意粉狂熱 (皇室堡) (Closed)

好姊妹帶我食好野，去到間餐廳先知年幾前去過，印象中食物質素都唔錯😃，環境又好，可以慢慢享受。哩到叫意粉狂熱，我估意粉喺賣點。當然要點個意粉試下，鍾意哩款意粉夠乾身，無醬汁淋喺意粉上面，不油膩。白酒汁同蒜香好均勻被意粉吸收，好入味；蜆就冇沙粒，可以放心大啖大啖食落口😋。之後點左個西冷牛扒，牛扒上面有一格格網燒紋理，應該喺網烤過程中造成。牛扒個size都幾大塊，如果一個人食哂應該會幾滯。牛扒大約5成熟，切開裡面仲粉粉地色，肉質好淋，有牛味。牛扒邊邊約半吋位置喺脂肪位，脂肪位置超淋入口即溶。平時都唔會食脂肪位，不過哩塊牛扒幾高質，所以都食左少少，好滿足😋又好怯疚。本身想試埋個薄餅，不過太飽嘅關係食唔落。好彩仲有個食甜品嘅胃🤣，所以點左個香蕉朱古力披薩。披薩即製即出，薄餅面層有些少焦糖，脆得黎有少少軟身。香蕉🍌數量唔多，有幾塊調下味，不過反而冇咁滯👍🏼。最後要讚下個侍應哥哥，又靚仔又好笑容😉又有禮貌。

有朋友係外地黎香港玩，順便黎探下我，見依間意粉屋評論都唔錯，價錢又幾親民，咁就book黎試試。我地都係得兩個人，見到佢有個set 都唔錯，仲做緊特價。268蚊兩個人，有8樣野食。包括一人一碗湯，有南瓜粟米忌廉湯同埋法式芝士洋蒽湯揀。凱撒沙律（半份，雖然係話半份，但份量都算係幾多。之後就一人一碟意粉，我就揀左香草烤雞雜菌羅勒忌廉意粉，香草味幾香，而且意粉都煮得稔，醬料都足夠，雞肉就不過不失。另外，我朋友就揀左份蒜香白酒汁海蜆意粉。我試左小小，都幾有蒜香，但就無咩汁，個人覺得乾左小小。最後仲有甜品食，係朱古力蛋榚，再加埋飲品，埋單一人百零蚊，都算抵食。

話說朋友想食意粉， 上網搵咗呢一間餐廳， 去到食嘅時候有意外驚喜！ 間餐廳嘅環境唔錯，而且意粉嘅賣相同味道亦都好好。 試咗黑松露意粉， 佢嘅意粉質感同埋個味道都好好！ 會再次去幫襯！ 希望keep住個水準

Pastaholic in Windsor House is a fairly unassuming family Italian restaurant, with a good selection on the menu for - considering the location -       impressively reasonable prices. The shop is bright and colourful, and although its not really a bar, there's a cool selection of bottles on display -     both on the bar/counter and in the funky overhead lights. We each had pasta, and we shared a couple of side dishes and a dessert. I had the Genovese spaghetti with asparagus and tomato, while my

今日約左幾個舊同事一齊去食午餐，就簡左依間係OpenRice 食評吾錯的餐廳大約12:30 到餐廳，發現餐廳食客吾太多，所以我地就好快有位坐。一睇menu,我地就簡左一個Pizza 同三個意粉。食後感：意粉淡而冇味，Pizza 相對黎講係最好味，因為得佢係有味。不會再試！

平時經過見到MENU好多選擇，大部分價錢都係$60-$80，同埋座位都坐得幾舒服，所以黎左試下。星期５放工時間等左２０分鐘左右，點野食既時候見到佢大部分pasta都有得叫加底，相信呢度Ｄ野應該幾細碟黎到見到真係幾細碟，女仔應該夠食既，但男仔我諗多數都要加底明太子雞肉意粉，醬汁好CREAMY，明太子有少少辣，都幾好味，同埋意粉軟硬度控制得好好呀，唔會太林！MENU仲有PIZZA、焗飯個D選擇, 下次會再黎試下其他菜式!

