意粉狂熱 (皇室堡) (Closed)

夜晚趕住去睇戲，但又不想求其吃點東西，我和朋友走到了皇室堡，記得有一間意粉狂熱，我們便決定在哪裏吃個快速的晚餐！這裏可以散點，也有各式套餐，因為我們的時間有限所以點二人套餐就最方便！這裏的二人套餐也有三款，價錢相當親民，我們最後選了$358的Meat & Fish Holic Set，餐湯頭盤主菜都可以選擇自己喜歡的，套餐有9 樣食物，非常豐富！用Qr code下單。特濃南瓜粟米忌廉湯&法式芝士洋蔥湯南瓜粟米湯好creamy，洋蔥湯也很好飲，很甜，上面的麵包吸滿洋蔥湯，美味！三文魚凱撒沙律煙三文魚加上新鮮的沙律菜，還有滿滿芝士碎，完全不會覺得單調，清新又好吃！脆炸薯角熱辣辣，好香脆！芝士煙肉帶子忌廉意粉意粉軟硬度適中，加上芝士和煙肉令味道更提升，還有很健康的菠菜！香烤安格斯一口牛柳用鐵板上，一來到的時候聞到非常香，空氣都充滿洋蔥的香氣，牛柳非常之淋，點上燒汁非常美味！飲品我點了洋甘菊茶，消消膩！甜品有Tiramisu！這裏上餐的速度很快，侍應很有禮貌，不喜歡等太久的朋友可以選擇意粉狂熱！

糧尾想搵好嘢食，呢間餐廳絕對係我每個月嘅選擇，食西餐多數都比較貴，但呢度三百幾蚊有二人餐，有前菜頭盤主菜飲品連甜品都有，真係好抵食我揀咗2款，一款係雞亦，檸檬醬特別開胃，雞亦唔會煮得好硬，保持嫩滑係我每次必食佢的原因。另一款點左煙三文魚沙律，煙三文魚有煙燻嘅香味，配埋新鮮蔬菜一齊食，配埋醬汁，酸酸甜甜特別開胃餐湯我叫咗南瓜湯，朋友叫咗洋蔥湯，兩個都好好味，味道濃郁，入口好creamy。主菜叫咗一碟白酒煮蜆意粉，另一個係燒牛柳粒，意粉味道好好，白酒煮出嚟有一陣陣酒香，好好味，啲顯蜆雖然唔係好大隻不過好鮮甜，意粉軟硬度啱啱好，差不多每次嚟我都會食呢個意粉，正。牛柳粒我今次係第一次試，估唔到有驚喜，牛肉軟身有牛味，配埋醬汁，一啖一口好惹味。仲有我至愛的肥薯條，份量勁多，超滿足。飲品加$12就可以升級日本啤酒，佢仲可以點UCC咖啡唔洗加錢，真係冇唔飲嘅理由，哈哈！最後食埋甜品，雖然價錢係大眾化但係食物質素一啲都唔差，下個月尾我又來啦，哈哈！

今日喺銅鑼灣整完頭髮！帶住個好心情順便食埋晚餐先返屋企啦經過見到呢間野平平哋一於試下佢意式薄切忌廉芝士三文魚卷 omg ~ 滿滿既三文魚包住啲忌廉芝士 一次過將最愛放晒入口！ 滿滿的幸福👅👅香烤雞翼我哋嗌咗檸檬蜜糖味！！ 佢哋比較特別蜜糖係另外放既食嘅時候先至自己點既 放埋啲檸檬汁酸酸甜甜好味好味~~溫泉蛋芝士卡邦尼意粉 係溫泉蛋呀 吉爛佢撈落去 濃濃既蛋汁， 真係加晒分啦！！蘋果益力多超級特別 好好飲架，又唔會太甜岩岩好

