意粉狂熱 (皇室堡) (Closed)

同朋友二人前，每人嗌左一個lunch set，包餐湯、意粉、飲品，仲可以免費加底，頗為抵食。用手機點餐十分方便、亦減少顧客同服務員既接觸，非常衛生。餐湯揀左南瓜湯，超級綿、又creamy，酸酸甜甜作為餐前湯十分開胃。主菜叫左羅勒葉雞肉意粉，就算唔加底都好夠份量羅勒葉好香好夠味，仲有車厘茄做拌菜，中和返，唔會咁heavy。雞柳夠嫩，而且份量亦夠，望落去份量唔多但食落就覺得好夠飽，整體黎講係一次滿足既進餐。

SET MENU高CP @Pastaholic 意粉狂熱 銅鑼灣告士打道311號皇室堡2樓203-204號舖Pastaholic來到一定是點佢SET MENU, 有小食.SALAD,湯 主菜DESSERT /DRINK, 2個人計落最多比二百元, 已有豐富又好味的DINNER。而皇室堡是我放工經常會約朋友仔一齊來食飯的, 意粉PIZZA 都好好食多又款。次次打開見到圖文並茂的MENU, 食物相又拍得好看, 令人不禁會眼闊肚窄。$368 SET 會最多野食, 基本上一來到都離不開這個SET南瓜忌廉湯同法式洋蔥湯各要一, 同朋友仔都互相SHARE~次次都保持刑水準, 個洋蔥湯煮到甜甜地洋蔥又夠腍, 好好喝。SALMON CAESAR SALAD 半份, 通常SALAD 都係我食架啦! 女仔怕肥食菜打底先小食雞翼佢醃得好好食, 雖然細隻但可以啜下味意粉有好多款架, 今次嚐試了主菜要了北海道香草豬扒, 一定要食肉呀,香草味淡淡地唔會蓋曬豬味, JUICY 仲有DRINK 同DESSERT, DESSERT 一兩仔食完, 岩曬一定要有甜品收尾架人。要我推薦, 一定智同大家講點SET DINNER

I have lunch there just to try this Italian pasta and pizza. Please don’t use Italian you don’t have any right to do that. We hadizza peperoni, pasta beef and cheese bolognese fresh pasta. Caesar salad with chicken, lasagna.Pizza peperoni: this is not Italian pizza maybe even it’s not pizza. They serve uncooked, with lower quality of tomatoes sauce and trace of something similar mozzarella cheese. Inedible!Pasta beef and cheese ..: I don’t know if home made or not what I know is chewy and tomato

每日返工最苦惱嘅環節就係諗午餐食咩好，今日靈機一觸諗起皇室堡嘅意粉狂熱，就帶埋同事去試吓啦！午市套餐係有湯or沙律+意粉/ 焗飯/ pizza +飲品，計埋加一$100有找，CP值都算高！今次揀咗蒜蓉蜆肉意粉，蒜蓉好香，帶淡淡嘅牛油味，就算唔太偏好蒜蓉嘅我都覺得個蒜蓉汁撈埋意粉好正呀！😍另外蜆肉嘅份量都唔少，而且唔會有沙，值得一讚，伴埋車厘茄感覺清新，推介👍🏼👍🏼意粉嘅份量算係啱啱好，如果想食得飽啲嘅朋友可以選擇免費升級1.5份量嘅意粉，食得更滿足！

環境浪漫 食物質素高 價錢亦合理～～～許久沒有吃意粉 突然很想吃西餐 所以一下班就拉着大舊和我來這間在銅鑼灣皇室堡的意粉狂熱 作為意粉的忠實粉絲 這個餐廳名字實在是令人很有共鳴 ～～～收工之後唔需要再social 同愛侶你眼望我眼 食下pizza 實在是一日之中最放鬆的一刻有人說有情飲水飽 但係以我倆的食量 幾多情都好 都不可能飲水飽 所以我地就叫左特濃南瓜粟米忌廉湯 鮭魚凱撒沙律 意式炸魷魚圈配他他汁香烤黑安格斯西冷牛扒 明太子海鮮pizza黑松露雜菌cheese 同凍水果茶～～～特濃南瓜粟米忌廉湯 ：味道就好似佢個名咁 真係超級濃郁 南瓜味好重 粟米味亦突出～～～ 鮭魚凱撒沙律：上面超多芝士粉 😍好邪惡 啱晒我地呀～～～意式炸魷魚圈配他他汁：脆卜卜嘅外層 彈彈牙嘅魷魚內層 配埋酸酸甜甜嘅他他汁 熱氣都要食 配埋個水果茶 清新一下 就啱啱好～～～香烤黑安格斯西冷牛扒 ：冇咩筋位 所以好容易切 食落都嫩口 而且大大塊 大胃王食得夠爽 旁邊嘅脆薯角亦好脆又實身～～黑松露雜菌Mac and cheese :黑松露味好重 啖啖拉曬芝 加埋雜菌同通粉食 飽肚又美味🥰～～～ 明太子海鮮pizza

