Pancake 專門紗織 (Closed)

去日本旅行的時候我最鍾意四圍食鬆餅，除了吃空氣的舒芙蕾鬆餅，我也喜歡香氣十足的厚鬆餅。這間Pancake專門店用米粉代替麵粉，專門做無麩質鬆餅，配埋壓成幼條的栗子蓉又靚又好食。栗子鬆餅每日限量發售，想食就早點來排隊。Pancake專門紗織位於銅鑼灣鬧市，Fashion Walk 後面近海邊位置，由銅鑼灣地鐵站E出口行幾分鐘就找到。全店走和式風格裝修，顏色柔和坐得舒服，真是約朋友吃鬆餅的好去處。用米粉做的鬆餅足有4厘米厚，吃起來香氣十足，表層有脆脆口感，中間鬆軟美味，原味和抹茶味都好正。和栗沙織 HK$158這個和栗紗織以原味厚鬆餅作基底，中間收埋一舊蛋白餅，再唧了一圈又一圈日本鮮奶油。最外面鋪的是日本栗子蓉，選用最靚的日本丹波栗子，再用機器壓成幼條狀，一層層鋪在鬆餅上面，賣相可愛又吸睛。這個很難切出漂亮的橫切面，重點是真的很好吃，尤其是那個日本栗子蓉，確係非常療癒。由於日本栗子供應量不多，這款鬆餅每日限量二十份左右，賣完就沒有了，想吃記得襯早啊。

行得累累地， 等咗一陣位便入咗來此間新開pancake店抖吓， 仲坐到sofa位， 好舒服丫 叫咗幾個pancake甜品， 份量、味道、presentation同服務都好滿意。 杯Matcha Latte 都好好飲， 最緊要夠熱夠香， 值得一試

難得終於放寛至4人一枱同晚市可延長至10點, 點都要約同姊妹出街預祝生日, 其中一環便是去黎間近期人氣大熱店 - 紗織- tea 一 tea ... 本來想早啲黎, 但又怕要排大隊 (因為經過幾次都有條長長既人龍)... 所以選擇差不多5點才過去 (心想啲人應該準備食晚餐多於食甜品卦, 哈哈~) ... 果然, 只需等10分鐘左右就可以入座, 仲可以坐到近門口最寛敞既打卡位, 正~! 甜品款式有十來款, 本來想試的有好幾款, 但因為中午食咗自助餐, 我地三人只能忍手只叫咗3款甜品 ... 其中和栗紗織還已經售罄, 所以我們最後叫了春雪.初開, 焦糖香蕉班戟和紫薯紗織...甜品賣相果真一流, 令人食指大動...  焦糖香蕉班戟, 一上枱已經聞到陣陣清香的雲呢娜同焦糖香蕉味~ 紫薯紗織, 顏色好靚好特別, 可惜我地唔係坐bar枱,睇唔到佢個製作過程 (下次一定要食到和栗) 春雪.初開, 構思好正, 有得食又有得玩, 拍片首選 (可惜我條片錄咗好多唔出得街既聲, 所以唔放得, 哈哈~)本以為會好甜好流 (唔知你有無試過甜到食唔落去既甜品? 我就試過好多...) 但黎度每款甜度都恰到好處, 我

下午茶食Pancake一向係個人首選，這間紗織 Pancake 是新開又是日本過江龍，當然要會一會。 Signature 春雪。初開， 賣相相當吸引，士多啤梨甜酸度適中，跟鬆軟pancake很配合，一個人ko也不覺膩。出於個人喜好焦糖係例，焦糖香蕉pancake當然也要一試，香蕉成熟程度剛好又香又甜，焦糖再加上雲呢拿雪糕真係冇得輸，值得一試。如其店名紗織，當然也要一試沙織係例，今次選了紫薯沙織而不選甜薯，當然是被紫色賣相吸引，影相打卡必備😂。紫薯甜度比相像中低， 適合不喜歡太甜的朋友，薯蓉份量十足，味道香濃，也是不錯的選擇。 今次三樣選擇都合心意食得滿意，其他口味。等我， I'll be back 🤭🤭 !

