Papa (Moved) New Location

今日和太太往沙田石門papa食晚餐, 我們點了兩客晚餐香辣大蝦扁意粉, 炭燒美國安格斯牛肉漢堡配煙肉芝士、papa yellow沙律、蘋果汁和凍奶茶。餐湯有粟米肉碎湯, 湯溫度適中, 粟米香甜和肉碎美味；香辣大蝦扁意粉, 大蝦食落新鮮彈牙, 配菜磨菇食落香濃,意粉爽口, 整份香辣大蝦扁意粉, 口感滿足；炭燒美國安格斯牛肉漢堡配煙肉芝士賣相吸引, 安格斯牛肉燒得香濃, 咬落有啖啖肉汁、芝士香濃、煙肉香脆、配菜青瓜, 蕃茄和生菜食落開胃, 面包焊得香脆, 整個炭燒美國安格斯牛肉漢堡食落惹味, 口感十足, 薯條炸得香脆；papa yellow沙律賣相色彩繽紛, 有烤雞肉, 芒果、牛油果和雜菜, 烤雞肉質鮮嫩, 芒果鮮甜, 牛油果香濃和雜菜爽口, 整份papa yellow食落開胃, 最後凍奶茶茶味香濃, 飲落香滑。餐廳座位舒適闊落, 食物美味有質素, 而且份量十足,值得再來西餐廳

因工作地點在附近，偶然發現這間餐廳，已是第二次光顧了，還是忍不住同樣揀了佢個漢堡餐。那是因為個餐真係不止睇得，味道唔錯之餘，食完相當有滿足感，很IG-able！相比較附近餐廳的價格，這間餐廳並不算便宜，一個湯，一杯餐飲，加一個正餐，都差不多八十幾蚊以上，而我叫的漢堡餐更超過一百元，但都覺得抵食既。間餐廳的裝修還好，店面面積不大，服務okay，亦未有因食飯時間人多而出現趕客情況，都食得舒服，值得再光顧。

假日時間一家大細有老又幼，晚飯時間仲要係星期日，嚟到石門京瑞絕對好難搵位，好彩我地算早嚟未夠七點，見到papa暫時幾多位，即刻衝入去( 入去食到七點幾時變到好full)總共叫左3個晚餐，全部味道都唔錯，個包餐嚟到掛住食無影，配嘅薯條食食下先記得影，薯條好好味，好大份其他個飯同意粉都幾清新，濃淡適中，幾岩口味。個甜品唔錯，雖然我本身麻麻綠茶味，但都覺得ok我覺得呢度最得係個環境，小朋友係度唔知點解表現得好開心，我覺得空間感都唔錯嘅，不過唔算平，間唔中嚟下都ok嘅

連休四天訓到自然醒去左附近石門食個下午茶去左呢間papa餐廳我地座左係窗口位 感覺好舒服叫左兩個tea set呢個朱古力香蕉pancake （$58）不推介因為真係好乾好硬而且朱古力醬唔多真係麻麻另外叫左salad （$78）有雞肉,牛油果,蕃茄 配芒果汁食落酸酸地 好開胃☺️👍見到隔離枱叫左牛角包好似幾正 下次再試下！

店外店內裝潢設計幾靚之前行經幾次今天決定入去試下我叫左個焗波菜大菇配薯菜所有配菜都係白烚無味嘅不在話下三舊疑似炸過嘅薯仔淡來得黎有淡淡的辣味當然你更加唔能夠佢有脆嘅口感至於我嗰三件大菇真係只能夠用慘不忍睹黎形容！裏面嘅菠菜已經發黃，重有d怪味⋯芝士之下既洋蔥同蘿蔔更是令人無法食到味道，一口咬下我只食到菠菜的怪味+強烈嘅菇味

放假 lunch 唔想煮，決定同老公出石門搵食，話說本身係想食韓燒，但心諗太肥😂日日咁辛苦做運動唔想一食又番黎，就入左呢間papa 食沙律。沙律選擇都幾多，我揀咗呢個唔記得個名但係基本上都係生果黎，如果鍾意食菜佢有一啲係主要係沙律菜嘅沙律。樣子幾不錯，又新鮮，醬汁都有啲特別，係芒果汁，同埋分開上，自己鍾意落幾多就落幾多，酸酸甜甜幾好味👍🏼，好似見到仲有其他醬汁可以揀，同埋係大兜嘅，個set 連埋飲品，我揀左蘋果汁。老公叫咗個芝士pizza, 個皮係薄皮黎，但就唔脆，同有少少"un", 但so far 味道ok, 老公今餐叫咗西柚汁。另外一讚係佢哋冇用膠飲筒，轉晒做紙飲筒，為環保出一分力抵讚👍🏼侍應嘅服務都幾好都幾Nice, 環境舒服有足夠光線同埋乾淨企理。價錢屬於中間啦，唔算太平，但合理。

88蚊貴價breakfast，无烟肉肠仔，净系得沙律，烤番茄，薯饼，茄汁豆，双煎蛋⋯⋯⋯味道完全唔得，炸薯餅連鹽都無落，連麥記早餐都好食過佢。味道唔好之餘，估唔到煎蛋會有飛蟲，都無刻意刁難店員，也無要求即時換，好心我地食完先同店員講，希望下次留意，絕無刁難之意，結果店員毫無反應，「哦」左一聲，一句sorry都冇，仲要態度勁差咁問你地比現金定八達通，大排檔都唔會咁！做為食肆最基本既乾淨都做唔到，永不幫襯！

