樂天經典

Open Now

Now Closed

今日同朋友嚟食黑胡椒螃蟹🦀，揀咗個餐$668 都幾抵食。首先個蒜香紅海頭，蒜蓉味好濃郁，紅海頭爽口，好開胃！重點嚟喇，星洲黑胡椒螃蟹！呢個係招牌菜嚟㗎嘛！黑胡椒醬汁香濃惹味，螃蟹肉質鮮甜，夠哂大隻。另外，脆脆咕嚕肉酸酸甜甜嘅，炸得金黃酥脆。古早魚香老鼠粉煲，呢個幾特別！魚香醬汁夠晒惹味，老鼠粉吸晒啲湯汁，好入味！甜品方面，招牌酸柑香茅凍，酸酸甜甜，帶有陣陣香茅嘅清香，好適合夏天食！清心丸綠豆爽，清熱解暑。飲品方面，檸檬薏米水同無糖豆漿，都幾健康。

我係佢開門冇幾耐就去食下佢嘅午餐套餐佢個環境都唔錯而且幾寧靜嘢食都好大碟味道係好食嘅對得住個價錢不過如果驚自己食唔曬可能要帶個盒去裝住會好d嗰日我就係有少少後悔自己唔帶個盒裝住淨返啲飯餸做晚餐

將軍澳康城有樂天經典專食新加坡菜，難得一家人食飯就去呢度試吓，呢度啲位置幾舒服，仲有啲卡位同埋有啲大圓枱因為想食出名嘅胡椒蟹，叫咗呢個二人套餐B黃金魚皮呢個炸魚皮份量好多上面仲加咗鹹香嘅黃金蛋黃，真係超級正，食唔停口，非常之有新加坡口味星洲黑胡椒蟹重點嚟啦，呢個星洲黑胡椒蟹第一次食仲驚會好辣，因為我本身係鍾意食辣，但係食唔到黑胡椒嗰隻辣，點知佢冇超級辣嘅感覺只係少少惹味嘅辣同埋竟然係有啲甜味，非常之惹味，老公唔係好鍾意食蟹都係咁食脆脆咕嚕肉呢個咕嚕肉酸甜香脆，肉質林得來有彈牙，而且夠大嚿啖啖肉，菠蘿同埋洋蔥都整得好好食臘味炒飯呢個炒飯加咗辣味之後非常之香口，但係唔會好油膩清心丸綠豆爽我初初以為呢個好似綠豆沙，但係原來係一個好清甜嘅糖水同埋嗰啲清心丸透明煙靭有啲似煙靭小小嘅透明涼粉，幾得意特別！仲有啲馬蹄好有口感🍱樂天經典 (將軍澳)📍將軍澳康城路1號The LOHAS康城4樓415A號舖

秋天要食蟹，抵食二人餐。香港少有高質又高性價比星馬菜套餐【$668】前菜小吃（四選一）我揀咗黃金魚皮，份量超足，仲要係好好食，魚皮炸得金黃香脆，食落好夠脆口，配埋香濃惹味既鹹蛋黃，夠灑邪惡。螃蟹（四選一）我揀咗黃金焗螃蟹，醬汁真係好多，夠鹹香，蟹肉多汁肉質嫩滑，味道鮮甜。熱炒（八選一）脆脆咕嚕肉，醬汁甜甜酸酸，味道好有層次。飯與粉麵（四選一）古早魚香老鼠粉煲，蝦球、鹹肉、冬菇、蛋同蔥，配上老鼠粉，每啖口感豐富，夠足料。甜品（二選一）招牌酸柑香茅凍，果凍帶微微香茅味，口感好滑嘟嘟。飲料（每位一杯）冷無糖豆漿食完覺得膩可以飲返杯無糖豆漿，豆味香濃，好飲又健康。檸檬薏米水清熱利尿，能改善水腫同排毒。

