樂天皇朝 (雅蘭中心)

Open Now

Now Closed

平時好鐘意食小籠包之前一直bookmark好想試呢間「樂天皇朝」☺️佢地主打八隻色八款口味嘅小籠包，今次同朋友就去左旺角分店，餐廳岩岩裝修完，坐得舒服，位置係雅蘭中心，好方便上海生煎包（3個）生煎包外皮香脆，上枱既時候熱辣辣，肉餡多仲好juicy,記得襯熱食蘿蔔絲酥餅（3個）酥餅熱辣辣，外皮酥脆，蘿蔔絲軟熟帶鹹香刀切小饅頭（炸）（3個）可選蒸/炸,外皮香脆內裏軟熟，配上煉奶一齊食香甜滋味木樨肉炒拉麵好有鑊氣，拉麵入口順滑，加入醬油鹹甜開胃，木樨肉口感豐富紅油鮮蝦豬肉抄手拌麵賣相好吸引，辣度岩岩好，麵仲可以揀硬度好貼心，紅油鮮蝦豬肉抄手大大粒皮薄餡料豐富，超滿足

突登黎食8色小籠包😋😋8色小籠包上菜時，職員細心講解每款小籠包，由淡至濃口味去食。另外職員上菜時都會移好檯上的物件，把餸菜放好在檯中間。食物價錢合理，職員態度有禮。

我不嬲都好鍾意食樂天皇朝，近日就知道旺角分店翻新咗，就同朋友試吓，果然環境更有氣派座位，亦都更加舒服，平日夜晚都幾乎滿座楊州炒飯：火腿粒叉燒粒切得勻稱，蛋黃蛋白亦都非常講究咁樣分開炒，飯粒分明，食落會覺得好香蟹肉鍋貼：外皮係煎得夠脆，入面嘅豬肉唔錯，但係蟹肉嘅味道比較淡雲吞雞：問過職員，就知道係用咗清遠雞，雞都比較肥美，已經煮到肉容易脫出黎，比較腍，雞湯滋味補身，用左火腿吊味，雲吞嘅份量都多，而且飽滿，唔係用鹼水皮，推介要叫

食物水準良好 小籠包 非常特別 有不同的口味 當中的黑松露很好食 仲有佢個雲吞雞都好好食 雞肉都非常嫩滑 湯都好好飲 環境方面都好闊落 冷氣亦都充足 特別想標明 佢哋服務態度非常良好 本身我們遺忘了雨傘 但他們從樓上追到地下給我們雨傘 係難得態度良好嘅餐廳 值得一試

朋友暑假返港 一定要食下中菜而且為咗方便大家 都係要揀旺角於是就訂左呢度食～唔記得影小籠包不過小籠包真係必食湯汁剛好我哋冇揀到七色小籠包揀返傳統小籠包 好好味☺️☺️酸醋海哲頭油炆旬夠開胃朋友囡囡話要食炒麵呢個炒麵 又好夠味蟹粉炒飯☺️☺️好好味D蟹粉仲有少少薑粒食起上嚟 更有口感味道又有層次除咗食物味道佢哋環境都坐得好舒服價錢又適中一定會再來

尋晚約咗朋友喺旺角樂天皇朝食飯，旺角店新裝修後全新面貌，環境相當有氣氛，坐得好舒服😌🥢特色皇朝小籠包(八色) $148呢個特色小籠包必叫，望落去色彩繽紛好吸晴，八種小籠包都分別有獨特口味，八色由天然食材提煉而成，食法亦有次序，順序由淡到濃味原味到川味一一品嚐白：原味綠：糟溜絲瓜金：鵝肝黑：黑松露黃：芝士🧀橙：蟹粉🦀棕：蒜香紅：川味🥢上海生煎包(3隻) $48生煎包肉汁豐富，咬落生煎包個包好軟熟而個底好香脆，口感一流😋🥢上海炒年糕 $93炒年糕好煙靭，最鍾意係有菜🥬又有肉🥩，每塊年糕都掛上好濃嘅醬汁🥢蝦仁酸辣湯拉麵🦐🍜 $78酸辣湯拉麵食落酸酸辣辣好開胃，湯料十足，個人覺得辣味多於酸味少少，鍾意食辣嘅朋友啱晒🌶️

屹立香港當年嘅上海菜嚟到見到旺角店，全新面貌裝修後嘅環境比以前坐得更舒適．更高級✨特色皇朝小籠包嚟到一定要食小籠包皮薄餡料豐富．裡面仲好多湯汁好鮮甜店員仲溫馨提示我地趁熱食✨蟹粉炒飯炒飯食得多．舖滿蟹粉嘅炒飯味道更香更惹味✨肉碎欖菜乾煸四季豆肉碎同四季豆嘅比例恰好仲有不同辣度選擇✨手打青檸香水檸檬茶見到Menu有多款特式飲品試下近年興起嘅手打檸檬茶檸檬味好清香．亦唔會太甜．值得一試下次再嚟一定要試 八色小籠包