同朋友銅鑼灣行完街依肚時間又到行到去呢間PastaHolic 被門外燈飾吸引住五光十色就走入左去食晚餐我對酒樽吊燈情有獨鍾綠啡色襯出特別風格Yuzu marmalade soda飲完成個人爽哂Fresh fruit tea 水果茶好多水果茶味香濃行完街飲番杯果茶同柚子梳打簡直是涼透心攰氣消減珍寶大啡菇釀帶子大菇好多汁沒有菇腥味加上帶子好新鮮配埋蟹籽口感好好香烤黑安格斯西冷牛扒牛扒🥩份量勁之大級出場又係要嘩一聲我覺得似是二人份量好有牛味叫了五成熟的西冷因我為是鐵板上菜的所以不用叫太熟鐵板會一直「狂熱」住塊扒的不怕牛會生牛扒配埋薯角是絕配沾埋蒜蓉汁同番茄醬令牛扒味道更加突出明太子海鮮比薩批料十足好有日式風味選了一人份量大小適🈴️厚薄適中👍🏻另外待應服務周到值得加許令我們shopaholic 有一個愉快的晚餐

其實最近唔係Carbonara毒癮上身，而係不嬲都中意食只要餐牌有佢最終選擇都會係👉🏻 Carbonara 😆呢個係我平時食西餐必食既意粉之一! 今日同同事黎到比較人少既皇室堡食lunch, 份量個人覺得都幾多胃口一向唔算大既分左1/3比同事, 就覺得岩岩好了忌廉香做得唔錯的! 而且醬汁做到濃杰分明, 掛到意粉但唔會過份醬口, 煙肉煎過關係亦多左份香味, 令到成個意粉既味道都提高左唔少, 整體覺得唔錯啊!!!lunch黎講價錢都可以接受, 最重要係呢個商場比較少人, 易d攞位!

<< 街上拎到宣傳單張 >><<飲品>> Sangria Glass 120ml 38hkd 紅酒再加啲生果，都幾多種水果係內面，多營養 ，味道都幾夾 ，有蘋果奇異果等等 Mango yakult 33hkd 益力多加上芒果汁<<前菜>>1. 主廚精選沙律(細) 43 hkd 冷盤好好食，連隻碟都係冷凍， 酸醬香草醬非常八達，配咩食都啱<<主菜>>2. 香烤黑安斯一口牛柳 158hkd3. 精選海鮮蒜香蕃茄意粉 88hkd 蒜味好足，海鮮~~魷魚青口 大蝦 蒜味配番茄汁Discount 44hkdTotal : 396hkd<< 餐廳環境 >>空間感好夠，一般兩個人都係坐四人檯，有位放私人物品之餘，仲可以輕鬆大聲傾計。餐廳一直都keep住九成滿座， 人流量都幾快。<<最後有樣嘢好抵讚嘅 >>服務員會將飲品，前菜，主菜按照次序上台， 仲會上台前3分鐘問多次客人可唔可以上臺

喺銅鑼灣行完宜家，決定去對面嘅皇室堡覓下食🤔見到有間西餐叫意粉狂熱😹價錢又幾相宜就入去試下🤡入到去嗌咗個嘢飲先🥂Sangria decanter可以分到四杯，有橙肉、檸檬、士多啤梨同奇異果肉😋本身想試下意粉，但望望下又覺得想食肉😹就決定嗌其他嘢食😌我哋點咗牛肉同羊肉，配菜同醬汁大致相同，有洋蔥、炸薯條同主菜，另外有茄汁同黑椒汁。牛肉算嫩口，羊肉唔夠羶，但勝在口感好，軟嫩。薯條香口，洋蔥加汁係鐵板煎一煎更好味😌係鐵板上有個鐵圓枉，如果覺得唔夠熟可以將肉放喺上面煎一煎⭕️最後點咗個雲尼拿雪糕，滿足😼

下午茶時間又出洞，一樣食物但價錢平3分1，試食最後下午試價錢同茶餐廳差不多，飲品大大杯不過份量係細左小小跟餐蘋果汁份量唔細而且唔加冰都夠凍，跟pizza法式洋蔥湯，多士上芝士好香，法包吸滿洋蔥湯好甜湯好清甜黃金四重芝士pizza-芝士好香但拉絲就麻麻，餅底煙韌但唔仲脆果種，點蜜糖食後感覺唔到味道有提升，而且又咸又甜怪怪地我就麻麻地鐘意蒜香白酒汁海蜆意粉-蜆雖然細隻但冇沙有甜味，白酒味食唔到蒜香都唔覺，意粉偏硬但我本身唔鐘意意粉林所以ok,但味道就似白烚意粉連機本橄欖油味都冇好失望總結食物唔太差坐得舒服但明顯店員不足夠，無論點菜，埋單，執枱，上菜都好耐及亂

