樂天皇朝 (雅蘭中心)

Open Now

Now Closed

之前朋友告知「樂天皇朝」八色小籠包很出名之外，而且其他食物都很有水準，這次跟家人們前來品嚐一下。餐廳內的設計富有現代感，柔和的燈光，讓人感覺舒適、溫馨，很適合朋友及家庭聚會。 😋是日選擇：1️⃣上海風味醬鴨 🍽色澤紅亮，表面光滑，醬汁味道完全滲入肉中，每一口均帶點鹹香。2️⃣上海生煎包 🍽底部略微焦脆，散發著香氣。一口咬下，湯汁瞬間爆發，鮮美的餡料，忍不住一再品嚐。 3️⃣開陽蔥油拌麵 🍽麵條光滑、有彈性，配上醇厚的蔥油，令麵條充斥著蔥油的香氣。 4️⃣蟹粉餡兒餅 🍽金黃酥脆的外皮，表面略帶點油光，餡料滿滿，份外誘人。 5️⃣擂沙湯圓 🍽湯圓皮薄，內裡香濃的芝麻，黑芝麻的滋味在口中綻放，味道濃郁而不膩。

一提起小籠包，我會鍾情樂天皇朝！我同家人都去過樂天皇朝幾間分店， 其中旺角呢間都幾大又方便， 便在地鐵站附近的雅蘭中心，老人家容下去， 所以一直幫襯！招牌原味小籠包 傳統手藝以最佳黃金18摺數，一口咬下完全食到肉汁及餡料豐富，皮薄餡靚，要小心爆出鮮甜湯汁喔！下次都想點八色小籠包品嚐呢紅燒肉一上桌已是香氣撲鼻，再加上肥瘦均勻的紅燒肉入味十足，使我垂涎欲滴！樂天皇朝旺角彌敦道639號雅蘭中心2樓203及205號舖

喺旺角雅蘭中心嗰間樂天皇朝真係超級推介，值得記錄在案。必食之選👍🏻。首先講吓環境，真係坐得好舒適闊落。而且店員服務很好。上菜速度理想，每碟餸都可以熱辣辣一齊食。1）前菜花生栗子不能錯過的前菜。誠意之作，每粒花生栗子掛滿醬汁又入味。好食到停唔到口🤗👍🏻2）京醬肉絲- 肉質Juice，配有薄餅，份量充足。配合埋京醬汁。非常惹味🤗3）蒜香排骨豬骨湯拉麵排骨香脆肉嫩，拉麵彈牙。齒頰留香😌美味超讚👍🏻。4）招牌原味小籠⭐️重點推介⭐️該店小籠包皮薄餡靚，唔單止食落感覺新鮮，亦食到好Juice嘅肉汁。藝術者之手👍🏻5）宮廷驢打滾巧手甜品，主要係糯米加紅豆。糯米香滑軟糯, 紅豆清甜。傳統宮廷美食。Remarks: 樂天皇朝最近promote緊秋意蟹粉食品同埋手打檸檬飲品，真係要把握時機去試多幾次。好耐冇喺香港食到一餐咁滿足咁開心嘅晚飯，食物水平，服務質素，餐廳環境超高❤️ menu仲有好多好多唔同種類嘅美食，必定會同朋友屋企人再嚟試😋。真心推介。

今次我地同埋屋企人出去食飯，長輩就鐘意食中餐多，呢間樂天皇朝都好多分店，佢地都識，口味都適合我地，又適合長輩，地點都好方便，我地就一致贊成黎食啦😌餐廳坐位闊落，坐得舒服，開位有碟前菜，茶壺有個蠟燭暖住，靚得黎又唔怕水凍左😉雲吞雞 (半) （$168）呢個雲吞雞係廚師推薦類，見佢都好抵食，4-6人份量先$168，佢半隻雞都好大隻，雲吞都有唔少數量，雞湯濃郁好味，隻雞可以叫店員攞上黎幫手剪開一件件再另外叫碟豉油點黎食，真係足料又好食🐥風味沙拉排骨（$118）沙拉排骨佢沙律醬一d都唔慳，每一塊都沾滿醬，雖然多醬入口又唔太‘漏’，排骨係肉多骨少，啖啖肉勁滿足🐷揚州炒飯（$95）主食我地叫左一碟揚州炒飯，佢明顯同茶記既好大分別，d蝦全部大大隻，又彈牙，炒飯炒得粒粒分明，好有質素既一碟炒飯🍚皇朝擔擔拉麵（$75）擔擔麵都係我食上菜館會叫既野食，佢呢個湯唔算好杰，仍然有擔擔麵既花生味，亦都唔會好辣，唔食辣既都會食到🍜香煎豆沙窩餅（$62）甜品我地叫左豆沙窩餅，可以一早叫定，最尾先上，佢煎得夠脆，叫起就真係即刻整比你，新鮮香脆好味👍🏻呢間餐廳好適合同屋企人一齊食，食物同環境都屬於高水平，價錢合理，同埋