銅鑼灣新開Pancake店，京都果間紗織我冇食過，網上話呢間係copy京都店，咁我第一次食紗織，冇食過京都那間，所以冇得比較，星期日嘅5點去到，坐了9成客，waiter 係好有禮貌，bar枱坐滿客人，所以冇得睇住佢即刻整，但係坐下面都舒服嘅，每人最抵消費$100。。甜薯紗織$148 呢個一個人食會太甜，兩個人食剛剛好，外面係一條條意大利粉咁嘅甜薯，入面有cream, 中間有蛋白餅，底係pancake, 其實整體唔錯，係個雪白餅又甜又硬，呢個如果改善就好啲。焙茶latte, 少少甘味，怕苦嘅朋友未必啱：室內環境不錯：下次有機會要坐bar檯，可以睇住佢整：

之前有朋友買咗過甜薯pancake , 試過之後心思思想試吓堂食既味道。今次去到點咗紫薯紗織pancake 同春雪初開。紫薯味道香濃，入口即溶同非常香口。店員話紫薯來自日本九州，所以本身都已經好香甜。春雪初開最驚喜就係攞超膠片嗰吓，一攞起啲cream 就流落嚟。流質嘅cream 配上米粉既pancake , 味道好之餘食完亦唔會覺得好頂住個胃

新春假期期間，中午時份帶小朋友去銅鑼灣行順便試吓呢間用米粉整嘅班戟店因為我個仔對麩質過敏，一般嘅班戟都唔食得（佢唔食得即係我都冇得食）。班戟主要為甜食，小朋友見到餐牌，第一時間話要食朱古力，而我就點咗綠茶味。朱古力班戟配上朱古力雪糕同cream ，上面鋪滿朱古力塊。朱古力雪糕配搭cream 既感覺唔錯，加上朱古力味嘅班戟，口感一流。 綠茶班戟配上綠茶雪糕+ 緣茶蕨餅同紅豆伴碟，感覺好日式，好香綠茶味，味道亦唔太甜，加上個米粉餅底，食晒成個都唔覺得頂住個胃。

一間十分精緻的Pancake店, 環境佈置十分優雅, 真係好似去咗日本咁! 排隊都排咗大半個鐘，終於試咗佢個甜薯紗織，係menu度有圖解，四層嘅pancake分別有pancake底，再加蛋白餅，忌廉同埋甜薯蓉，層次好豐富同埋唔太甜，好味！ 另外order咗一個焙茶Latte，煎焙味好香濃好好味，口感亦都非常幼滑。由於好想試埋佢個紫薯沙織，但係真係好飽，所以叫咗外賣！估唔到個外賣packing咁靚，真係好似一個生日蛋糕咁，值得推介！ 埋單嘅時候仲附上一個 個口裝滿糖嘅貓貓器皿，好窩心呀！

當日因為疫情關係，店員好有心提醒紗織只淨蕃薯味。決定照試等左45分鐘。座上吧枱上面，可以見到店員放心預先預備好既蕃薯落手動壓機入面，可以好近距離見到紗織既製作。——先評食物，蕃薯唔算差，但冇乜特色。無特別香，無特別甜。Cream反而脂香味幾好，又唔會膩，但份量唔多。cream底有蛋白脆，有少少大舊。Pancake唔香，質地普通，份量一般。以百靚蚊價錢就⋯大家自己一試。 上枱半粒士多啤梨已經轆到碟面唔再講——再講裝修好一般，有外貌無細緻，睇落有裝潢但只細睇欠缺日本人既仔細位。連最外面既logo都有崩同膠水漬，地面磚都冇舖好。不過始終係香港，大概都係咁。——再講重點！！！吧枱顧客除左口罩 向前面整緊紗織既職員吹水，疫症底下無人想食充滿唔知邊個客人口水既紗織。而員工繼續無視手上紗織開心噴口水無諗過停，希望食既唔係你個碟。🤢😷估唔到調低期望既過江龍可以更失望。Will never return.——相唔post了 都係個個樣

放假去銅鑼灣shopping 之前想搵地方食吓野同朋友吹下水，去咗呢間pancake 店。時間比較早（1 點左右，唔駛排隊）店舖主打紗織同米粉pancake . 我對蕃薯冇興趣，所以點咗「春雪初開」同焦糖香蕉pancake . 春雪pancake 一打開就有好香既 cream 流落嚟，奶香味嘅cream + 士多啤梨醬，配上米粉pancake 感覺恰到好處。 一開始見到個焦糖pancake 上面嗰啲cream 有啲驚，不過食落感覺好正，啲cream 一啲都唔heavy , 同埋好香滑同埋好輕，配埋雪糕一齊食真係唔錯