同老公去日出康城睇戲，顺道在商場瀏覽，途經英皇戲院，見一家PARADISE CLASSIC 樂天經典。樂天經典位於The LOHAS商場4樓，有少少隱蔽，窗邊位置可以隱約見到溜冰場，餐廳環境寬敞明亮，裝修新淨，座位闊落舒適，桌椅之間的距離好夠，唔會好迫，適合一家大細、情侶同埋一班朋友用餐。與此同時，亦被店外的廣告牌吸引，所以入嚟試下！家鄉炒麵線炒得好夠鑊氣，唔會太濕太腍身，麵條口感爽彈。阿婆苦瓜炒蛋正正常常，苦瓜夠爽帶少少苦味，炒蛋不會過熟，尚可接受。脆脆咕嚕肉咕嚕肉肉質外脆內鬆軟，無骨啖啖肉，食落肉軟又多汁，加上青椒、紅椒、洋蔥一齊炒，再淋上酸甜汁，酸酸甜甜好開胃。

品中菜有樂天皇朝，新加坡菜就可以考慮樂天經典。尼度環境設計時尚，座位有圓檯和卡位選擇。檸檬薏米水和豆漿檸檬薏米水清爽宜人，酸酸甜甜的滋味十分解膩，特別適合搭配後續的重口味菜式。而豆漿則帶來一絲溫暖，濃郁的豆香讓人倍感安心前菜蛋黃炸魚皮其酥脆的口感贏得了我的青睞。每一口都有著獨特的香味和咀嚼感，與開胃飲品相得益彰，讓人不禁想要一口接一口。主菜套餐中的辣椒螃蟹配炸刀切小觸頭是整體的亮點。螃蟹肉質鮮嫩，辣椒的香氣與鹹香的蟹肉完美結合，給味蕾帶來了火辣的刺激。炸刀切小觸頭則外酥內嫩，讓人一試成主顧。蒜茸炒西蘭花西蘭花的鮮綠色澤與蒜香的完美融合，既保持了蔬菜的清脆口感，又增添了營養。飯類蝦味魚子蝦球炒飯無疑是這次套餐中最具創意的一道。每一粒米飯都裹著鮮蝦的香氣，魚子更是為整道菜增添了奢華感，讓炒飯的口感層次更加豐富，令人意猶未盡。甜品最後，清心丸綠豆爽以其清新的味道完美收官。綠豆的清香搭配柔滑的口感，消除了整餐的油膩感，讓人感到無比舒適。總結整體而言，自選2人套餐B以其多樣的菜式和豐富的口感，帶給我們一次愉快的用餐體驗。每道菜都在味道上互相呼應，無論是開胃飲品還是甜品，每一口都令人滿足。

金磚豆腐。炸到黃金色，口感外脆内軟，份量都幾多，大約10塊。强烈推介。辣椒螃蟹（伴炸刀切小饅頭）。螃蟹大大隻，蟹肉肉質嫩滑，味道鮮甜。炸饅頭外脆內軟。醬汁甜甜辣辣，好惹味。咕嚕肉。每一塊都帶肉，炸粉較薄。味道酸酸甜甜，好開胃。蝦味魚籽蝦球炒飯。炒飯粒粒分明，夠鑊氣。蝦球配魚籽，令炒飯口感更加豐富。清心丸綠豆爽。清心丸口感煙煙韌韌，内有爽脆嘅馬蹄，味道清甜。檸檬薏米水，味道微甜，薏米軟糯，健康之選。

樂天經典將軍澳康城路1號The LOHAS康城4樓415A號舖味道評分:☄️(必食之選)>☀️>🌤>⛅️>💨☀️套餐B $668🔸星馬金磚豆腐豆腐MVP⭐️椒鹽香脆嘅外皮配上超級順滑嘅豆腐，仲有10舊咁多！🔸 黄金焗螃蟹未食先聞到鹹蛋黃味超級香，令人食慾大增😎鹹蛋黃佈滿咗蟹身嘅表面，升華左螃蟹嘅味道，食落好惹味同滿足😊🔸蝦味魚子蝦球炒飯炒飯鹹度適中，比較特別嘅係有d魚子，食落有粒粒口感，飯粒粒粒分明但唔會好乾，中意！🔸泰式炭燒豬頸肉豬頸肉肉質彈牙嫩滑，配上泰式甜辣醬食用😊🔸招牌酸柑香茅凍香茅味好出，配上柑嘅酸酸甜甜~係一個消滯冇咁大負擔嘅甜品，開心！🔸無糖豆漿 有淡淡嘅豆香🔸檸檬薏米水 甜甜的