今期8婆飯局得番2個人, 方便就腳又揀左銅鑼灣, 等人既時候瞬間決定要試下呢間 位於皇室堡入面位置方便到不得之了, 之前試過樓下既泰式野/長駐既皇牌牛角等等都好食, 再加上呢度有集運既pick-up locker/HKTV pick-up點等等令我已經離唔開皇室堡了! (sorry off topic)呢間Pastaholic 環境好闊落, 我地2個坐張4人台綽綽有餘, 吹水為主既飯局當然唔少得酒精飲品同拼盤:- Sangria: $88好大杯...已經好似一jar咁, 而且果粒超多, 甜度適中, 不得不開心share既飲品! 我地唔知仲叫多左另一杯..- kiwi mojito: 呢個雖然係mojito但飲落好似無酒精咁, 大量薄荷葉真係透心涼! (打左個冷震)- 豪華5式拼盤：叫得豪華咁當然要試試, 份量唔算太多, 但足夠每人各品嚐少少;  Ham既油脂唔多, 淋左olive oil調味, 但好在佢夠大塊竟然要出動刀切住食;  炸魷魚圈都夠厚肉, 但比較油;  另外3粒波波炸物無食清楚係乜野( 因為此時已經上左pasta/pizza) , 外層比較硬, 餡料調味要加把勁 (因為我竟

經朋友介紹，第一次光顧，味道不錯，價錢合理。2位食量不多女生用餐，點了一個意粉，一人份量的pizza，及一份菇，已很足夠。（見到有2名女生點了2人餐，感覺很多，會很飽。）見openrice有優惠$38飲品買1送1，試了水果茶，味道不錯。如繁忙時段光顧，建議先訂座。很欣賞訂座安排，過去在其他地方訂座後，若當時很多人排隊時，就算訂座也需要等候一至兩張枱，但這間餐廳是會留座給予客人，當天已訂座1930，1920到達餐廳，見門口多人等候，然後確認電話姓氏後，完全不用等候，便直接安排到座位上，除了自助餐外（放題有時也需要等），雖然在其他餐廳已訂座後等，也是等很短的時間，但這讓人感受到真正的訂座，方便，簡單，快捷。

專誠嚟到意粉狂熱度食意粉🍝影低咗少少餐牌俾你地睇下💁🏻‍♀️另外我見佢有一啲人套餐都抵食嘅😝首先叫咗一個香草烤雞雜菌羅勒忌廉意粉$78一上的已經好香嘅忌廉同香草味!!😍意粉彈牙，香草忌廉creamy而且香滑，呢個醬料同雞肉好夾，超級好味👍🏻👍🏻另外叫左香烤黑安格斯西冷牛扒$228真係比到驚喜我！個牛扒雖然有少少熟，但係保持到肉汁，牛肉味好香，有肉脂香，而且肉質滑嫩，加上香草牛油，令到牛扒更加惹味🤤👍🏻嘢飲方面朋友叫咗蘋果茶$38，有淡淡的蘋果香，可以消濟🍎而我就叫左近期都好興嘅fresh fruit tea$38飲落似係有少少蜜糖甜嘅果茶，同埋有好多新鮮果肉可以食，yummy😝雲呢拿雪糕🍦$18最後食咗呢個奶滑嘅雪糕做ending，滿足☺️

星期五呀，梗係要出銅鑼灣蒲下。樓下買衫勁正，買夠咪去樓上醫肚，pasta最啱我，仲要有pastaholic，craze for pasta~一嚟就嗌左兩個意粉。一個係海蝦牛油果羅勒忌廉意粉，另一個係溫泉蛋蒜香蘑菇鮮製意粉。海蝦牛油果嗰款意粉係圓意粉，蘑菇嗰款係扁意粉。兩款意粉都咁彈牙。海蝦牛油果嘅香草味濃郁，啖啖香草，鐘意香草嘅人唔可以錯過。但個人喜好就鐘意溫泉蛋蒜香蘑菇呢款多啲。將溫泉蛋同意粉撈勻，令每一啖意粉都充滿蛋香 🤤😋 其他餸料即刻只可以成為配角。兩個人，其中有個大胃王，淨係意粉點夠食呢？所以嗌多兩個小食。魷魚圈堅係少，寫明得三個圈，唔驚食唔晒會浪費。脆漿無苦味，神奇。沾埋個超級好味既他他醬仲好食。另一個「小食」魚柳就絕對唔小，係大大份 😂 兩大塊脆炸魚柳跟炸薯角，炸到金黃色，睇見已經流口水。魚柳外脆肉滑 😋 鐘意嘅話可以加啲茄汁或wasabi mayo一齊食。我太愛個他他醬，加左他他醬 😂 好好食呀～～ 如果有得賣他他醬，我會即刻買返枝。朋友飲Mango & Orange Juice，我無偷飲，所以唔知好唔好飲。不過我杯 Fresh fruit tea就好好飲，生果款式又多