樂天皇朝的旺角分店做了新裝修後空間更寬敞舒適。今次正好遇上食蟹的季節，餐廳推出了多款期間限定蟹料理。🍚蟹粉鍋貼外表煎的金黃，看上去小巧卻飽滿。一口咬下，外皮軟嫩，底下酥脆，肉汁四溢，味道十分甘甜。🍚蟹粉豆腐常見的家常豆腐，配上高檔的蟹粉，碰撞出美味的火花。滑順無味的豆腐與鹹香的蟹粉融合得很棒，配上一碗白飯最對味，喜歡吃蟹粉的朋友不要錯過。🍚鮮蝦豬肉雲吞豬骨湯拉麵碩大的雲吞一共有四個，外皮很薄口感滑順，裡面餡料很飽滿，蝦肉彈牙給得也很大方。麵條軟硬適中，湯頭清澈味道清新。

🗝️ 連鎖中菜館 - 特色八色小籠包💰人均 $195`✦ˑ ִֶ 𓂃⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹今晚同老媽子食飯，佢鐘意食粵菜，就帶佢去樂天皇朝啦。旺角樂天皇朝喺雅蘭中心，都幾近地鐵站🥢特色皇朝小籠包 （8色） $148超級吸睛的招牌！8種顏色的小籠包，簡直色香味俱全。店內更貼心提醒吃小籠包的順序，確保從淡到濃慢慢品嚐。次序為原味、糟溜絲瓜、鵝肝、黑松露、芝士、蟹粉、蒜香及最後的川味。每一個小籠包都有其獨特的風味和特點，令人回味無窮🥢蟹粉豆腐 $148超美味嘅蟹粉豆腐。口感滑嫩，搭配鮮美的蟹粉，清淡中帶有豐富的海鮮風味。啱曬鍾意蟹粉嘅朋友🥢雪菜鹹肉炒年糕 $95年糕口感Q彈，搭配香醇雪菜以及鹹肉，帶來豐富鮮香同咸香。🥢揚州炒飯 $95粒粒分明嘅炒飯，搭配豐富配料，口感香糯，帶有淡淡炒香味以及蝦味。前菜小食 $15茶位 $12/1`✦ˑ ִֶ 𓂃⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹🅕🅞🅛🅛🅞🅦 @jujubeeshare#eatwithJJB#JJB旺角#JJB九龍區⊹ ₊˚⊹ ₊樂天皇朝 (雅蘭中心) (旺角)旺角彌敦道625 & 639號雅蘭

樂天皇朝 (雅蘭中心) (旺角)旺角彌敦道625 & 639號雅蘭中心2樓203&205號舖蟹粉兩面皇一兩蟹粉，每一口都係濃郁嘅蟹香，外皮香脆，內餡鮮美，真係叫人一試難忘。🎉🎉🎉醋醬海蜇頭爽脆嘅海蜇頭，配上酸甜嘅醋醬，每一口都係味蕾嘅極致享受。👍🏻👍🏻👍🏻鮮蝦雲吞每一個雲吞都包裹住鮮甜嘅蝦肉，鮮美嘅味道令人食過返尋味。🫶🏻🫶🏻🫶🏻豬肉豬骨湯濃郁嘅豬骨湯底，配上嫩滑嘅豬肉，每一口都係滋補嘅享受。💯💯💯

