Pampas

Open Now

Now Closed

香港呢個咁國際化嘅城市行幾步路又可以見到唔同國家嘅菜~今晚又同朋友一齊黎蘇豪區搵食發現到呢間 Pampas ，入面嘅裝修好有味道亦好精緻 感覺係間好高質嘅扒房 所以就衝咗入去啦!!! 入到去d waiter 哥哥都好好人 好nice 有同我地講解下有乜好食。Provoleta Cheese with tomato sauce 熱辣辣嘅麵包沾上有蕃茄汁嘅芝士 仲有成日掛在口邊嘅拉絲芝士 但唔單止有拉絲效果 仲有好重嘅芝士味係一般餐廳做唔到嘅嘢！Tenderloin Steak 呢個牛排真係好林 完全無筋 唔會話咬唔開咁 仲好多汁 一d都唔乾，完全係大師級水準 而配菜都有驚喜 d mash potatoes 好 creamy 食到令人停唔到。好推介大家一定要嗌呢個黎試！Pork Ribs呢個pork真係好好食 調味都調得好好仲有少少焦焦地嘅感覺 好香口～真係食過翻尋味佢已經變咗我最愛嘅牛房 經過Soho必食嘅一間餐廳

阿根廷菜館，我都是第一次食，我只知道阿根廷牛就是 signature 菜之一，其餘是什麼味道、什麼煮法都未有認真體驗一下，所以上星期放工決定去中環蘇豪展開我的異國菜風情美食記😜😜🔹開胃麵包 $0 跟一般西餐一樣，先給食客麵包，邊吃邊等order. 麵包沒特別，正正常常🍞🍞🔹Mixed Sausages $198 烤雜腸拼盤，豬肉腸: 其實質地有點似平時的腸仔，幾好味。中間黑色是烤血腸: 這血腸比較鬆散，應該係血再加大量內藏，其實味道似香港的膶腸。最好味就是烤牛腸: 好有吃烤牛仔肉的味，雖然是牛肉腸，但仍有肉汁，真的不錯👍👍👍🔹Tenderloin Steak $348 (250gm) 來自阿根廷的牛，阿根廷式煎烤，賣相不特別，吃了一口就分別到是優質牛，好濃厚牛肉味，肉質軟熟，薯條好新鮮。來頭: 原來這裡的牛來源地均為阿根廷LA PAMPAS省進口，都係以青草餵飼，肉質會比較好，吃得健康放心😋😋😋😋🔹Chicken Brochette $228 阿根廷雞肉串燒，造法跟一般美式串燒差不多，都是跟有紅椒青椒和洋蔥，不錯啊😊😊Pampas 地址: 中環蘇豪伊利近街36號地下電話: 2868 4

Haven’t really try Argentina food beforeLove the bread basket with creamy butterIt’s very soft and crunchy and the skinSalad is in super huge portionAvocado is really fresh and shrimps are solid definitely a healthy choiceGrilled palate!!Really love the pork sausage and cornMixing the saltiness and sweetness altogetherBlood sausage is slightly heavy for me tho

Happy Friday!今次黎到Soho搵食, 同良朋欣賞美食之餘又可以小酌兩杯~Pampas就係今次被選中既餐廳啦! 哈哈一坐低就當然睇下佢既drink List先啦, 我地就點左杯 FINCA LA LINDA Malbec, 係阿根延紅酒, 唔洗decant都已經好順口, 帶有果香~~推薦度10粒星啊~~!前菜除左沙律之外, 我地仲點左個Provoleta, 係溶左既Provolone Cheese 加上橄欖和香草暖粒粒既麵包加上溶左既拉絲芝士, 再配埋橄欖和香草沖擊嗅覺和味覺, 真係會令人不自覺飲多2杯主菜我就點左Salmon steak, 朋友就要左medio pollo a la parrilla, 者係雞扒 哈哈三文魚煎得好香口!!  又唔會過熟, 配埋即炸既薯條, 仲唔係我健康版既fish and chips!?Pampas真係一間好值得推介比喜歡飲紅酒既朋友, 放工黎輕鬆一下