早排係社交平台見到間幾特別既甜品 即刻約朋友一齊去試 不過睇左食評 岩岩開張 啲甜品味道唔齊 咁就遲左一個星期先去食我地大約3點45分去到餐廳 一出mtr出口行過去都好近好易搵 去到餐廳門口已經有人排隊 大約有3張二人 我地大約等左10分鐘位已經入得 餐廳位置唔多 唔算好大 我地今次坐bar枱 可以望住店員整甜品 一入到去店員同我地講用餐時間90分餐 每人消費100蚊 同埋今日既和栗紗織已經賣晒我地就諗住叫兩個甜品 一個紗織一個班戟 紗織有兩款 一個係紫薯 另一個係甜薯 朋友就揀左紫薯 落左單之後就見到店員即刻係我地面前整 個底係班戟 之後係蛋白餅 仲有啲cream 之後就係紫薯蓉 最上仲有半粒士多啤梨 班戟就普普通通啦 好似蛋糕咁 好鬆軟 唔會好硬身 蛋白餅就比較甜 啲紫薯蓉好幼身 仲幼過啲意粉 好夠紫薯味 另外叫左個雪糕雜莓班戟 佢地班戟味道都有幾款 有朱古力 芝士同抹茶 好似仲有個原味 班戟係原味 之後有球雲呢拿雪糕 仲有啲cream 之後就係有啲士多啤梨同藍莓 味道正常 冇乜特別 打卡影相係幾令既整體黎講 兩個甜品幾好食 味道正常 店員服務幾好 兩個人食兩個甜品埋單計埋加一

環境唔錯，一個乾淨同舒服好坐既地方。行銅鑼灣路過諗住搵過地方食下嘢坐下。 因為12 點幾去到，我想食d 熱熱哋同咸嘢，所以點咗個三重芝士pancake , 一心想試吓米粉pancake 同其他pancake 有冇分別。 Pancake 焗咗後有種外脆內軟既感覺，配上三款不同嘅芝士，味道真係唔錯。飲品方面，因為我比較喜歡紅茶，所以點咗熱嘅雪波茶（ 即係rooibos ), 味道冇一般black tea 咁濃，配pancake 啱啱好

雖然要排隊，但絕對值得👏🏾 因為終於食到紫薯味啦！入到店內，環境乾淨，又闊落；坐得好舒服。服務員態度非常好，又會主動幫手影相👍🏾 選擇困難症嘅我，又想試焙茶，又想試雪波茶... 但最終都係揀咗杯咖啡😆 因為都係覺得咖啡配pancake, 一定掂😋 果然，冇令我失望。Pancake 口感層次豐富，味道唔太甜。最重要係無麩質👏🏾👏🏾👏🏾 啱晒對麩質敏感嘅我。所以我知一定有下次嘅😗 到時再試埋其他口味 😉

因朋友邀請去試吓新嘢，點知收到張甜品橫切面相，個心離一離。自己本身超怕奶類製品，係一少少就會反胃咁嚴重。點知，充滿驚喜......「春雪.初開」並無太令人不安嘅奶酥味。cream 好滑唔太甜，同士多啤梨醬配合得啱啱好。當然，最impressive 係拎開膠片果一刻啦。心情會立刻好起嚟。「濃厚朱古力班㦸」最鍾意佢密度高又軟綿綿嘅texture，唔似街上一般口感一陣風或死實實一塊麵粉嘅感覺。配上雪糕，更加完美！唯一建議～可以揀雪糕味就開心屎啦！飲品算好多選擇，好多人試抹茶拿鉄。我自己就叫咗響日本超市無數次拎起又放低嘅博士茶。呢度係一個極度適合一班閨蜜聚聚，嘈吓影吓相嘅地方。大家抗疫抗到忟忟哋去釋放吓亦係一個舒心嘅選擇

響銅鑼灣想食個甜品，見之前有介紹過呢間Pancake 專門紗織，好想一試🤩。特別之處係Gluten-free 㗎😋 試咗個抹茶蕨餅Pancake+Mocha Latte 😋😋有驚喜呀⋯⋯抹茶味好濃郁，個pancake mix with mocha ice cream 剛剛好🥳 環境好舒服，而家返唔到鄉下，去坐下都feel 到日系relax。 除咗抹茶，我哋仲試咗紫薯紗織。 好吸晴🤩。啖啖紫薯溶入口，加埋個蛋餅，真係好襯好夾😊