🎈意粉狂熱 (銅鑼灣)🔍銅鑼灣告士打道311號皇室堡2樓203-204號舖-----返工積聚咗好多負能量，收工想去shopping放鬆一下。行街之前，就黎左呢間意粉狂熱食個一人晚餐，填一填飽肚子先。 掛滿酒樽作裝飾嘅天花板，有格調得黎滲透住絲絲浪漫感，如果對面坐住一個俊男，相信呢一晚會更為美滿。😛-焗珍寶大啡菇帶子：厚嫩嘅帶子，晶瑩嘅蟹籽，加上Juicy度爆燈嘅大啡菇，口感同味道都豐富得令味蕾起舞。-香烤雞翼（檸檬蜜糖味）：甜滋滋嘅蜜糖雞翼，皮脆肉嫩，輕輕一咬，便可輕易離骨，加上清新嘅檸檬🍋味，令整體香甜而不膩，一個人食4隻完全無難度。-番茄芝士肉醬千層麵：自家製嘅闊條麵煙韌有彈性，配搭茄味濃郁且酸甜開胃嘅番茄肉醬汁，熱辣辣地送上檯，一啖入口已令人食慾大開，加上有大量芝士加持，邪惡得黎又令人欲罷不能🤤，好食到未開始行街心情都愉悅左一半啊。-----👶🏻B仔整體評價：7.8/10個👍🏻👶🏻B仔抵食程度：7.5/10個👍🏻👶🏻B仔環境評分：8/10個👍🏻👶🏻B仔味道評分：8/10個👍🏻👶🏻B仔回頭機會：7.5/10個👍🏻-----

我從來未賞試過那麼美味的意粉，最重的是熱騰騰，意粉軟硬適中，我今天真的吃得驚喜。就算我去過某些中環頂級的意大利餐廳也未有這水準。真的一間平凡的餐廳位於銅鑼灣皇室堡，竟然會令我喜出望外。另外， 炸薯角配蜜糖牛油果醬也非常美味，我一定會再次😘嘗試其他食物，尤其是pizza🍕

見佢唔係好多人就諗住試下佢好唔好食見佢價錢都未到好貴就入咗去menu啲相又幾靚咁就以為會唔錯但嗰意粉真係好差我唔知係咪佢特色但我唔明點解意粉個底可以咁多水整散咗隻蛋之後係落曬啲水度個意粉完全冇蛋痴到上去啲意粉都冇咩味佢以意粉做名點知個意粉係唔好食我食嗰陣落好多芝士粉先叫做有返啲食物嘅味成碟野食落得咸味 食唔岀蒜香好彩係同朋友去先可以兩個人清曬兩個人唔想浪費就食埋佢如果得一個人應該食唔落食淨仲有一大盤水淨低個pizza就叫做食得落肚但唔知點解食食下好油不過同個意粉比佢一定好食過個意粉好多 總括黎講唔好食又唔抵食除非好餓乜都食得落肚先會去之後應該都唔會有機會再去呢間食

Let food be the medicine and medicine be the food平時同啲兄弟最鐘意收工做gym但每次做完都唔知食咩好今次咁岩見到Pastaholic好似好正咁我地決定入去食我地今次點左個牛油果三文魚Pizza 松葉蟹多士 蟹肉三文魚沙律 同 南瓜忌廉汁香草雞肉沙律 重點推介:牛油果三文魚Pizza: 好有驚喜 係勁大片既牛油果 同埋食落唔會話好流 牛油同三文魚好match 反而仲覺得好健康松葉蟹多士: 完全合哂我心水 因為係勁多蟹肉同仲要有埋小小蛋黃沙律醬 好好食Remark:佢到叫酒都好平 我地叫左一杯Kiwi Mojito 同埋 Red Sangria 都係 四十令蚊杯Happy Hour去飲都掋@pastaholichkLocation: Causeway BayPrice (10 is expensive): 6.5/10Yummy (10 is delicious): 7/10

呢間餐廳坐得好舒服，檯和凳都很闊！洋蔥湯足料好飲。叫了兩個意粉，香草烤雞雜菌羅勒忌廉意粉和日本魷魚雜菌明太子忌廉意粉，兩個意粉都增量1.5倍，然後出來效果真的驚人地多，食完勁飽。個人比較喜歡明太子那款，因為香草那款太多汁了，下次還是叫一個pizza和一碟pasta平衡一下。