第一次幫襯，環境唔錯，坐得好舒服，招呼周到👍抵食新加坡二人套餐只需$668，仲要有蟹食👍👍螃蟹四選一，揀咗星馬黑胡椒蟹🦀微辣，隻蟹唔單止大隻，仲非常新鮮惹味，啖啖肉，令人食指大動😋前菜小食係星馬金磚豆腐，啱啱炸起上枱熱辣辣，有10大件，外層非常酥脆，內裏勁軟滑，超級香口❤️熱炒八選一，揀咗脆脆咕嚕肉，真係好脆，而且粉薄，配料又多，酸酸甜甜好開胃😋古早魚香老鼠粉煲，即係銀針粉，香噴噴熱辣辣，將雞蛋拌勻和其他豐富的配料一齊食😋食飽飽之後仲有甜品清心丸綠豆爽，清心丸煙煙韌韌，仲有爽脆嘅馬蹄，口感豐富

👧🏻😋👅🍽✨出色星馬菜🙌🏻 豐盛套餐-🇸🇬 康城自成一角, 真係唔算多野食, 我地係特登為左樂天經典入去, 見到唔少捧場客, 多數係一家大細有老有幼, 環境舒適; 大半年前黎過印象都唔錯, 今次再訪食物質素方面係有明顯突破好出色! 🇸🇬 一兩人叫個星洲碟頭好經濟, 而亦有星洲盛宴•新加坡風味套餐$418起, 而premium啲既套餐B $668 除左6 course各自選擇更精緻, 亦有包括螃蟹 -🐠 黃金魚皮💯份量好多, 質地鬆脆又唔會碎濕濕; 鹹蛋黃都好香濃, 炒到均勻薄薄地痴上炸魚皮上, 所以就算食得多都唔膩-🦀 黃金焗螃蟹✨同魚皮一樣都係多醬多膏但唔膩! 原隻蟹拎去焗雖然要慢慢拆肉, 但真係好鮮甜, 味道亦唔會被黃金醬蓋過-🐖 泰式炭燒豬頸肉💯估唔到星馬餐廳既泰式野都咁出色, 份量多又夠油香, 無論頭尾同中間都唔會乾, 有淡淡香茅味, 唔點醬都好味-🦐 蝦味魚子蝦球炒飯✨D蝦球好鬼滑! 唔係頹頹的急凍來貨, 炒飯粒粒分明濕度適中, 魚子提鮮好香!-🍮招牌酸柑香茅凍💯香茅果凍一條條填滿個透明膠杯, 果凍好香香茅味又唔會太甜, 質地近似愛玉好滑身, 面頭再放左奇亞籽, 薄荷同酸柑,

老公一向喜愛吃星馬菜，今晚一於帶他去The Lohas的“樂天經典”，尋回星加坡味道。懶得選擇的我們，見餐牌的二人餐定價$668，已經有齊前菜、蟹、熱食，甜品及飲品，性價比都高。🥢星馬金磚豆腐～豆腐炸到金黃色，真的好像一塊塊金磚。外脆內嫰，十分可口。🦀星州黑胡椒螃蟹～蟹肉鮮嫰紥實，黑胡椒香而不辣，惹味非常。🥦蒜蓉炒西蘭花～西蘭花嫰綠爽口，份量亦足。🍲古早魚香老鼠粉煲～老鼠粉是著名的馬來西亞華人美食，因其造型中間粗，兩頭尖，像老鼠尾巴而得名。整道菜式鹹香誘人，窩蛋與老鼠粉拌匀後，更多一重蛋香。🥣清心丸綠豆爽～清心丸煙韌Q彈，馬蹄爽脆，滋潤之餘又不會太甜。🥛無糖豆漿及🍋檸檬薏米水都是解膩消暑佳品。

