意粉狂熱 (皇室堡) (Closed)

呢間餐廳新開個陣，我一直將佢收藏，係專食意粉既餐廳😍我好鍾意食意粉架~餐廳面積好大，留意到佢啲燈係用啤酒樽砌成，都幾特別🍺-見到隔離枱叫左呢個南瓜湯，我又忍唔住叫返碗🎃係幾好飲，不過要成$28一碗🤔-🔹海蝦牛油果羅勒忌廉意粉($98)應該係佢地既招牌，羅勒汁好濃，都幾好食，不過食耐左會覺得有啲膩😝而且真係有好多一粒粒牛油果係入而🥑海蝦都好大隻，但肉質唔夠爽口🦐-🔹鮭魚菠菜忌廉意粉($78)我覺得呢個好食好多👍🏻忌廉汁唔會太過濃膩，食落比較舒服，意粉如果硬啲會好啲🍝重點！重點係三文魚係半熟架😍食落好嫩滑，完全唔會鞋，好正🤤-🔺另外Coffee Caramel Frozen好飲啊！

今日係銅鑼灣唔知食乜好，見到呢間餐廳係附近，個名都幾吸引，就黎試一試。午餐包埋主食，餐湯同飲品，個人覺得係銅鑼灣黎講都算幾抵。南瓜忌廉湯，好Creamy，香甜可口。法式芝士洋蔥湯，中間有個浸到好淋既包，得少量湯水，個人覺得唔太合我口味。蒜香白酒汁海硯意粉，個人覺得蒜香可以再濃啲，意粉偏淡，不過食落唔會膩，值得一讚。啲蒜粒集中曬係海硯上，意粉淡，硯就好咸😣有少許失色，不過整體都算好食既！10分有6.5分，冇乜特別驚喜既地方，但值得一試既！蘋果汁🍹酸酸甜甜，好解渴。

係皇室堡見到間餐廳叫意粉狂熱比佢裝修吸引，開放式廚房，可以見到廚師精心炮製食物，餐廳內用不同的玻璃樽做燈好特別，而且好靚，木製嘅設計今人舒服，所以就揀呢到食晚餐。香烤香草羊架羊架放係洋蔥上面，咁就可以避免羊架直接係鐵板上容易過熟，好細心。羊架煮得啱啱好，肉夠腍又唔so帕爾馬火腿三色沙律披蕯薄餅，火腿內有生菜，簡單配搭得黎又幾好食煙肉雜菇番茄忌廉意粉，通常蕃茄意粉只食到蕃茄味，呢個意粉汁食到有蕃茄味，仲帶有香濃忌廉味，好有層次芝心帕爾馬火腿薯茸球薯茸球上面放有三種唔同既裝飾，有魚子醬、蟹子和唔知咩香草😂食落外皮超脆，內面薯茸又香又軟，真係名副其實既㚈脆內軟香草烤雞凱撒沙律沙律菜新鮮爽囗，大大粒麵包糠好脆，餐前食就最啱。

今日放工約左老表去左呢間係皇室堡既意大利餐廳，嘩，駛唔駛咁多人呢...，不過我總覺得好野先多人排~ 哈哈~，咁等左半個鐘左右，終於都有得入去啦~ 快快快，餓鬼死~ 兩個麻甩佬都係食下野傾下計，最緊要係飲下酒者，所以最後叫左脆炸有皮薯角、秘製炸雞、蕃茄芝士海鮮焗飯、脆皮腸肉醬大啡菇Pizza同兩杯Fresh Mango Mojito、Fresh Kiwi Mojito。環境方面，可能當日客人比較多，而且又係中央冷氣，溫度就暖左少少，而環境方面都算唔錯，地方開揚，座位都好舒適，同三五知己或者一家人食飯都係個好去處。上枱啦~上枱啦~ 首先呢份秘製炸雞大大粒，即叫即炸，外皮好香脆，肉汁多且夠嫩，加幾滴檸檬汁，勁開胃，即做既始終有分別!!!到另一小食脆炸有皮薯角，條條都夠大，又有薯味，都係個句啦，即炸係最好食~到主菜啦，蕃茄芝士海鮮焗飯，淨係睇個份量都好夠食，隻大蝦爽口彈牙加埋青口、蜆同魷魚，配埋個蕃茄芝士汁既飯，既開胃又入味，Yummy~而脆皮腸肉醬大啡菇Pizza，薄批加上茄醬已經好香口，仲要燒香既大啡菇同脆皮腸，香到隔離枱都要偷望下~~ 味道係正既~最後兩杯飲品，賣相就非常之吸引，兩杯時令

放工同同事搵食.. 經過皇室堡入去揾下食乜好！同事提議呢一間 pastaholic 🍝... 佢話食過抵食夾大件！就即管入嚟試一試！淨係意粉都有超過20種揀，果然係意粉狂熱！先黎個Cesar salad! 大大份！3 個男人都好夠食！Parma ham pizza 🍕 的Parma ham 質素幾好！青醬大蝦意粉，用料足、醬汁香濃，幾好幾好 👍🏻牛扒附有一舊熱石，俾你自行將牛扒加熱到所需嘅生熟程度，幾特別！👌🏻芝士龍利柳又係大大份，我哋一行三大男人都食到捧著個肚走😂

