Video
3-min walk from Exit A, Tai Wai MTR Station
continue reading
Opening Hours
Mon - Sun
11:30 - 22:00
Above information is for reference only. Please check details with the restaurant.
Signature Dishes
今日同女朋友想買外賣返屋企食, 行過望到呢間餐廳未食過諗住試下, 入到餐廳見個女侍應serve緊客, 於是我問側邊廚房男員工, 問佢地餐廳做唔做外賣, 第一次問果時, 個男員工好大聲咁播歌同唱緊歌, 冇任何回應。第二次我大聲啲咁問, 個男員工答返我話聽唔到我講咩。到第三次我再大聲啲問同一個問題, 但同時女侍應serve完客叫我外賣過去佢果面落單, 我就冇理到個男員工。係我固住落單嘅時候, 我女朋友入黎搵我, 佢聽到個男員工同廚房另一個同事態度勁惡劣地取笑我頭先問嘅問題, 同講咩「外賣呀, 搵我做外賣呀, 我毒黎, 匿係屋企唔出街唔做外賣」。事後女朋友講返佢地對話比我聽，我聽完覺得好嬲。憑乜野我比錢幫襯你地仲要受你地氣同咁嘅態度，同埋我唔明我作為顧客問你地餐廳做唔做外賣生意呢個問題有啲咩好笑。所以咁嘅服務質素，我同住附近嘅朋友講左唔建議幫襯呢間大圍的意蠔屋。
continue reading
我本身好少寫食評，但係我覺得呢間食店平靚正，所以想推介一下。芝士焗菠菜魚柳螺絲粉，真係鍾意食芝士嘅人應該好鍾意，啲芝士一拉出嚟就起晒絲，芝士味濃，炸魚柳好有口感，螺絲粉配以這個芝士醬汁配搭得好好，真係好好味😋。芝士焗蜆肉珍珠蠔意粉，珍珠蠔都幾鮮，蜆肉好多，幾十蚊一個餐食到蠔，我覺得物超所值。羅宋湯夠濃，好好味😋之前朋友介紹我嚟依間食嘅時候話，芝士焗蠔好好味，因為中午時間又唔係好想食呢啲嘢，下次晚飯時候再去試吓！😉
continue reading
以前係附近讀書，成日都會黎食呢間焗飯，過左咁多年，焗飯依然係咁好食！太耐冇食，發現多左好多新菜式，以往最愛係芝士菠菜雞肉焗飯，但因為下午茶套餐入面冇，所以就試下新野！我同個朋友就分別叫左T2 (芝士焗肉醬意粉： $41） 同T3 （芝士焗蜆肉意粉：$41）肉醬意粉超好食，醬唔會話太多，亦都唔會太少，撈埋一齊食，條條意粉都會有食到醬，而且芝士都唔少，一邊食一邊有拉絲既感覺！醬方面唔會話太甜或者太酸，而意粉唔知係咪因為焗既關係，會偏向硬少少，但我個人黎講個硬度係唔錯雖然係tea set, 但同lunch 食既size 係一樣既，感覺唔大份，但因為肉醬加持下超有飽足感，完全當食lunch 咁！到左芝士焗蜆肉蘑菇飯，味道就麻麻啦！蜆肉細細粒，食落有d雪藏既味道，而且有d腥腥地，所以作為飯入面既主菜就略為失望啦。雖然面頭都仲係有好多芝士，但食落去白汁既味道比起芝士更為突出，成個飯變左做白汁撈飯既感覺，所以下次應該就唔會再試呢個啦最後，因為係個tea set, 所以都有杯跟餐飲品，我地就叫左奶茶同埋咖啡，味道就同普通餐廳分別不大，但奶茶黎講，茶比奶味更出，因此鍾意茶濃既可以不妨一試！
continue reading
因為工作關係要喺大圍食lunch，本身係想食馳名鹽焗雞飯、椒鹽豬扒飯，不過朋友提議食意蠔屋，就下佢😆。舖頭環境超細都幾逼。食物真係不怎麼樣😅味道係極居家feel，其實真係偽西餐嚟，全部不合格❌。好彩唔係太貴，否則一定好激氣。白湯似係南瓜忌廉湯，但個湯杰到芡汁咁厚身，用嚟撈長通粉就啱哂，做湯就堅係咸到腎虧😏。紅湯正常。蒜香辣肉腸天使麵($44)/腸唔辣，仲要係白烚切片。天使麵淥起撈蒜蓉😂咩汁都無😂成碟野勁淡勁無味，我肯定超市買包即開即食嘅意粉醬好食100倍！芝士焗菠菜魚柳螺絲粉($54)/呢個都叫熱辣辣似有焗過，但又係好淡😂汁好稀，認真用白湯撈嚟食肯定仲好味😑。
continue reading
以前一向有幫襯開意蠔屋，今日外賣左個蒜茸牛柳意粉返公司食, 食到一半竟然發現意粉內有一隻昆蟲屍體。餐廳食肆有昆蟲曱甴其實係正常，但係食物里見到實在不能接受，還望貴餐廳注意一下食物衛生情況
continue reading