第一次食阿根廷🇦🇷菜，一試難忘。這杯紅酒🍷比到驚喜我，估唔到咁易入口，果味幾香，FINCA LA LINDA Malbec，一杯都係 $58 喳！前菜- 沙律🥗 生菜🥬青瓜、蕃茄仔、蘿蔔絲全部都好新鮮👍🏼熱融芝士配麵包🥯一流芝士超濃，而且拉得，再配埋香草，口感好正，趁熱配麵包食，仲一流👍🏼👍🏼👍🏼特別推薦呢度嘅烤雞雞肉肉質鮮嫩，而且一d雪藏味都無味，好新鮮，而且烤得岩岩好，唔會over cook 👍🏼呢度嘅甜品都好出色，可以媲美酒店級數；我就點左呢一個🍮 軟綿綿QQ，好好味👍🏼

朋友喺中環返工，而我亦鍾意食野，所以大家經常性都喺中環食飯。由於通常中環下午好多間食店都太多人，所以我地約食飯都係約夜晚多。我地都喜歡食牛扒，中環有幾間出名都食過，而呢間叫Pampas既餐廳係朋友介紹，我又未食過所以約埋一齊去試下先。餐廳位於中環Elgin Street，由上半山既電梯上嚟，位置都容易搵。餐廳既餐牌，普遍主菜都係二百至三百幾，紅酒$58一杯，價錢唔貴。同朋友飲下酒傾下計聚舊講下人生。Provoleta ($118) 即係Melted Provoleta Cheese，熱融芝士，可以拉絲添，配上餐包食又得，芝士味道濃郁，蕃茄醬令到芝士無咁漏。芥末醬配上牛扒，當然夾啦。朋友叫既tenderloin，餐廳職員話呢度既牛扒係由阿根廷既LA PAMPAS省入口，牛隻全部都係用青草餵飼，所以健康啲之外，肉質都唔錯。我塊牛扒就叫左medium rare，切開粉嫩，好厚身，肉質都算軟腍，薯條亦幾香脆。餐廳既tenderloin, sirloin同ribeye有分250gm, 350gm同500gm，客人可以因應自己食量去選擇。而sirloin同ribeye 250gm最平248/258

見星期五，同另一半出去食個晚餐，自從幾年前食過阿根廷牛排之後，另一半對佢念念不忘，所以今晚都選左阿根廷扒房。可能我地早，6:45pm 係Soho區無人食飯只有人飲野，所以我地包場甘，到7:30pm先有其他人來。叫左個350g Tenderloin, 一個Sirloin同sausage 併盤，一個carrot soup,一個onion soup加兩杯飲品。Tenderloin 真係阿根廷口味，grilled 得好好，肉林同有肉汁，併盤既西冷差小小但牛肉腸好正。Onion soup一定要推介，厚厚既一層芝士係面加好香既洋蔥湯，好味過好多地方。重有要提一下既係送湯既包，係panini包，又熱又鬆軟，正

今日約埋d朋友係中環食大餐，就簡左呢間餐廳！餐牌都好多選擇！D麵包好好食啊！！ 食西餐多數有餐前麵包，唔好睇少佢嘅份量啊！ 如果麵包好食真係會大加分！呢度D麵包勁新鮮，好軟熟，黎到係熱辣辣，食唔停口，真係未食主菜已經飽左一半🤣個沙律好大碟，亦都好新鮮。入面有好多唔同嘅料，好豐富～D蝦好爽甜，D菜、蕃茄同牛油果都好新鮮，點埋D醋，好開胃Parma ham 有4大塊，蜜瓜都比得好多。個火腿咸度適中，夾埋蜜瓜食真係一大享受，仲可以連埋D熱麵包一齊食添🤣🤣呢個係阿根廷式烤豬肉腸，喺menu見到覺得係地道野，所以想試下～烤得好香，好好食，咬開係免治豬肉咁嘅，唔會太咸，對於呢個新嘗試幾滿意兩塊扒我地都叫左三成熟，真係有做到，見血架～個肉眼扒唔算太厚身，但一D都唔薄，食落好有肉嘅質感～ 肥瘦度啱啱好，肥嘅位唔多，食落唔會咁溜 根位亦都得好少，好多肉都係食得到架！ 個扒都煎得好香，真係超級正！！西冷都係非常冧，肉質好好，夠鬆軟。如果唔鍾意食太生建議可以叫五成熟，因為我地叫左呢個好似真係比較生🤣 但都無影響個扒嘅味道，因為本身食材新鮮，而且煎得好香，餸飯一流呀！！我地叫左個三文魚扒，估唔到都整得好好食！