餐廳感覺開揚, 座位舒適, 店員非常友善。-星洲盛宴新加坡風味套餐 $𝟼𝟼𝟾星馬金磚豆腐辣椒螃蟹伴炸刀切小饅頭脆脆咕嚕肉臘味炒飯招牌酸柑香茅凍可樂辣椒螃蟹肉厚而且鮮甜, 熟度剛剛好, 新鮮嫩滑, 辣椒醬汁好惹味, 小饅頭好香脆, 蘸點醬汁一齊食味道好夾。星馬金磚豆腐嘅外皮非常酥脆, 食落唔會覺得油膩, 裡面嘅豆腐好柔軟。咕嚕肉份量幾多, 味道酸酸甜甜, 外脆內軟。臘味炒飯鹹香味十足, 有臘腸, 潤腸, 蛋絲同香蔥, 炒得好有鑊氣, 食落好惹味!

哥哥暑假成日話想去星加坡玩 🇸🇬 今次就近近地帶佢哋去商場食餐星加坡菜，試吓 啱唔啱咀形先🤣2人套餐，有前菜小食、飲品、甜品🥢星馬金磚豆腐小朋友最愛嘅香口炸物，外表酥脆，內裡柔軟嫩滑。表面有少少椒鹽，口感一流🥢蝦味魚子蝦球炒飯星加坡街頭攤檔，經常有炒飯🍚同一般唔同，呢個炒飯充滿濃郁蝦味，香氣撲鼻，魚子卜卜脆，而每一粒蝦球都好彈牙🍤🥢辣椒螃蟹 配 炸刀切小饅頭炒蟹基本上係星加坡標誌菜式，大螃蟹浸泡喺濃郁香辣嘅辣椒醬汁中，除咗可以食蟹肉，本身搭配嘅炸饅頭 淋上醬汁食，都好正💯🥢脆脆咕嚕肉豬肉炸完唔會乾柴，再同青椒🫑、紅椒🌶️洋蔥🧅等一同翻炒，再淋上酸甜汁，酸酸甜甜，好開胃🤤餐廳座位闊落舒適，而且環境好有星加坡特色。食一餐，當帶小朋友去一轉星加坡🤣🤣#樂天經典 #星洲蟹 #星加坡美食 #將軍澳美食 #馬來西亞美食 #將軍澳餐廳

介紹返日出康城搵食🤣🤣想不到的驚喜～貌似一間普通嘅餐廳但係內裏嘅嘢一啲都唔普通🤫⭐️星馬金磚豆腐•外脆內軟，熱辣辣超級好食一定要試⭐️黃金焗螃蟹•極之邪惡超多鹹蛋黃醬同蛋黃碎另到隻隻好入味。肥都要食😂叫咗佢二人餐前菜，蟹，熱炒都係四選一粉面都係四選一仲有跟甜品完全食到大滿足，仲有免費泊車🤣🤣住附近嘅值得一試，唔係住附近嘅都可以揸車嚟服務一流，所有服務員都好貼心環境乾淨寬敞，如果大班人嚟都坐得好闊落

香港可以食新加坡菜嘅地方真係唔多，但係呢一間係絕對推介比大家1. 環境氛圍:樂天經典位於The LOHAS商場4樓,環境寬敞明亮,裝潢簡約座椅和桌椅之間嘅距離係好夠，唔會好迫，營造出一個輕鬆用餐氛圍。適合一家大細不特止仲適合情侶同埋一大棚人。2. 菜品特色:今次二人套餐當中包括:「星馬金磚豆腐」外層酥脆,但係完全唔油膩嘅，內裡都好滑嫩。「蒜蓉炒西蘭花」西蘭花佢煮得啱啱好保留到原有的脆口感,加入蒜蓉提味,清爽可口。「古早魚香老鼠粉煲」湯頭濃郁但係唔會好鹹重點菜式「星洲黑胡椒螃蟹」,螃蟹肉肥美飽滿,配上惹味嘅黑胡椒醬汁,濃郁唔會太辣好正好惹味吃過不停！3. 飲品及甜品:無糖豆漿豆味香濃檸檬薏米水酸甜適中,清甜有口感作為餐後甜品的「清心丸綠豆爽」,質地滑順,清涼解膩,為整頓晚餐劃上完美句號。4. 服務水平:服務人員態度親切好nice 又會關注客人的需求真係好難得！