Panda & Son

Open Now

Now Closed

本來訂咗附近樓上cafe，飲咗happy hour，發覺只有牛套餐，無其他特別主菜，後發現轉角位此處-新大陸。品種多，有樣睇，價錢合，大大碟，味道掂，環境寬。白汁煙肉意粉 carbonara spaghetti$148，多香草，我喜歡濕濕地，有汁忌廉香，麵爽爽彈彈，正三文魚薄餅$148，厚片長塊三文魚，檸檬解膩，多 刁草，邊厚脆，芝士量適中。紅酒happy hour$45，抵。

今日去同同事食lunch，叫咗兩個Pizza兩個Fish N‘ Chips，有啲意粉沙律同埋煙三文魚。Pizza我淨係食咗pepperoni，個底係軟身嗰啲，嗰邊唔夠脆有啲靭。另外其實仲有叫咗Parma ham同事話OK。Fish and chips我就覺得係一般水準，不過值得一讚係個魚嘅脆漿唔會太厚。青醬雞肉長通粉青醬不嬲都冇得輸，雞肉都幾滑，夾埋呢個係幾好食。三文魚牛油果沙律正常味道。煙三文魚都幾好食，不過其實煙三文魚一定會好食🤣肉丸意粉呢個係同事食，不過佢話都幾乾。另外係價錢計返都係每人$130到，可能因為我哋唔係嗌得好多嘢食，但係呢間都幾抵。

今日行遠少少去到近西營盤嗰邊去食西餐。我一早經OpenRice訂咗位。一去到之後呢馬上被安排去一張二人枱度坐。12點果陣餐廳都唔算多人，睇過其他人嘅食評見比較多人推介fish and chips。 所以我都叫咗黎試試，餐湯叫左蕃茄湯+凍檸茶走甜。Order 完冇耐蕃茄湯就黎到了，味道正常冇特別。再過多10-15分鐘fish and chip 就ready了，炸得幾好食落外脆內軟，薯條表現正常。份量黎講都幾大份正常一個男人食都係非常之夠飽。環境幾好，望住叮叮路。係一個人食lunch或者約friend傾偈嘅好地方。

公司離這餐廳有一段距離，大約要步行十多分鐘。不過為咗食佢嘅炸魚薯條，就算來回半小時也值得。炸魚的魚肉厚而不鬆散，味道很好。炸漿恰到好處，不會太黐魚肉但又不會散開。薯條也很厚身很有薯味。The best fish&chips I’ve had in town 😋

之前聽朋友講呢度唔錯所以帶屋企人嚟試吓佢個位置喺上環同西營盤之間，入邊音樂都幾嘈唔太方便傾偈而且燈光昏暗，要英文落單 openrice有七折優惠只限主菜單加埋嘢飲埋單都幾貴煎雞胸牛油果沙律幾好食清新，雞胸唔柴唔記得叫咩，都幾好飲大啡菇好正啊，焗芝士大啡菇絕配下面仲有菜食呢個係Parma ham火箭菜pizza，菜同肉嘅比例唔平均Barbecue ribs

今日同同事食lunch, 行到去西環，見到呢間西餐地舖，看到餐牌價錢合理，決定一試入到去所有餐廳侍應都係外國人，同都幾full下。坐低後，我地分別點了三個set lunch前菜有沙律或湯，我們全選了南瓜湯，好creamy及重南瓜味🥣鷄肉凱撒沙律🥗 $118沙律菜爽脆，雞肉嫩滑，份量也足以食得飽燒烤排骨 $128排骨燒得好juicy, bbq醬汁好惹味西冷牛扒🥩 $198牛扒五成熟剛好，不會有血水，正甜品係法式薄餅🍕薄餅好似pancake咁，有焦糖，朱古力，檸檬牛油3隻味道選擇

這是一間很正宗的西餐，有很多外國人都會在這間餐廳一邊飲酒，一邊看足球比賽。Lunch Set (中英對照) - 包一杯飲料和是日湯。是日湯︰南瓜湯這是一個西式濃湯，是用很多香料和南瓜煮成，配上忌廉，令口感濃郁，香滑綿密。牛肉芝士漢堡包 $128牛肉漢堡厚度十足，口感扎實，味道濃郁多肉汁，配上芝士、洋葱、生菜及蕃茄，口感層次極豐富！薯條炸得又長又脆，點蕃薯醬一起食，食到口不停。漢堡包份量大到不可一口咬，但一口咬才有滿足感，所以大家可以用紙巾包著食。不過要小心紙巾會黏著漢堡，汁也會從後面流出來。香煎三文魚扒 $178三文魚扒煎得真一流，又多汁又嫩滑，可能是魚腩位，沒有一部份是'鞋'口的，真的「好味到無得嘆！」 大家可以加檸檬汁，去除鱼腥味外，也可增加魚的鮮味。白色醬汁(他他醬？)酸酸甜甜的，但我覺得不加也很好味。配菜︰薯溶、瓜、、紅蘿蔔、西蘭花等等，也煮得很美味。

