返曬本!!沙律方面都有唔少選擇, 沙律菜可以自由配搭醬料 另外仲有個青瓜木耳非常之light 同健康!唔可以錯過嘅就係蒸海鮮, 蟹, 蝦,扇貝, 魚都有! 唔執輸食咗兩次蒸蝦! 新鮮又甜😍望兩望仲有燒烤枱, 羊架, 多春魚, 虎蝦...鍾意食羊架既朋友岩曬你😍廚師煎到剛剛好, 配合薄荷醬, 有少少脂肪, 入口羊味唔算太羶! 講明係蝦癡, 唔少得都食多件老虎蝦🦐v主菜都有唔少選擇,

朋友同我慶祝生日，請我食自助餐慶祝早幾年前都有黎過呢度食Buffet今次黎度覺得佢地環境好似靚左D佢地今次個主題係蒸海鮮，現場即叫即蒸自己D海鮮夾落個籠度，有師父會幫你蒸蒸完仲會直接送去你張台度，真係唔錯有樣野真係唔可以錯過，就係鮑魚都係任食架！D鮑魚須然唔係好大隻，但係勝在都幾鮮味，而且係任食丫嘛我地蒸左幾籠鮑魚食，真係好過引，配埋D辣椒豉油無得彈其他既話我最鐘意就係蒸成條魚食，佢係細細條倉魚仔，都好鮮味除左蒸海鮮之外，仲有鐵板燒D羊架都好正，唔係好羶，仲有蝦不得不提下D刺身，D三文魚好厚切架，我朋友都夾左2,3轉仲有D熱盤賣相都幾好，我好鐘意食果個冬陰公青口，真係好有泰式風味仲有個龍蝦湯又係不得不試最後甜品其實都唔係好食得落，但係有芝士蛋糕我真係忍唔到手好好食呀~ 食埋杯雪糕真係要收工，飽到上心口。

前排見到維景酒店promo呢個海鮮主打既buffet，好似幾抵食所以就黎試下海鮮有長腳蟹，青口，蝦，龍蝦仔，個長腳蟹真係好鮮甜，又大隻，仲會不停refill，回本首選！另外仲有超多壽司同刺身選擇！食完凍既海鮮仲有得食熱既，呢度揀完想食既海鮮俾師傅就會用籠仔幫你蒸，蒸完會有人拎返俾你。龍蝦濃湯，真係啖啖龍蝦肉，而且龍蝦味道好濃，真心推介生果有蜜瓜，西瓜，菠蘿，選擇唔算好多但樣樣都好甜，另外仲有個蜜瓜沙律都好好食。燒牛肉都唔錯，肉質幾嫩唔會老。甜品方面有榴槤奶凍，藍莓芝士蛋糕，芒果芝士蛋糕，焦糖布甸等等。我覺得最好食就係芒果芝士蛋糕，芝士夠滑，芒果甜度岩岩好食buffet當然唔少得食雪糕，有士多啤梨，朱古力同云呢拿三隻味。 燕窩熱奶蛋撻，新鮮出爐熱辣辣，不過比較重奶味，可能就鍾意重奶味既朋友會岩口味啲。

呢餐飯係慶祝我同男朋友拍拖4周年的~本身是在某團購見到呢間, 諗住上openrice睇下佢d食評~點知原來openrice做緊個promo仲抵過團購~如是者, 我地就打去book位, 用openrice個discount去食了呢間野其實近何文田, 我地要從旺角嗰邊行過去~ 行大概15-20分鐘吧?地點位置係差左少少~ 但食物味道卻喜出望外呀坐低冇耐, 首先一人來一份海膽配蟹籽沙律~因為做緊海膽主題, 所以每位都有一份~海膽配蟹籽沙律海膽新鮮~ 佢有提供紫菜畀我地夾住食的~鮮甜~ 唔錯唔錯~然後出去拎野食喇~ 其實佢地方係細, 但都幾多野食wo!唔似有d酒店地方大, 但都係得好少野食~第一時間, 當然要狗衝去拎鵝肝食我地2個都係鵝肝怪!   因為岩岩開始冇耐,所以都多人想拎鵝肝~ 個師傅好努力咁煎~但一出就會畀人拎晒, haha, 因為佢冇限一人拎幾多~不過我都係等左一轉姐~ 順手就拎埋羊架同蒜蓉多士~鵝肝好多地方都係配多士的~ 但佢係配一舊林林地的包~ 食落有少少似泡芵個皮。and, 呢度鵝肝冇汁配的~ 但佢超大舊!! 一啖放入口.. 真係冇得頂!!!超滿足!羊架香口, 唔會太乾, 亦

同一班朋友諗住食自助餐，對於愛食生蠔嘅，本身唔打算食呢間㗎，因為無生蠔提供😂，但係朋友仔又覺得有籠仔蒸鮑魚海鮮係好吸引，所以就膽粗粗食九龍維景！ 去到未食，睇到場面已經覺得都幾好啵🥢海鮮區-擺得好靚有龍蝦仔、蝦、長腳蟹、扇貝、青口、蜆！ 以中價自助餐價錢居然比到咁多款海鮮！覺得好讚🥢刺身、壽司區-香港人太鍾意食三文魚啦，所以你見到佢個碟三文魚刺身係超大盤、又大嚿，每件都好肥美嘅-另外佢個章紅魚刺身、係原條上、擺得好靚呀！第一次見到成條魚咁樣上😍🥢沙律區-有別於其他餐廳的自助餐，佢嘅salad係已經mix & match好，無得比你自己揀配料，但咁樣都有好處：方便懶人，而我最鍾意就係佢個蜜瓜沙律啦！非常之fresh！🥢甜品區-好多款式岩哂女士的甜品胃🥢冷盤區-水果、芝士、冷盤小碟-我最鐘意食parma ham+ 蜜瓜🥢籠仔蒸區-呢個就係朋友仔好想試嘅籠仔蒸海鮮啦，咁每張枱都會有杯號碼木竹（下圖有21號），只要你拎埋木竹、跟住你鍾意食咩海鮮就自己夾入籠仔、再將你嘅餐枱號碼木足、將個蒸籠交比師傅就可以！整完之後就有專人送到去你面前㗎啦我試左蝦、蟹、魷魚仔，比較鮮，無落調味！🥢熱食區當然唔少得