本來想去咖啡熱，見OpenRice冇得book位諗住walk in都得啦，果然係冇位既...冇辦法，3點幾都仲未食lunch，於是走去皇室堡搵咗間唔黃唔藍嘅，就係意粉狂熱喇，勁少人⋯張櫈好污糟，要自行清潔；諗好落單要嗌幾次先有人嚟。叫set lunch，右手面個啲hot tea原來全部係茶包，所以改叫咖啡 (雖然我知UCC唔好)咖啡已經落左coffee creamer，唔滿，我重未飲架；聽到隔離枱想添但侍應哥哥係話唔得既。沙律幾好味，幾開胃。個香草烤雞雜菌羅勒忌廉意粉好唔掂，除左夠熱之外，無野可以讚。意粉唔夠煙韌，有啲癡住咗，好油，食到好滯，食到最後唔想食。個雞普通；香草係夠既，嫌多左少少㖭。個pizza不過不失，個皮幾脆幾薄，但放耐少少再食係酥皮味，牛油味勁重，唔想再食。不如俾多個沙律嚟？簡單總結，肚餓食都覺得唔好食。意粉狂熱但意粉唔好食。意粉狂熱剩係沙律好食。你會唔會再去呀？我唔會。

去皇室堡買下車仔，行下都係時候食晚餐，再次經過呢間意粉狂熱Pastaholic 叫得意粉狂熱，呢度當然係主打意粉啦，由於我之前都黎過，試過啦，係真係唔錯，今次專程黎試下其他野。餐廳裝修華麗，餐廳寬廠坐得舒服，最啱朋友傾計。先試個豪華5式拼盤 ，拼盤派頭十足，有Parma Ham、炸魷魚圈、薯蓉波波、牛油果蝦多士、帶子大啡菇，5款小食都好好食。特別鐘意特別鐘意海蝦牛油果法包多士，塊法包脆口唔太硬，上邊牛油果同海蝦配搭，口味清新，好吃。大啡菇都唔錯，好juicy，還有點飛魚子陪襯，口感豐富。炸魷魚圈脆漿夠薄脆，魷魚圈也很彈牙，令人驚喜呢。再叫左扒同餐湯，滿足。

疫情下，已有一個月無外出用餐，今天就外出稍微放鬆一下心情，與老公二人靜靜地共進晚餐～今期主角係牛油果～多款牛油果入饌菜式，健康有營，可惜老公不愛吃😛唔想諗，最好就係set~2人餐都有三款選擇，我揀咗$318嘅二人餐沙律、湯、小食、主食、甜品，飲品，齊晒無煩惱用電話scan QR code 自行落單，🤩食物新鮮熱辣送上～魷魚圈脆卜卜，新鮮熱騰騰之外，無油膩感，唔通用咗氣炸鍋😝😝法式洋蔥湯～濃郁香甜洋蔥味😋🥰pizza係堂食先得，即叫即焗，熱辣辣上枱，芝士凍咗就唔好食。淡淡水牛芝士味洋溢口中，Yummy😋清新沙律，配上開胃沙律醬～應該係開胃前菜，但竟然上完pizza先嚟🤣🤣雖然遲上，但之後發覺引伸好處就係refesh一下口腔....迎接之後嘅Mac and cheese😈蒜蓉鮮蝦Mac and cheese, 真係好耐無食過咁邪惡嘅食物，抵抗不了濃郁香滑芝士通粉，一啖接一啖🤩鮮蝦口感爽爽～芝士通粉creamy~~正到最後，精美甜品tiramisu, 甜度適中，淡淡朱古力同咖啡香，可以大件啲嗎？好味想encore希望疫情過去，可以全店客滿，再來狂熱一番🥳

呢度價錢相宜，單點意粉約$58-98，Pizza 約$48-128，種類算多，選擇困難，揀佢哋嘅套餐就係最佳之選喇～ 今次就揀咗呢個$368嘅二人餐 Meat & Fish Holic Set。QRcode，自助落單，好方便特濃南瓜粟米忌廉湯 Pumpkin & Corn Cream Soup南瓜味好濃，質地算滑，略嫌偏甜法式芝士洋蔥湯French Onion Soup好香，法包索個洋蔥湯，好味，推介！鮭魚凱撒沙律 Salmon Caesar Salad (half)沙律菜新鮮，鍾意有勁多芝士粉秘製炸雞 Homemade Deep-fried Chicken入味，唔乾，皮唔算好脆，但肉質算嫩，最正係無骨芝士煙肉帶子忌廉意粉 Cream Cheese Pasta with Scallop & Bacon芝士味濃，趁熱食會好味啲檸檬牛油烤原條白身魚配蘆筍 Grilled Whole Fish Fillet with Lemon Butter Sauce 醬汁酸酸甜甜，幾開胃，魚肉嫩滑，但好似唔見有蘆筍飲品揀咗凍檸茶同埋凍水果茶，其實個茶底係一樣嘅，水果茶係有一片鮮橙同埋一塊奇異果。甜品係T

放工我見出面落緊大雨，變去一間少人的地方吃午餐，結果選擇了意粉狂熱， 兩碟意粉賣相精緻， 適量都頗為充足， 食落香味夠濃， 意粉亦都可以加大一倍方便大食既人 ， 而我亦都叫了一個水果茶，但甜度唔太甜，可以岩女士飲用