已經係第二次食呢間餐廳，因為食完第一次覺得好抵食又好食，今次再嚟。lunch set百幾蚊，有主菜、凍飲、餐湯，仲有crepe，出面嚟講都好抵，莫講話係酒店地鋪，仲係間外國人主理嘅餐廳，(要講英文落單)。首先餐湯，睇落有啲稀咁，飲落都幾濃味，估計係菠菜湯之類？餐飲凍檸茶茶底好香mixed seafood spaghetti 海鮮拌意粉 $148個意粉份量都幾多，估唔到mixed seafood會有煙三文魚，仲有蝦、魷魚圈，蝦幾彈牙唔霉，意粉個tomato sauce都幾好食，唔會太酸，雖然係炒但啲意粉唔會太乾太硬。雞煙肉意大利飯 $115留意呢度意大利飯/vegetable risotto都會有青豆，由於我個人好鍾意食青豆所以冇問題。啲飯粒唔算太硬，個飯個sauce幾好食，幾多雞肉，不過係雞胸肉有少少鞋，唔會太乾太難入口。食完仲有個crepe檸檬牛油味，再加咗個雲呢拿雪糕個雪糕就普通啦加唔加都得，個crepe好香好食，檸檬牛油味唔會怪仲幾夾朱古力味crepe甜甜地幾好味，個醬好香朱古力食物好食，又抵食，service都好好

I did the chill set for $598 and it really worth the price. The food is good and environment is nice too. Will definitely come back soon.The staff is very friendly and he introduced us with the set in detail and have great sense of humour, which made us a happy and fun dinner.

食物水準不錯,我們點了個炸魚薯條,燒豬仔骨.兩個午餐味道都ok.最後還附送甜品.餐廳外牆採用落地玻璃.光線充足.但座位空間稍為狹窄.而當日被安排坐稍為深入的位置.其實當時沒有什麼客人.不知如何作此安排,我不會考慮第二次光顧了

Book左果間餐廳睇完地圖都唔知點去😂咁岩行過呢間睇落唔錯就一致決定轉場！·🐟Fish & Chips ($128) 樣樣都大大碟，勁飽肚！fish & chips應該好難會難食😂香脆可口，點埋沙律醬夠哂肥仔，好味！青豆ignore左😆·🐷BBQ ribs ($128) BBQ醬香濃，切開肉厚juicy. 不過好甜膩·🍔Classic Beef & Cheese Burger ($128) 正常發揮. Beef patty比較薄，無咩驚喜.但價錢黎講絕對抵食.薯條香脆，食左好多😆·☕️每份都包餐湯、咖啡、甜品！餐湯算濃郁，甜品crepe麻麻朱古力醬好少，但咁多樣野食真係好抵😂·📍Panda & Son上環德輔道西28號宜必思香港中上環酒店地鋪

The food is okay but the service is what made me not enjoy this experience.I ordered margarita pizza. However, the waiter/boss gave me a Hawaiian. Confronted him about this mistake and instead of apologising he just said “this is an upgrade haha”, not owning up to his own mistake.

環境舒適，由外籍人士打理。有多款意粉、漢堡及薄餅等選擇即燒BBQ醬汁肋骨配沙律薯條BBQ醬惹味香辣 焗到好入味,豬肋骨好嫩滑肉多 肋骨肉夠肥夠香口 啖啖肉味道又濃香! 薯條都係即炸夠脆口即焗肉腸芝士PIZZA 批底夠脆薄,香口脆香灑上芝士肉腸片,肉腸片幾辣,芝士濃香,味道豐富前菜係牛油果配煙三文魚,咸香既煙三文魚肉配熟綿口感既果肉,味道清新消費$500IBIS Hotel, 28 Des Voeux Road West, Sheung Wan

係酒店樓下食西餐 寫意又唔貴 份量多又抵食夾大件!菜式 香草野菌長通粉配烘牛油法包 焗芝士薯蓉配薯條今晚決定係附近食飯先返屋企酒店樓下有餐廳!芝士薯蓉份量超多大大碟平時焗飯SIZE芝士焗到黃金帶焦香 脆脆口感薯蓉仍然係軟滑 仲食到濃濃牛油香氣同芝士半溶口感好邪惡!香草醬汁每條通粉都沾滿,香氣滿滿,入口濃香,意粉質感仍然帶點彈性 牛油法包脆香美味包一杯茶咖啡 凍檸茶夠濃香 另一杯係可樂黎既抵食之餘份量大碟上環德輔道西28號宜必思香港中上環酒店地舖平均消費$120評分8/10

見OpenRice有6折promotion咁平, 所以特地去試食吓。我問服務員要叫邊款食物可以有6折優惠，佢話其實個Set Dinner入面嘅食物已經包括左平日個Menu比較貴嘅食物，所以Set Dinner個價錢唔會有6折… 其實價錢唔係好平，不過既然一場黎到，就都係食下啦。先來個Daily Soup, 係蘑菇湯，個賣相都唔錯㗎，有蘑菇味，可惜佢入邊落咗好多胡椒粉，成個湯食完我覺得好辣要飲水。主菜係肉餡馬鈴薯批，熱辣辣的放在枱面上。內有Minced lamb, mashed potatoes & cheese, 成個批份量都夠大，有好多羊肉碎，唔會淨係得薯蓉。配菜有青豆&薯條，薯條真係炸得好脆好香口，好快就食晒！由於羊騷味好重，青豆我會連埋薯蓉一齊食，中和了羊騷味，所以我仲可以食下去。甜品有焦糖布甸蛋糕伴雲呢拿雪糕，呢個蛋糕係熱食，布甸蛋糕好軟身又有勁重口嘅焦糖味，我反而鍾意個甜品多過主菜😍！至於雪糕我連埋焦糖汁一齊食，唔好浪費咗個汁。最後餐飲我叫咗熱咖啡，估唔到係illy咖啡，服務員好細心俾埋淡奶俾我，呢間餐廳個服務都好好👍🏻。呢度嘅服務都好好，佢會留意住你食完第一樣食物，先至會比