同朋友約咗去維園打波，打完就諗住近近地食個飯，入咗皇室堡涼冷氣，行行吓就見到呢間意粉狂熱。空間寛敞，而且見人地吃緊的唔錯，晚餐決定就呢度。芝士番茄焗龍利柳條魚超級滑，而且熱辣辣，份量好多，不過食海鮮從來都唔會食肥人，所以我哋都啖啖肉食咗好多。肉質嫩滑，而且10分新鮮。安格斯一口牛柳中間一塊鐵板滋滋聲，四五成熟嘅牛柳粒在冒煙，肉質嫩滑，完全啱晒我呢啲牛魔王。海鮮蒜香番茄意粉好多海鮮，藍青口好新鮮，蝦肉地十足，意粉惹味。朋友叫咗一杯水果茶，佢話味道都唔錯，沒有太甜，雖然茶底比較淡味，但感覺比較健康及天然。總括，龍利柳下次一定會再encore，牛肉粒亦非常之好味，而且侍應服務態度很好，地方又唔會侷促，喺銅鑼灣嘅小綠洲。

同小姐約左朋友gathering 小姐話要食意粉🍝pizza🍕.. 喺銅鑼灣 揀左呢間 🍝pastaholic ! Menu 選擇非常多！花多眼亂！👀👀 我地叫樣樣都叫啲... 平均每人百幾，低食！ 👏🏻好解渴的冰凍水果茶！甘熱的天氣啱曬！燒雞 Cesar salad 足料大大份！好低食！牛油果大蝦意粉，醬汁香濃，小姐大❤️Parma ham pizza 非常好味！一定要試！芝士番茄龍利柳，非常滋味小姐最happy! 呢柸雪糕sundae 一個回合就清左！，

皇室堡地下成日有好多可愛大型擺設, 加上好多幼兒商品, 行完街後又煩惱食麥好。 皇室堡既餐廳都分散係每層, 如果集中係月一層會方便d,都容易做比較。呢間餐廳係轉角位, 平時見唔到。 今次就發掘到喇。二大一細, 我地叫左豪華三色拼盤($108)大啡菇: 我地係菇既愛好者。 麥都岩。 呢個一定岩。魷魚圈: 雖然拼盤內有三款小食。 但呢個熱辣辣, 新鮮炸出好正。 仲有4塊咁多tim海蝦牛油果多士: 多士脆, 牛油果軟身, 一齊食好正。 食落有d莎莎, 辣辣地。溫泉蛋菇意大利粉: 蛋夠生, 好正。 意粉好味。朱古力香蕉薄餅: 方形既。 香蕉加上肉桂粉。 好正。 朱古力蛋糕好凍。 可以停留係薄餅上一陣。小朋友至愛mango yault: 又大杯 唔會好甜焦糖布甸: size好大。 入面唔好好甜。 好重牛奶味。 好正。 小朋友至愛。大家都好滿意呢餐。

去到銅鑼灣，就在皇室堡門外看到有「人肉展板」，於是按圖索驥，上去看看。餐廳在商場內，設計以開放式沒有牆與外面分隔，門口闊落，座位亦算多。由於我們七時許已經到達，所以仍有很多位置，不過陸續客人漸多，所以始終是「早起的鳥兒有蟲吃」。餐廳的裝飾簡單而別緻，用酒瓶做燈飾效果也不錯。餐廳以意大利粉及薄餅為主打，餐牌選擇亦頗多，今晚我們就點了經典三式拼盤($98)、香烤香草羊架($128)、海蝦牛油果羅勒忌廉意粉($98)、Fresh Fruit Tea($38)及Japanese Sakura Green Tea($38)。經典三式拼盤有三文魚蟹籽卷、炸雞件及薯角三款。三文魚雖然不是高檔刺身級，但以這價錢來說也算不錯。反而炸雞件就有些驚喜，外脆內軟，雞肉不太乾也不嚡口，頗有水準。薯角也不錯，新鮮炸出來還熱騰騰，少少脆，味道也不錯。飲品方面，Fresh Fruit Tea 內有蘋果、橙及士多啤梨等鮮果加入茶內，但沒有果汁味，味道較為淡。Japanese Sakura Green Tea的茶具頗有特色，但內裡就只是一個綠茶茶包，亦是較為清淡。海蝦牛油果羅勒忌廉意粉有兩隻煎香了的海蝦，忌廉醬則加有切碎

做完產檢就去皇室堡搵表姐買BB床，喺同一層行咗個圈發覺有間食西餐都幾多人食，而且價錢唔貴，一於就入去試吓。服務生好少，但係佢哋嘅反應都好快！有求必應亦都好快帶咗我哋坐低。嗌左個「廚師沙律🥗」細size 開下胃先 $ 43份量都幾足，兩個人食完全無問題。有雞肉、煙三文魚，蛋等等...全部都好岩我口味！我地都好想食小食，所以嗌左兩款。有皮薯角$38，好香口，唔會好油！嗌完先醒左自己唔食得,結果益哂老公獨食薄切三文魚忌廉芝士卷$48老公話如果用煙三文魚應該會仲正。溫泉蛋芝士卡邦尼意粉$88意粉質地好好，我地都好鐘意，個汁就好正常😄明太子海鮮pizza (2人前）$98好好味！餅底厚薄岩岩好，見到廚師👩‍🍳即製👍🏻再食埋個朱古力芭菲$48 做總結又正又平既一餐 我諗我地好快會再黎