星期一至五平日午餐優惠12:30前結賬可以有discount，主食有沙律意粉或者意大利飯可選擇，同行二人點了兩個套餐一個是沙律另一個是鱸魚意大利飯。沙律意粉有雞胸肉及芝士味道好清新而且健康，份量非常之足夠二人分享。意大利飯味道比較淡，但煎魚非常好食而且味道濃郁。咖啡不過不失如果有拉花會更加吸引。餐廳的環境非常之舒服，雖然價錢連飲品連甜品平均要$100以上，但是物超所值！

做個健康寶寶～石門附近返工返學嘅吃貨可以一試！呢個牛油果芒果雞肉沙律，最出色係個芒果👍🏻幾甜~同牛油果都幾夾。雞肉唔會好鞋。雖然幾大碗，OL一個人食都食唔哂，但價錢就偏貴，要$88，偶而食一次都不錯吧～

Papa 係石門其中一間幾有情調，環境優美的餐廳，平日lunch hour 經常坐無虛席。是日叫咗溫泉蛋肉醬扁意粉，岀菜好快，肉醬份量非常多，食每一啖意粉都沾滿肉醬，撈埋溫泉蛋的蛋黃食，口感非常豐富，但價錢88蚊就有啲貴啦，身為一名普通打工仔的我唔會經常食啦

假日與家人一起來石門這家西餐廳，真的很有質素，環境舒適，食物價錢合理，食物味道亦非常好。先點了芒果沙律，點了不久就很快上菜了，沙律新鮮，配上了蕃茄，牛油果，芒果，藜麥，伴上了千島醬汁，好吃！主菜點了羊架，共有三塊，半成熟的羊肉烤得剛剛好，很軟熟，配上蒜味的醬汁和烤香了的薯菜，值得一試！三文魚意大利飯亦是不能錯過！厚厚的奶油醬伴上很有口感的意大利飯，而且三文魚亦很大片，份量很足夠！另外還有點的大蝦扁意粉，炒得的味道很好，配上多隻大蝦，值回票價！另外亦點了的pizza，是很薄脆的餠底，配上大量芝士和蕃茄醬，很美味！主菜都可跟餐點的，都要送上飲品和甜品，我另外加錢點了雲石芝士蛋糕，還不錯，芝士蛋糕的軟硬度適中，甜度亦適中。整體很適合一家人來吃一頓質素晚餐！

特登帶小朋友去石門， 因為石門最出名嘅係勁多夾公仔機，結果銀包大出血，只好靠食野去安慰番自己。沙津勁多選擇，配搭又勁新鮮，超推！而下午茶的迷你漢堡同薯條都唔錯，可能滿足到想食肉又怕肥嘅朋友。而窩夫同鮮果茶比較普通，特別是鮮果茶要加錢, 感覺唔係咁抵。食物整體係中上，不過與價錢成正比.

黎親呢度通常2個目的😶第一 想靜下佢完全係「石門圖書館」😂發下呆就好啱環境清靜得來又舒適一個人坐低做吓嘢睇下書玩吓電話店員唔會逼你走 亦都唔會覺得好尷尬🌿第二 想健康佢有好多種沙律嘅配搭每個$88坦白講 唔抵食但如果可以坐得耐又健康係ok!睇自己嗰日expect d咩😂不過有樣嘢抵讚 就係佢哋嘅色彩繽紛 顏色奪目好多種唔同嘅配料芒果牛油果雞肉蕃茄等等沙律好多時都係成堆綠色好似一堆草咁 見到都唔開胃😂嚟到呢度就唔會好似平時咁咁唔想食沙律😌

端午節，假日家庭聚會，爸爸年紀大牙齒不好選了一份扁意粉，侍應哥特別制作林一點的意粉給他，可是爸爸仍是吃不慣，麻煩過后，也不收爸爸費用，令爸爸也很滿意，每位年輕的職員的服務有禮有愛心，值得一讃。餐廳環境舒適，Hea 下傾談一個歡樂的中午。papa salad 好清新，意粉類很大碟抵吃，最緊要服務好。餐廳是用木制傢私，如果有軟墊便好了。Brunch 的餐單可多些選擇，合小童或老人便好了。十分推介給大家作參考呀！

今日午餐我同囡囡去食午餐我叫了巴東牛肉飯，牛肉有些部分是比硬身。薯仔還算 ok但整體唔算好食。份量是合格的。但跟餐，杯餐飲果汁份量偏少祗佔杯 1/3，我個人覺得就太少了另外，囡囡點了平日最喜歡食的卡邦尼意粉，意粉唔太淋醬汁比較膩口所以，囡囡唔太鐘意食我未見過我囡食卡邦尼食到一半就話唔想食落去2個餐總共價錢 $192感覺唔值這個價錢提議起碼有個餐湯感覺可能會好 D餐廳服務算 OK不過整體而言應該唔會再去光顧了。