百樂門宴會廳 (Closed)

今日一早走左出銅鑼灣飲茶,因想去時代廣場睇Lego城! 男朋友話去試下百樂門,因我都好耐無去過食,所以決定左衣間!我地去到1:30......仲有30分鐘就下午茶,接待個小姐問我地等唔等,由於我地好肚餓,無等就決定入左去. 入去的時候,見到有人點左個點心拼盤好吸引,於是我地都點左一個,加一碗雞粥暖一暖個身先,兩個人夠食喇我覺得! 點心拼盤一黎到,我有點驚喜,因為比起我係其他茶樓食嘅拼盤還要大,不錯呢! 這個拼盤中間放的係我久違左我馬拉糕,旁邊有3種餃類,一個叉燒飽,仲有一定唔少得嘅蝦餃,燒賣啦! 燒賣 - 好大粒,面頭有原蝦一隻,而燒賣肉決汁都好鮮味!蝦餃 - 蝦餃皮唔太厚,裹面大概都有3粒蝦肉,都幾爽口的!餃類 - 無咩特別叉燒飽- 裹面的醬汁都好香,不錯馬拉糕- 這個糕好特別,會放係拼盤裹,食落口時嗅到微微的馬拉香,它口感幾鬆軟,不Lim口. 雞粥- 粥的稀杰度剛剛好,有香甜的雞粥味,加粒粒的蔥花,不錯! 

端午節於百樂門做節，選定一圍圍的全包宴。菜式大路不求驚喜，食物水準方面比平日散座晚飯差。其中海蝦炆伊麵麵腍無味，蝦肉有點霉。貴花蚌翠肉瓜菜式色水怪誕灰黑。魚翅高湯太稠但無乜味。鮑魚菇扣鵝掌汁多鵝掌不入味。比較好的是蒸青斑，肉質雖不算滑溜，但勝在肉厚味鮮。服務方面，上菜比較趕，整體不算勤快。

從舅舅拿得的晚宴座位，母親沒空，我有機會去，不去太對不住了與小姨、表妹一起入席，等到8時多上菜...差不多的宴會食品，味道亦相差不大唯其中的大花菇及龍躉 有點特色大花菇 菇的香氣特出，非常之香，型狀是大的，應是名貴之物龍躉 很大的一條清蒸魚，上時熱氣騰騰，火候時間剛剛好，魚肉非常滑，且甜美，其他食物一般般吧，整體上不錯，食物都是熱上的，服務亦有效率，菜上不久，服務員就幫忙一人夾一點清盤，欣賞!但換過的盤子則有污垢，未洗乾淨...

已很久沒有約老爸去食肆，全因彼此對食物影相的觀點問題，他總覺得「食就食，有乜好影？」常為此而黑臉，而我卻樂此不疲，為免傷和氣，大家分開一段時間，希望大家能夠磨合！隔了好幾個月，為了想瞭解他現時是否已改變接受我去食肆「先攝影，後起筷」的習慣，今天與家人約他去吃下午茶，試一試他，去到酒樓才知在裝修，遂改往這間酒樓，知客通知要最遲三時半交檯，因這晚有酒席。大廳內人頭湧湧，十分嘈吵。因只得一小時左右，我們趕快點食物，有超特價的碧玉灌湯包已沽清，賣$1.8一籠，比搭電車還要平，結果點了點心大拼盤，叉燒瀨粉，叉燒腸粉，金沙煎堆仔，時菜蒸鯪魚球，碧綠浸水餃，原籠馬拉糕和干炒三絲河。食物也來得挺快的，點心大拼盤的配搭幾奇特，中間位置放了一件千層糕，一個叉燒包，兩粒蝦餃，幾個菠菜餃之類，味道不過不失，尤其是賣 $38.8，無話可說。叉燒瀨粉賣$10.80一碗，叉燒與瀨粉分開上，叉燒不是甲級，但也過得去，腸粉味道稍差，因有疑似「小強」的氣味，金沙煎堆仔，炸得香脆，可惜是中間無餡，時菜蒸鯪魚球，碧綠浸水餃都好味道，原籠馬拉糕幾特別，從未見過這造型，味道亦好，干炒三絲河賣$32.80一碟，算抵食，有肉絲，銀芽

