意粉狂熱 (皇室堡) (Closed)

❤❤❤❤❤❤❤❤❤❤❤❤❤❤❤❤經開銅鑼灣~諗起係旺角上次食嘅意粉狂熱🍝決定今晚去食多次☝位置皇室堡商場裡面🏠餐廳環境好靚呀 座位都幾多坐得好舒服!😍幾鍾意呢度的意粉除咗多款之外仲可以加10蚊可以意粉加量!!menu 好多食物選擇❤除咗意粉小吃唔錯之外扒同薯菜都一樣咁出色!!有時侯點個小食chill番杯呢度都唔錯😛🙌約會/ 朋友聚會/ family day 啱曬!!💞❤❤❤❤❤❤❤❤❤❤❤❤❤❤❤

朋友gathering，有人提議去尼到食～我都ok，上次食完 感覺都不錯 野食平靚正😋意式炸魷魚圈配他他汁 ($38)有4個圈圈，粉漿炸得幾脆，入面魷魚都幾厚肉，食落唔會覺得好油膩👍鮭魚牛油果羅勒披薩(大) ($108)朋友好中意牛油果！所以試下尼個pizza哇成個pizza都綠色，好多牛油果😻仲要大大粒！有埋鮭魚成個配搭新奇得黎幾唔錯！海老忌廉芝士焗飯( $78 )正！焗飯係茄汁炒飯底！上枱熱辣辣～除左面有拉絲芝士外，仲有cream cheese！酸酸甜甜我超中意！唯一挑剔既係蝦唔新鮮，雖然彈牙既～埋單每人一百到，晚餐黎講堅抵！會encore✌🏻

呢幾日皇室堡幾間SHOP都做緊特價，我地血拚完就上左2樓呢間餐廳補充番體力~睇下menu，PASTA & Pizza二人餐$318有哂我地想食既野於是即刻落單~法式芝士洋蔥湯、香草雞肉凱撒沙律(半份)餐湯本來有南瓜湯揀，但呢日賣哂所以只好兩份都叫洋蔥湯。洋蔥湯入面浸左塊中間夾有芝士既麵包，無可厚非洋蔥湯味濃，但麵包個口感我未接受到~🙊我麻麻地呢種質感但朋友話法式洋蔥湯係咁的，仲搶埋我果碗飲!香草雞肉凱撒沙律雖然話係半份但其實都幾多，兩個人食都足夠，落左超多芝士粉，cheese lover一定鍾意。意式炸魷魚圈配他他汁以前學過整呢道菜，係要落啤酒先做到魷魚圈呢種外層脆脆既質感~魷魚圈唔韌容易咬開，他他汁酸酸甜甜同炸魷魚圈絕對係好朋友! 一客4件岩岩好唔會食得太多過滯。秘製炸雞呢個係朋友落單後要叫唔係餐入面既，餐入面包一款小食但我地已經揀左魷魚圈，所以單叫炸雞要$48~味道黎講秘製真係唔同d，食唔出醃料有d咩，只係覺得醃得成舊雞好香~雞肉唔鞋有肉汁，好食!照燒雞蛋黃醬pizzaPizza叫左照燒雞蛋黃醬呢款，醬汁加埋芝士同雞肉，成個味道好豐富，配埋薄批底，雖然有10寸大但兩個人食下食下好快

開放式嘅廚房設計，一盞盞吊燈帶點復古嘅感覺。店內嘅裝修設計簡約但不失格調，充滿青春氣息，感覺舒服。思前想後，最後決定叫一個2人套餐。Soup特濃南瓜粟米忌廉湯其中一款本人較喜歡嘅湯，湯本身煮得夠稠身，證明都足料，而南瓜和忌廉味亦都好濃郁，湯飲落口感好滑。法式芝士洋蔥湯湯入面好多洋蔥碎粒，洋蔥香味濃烈，中間嘅芝士多士完全浸透了，吸收了洋蔥嘅味道，飲落味道唔錯。Salad鮭魚凱撒沙律份量唔算好多，沙律菜新鮮食落爽脆，鮭魚鮮甜肥美，仲有蛋，雞肉凍食配合沙律菜，感覺清新。Appetizer西班牙蒜香橄欖油煮雜菇雜菇切成細粒，連同色彩斑斕嘅紅椒青椒，加上西蘭花，與蒜片一齊烹飪，蒜香自然非常入味。不過整體偏油，可能橄欖油落得太多，同有少少過咸，不過煮得幾香。Pasta蒜香白酒汁海蜆意粉個人覺得意粉軟硬度適中，唔會好濕，比較乾身。味道方面層次都算豐富鮮明，蒜香味好出，再加上有淡淡嘅酒香，配以蜆肉的鮮味，配搭得唔錯，不過略嫌蜆肉細粒左少少。Grilled Dish香烤安格斯一口牛柳用鐵板上，上枱時已覺得好香好吸引，仲有炸薯角，配以黑椒汁同茄汁。牛柳嘅肉質唔韌而且好有牛味，裏面仲帶點少少粉紅色，生熟度啱