因為想食意粉所以揀咗Pastaholic原來Pastaholic係和民旗下既平民意粉專門店價錢都相對係實惠🙌🏻.食物方面:🔘法式芝士洋蔥湯唔算好香洋蔥味.洋蔥煮到好淋.中間嘅多士已經入晒洋蔥湯味味道唔會過鹹還可以.但啲湯有啲稀🔘海蝦牛油果法包多士好香脆.海蝦配牛油果好夾一人一件做餐前小食好適合🤗🔘日本魷魚雜菌明太子忌廉意粉好香濃嘅明太子忌廉味.魷魚好彈牙.意粉軟硬度適中整體好夾好好味💁🏻‍♀️🔘海老忌廉芝士焗飯因為見到餐牌係Must Try Items所以就試下.一上枱已經聞到超香忌廉汁好多好濃郁蝦都好新鮮好大隻最特別係上面有一粒粒忌廉芝士☺️連埋忌廉芝士更加濃郁嘅芝士味芝士迷絕對唔可以錯過🤩🔘瑪格麗特披薩🍕因為好鍾意食芝士同埋pizza嘅關係另外叫咗半份.呢間嘅Pizza係即叫即整好香脆.好多芝士.有拉絲效果🙌🏻.🔘飲品叫左芒果益力多.柚子梳打正常味道.都ok.整體方面:想食意粉嘅朋友不妨黎試吓🙆🏻‍♀️價錢合理而且有質素款式都好多環境服務各方面都唔錯👍🏻

有朋友推介意粉狂熱係間唔錯嘅餐廳所以今次行開街就去試吓依間位於銅鑼灣既餐廳！！餐牌內選擇眾多，有意粉，焗飯，沙律，小食同pizza，唔少得甜品，可以單點或者選擇套餐，價錢合理今次揀咗芝士香烤雞翼，芝士肉醬千層麵，芝士焗薯角同香蕉朱古力Pizza，加兩杯飲品！！芝士香烤雞翼，雞翼上舖滿芝士，好邪惡，而且芝士味極濃，幾適合中意食芝士既朋友仔芝士肉醬千層麵，千層麵層次分明，一層層咁，肉醬味重，再加埋芝士，成個味道好正芝士焗薯角，又香口，內裡薯肉鬆脆，加上芝士，令一種風味香蕉朱古力Pizza，絕對係必食嘅甜品，pizza上佈滿朱古力醬同香蕉，再加埋朱古力雪糕，一冷一熱，簡直一流飲品就叫左柚子蜜梳打同凍檸茶。柚子蜜梳打，柚子蜜梳打水幾清新，又唔算太甜，幾好飲依間餐廳性價比高，環境唔錯，值得下次再去

以前成日以為皇室堡二樓得bb野賣，一直都無乜點專登行哂成層，原來轉角位仲有間食意粉既餐廳，個招牌同埋入面啲酒樽燈都好靚呀！仲有三款二人餐揀，包湯、前菜、主食、甜品同飲品，價錢仲要唔算貴，$268-$368豐儉由人，岩哂唔同Budget既情侶們，人多既話仲有四人餐添，真係幾抵食。-法式芝士洋蔥湯洋蔥湯入面有塊麵包喺入面浸住，吸哂洋蔥湯既精華，麵包上面仲有啲芝士添。-特濃南瓜粟米忌廉湯 南瓜味濃郁，粟米味好香甜，雖然個湯煮得好濃郁，仲帶少少蓉狀，但因為有忌廉所以飲落去依然好順滑。兩個湯入面我中意南瓜湯多啲！-三文魚凱撒沙律羅馬生菜同隻碟都雪到凍冰冰，生菜同蕃茄仔都新鮮爽脆，麵包粒卜卜脆，蒜味極濃，再加埋有三文魚，成碟都好好食，推介！-檸檬蜜糖雞翼烤得岩岩好，咬落去啲肉汁爆哂出黎，味道同我想像中既檸檬蜜糖雞翼有啲唔同，檸檬味比較突出，同埋醬汁有啲稀，如果杰啲會好食好多。-溫泉蛋蒜香蘑菇鮮製意粉店名叫得做Pastaholic又點可以唔試下佢地個意粉呢，店名無改錯，意粉的確好食，麵質爽滑彈牙帶蛋香，撈埋溫泉蛋食仲香，而且唔知係咪用重鹽水煮過，好入味，但蒜香醬汁有啲稀，不過唔影響味道，配蘑菇好好食