訂左半圍晚飯, $788, 以為會好抵好食點知 d菜又黃又爛, d湯唔夠熱, 餸菜個賣相唔好睇, 個碟好大, 但d餸放埋一邊d侍應上菜時好唔專業, 都唔識 serve 客人到最後話冇晒甜品, 明知我地訂左半圍都預唔到同個侍應講d餸菜質素好差, 佢就是但應你, 想搵個經理就一個都冇普通大排檔肯定都好食過佢好貴好難食, 以後都唔會再去

今日係老媽子牛一我請飲茶,就咁一班人去咗銅鑼灣百樂門.地方十分寬敞唔會坐到迫迫夾夾又有維景睇,正!坐落後個個'拿拿淋'落單叫嘢食.唔知係唔係我好少請客佢哋叫到成枱都係......鼓汁蒸魚雲,迷你珍珠雞,豉蒜蒸排骨,香滑流沙包,豉味蒸鳳爪,紅油抄手,蒜茸蝦長春,安蝦咸水角,煎釀虎皮尖椒,紹菜海鮮扎,原蝦燒賣皇,豆沙煎軟餅,雪山叉燒包,薑蔥牛柏葉,瑤柱菜苗餃,水晶蝦餃皇,帶子鳳眼餃,皮蛋瘦肉粥,鮮芒椰汁糕,雷沙湯丸......8個人叫咗廿幾樣點心埋單六佰幾,好抵食!但啲伙計沖水,落單較慢要有心理準備.

今日下晝同老公去銅鑼灣祟光內的陳列室攞無線電話，陪老公就梗係飲茶喇，佢絕對係喝唐茶嘅 fans. 伊利莎伯大廈嘅百里鮮海鮮火鍋酒家就試過喇，今次決定試埋6樓間百樂門宴會廳。間酒樓裝修得非常之有氣派，進入酒樓大堂要先經過一列長長的酒櫃，而輪候處就擺放着一架以花朵裝飾的高球車，相信是供擺婚宴的主人家拍照之用吧。講番嘢食，呢度嘅下午茶特價，某些點心的確便宜得無話可說，例如瑤柱灌湯包及蠔皇鮮竹卷就只是 $2.8及 $5.8 簡直不可置信。我地就叫咗:-蜜汁叉燒腸($9.8), 南瓜煎堆仔($7.8), 蜆介鯪魚球($7.8), 燒鵝湯瀨粉($9.8), 瑤柱灌湯包($2.8), 蠔皇鮮竹卷($5.8), 鮮蝦菜苗餃($7.8) 及楊枝甘露($6.8) 茗茶每位$6。啲點心普遍嚟講唔算太差，當然唔會好精緻，但咁嘅價錢，質素普通就自然啦，老公仲話壺茶反而幾有水準，茶味好夠，而且叫咁多嘢埋單都只係 $77, 超抵食。其實真係坐得蠻舒服，因為我倆被安排坐在窗口位，位置幾寬倘，而且從坐位上可以清晰看到紅隧口前嘅小花園，加上今日天朗氣清，對着這開揚的景觀，縱使食物並不可稱得上美味可口，但心情靚食乜嘢都

老表請飲茶，老媽子介紹這裏，話佢抵食兼地方好。可能是大除夕，座無虛設，唔定枱都幾難有位。一列大窗前臨維港，地方果然潔淨光猛，但嫌裝修稍為花俏。點心種類颇多，但吸引我的是一個午市套餐，壹路發有例湯、一碟燒味、一碟粉麵和兩種點心，四位OL都夠食，例湯一啲都唔求其，是花膠螺頭煲雞脚，足足有八碗！材料和西苑爵士湯差不多，但西苑半煲湯得六碗要賣近二百蚊！個人更喜歡這裏的味道，没西苑那麽咸及無那種來自蜜瓜的怪味。其他點心不過不失，但只為了那碗例湯，也值得一來再來。