放工同佢黎到銅鑼灣行街食飯凱薩沙律嗌左小份嘅，不過一啲都唔會話係太細，啲沙律菜夠新鮮，而且芝士同沙律醬落嘅份量夠晒多，好味哩啲嘅pizza可以俾人嗌1人份量，咁樣就可以試多幾樣啦就算一人前嘅都有4塊，牛油果同三文魚夠晒新鮮，味道亦夠濃食西餐當然要食意粉，哩度嘅Carbonara 意粉好煙韌，加埋份量夠嘅煙肉同溫泉蛋，good ah! 不過個汁就稍為稀身啲。2個人食，份量夠晒一黎到就係鐵板燒得好香！但啲肉又唔會overcook，剛剛好咖！而且啲薯條都係烘過，好脆，又好香，加埋佢嘅燒汁，正Caramel沙冰唔太甜，arm晒食完嘢嘅時候飲2個人都係$200位，有咁多樣餸，抵呀！

今日終於約埋啲朋友一齊坐底食餐飯啦，我地8點半嚟到，唔洗等位，服務都幾好，朋友同埋個囡出嚟，有bb櫈同兒童餐具供應👍👍食物賣相都好靚，小朋友食得好開心😄最後仲有甜品，個芒果cheese cake 直得一試😋下次可以再去☺️

今天和朋友約在銅鑼灣逛街，逛完已經八點多，就跑上來皇室堡找吃的。溫泉蛋蒜香蘑菇鮮製意粉 （$68）意粉是扁意粉，彈牙，不會太軟糊，好吃。一上桌就有很香的菇味，是香的菇味，不是草青味喔。入口有蒜辣，不會乾，很好。戳開溫泉蛋的瞬間很療癒啊～脆炸原條白身魚配有皮薯角 （$98）炸魚柳的外皮很酥，冷了也還是很脆，而且很香。擠上檸檬汁可以去膩，我前半條是吃原味的，後半條就擠檸檬汁，剛好。魚柳的皮不會很厚，魚肉不老，滑。薯角也很酥脆，但是這個薯仔比較小，要開綿密的口感不明顯。香烤安格斯西冷牛排（ $228）牛排份量很足，比我手掌大多了。配菜有很多薯角，這個薯仔大很多，所以咬下去很綿密。切開的牛排不會煎得過老，大概五分熟，想吃熟一點的可以在碰邊的熱石上煎一煎，挺貼心的。

突然間肚餓添。又係上OpenRice度望下先。見到呢間食意粉嘅地方，先醒起好似幾個月之前曾經受過傳單。不過之後冇再件事所以冇黎到。好啦見佢價錢唔貴 就過嚟試吓啦。原本已經諗住食意大利粉。以為佢餐牌嘅選擇會有好多。原來都只係有七款。而且份嘅類型比較少。唔俾轉。想食penne 喎。好啦都試下啦套餐可以跟湯或沙律。選擇了沙律。意粉揀咗鮭魚菠菜忌廉意粉。有少少驚喜。一放低，賣相都真係幾靚。仲要係熱辣辣出緊煙嗰隻。我個人都著重食物温度。熱嘅嘢食會另外再加分。好好食。普通菜式但味道都可以有好大分別。佢嗰粉質地好味。al dente!個汁嗰稠道岩岩好。菜個量都合理。魚有微煎過。所以幾香。又完全唔腥。下次有朋友想食意粉，又想食平少少。呢度is a good option.其實呢個鋪位前身係西餐廳。生意真係麻麻，冇咩人食。感覺佢冇咩裝修過。只係改左做意粉。人多左好多。Tips:皇室堡下面有人派宣傳單張。有飲品優惠。可以留意

喺銅鑼灣返工，每天返工同放工都是很匆忙，明天放假可以不用趕，跟同事一起逛街同食飯，經過皇室堡見到「意粉狂熱亅門前裝修十分搶眼，好有型格餐牌上的食物五花八門，就被吸引咗入去，傾吓計食吓意粉。餐廳用了開放式廚房，可以看見廚師用心製作，色香味的食物。日本魷魚雜菌明太子忌廉意粉$98醬汁很濃郁，配上煙韌兼彈牙的意粉，真的狂熱了 照燒雞蛋黃醬pizza$78， 熱辣辣的pizza外脆內軟，仲食到拉絲芝士，口感更加好味。蕃茄芝士海鮮焗飯$88日本牛乳布甸，牛乳好香濃同軟滑。看餐牌上的食物和飲品已經夠吸引，價錢又不是太貴，有咁多好嘢食，值得推介給朋友。