適逢11黃金周，我就同屋企人去咗旺角嘅「樂天皇朝」飲吓茶啊。假期時段嚟到真係大排長龍。有別於傳統嘅中菜館，樂天皇朝設計相對上比較有高貴感，坐得特別舒適。招牌原味小籠包小籠包都係其中一個主打菜式。熱辣辣從蒸爐上面拎出嚟，輕輕咬開小籠包，可以品嚐到入面滿滿嘅肉汁。李白醉雞鮮黃色嘅醉雞充滿光澤，雞肉吸收晒料酒嘅味道，做到皮滑肉嫩。紅燒扣肉豬骨湯拉麵兩片大塊嘅紅燒肉，帶少少油脂同埋鹹香。拉麵口感有嚼勁軟硬適中。宮廷驢扛滾有淡淡嘅黃豆粉味道，香甜又唔膩。樂天皇朝 (雅蘭中心) (旺角)旺角彌敦道625 & 639號雅蘭中心2樓203&205號舖

喺旺角諗住食上海菜、聽個friend講呢間餐廳最近重新裝修過，我之前未嚟過咪試下食嘢感受新環境如果想有privacy，坐大枱可以有簾隔開都okay當日有段小插曲、商場警鐘誤鳴，職員們向每枱客人逐一解釋令大家安心繼續用膳，令人感到服務貼心♦️Fried Rice with Abalone 鮑魚炒飯～之前食過黃鱔炒飯，今舖點呢款試下個鮑魚汁同炒飯幾夾亦算香，鮑魚屬中型size偏重咬口，可以再炆腍dd♦️Pan-Fried Pork & Crab Roe Pastry蟹粉餡兒餅～入口尚香豬肉餡存在感多過蟹粉♦️Red Beans Glutinous Rice topped with Soy Bean Powder 宮廷驢打滾～次次都想嗌、今次卒之食到。比想像中好食，一夾起feeel到糯米皮軟棉棉、入口糯中帶啲似椰汁嘅香甜，紅豆餡都唔少，整體甜味適中外層係花生粉，唔係一般市面食嘅黃豆粉♦️Handmade Lemon Citron Tea with Pomegranate Juice 手打紅石榴香水檸檬茶～喺另一間店飲過百香果味，今次試埋石榴籽，覺得呢個味道幾清新啱我

真心鍾意食小籠包嘅你一定要試吓，我覺得比較市面上食到嘅小籠包好食，侍應一放低會提你最好趁熱食🤣佢籠底係用布墊住，首先就避免左痴底易整穿嘅情況，真係好貼心！咬開個頂，啲汁流晒出嚟，成隻匙羹都係湯汁，第一啖入口非常鮮甜，然後再成粒入口，並唔會覺得太熱（利申貓脷非常怕熱）形容唔到嘅滿足感，因為好少小籠包的汁係咁多，但又同時好好食，開始後悔冇叫到佢嘅八色小籠包🥹之後再試佢個生煎包，嘩…. 個底唔係話好煎炸個種，但係非常香，有種獨有嘅油香味。包入面有少少油汁，令你唔會覺得乾身，配合埋包嘅香味😋😋😋最推介佢呢個蟹粉炒飯，你係估唔到咁好食，外表真係平平無奇，有堆汁係飯上面咁，但當你食入口，並唔係濕飯咁，而係勁香嘅蟹粉味！你仲可以食到啖啖蟹肉連埋炒飯，成隻蟹嘅精華係哂碟飯度，大滿足❤️