樂天皇朝一諗起小籠包，就諗起樂天皇朝🥰 今日lunchtime 自己去旺角分店獨食一籠小籠包先😆旺角店新裝修完，全新面貌😍 環境有種文青cafe既感覺，與時俱進，haha😛🥢招牌原味小籠包（6粒） $78真係現場廚房有師傅即整即包，即叫既蒸😋 果然保持水準，依舊多湯汁，皮薄多餡，再蘸埋醋同配薑絲，推薦😋 我食晒一籠6粒🙈🥢醋醬海蜇頭（例） $90呢個醋醬酸酸甜甜好開胃，海蜇頭晶瑩通透，食完好開胃喔☺️🥢蒜蓉清炒菠菜（例） $78昨晚食左油炸食物比較heavy， 叫一碟炒菜岩岩好，而且可以揀少鹽少油，唔洗餐餐多肉少菜平衡番飲食👍🏻🥢檸檬菊花蜜 $22而家上左年紀養生少少，雖然30幾度但揀左熱飲🙈 唔會太甜而且用上原粒菊花🌼泡製，再加埋新鮮檸檬🍋，飲完好似有下火抗炎既功效～🥢桃膠紅棗桂圓湯 $45最後叫左一碗熱既中式糖水：桃膠，滋潤一下🥰 入面仲有杞子、雪耳等食材，很清潤🥰*需加一服務費地址：旺角彌敦道639號雅蘭中心2樓203及205號舖

今次黎到旺角食樂天皇朝，裝修好華麗，職員話啱啱新裝修完，唔怪得知咁靚靚，餐枱寬闊，有卡位，樓底都夠高，唔會好嘈，好彩我哋早一步，好快就滿座上海生煎包 生煎包個底煎得香脆，裏面啲肉仲係好juicy，個包好軟熟，上面有少少芝麻，帶了少少芝麻香，咬落去又軟又脆，口感有幾個層次蘿蔔絲酥餅蘿蔔絲酥餅老牌點心，多功夫，個皮猜得好靚，裏面啲蘿蔔絲一絲絲， 即叫即整熱辣辣 ，真係好鬼正龍華素鴨食咗兩個油膩嘢，食返個素鴨，素鴨係全腐皮，一層一層好靚，腐皮好軟熟雪菜黃魚煨麵黃魚餵麵啲黃魚好滑，啲面係拉麵，好軟熟， 湯底好清，用了雪菜點綴下更有色彩，個碗相當大，整到碗麵好似好少，但其實份量都ok

新面貌新裝修成個感覺舒服咗好多門口設計寬闊咗 最特別之處係光線明亮咗好多而且用Cafe式設計 有個點火蠟燭保持住白開水溫度坐低部長推介手打檸檬茶 真心酸爽開胃 幾大杯 夏天飲非常推薦糖醋魚片 $108一道非常經典中式家常菜 加入蒜泥、生粉、鹽、白糖等調料炸魚片至金黃酥脆,撈出瀝油 外酥內嫩,魚肉鮮嫩多汁,糖醋醬汁酸甜可口洋蔥青椒，紅椒黃椒一齊炒 仲有鮮甜菠蘿 非常開胃成都口水雞 $92四川風味冷菜 將雞肉浸泡在辣椒油、醋、蒜泥、香菜等調料中醃製加入切碎的蔥花 花生碎粒等佐料麻辣鮮香 辣椒油與醋酸辣交織口水汁唔覺得好油膩

今日陪FD到旺角複診，睇到哩間店鋪重新裝修過，咁試試啦。店鋪重新裝修過，比之前要時尚好多，座位間都幾闊落，唔錯。蒜香小籠包，原本想試試特色皇朝小籠包，不過FD宜家食緊中藥，好多口味唔食得，所以先叫蒜香試試。小籠包即叫即蒸，送上來仲熱笠笠。小籠包皮薄餡料飽滿，除了新鮮肉餡，仲曝曬汁水，真係入口即化仲有好香蒜味。搭配埋薑絲陳醋，更加食得出小籠包鮮甜。京醬肉絲，肉絲用甜麵醬爆炒，用面皮包落肉絲同埋蔥絲，食落好似北京烤鴨。不過比起烤肉，少了油膩，多了豬肉香甜。清燉雞湯湯麵，用足功夫煲制雞湯，雞湯透亮晶瑩。飲落雞味濃郁清甜，唔會覺得油。麵條係上海家常細面，麵條偏硬身爽口，同雞湯好夾。

人均$200起｜旺角｜中菜｜樂天皇朝 沒想到，翻新過後的樂天皇朝，質素還是一貫的喔！這次來到位於旺角的樂天皇朝，服務依舊一流，除了處處關注我們是否滿意，還為我們推薦了幾款好吃的東西！特式皇朝小籠包這個八色小籠包一定要吃！不同味道的感覺很是新奇，而且每一口都是熱燙的肉汁，其實我最喜歡就是麻辣口味的，確實好吃😋上海風味醬鴨第一次吃就愛上了！醬鴨的風味好特別喔，感覺與江南的地道菜沒差。而且脂肪也不多，推薦紅油鮮蝦豬肉抄手拌麵🍜這個應該是新的菜品來的。每一口小雲吞裡面都有大大隻的鮮蝦子把辣油拌合起來，麵條很有勁道！秘製豬利賣相本來確實很普通嚐鮮來講也是可以一戰的風味沙拉排骨巨好吃😋上面的沙拉醬包裹著這份酥炸的排骨要是有一碗白米飯就醉好不過了——————為食分界線——————📍 樂天皇朝 旺角彌敦道639號雅蘭中心2樓203及205號舖人均消費： $200#mariofatfat #foodie #hkfoodie #hkrestaurant #topcitybiteshk #topcitybites #hongkongfood #hk #hongkong #hkfood #hkfoo