阿根廷牛扒其實都幾出名，揾日約到阿爸阿媽同朋友就一齊去食我地揾到呢間喺中環蘇豪嘅扒房，上佢地網站research之下發現佢地用嘅係來至阿根廷Pampas省草原嘅草飼牛，牛嘅生長條件好，肉質都自然好，所以我地之後嗌咗一份tenderloin同一份肉眼，好正餐前會有佢地自製嘅餐包，麵粉味香，外脆內軟，係造得好優秀嘅包呢個沙律係生菜底，有車厘茄、牛油果同蝦要價只係128，但份量好大蝦多得嚟又爽口，超值經典嘅蜜瓜同巴馬火腿火腿質地幾嫩，筋唔係特別明顯，如果就咁食的確會有啲咸，夾埋清甜嘅蜜瓜就啱啱好 呢份係250gram嘅Tenderloin $348Bife de Lomo侍應問我地想自己切定佢地幫我地切，咁我地請餐廳切埋先上，所以碟上血水會比較多肉質好好，肉香好濃，表面嘅grill mark焦香好正餐廳有三種醬料俾客人點牛肉食左起: 英式芥辣、茄汁、Chimichurri我幾鐘意個Chimichurri,好香香草味，唔會好膩，同啲牛肉好夾呢個係250gram嘅肉眼Bife de Ojo呢個肉香都唔錯，當然都係tenderloin肉香最優勝(價錢都反映都呢點)但肉眼勝在肉質嫩滑，比較腍同有豐富

星期六工作如常，繼續OT至深夜，晚餐一樣係叫外賣，我同另外兩個同事決定今晚食好啲，就用外賣app搵左呢間阿根廷扒房，打算食好啲。我哋叫咗一個三人餐Completa ($988)，包左肉眼扒、牛柳、西冷扒，牛扒全部三成熟，控制得非常好，經過送遞時間rest左，更好食，肉汁保持得好好，特別係牛柳，一啲筋都無，超好咬。blood sausage、牛肉腸、豬肉腸，細條既係豬肉腸，比較鹹。大條係牛肉腸，無咁鹹，幾彈牙。仲有長法包、沙律。blood sausage口感好唔似我地食開既腸仔，好黏好sticky，好似薯蓉咁，好特別。我地仲叫左個炒Sauteeed vegetables，基本上就係紅蘿蔔、豆、椰菜花、西蘭花。仲有個海鮮意粉，不過海鮮真係唔係好見到，超細粒。

蘇豪區有好多嘢食，今次選擇左一間食阿根廷菜嘅餐廳，其實主要都係想食下扒，朋友介紹呢間唔錯就黎試吓。睇咗餐牌決定叫呢啲食物：Melted Provolone Cheese with Green Olives Herbs，原盤芝士上，熱辣辣，之後會有埋麵包，夾埋一齊食咸咸香香咁～食食下都食晒，已經飽咗3成！(encore 咗1籃包)Beef pie，入面包住滿滿嘅牛肉餡，不過表皮有少少硬，始終都係阿根廷味道嘅～不過味道幾好食，餡料都幾乾身。Tenderloin steak + Sirlion steak，兩樣都係5成熟， 帶有少少血水，一啲都唔韌，肉味都幾香，同平時食開嘅炭燒牛排唔同～食到呢度其實都已經好飽，不過最後都叫咗個Pancake with choice of Milk Jam Apple served with Ice Cream，整體感覺較甜，pancake 加雪糕嘅配搭可以減少pancake 嘅膩感，唔錯！