話說今日接放工，我已經對銅鑼灣非常熟悉，咁啱女友要去皇室堡換coupon，咁啱又落雨，所以就唔周圍走，直接試下依間意粉狂熱，點知又唔錯喎⋯⋯😍佢有三個套餐，我哋最後揀咗依個最貴嘅，因為有牛扒，安格斯牛扒都係加$48 ，所以就揀呢個🍴呢個洋蔥湯都幾好，因為其實我唔係好食洋蔥，但我都飲晒，中間個舊唔知咩嚟，好似油炸鬼，浸咗啲湯都幾好食😂依個南瓜粟米湯，女友就讚不絕口，因為佢粟米味濃過南瓜味，女友就好鍾意食粟米，所以成碗飲晒🤓唔使講，逢係去食西餐有沙律我就必會叫，當然又係我食晒啦😋兩杯飲品簡簡單單，清清地估唔到個意粉又做得幾好，軟硬適中有少少彈牙，煮得啱啱好，如果再多啲汁就更加好😁主菜到啦，好大塊牛扒，中間嗰舊好似係牛油加咗啲唔知乜葱，放落塊鐵板度咋渣聲，啲香氣冲晒上嚟，牛扒好林，個薯角非常好食，其實我唔係好食炸嘢，但係都食晒，因為佢炸得唔油膩👍🏻👍🏻薯蓉球啱哂我同女友，因為佢鍾意食黑松露、我鍾意食蟹子最後食埋甜品，真係飽到上心口😆

今日同一個好耐無見的朋友食晚餐，約咗6點食，因為大家都早放。黎到皇室堡2/F, 好大好有型的意大利餐廳。燈飾是用酒瓶製成，好特別！坐位好舒適！食物種類好多，餐牌好靚又多色彩，又有不同的sets，而且價錢好抵食特濃南瓜粟米忌廉湯 粟米味重，南瓜味不太突出。香烤羊扒 份量勁之大級 出場又係要嘩一聲 我覺得似是二人份量 因我為是鐵板上菜的 所以不用叫太熟 鐵板會一直「狂熱」住塊扒的和風四重披薩我黎講PIZZA簡簡單單已經好好食，就咁食就有淡淡芝士味，加啲附上既蜜糖醬，就會有第二種味道，甜甜地好吸引，我比較鐘意加蜜糖醬既味道其間意粉到達，雖然視覺上個蕃茄汁好稀，但味道係喜出望外地好食！一般忌廉汁會予人食得多會溜嘅印象，但估唔到佢加入蕃茄後，會有種相輔相成嘅作用，平平淡淡中有一點酸跳出。令人有種食唔停嘅效果，再配搭去邊都夾嘅煙肉雜菇，整體非常唔錯總結，整體真係覺得性價比高。成日聽回流返港嘅朋友話係香港食意大利野會出事，但我覺得呢間餐廳絕對可以平反一下。非常推薦比一家大細或朋友聚會嘅意大利菜餐廳。

今日放工約左朋友食晚飯，去左意粉狂熱度食，地點係銅鑼灣，非常方便。佢地方非常大同寛敞，非常適合一大班人傾偈相聚我地3個人就決定要左個二人餐： 肉&魚狂熱套餐 (HKD 368)，另外再加左個明太子海鮮pizza。 個二人餐好豐富，有特濃南瓜粟米忌廉湯，前菜我地要左鮭魚凱撒沙律，小食就叫左秘製炸雞。至於意粉我地要左芝士煙肉帶子忌廉意粉。因為我地都係食肉獸，所以加左HKD 48 叫左個香烤黑安格斯西冷牛扒。是日甜品就係Tiramisu。先呢既就係個湯，好香好creamy，好多栗米同南瓜蓉，味道口感唔錯。個沙律就好多菜好多鮭魚，分量好大，魚好鮮甜，係幾好既開胃前菜個炸雞唔油膩，雞肉鮮嫩，唔韌，加埋啲檸檬汁，正個意粉賣相唔錯，好香芝士味，帶子又多又大隻。個西冷牛排我地要左7成熟，肉質鮮嫩，啲肉汁完全鎖住，點埋佢既秘製醬汁好好味呀，分量又夠大。佢仲有薯仔伴碟，真係醫哂我地既黑洞肚。個pizza 好大，好香芝士味，拉個陣有芝士拉絲。 味道好好味，同啲海鮮好夾。跟餐飲品就要左凍水果茶同埋橙汁，另外就額外叫左芒果益力多 (HKD 33)。味道就唔錯。個甜品幾好味，如果再大份啲就好la。