【樂天皇朝｜八隻色嘅小籠包🍜】好鍾意食小籠包嘅我，想食呢款八隻色嘅小籠包好耐啦，今晚終於有時間嚟食佢。多得旺角有分店剛裝修完，坐得舒服，地方好整潔，位置係雅蘭中心，勁方便！.🥢茶、前菜熱茶會用蠟燭台保溫，前菜係蒸花生栗子，好淋好香口，就算唔食花生嘅我都破例食咗勁多呢！.🥢八色小籠包店員提醒可以順次序食，由淡到濃。白·原味👍🏻綠·糟溜絲瓜金·鵝肝👍🏻黑·黑松露味👍🏻黃·芝士橙·蟹粉👍🏻啡·蒜香紅·川味👍🏻.🥢京醬肉絲用粉皮包住甜甜地嘅京醬肉絲，夾埋少少韮黃食，味道好唔錯，片甲鴨外嘅好選擇。.🥢肉碎欖菜乾煸四季豆炒得好香好惹味，少少酒香越食越開胃。.🥢皇朝擔擔麵傳統花生醬和花生粒粒，有辣度揀，我揀咗少辣，辣味好輕，易入口，欣賞湯底好香花生味之餘唔會太杰身，就算放涼咗一陣都唔會令到啲麵漲晒，質量同味道都頂級水準。#樂天皇朝 #八色小籠包 #旺角美食 #好食

今日去食嘅時候有新推出嘅粉紅色小籠包，佢係同美滋鍋聯成出嘅一個粉紅色嘅小籠包，啱打卡之餘呢，入邊仲有新鮮嘅湯底喺入邊肉感鮮嫩喺個口度爆汁 ！上海風味醬鴨 ： 好惹味，肉感好紮實，每啖嘅鴨肉香味都好好味！外面嘅醬汁好好送飯！甜同鹹嘅味道真係好夾！而且份量好足夠！蟹粉豆腐 呢度菜係一定要點呀！鮮嫩嘅滑豆腐被好厚嘅蟹膏包裹住，超邪惡超惹味！好似食緊大閘蟹咁！好好味啊！ 雪菜鹹肉炒年糕 ：喺香港好難搵到呢一道菜。鹹肉嘅鮮味炒咗落啲煙韌韌嘅年糕度，味道一流！雪菜嘅鹹味亦都令到成碟餸好鮮味！手打檸檬茶好大杯，亦都好夠檸檬味！茶味都好鮮甜，但係我唯一覺得不足嘅地方就係飲品上面為咗美觀呢，整咗一層厚厚嘅打蛋白 ，我個人呢就唔係好接受到嗰陣腥腥地嘅蛋白味。

📍旺角｜樂天皇朝樂天皇朝旺角分店，近日迎來新面貌，即刻約好朋友去食野先～全新裝修坐得舒服咗，仲試咗最新嘅小籠包！🥢美顏骨膠原小籠包（6粒） $78平時去親樂天皇朝都係食八色小籠包，今次就試吓美顏滋補嘅美顏骨膠原小籠包。小籠包一上枱見到賣相已經覺得好靚，皮薄透光～入口更加係充滿湯汁！👍🏻呢款小籠包係為慶祝旺角店全新面貌，特登同姊妹品牌美滋鍋推出嘅限定口味！小籠包入面嘅湯汁用咗熬煮超過8小時，多款養生材料嘅招牌骨膠原美顏滋補湯底，搭配原味小籠包，又美味又養生！🧖🏻‍♀️🥢蒜蓉清炒菠菜（例） $78一上枱就飄嚟蒜香味嘅蒜蓉清炒菠菜，清甜不膩，鮮味健康，而且越食越開胃🤤🥢蟹粉炒飯（例） $142超足料超美味嘅蟹粉炒飯，面頭係蟹粉醬汁，底係炒香嘅蛋炒飯，食得出夠鑊氣！蟹粉、蟹黃同埋蟹肉嘅份量都好多，啱曬鍾意蟹粉嘅朋友🥢雷沙湯圓其實我係第一次食雷沙湯丸，原來係咁好味嘅，煙煙韌韌入邊嘅芝麻餡亦都好甜好香濃嘅芝麻味😆🥢自家製檸檬薏米水 $20我好鍾意薏米水～你背啱晒我嘅口味，有一半都係薏米，食得又飲得美滋鍋期優惠推廣🥘凡於樂天皇朝旺角店購買美顏湯底小籠包，憑收據到 美滋鍋惠顧套餐即可享4人同行1人免費優