今次嚟到呢間今次嚟到呢間主打阿根廷菜嘅餐廳，位於蘇豪區再上少少，之前去過南美旅行嘅我今日難得早放工就約朋友過嚟試吓啦！餐廳主要為a la carte嘅叫法，等客人有更加多嘅自由配搭選擇。兩個都唔大食嘅人嚟講，一個starter，二個main dish+house drinks已經好足夠。呢度有個沙律吧，可以自己選配沙律仲有烘熱左嘅法式長麵包飲品叫左杯紅酒同fruit punch前菜叫左Gambas Ajillo，其實即係蒜香炒蝦，但唔同嘅係加上左少許嘅Parsley同paprika之後，成個層次提升到令蝦唔止來蒜香味，更有一絲香草嘅芬香，增加味覺嘅層次。主菜方面我地叫左一客tenderloin steak同ribeye，250g嘅份量對一個女仔嚟講已經好足夠。牛扒食起嚟非常有牛味，叫左medium rare亦都做到扒中心留有少少嘅粉色，配上南美特色嘅sidedish，可謂真正做到阿根廷風味。餐廳環境氣氛相當唔錯，有唔少關於阿根廷嘅菜式簡介，侍應服務亦都好好。整體而言想試阿根廷菜嘅你值得一試！

We care here for dinner and ordered 2main courses - steaks, 2 drinks - white wine and red wine , and one appetiser.I love the ribeye steak very much. We ordered medium and the steak was so soft and the taste was so good!!!Although the Sirloin Steak is more famous, I like the ribeye steak more. Maybe it’s more suitable for ChineseAlso the wine was so good!!! My friend was drunk after it Would definitely recommend this restaurant to my friends!!!

中環蘇豪東一向比我感覺夜鬼天堂，一排排酒吧林立，估唔到有間高質傳統阿根廷扒房開正係呢到，鍾意食牛既朋友你地有福啦！其實呢個品牌"Pampas"既意係一個平原名稱黎，果到既牛打正旗號係以天然青草餵飼，飲既係泉水，所以肉質既飽和脂肪相對較少，礦物質含量亦都較豐富，食起上黎都健康ｄ啦！👇📌 PROVOLETA - $108▪ Melted Provoleta Cheese with Green Olives and Herbs 👉先黎個頭盤熱下身先，阿根廷王牌菜式"熱融芝士"，芝士既咸香配上麵包一齊食幾有驚喜，好似度身訂造果種感覺，加埋個小鍋新鮮滾熱辣，即埸整返個撚手拉絲都無問題呀，不過記得芝士凍得比較快，一凍就會變硬，所以要趁熱食呀！📌 BIFE DE LOMO - $348/250gm▪ Tenderloin Steak👉牛扒當然要煮得岩岩好，控制火侯同時間最重要呀，Medium rare我覺得肉質最正，濃郁牛味又多汁，裡面呈嫩紅色，唔會過熟，伴菜以mashed另上，質感幼滑，食落又唔會太油膩感覺，250gm既份量都夠兩個人Share下食，呢個的確值得推薦！📌 COSTILLAS D

最鍾意周圍試唔同既steak house，今次嚟到SOHO既Pampas，一啲都冇令人失望。見到佢其實有set dinner, 但係因為我對於沙律冇乜興趣，最後都係散叫。前菜揀咗個熱盤，蝦味道OK，始終牛扒先係重點。飲品冇嗌到紅酒(雖然紅酒同牛肉比較配)，但係聽日要返工，都係飲無酒精飲品啦......我同我朋友分別揀咗牛唔同嘅部位，我食西冷，佢試tenderloin, 大家都不約而同揀咗medium rare, 鍾意食冇咁熟嘅。揀嘅時候問咗一下侍應嘅推介，然後佢介紹話原來店名係阿根廷嘅一個地方，牛肉亦都係當地出產嘅，而且係草飼牛，肉質會好啲同埋健康。第一次試阿根廷嘅牛肉，都幾有驚喜，尤其是係西冷，肉味濃，我同朋友都好滿意。最後餐廳仲送咗個小甜品俾我哋，雪糕pancake，圓滿咁完成左晚餐。