上星期六去左百樂飲下午茶,佢的野食水準中上,而且有點心拼盤 40蚊有十樣野勁抵食不過服務就真係好唔得~~~加水速度偏慢而且佢好少會睇到你,真係要叫佢地先會理但係最大問題係上菜的呀姐服務真係好唔得,上點心成日唔記得上醬,例如佢上煎餃子時次次都冇俾醋,之後我問佢有冇時佢就話: 咁的服務真係唔得LO, 飲茶都勁唔順

昨晚與朋友去晚飯, 看見餐牌上的士多啤梨骨好似好正, 誰知真係好唔掂.原因, 佢地用肥肉連繫著一些跟肉來炸, 我放進口中嘴嚼良久及後無法嚥下.(請看相片2,是我無法嚥下的)這明明是貨不對炍, 如果香港再多一些這樣的食店,難怪,北上覓食的情況嚴重. 我們三人點了:1. 海南雞+盤菜 (HK$48) 評價: 抵食但中規中矩2. 粟米斑塊 (HK$58) 評價: 中規中矩3. 士多啤梨骨 (HK$58) 評價: 好唔掂4. 白飯兩個 結帳是 HK$258.

點心拼盤HK$38:有十二件點心(蝦餃、燒賣、粉果、菜苗餃、連蓉水晶包各二，叉燒包及奶皇包各一)，雖然賣相味道一般，但很抵食。叉燒包尺寸較小午市孖寶HK$68鮑魚海味粥 – 以砂鍋盛上，份量也不少，鮑魚小塊、淡菜、薑絲、菜圃粒、蔥段等，唯粥底過稀麵醬豬夏青蒸陳村粉 – 以蒸蘢荷葉墊底，麵醬不多，陳村粉尚薄但沒味，需另加醬油。豬頸肉還可，另有少量草菇花生小吃HK$5茶芥HK$6/位

週日下午到百樂門飲茶，食品價錢唔算貴，不過質數普通。胡椒豬肚湯：過鹹；雖有辣味，但無胡椒嘅香味。鮑汁鳳爪：都係過鹹，亦唔覺有鮑汁味。點心拼盤：$38有十件點心(蝦餃、燒賣、露荀餃、菜苗餃、叉燒包及奶皇包)，雖賣相味道普通，但算底食喎。魚雲煲：無食過，聽說藥材味較重。其他點心如炸兩、糖水等等都係一般。反而壺茶算唔錯。

5樣野都係$106，算抵食!(下午茶)點心拼盤好食又抵食!

呢間百樂門真係一d都唔起眼~係間無人行嘅商場樓上~但一上到去~原本環境都幾正~面海~ 午市都唔算貴~中等價但係點心質數唔差!先來鮑汁雞腳~個汁好香濃~炆得勁好味!xo醬炒腸粉~炒得好香又好味!再來蝦三寶~蝦腸,大蝦燒賣,同蝦餃~ 蝦爽得來又大隻!足料~仲有就係$28所謂芝士龍蝦伊麵~當然唔係龍蝦啦~不過個伊麵都OK~另外燒脯仔同春卷就麻麻地~千層糕好似唔錯咁不過試唔到~最後食埋甜品~mango布甸+紫米露~埋單六十幾蚊位~食得過!

We had the family dinner in this restaurant on 21st Dec (Winter Solstice) and have expected the place would be crowded but doesn't matter if the food is good. We ordered the most expensive menu costs about $4000. We had 11 persons only and 2 of us are kids. Can't imagine how small of their dishes!!! The portion is just like for 8 persons!! The shark's fin, can only fill up 11 HALF BOWL (remember it should be a mmenu for 12 persons!) but doens't matter coz the taste is so bad, very salty and