成日去開皇室堡睇戲都好少會留意到餐廳或食肆，今次有幸一嚐以歐陸風格主題既「意粉狂熱」。招牌意粉就當然係主角啦！餐廳用既係日式意粉，姐係「生麵」。由自家小麥粉製成，口感上有別於一般傳統意粉。餐廳格房寬敞，餐廳裡既傢俱都帶有木系元素，利用酒樽設計成玻璃吊燈，別具特色。的確睇到每個細節都有落過心思！👇📌Pasta & Pizza Holic Set - $318/For 2▪ 特濃南瓜栗米忌廉湯 ▪ 法式芝士洋蔥湯 ▪ 香草雞肉凱撒沙律(半份)▫ 呢到既價錢都係大玩親民，非常貼地，就好似我呢晚揀既二人餐，分別有成九個items咁多！Pasta同Pizza仲有好多口味比你揀，我就覺得幾抵食。餐廳落單係好方便，只需要掃下個code就搞掂。我同朋友先試左兩款湯同埋沙律，洋蔥湯裡面放左好多半溶芝士，包心吸收哂湯汁，特別滋味。沙律份量幾多，味道清新，唔錯！▪ 香烤雞翼配檸檬蜜糖(4隻) ▫ 本來糾結係炸雞同烤雞之間，最後揀左烤雞，不過無失望。肉質嫩滑又夠多汁，質素比想像中好食，蜜糖亦好夠味，唔會太甜。▪ 芝士煙肉帶子忌廉意粉▫ 忌廉汁非常惹味，配搭芝士簡直係最好不過，帶子幾有鮮味。麵條粗幼均勻，唔會好

行過皇室堡幾次，次次見到呢間意粉狂熱既門口都大排長龍，今次終於見少人啲有機會試下佢啲意粉有幾狂熱🤣🔥一開menu，見到意粉、pizza都有好多款選擇，而且價錢唔貴，普遍黎講$58-88。而因為我地乜都想試下，最後就揀左呢個二人set，有兩個湯，一個沙律、餐前小食、意粉、pizza，最後兩個甜品同餐飲。餐前小食我哋叫咗蜜糖雞翼，意粉就揀咗蒜香白酒蜆肉意粉，另外Pizza就要咗經典嘅瑪格麗特pizza。大食既我哋仲另外點多咗個芝士忌廉雞肉千層麵🤣當中個Pizza既皮好薄身，上面溶晒嘅水牛芝士好多好吸引，拉絲效果不俗！而千層麵都唔錯，質素拍得住意粉屋個啲😆總括黎講$3xx食到個質素幾好既二人餐，仲要係皇室堡呢啲咁方便既地方，cp值都真係算幾高架！🔝

呢間 Pastaholic 我已經幫襯過好多次, 事關佢 D Set Dinner 真係又抵食又好食｡特濃南瓜粟米忌廉湯非常香濃嘅南瓜粟米味, 而且夠晒 Creamy香草雞肉凱撒沙律 (半份)半份都已然咁大碟, 沙律菜好爽脆, 雞肉亦都大大塊, 加埋 Caesar Salad 醬, 非常開胃｡意式炸魷魚圈配他他汁魷魚圈炸到金黃色, 夠乾身夠香脆, 而且又唔會好油膩, 配埋他他汁真係 Perfect Match 芝士肉醬千層麵配料唔會過多, 肉醬、茄醬 & 芝士嘅份量啱啱好, 所以食完都唔會有飽滯感瑪格麗特披薩 (配新鮮水牛芝士)Pizza 底夠薄, 而且批邊非常香脆, Pizza 材料用左番茄醬、水牛芝士、九層塔葉、車厘茄, 食得出鮮番茄嘅自然酸甜味道, 水牛芝士增添左軟滑嘅口感是日甜品甜品係 Tiramisu, 切到細細舊, 一口一啖水果茶用左新鮮香橙 & 奇異果, 味道微甜, 夠晒 Refresh

瑪特麗格披薩 $58呢間野好抵玩 平價西餐又有一定質素主菜先叫份pizza 有樣野餐廳幾體貼 pizza都有大細揀 我見隔離檯兩公婆叫左兩款細pizza呢款其實係水牛芝士 料無乜 不過淨係份濃郁芝士都夠殺 方形pizza薄批脆邊 有幾粒開邊車厘茄 整體味道係唔錯 標準水牛芝士批水準 無因為價錢平而失色法式芝士洋蔥湯 $38呢份湯唔少好評 所以特登叫返碗法式唔法式唔使斟酌 一塊幾濃芝士味既多士係湯中 幾搶fo塊芝士多除左重芝士味 烘過既多士浸湯食 口感都仲唔錯 而且唔少洋蔥吊味 入口甚佳除左塊多士 幾實洋蔥湯本身都ok 洋蔥切哂粒 啖啖湯都食到 口味濃淡得宜 適合大部份人雙重辣味煙肉蒜香魔鬼意粉 $58餐廳叫意粉狂熱 又點少得叫碟意粉可以俾啲心理準備大家 碟意粉料確實唔多 味就真係唔少所謂味係指佢調出黎既辣味 你話好辣又唔係 不過辣又真係意粉既唯一主調 點雙重辣我就唔知 反正係乾身處理而唔係辣汁至於煙肉 多啲口感咁 加減食下咁係幾單調下 不過味道唔差 價錢比其他意粉要平 當然唔食辣就完全唔使諗芝士牛肝菌濃汁鮮製意粉 $78呢碟係扁意粉黎主要特色係佢調既汁面 汁底反而唔多覺 汁面紅紅地既醬