應該一睇到籠小籠包已經知道係邊度黎。樂天皇朝最出名既八色小籠包，又啱打卡又好食！另外宜家佢地為左慶祝銅鑼灣店開張，推出左優惠價$48六粒貓山王榴蓮小籠包！全線分店都有得食，榴槤愛好者仲唔即刻衝！做到9月13號架咋！1️⃣ 特式皇朝小籠包（$148） 由淡味食到去濃味，順著由原味、糟溜絲瓜、鵝肝、黑松露、芝士、蟹粉、蒜香最後食到去川味。個人最鍾意黑松露味同埋蟹粉味！皮薄多汁，黑松露味連啲汁都有松露味～  2⃣️蟹粉餡兒餅（$68） 蟹粉餡餅外皮煎至香脆，入面食到淡淡蟹粉鮮味。  3️⃣蟹粉豆腐（$148） 呢款好好食！蟹粉份量好多而且好夠味！豆腐滑捊捊😚伴住蟹絲蟹粉食好正！  4️⃣紅油鮮蝦抄手拌麵（$78） 抄手有四粒，蝦肉係大大粒既係入面～辣味係有新鮮辣椒粒既，香辣惹味，拌麵乾爽有口感。  5️⃣貓山王榴蓮小籠包（$48） 呢款係期間限定既🤩朋友係榴槤super fans 所以一見到就要叫。期間限定做到13/9架咋！佢比正常小籠包細粒啲，皮又薄又滑，夾起既時候感覺零舍矜貴☺️咬落入面係滿既榴槤餡！帶少甜，榴蓮味好香，當甜品食啱晒～  

今日同屋企人去咗呢一間餐廳飲茶，好耐都冇試過幫襯呢一個樂天王朝嘅餐廳，不過我覺得佢嘅座位都幾好錯，所以都非常適合兩老，而且佢哋本身鍾意食上海嘢，所以呢一間餐廳都係我哋成日幫襯嘅餐廳之一🙈🙈 當然推介佢嘅小籠包！有八隻唔同嘅口味，嚟到呢度點少得叫佢呢一個特色嘅小籠包！完美就冇乜特別我覺得同平時普通小籠包差唔多，反而其他我就覺得幾特別！我鍾意食松露味道，令到成個小籠包嘅味道更加突出，再加埋黑松露嘅味道非常高級🙈🙈 芝士味我都幾鍾意食，爸爸就鍾意食蟹粉，佢話味道都非常好食！整體賣單都唔算太貴，服務亦都非常好，最緊要屋企人開心🙈🙈

案發日期：31/8/2024案發時間：16:00-17:00案發經過：1:態度極之惡劣！我book咗2位（我同我媽）我15:55拎定位先，我媽想去洗手間⋯⋯門口女知客畀我入座！點知一知道我係半價就即時黑口黑面，我都算啦！我一路睇menu時突然間走嚟大聲話「喂！睇咩呀睇你要等埋另一個出現先可以入座！起身！聾㗎？」2：點菜至上菜唔知5分鐘，超高效率⋯⋯八色小籠包食落口凍嘅⋯⋯蘿蔔絲酥餅成陣油溢味都算⋯⋯最過分係個擔擔麵！成碗麵只有杯麵size，湯唔熱而且麵條發脹！3：埋單！我去到cashier講埋單，女收銀唔睬人，繼續玩手機！我講「唔該麻煩妳⋯⋯」女收銀員突然一本嘢埋嚟，然後話「麻x煩！」難道係半價同正價嘅分別？

平時好鐘意食小籠包之前一直bookmark好想試呢間「樂天皇朝」☺️佢地主打八隻色八款口味嘅小籠包，今次同朋友就去左旺角分店，餐廳岩岩裝修完，坐得舒服，位置係雅蘭中心，好方便上海生煎包（3個）生煎包外皮香脆，上枱既時候熱辣辣，肉餡多仲好juicy,記得襯熱食蘿蔔絲酥餅（3個）酥餅熱辣辣，外皮酥脆，蘿蔔絲軟熟帶鹹香刀切小饅頭（炸）（3個）可選蒸/炸,外皮香脆內裏軟熟，配上煉奶一齊食香甜滋味木樨肉炒拉麵好有鑊氣，拉麵入口順滑，加入醬油鹹甜開胃，木樨肉口感豐富紅油鮮蝦豬肉抄手拌麵賣相好吸引，辣度岩岩好，麵仲可以揀硬度好貼心，紅油鮮蝦豬肉抄手大大粒皮薄餡料豐富，超滿足

突登黎食8色小籠包😋😋8色小籠包上菜時，職員細心講解每款小籠包，由淡至濃口味去食。另外職員上菜時都會移好檯上的物件，把餸菜放好在檯中間。食物價錢合理，職員態度有禮。