今日同男朋友行街經過，所以去左食。係銅鑼灣黎講，餐廳食物普遍吾貴。叫左個小食拼盤，可以揀3款小食，我地叫左蜜糖雞翼、焗大菇同parma ham。雞翼如果可以烤得香口d就好，直接比蜜糖點有d吾太夾。但大菇焗得幾香，重好juicy，好多菇汁既精華。而parma ham還好，味道吾夠突出。呢個三文魚卷幾好食，中間包住芝士、奇異果，好fresh，又有口感，正！之後重叫左菠菜三文魚意粉，味道一般，吾夠味，而意粉比較乾，有少少失望。

同個FRIEND係皇室堡睇完BB嘢， 行過呢間PASTAHOLIC見無乜人就入咗去我地叫咗＄318嘅二人餐仲加咗＄12轉咗餐酒不過D酒無乜酒味， 似開咗一排， 可能無人會係度飲酒啦粟米湯熱辣辣， 又有濃濃嘅粟米味， 唔錯WOR沙律都算新鮮蒜香白酒汁海蜆意粉好香蒜蓉味呀～意粉軟硬度適中蜆肉唔算多， 不過好彩無沙， 唔錯！芝士牛油果烤雞PIZZA係我鍾意食嘅薄皮PIZZA牛油果同雞肉嘅份量都平均配埋好香嘅芝士幾好食喎蜜糖雞翼， 好香好嫩， GOOD兩個人埋單唔洗＄400份量又唔細， 食物唔錯有坐得舒服會再嚟！

看了電視的意大利旅遊節目，就想吃 pasta & pizza，找來在皇室堡這家Pastaholic。環境很好，感覺舒適。店家相當入流，採用QR code 落單，咁就唔會漏單啦！揀左意粉&披薩狂熱套餐，$318包湯x2、沙律、小食、pasta、pizza、dessert 和drinks x 2，好划算！一般餐廳都只有紅白湯，很少有法式芝士洋蔥湯，非常吸引，湯入面有法包和一大塊芝士，而且味道正宗，推介！秘製炸雞炸得好酥脆，雞肉嫩滑入味。特濃南瓜粟米忌廉湯也不錯。香草雞肉凱薩沙律(半份)很新鮮，加了脆脆garlic bread crumble ，好重蒜味，蠻有水準的。冰奶茶意式炸魷魚圈配他他汁($38)，魷魚厚身彈牙，份量可以再多一點就好啦。草莓荔枝綠茶 (熱)，果味香濃。芝士牛油果烤雞披薩新鮮烤的，熱辣辣，餅底薄脆有嚼勁，配料配搭也很健康，吃了也覺得很輕盈，一點都不膩。意大利香蒜蝦mac n cheese也是現焗的，好多芝士，好邪惡！甜品是Tiramisu配鮮芒果和忌廉。

Scan code訂餐可惜有部分不能自選如餐飲後上，結果要手寫，服務態度很好，點餐用戶界面唔user friendly，食品算用心,吃慣Pizza Hut味道可以一試，新鮮不過蜆有沙。

記得之前黎食過下午茶幾抵食，於是再返轉頭食！不過今日黎到係無下午茶既！ 無所謂啦！依加落單係要自己喺scan完QR code再手提電話度落單叫左個炸雞有4粒，無跟醬汁，咸咸地幾好食，不過炸過龍左少少之後叫左個半份既parma ham pizza個批底無咩味，佢地唔係用火箭菜，係用生菜，個人口味唔同，我唔鐘意呢個配搭另外叫左個雞肉千層麵雞肉好乾，千層麵入面既肉醬唔係好平均，最好就係熱辣辣囉⋯⋯呢間餐廳最好就係坐得舒服⋯