Pastaholic今次森仔又做孝子，和媽媽去食好東西👍🏼👍🏼所以去到銅鑼灣皇室堡果到試一間日式西餐廳🍴，叫Pastaholic😎餐廳🍴環境很舒適，有沙發🛋️讓食客坐！而空間亦很大，估計可以招待60-80人。而枱和枱之間空間亦很夠，讓人可以放心談天。而牌單亦都製作得非常精美，讓人知道每道菜式的賣相，方便客人選擇👍🏼👍🏼同時，店員服務也不錯，蠻有禮貌，不過人手多加1-2人在店面，會比較好的😆食物方面，我地叫左香辣煙肉蒜香意粉（意粉增量），牛油果🥑忌廉煎三文魚扁意粉和小食拼盤。香辣煙肉蒜香意粉（意粉增量）這個香辣個汁真係好正，十分惹味，但又唔算好辣。濃味怪必試👍🏼👍🏼🤣而個蒜香味亦都好重，和香辣味相輔相乘😻同時亦有好多煙肉，令到意粉不會太濟，有足夠的肉類🤣最正係男士怕唔夠飽，仲可以意粉增量👍🏼👍🏼加$10就可以有1.5倍的意粉🤣大胃王都唔怕唔夠飽🙈🙈🙈牛油果🥑忌廉煎三文魚扁意粉這個味道幾創新，牛油果🥑沙律食得多，但牛油果既意粉就少d見。個味道主要重忌廉味，帶少少牛油果香味，再配上切粒既牛油果🥑，入口即溶既感覺正👍🏼👍🏼而個三文魚亦煎得幾香同岩岩好，唔會腥。不過三文魚味就唔太重，不過不失啦😆扁

從來未寫過食評，但依間實在太伏，為免其他人中伏，專登要寫食評！今日突然好想食意粉，早幾日食開的餐廳未轉 lunch menu，於是就上 open rice 睇吓銅鑼灣仲有咩意粉餐廳，然後大熱天時由鵝頸橋行到嚟皇室堡揾上依間 Pastaholic。平日1點 Lunch time 嚟到，餐廳大約得一半滿座，都怕中伏但既然行咗咁遠，都費時轉場，唯有試吓。一場嚟到就試吓佢個自製意粉，揀咗「溫泉蛋蒜香蘑菇鮮製意粉」，配洋蔥湯同熱奶茶。落單時仕應聽完，單都無覆就行開去落單。上菜速度都唔錯嘅，好快就上咗個洋蔥湯，入面的洋蔥切成一粒粒，而唔係平時見開的切絲，味道偏鹹，不過我都飲晒。然後就到主角意粉，一嚟個賣相真係唔掂，但温泉蛋好細粒咁，蒜香亦唔太覺。食落去真係唔掂，首先又係鹹，蘑菇整得唔好食，好似就咁烚完再放落去咁。所謂的自製意粉亦一陣鹼味，碟底一堆水，最後只係格硬食得 3 份 1！真係去便利店叮個意粉都冇咁嬲。然後到熱奶茶，茶味比較淡，唉，成個 lunch 無樣掂！依間以後唔會再試，太失望！

今日同老公行完街街睇完戲行下皇室堡，發現呢到有間意粉狂熱，呢間真係好好食，難得經過一於晚飯就食佢啦！先黎個一人前Pizza 「脆皮腸肉醬大啡菇披薩」$58呢個一人前份量都夠哂兩個月食，Pizza皮鬆軟有口感，芝士滿滿的，超好食！「日本魷魚蘆筍橄欖油辣味意粉」$68意粉軟硬度適中，香辣惹味又大大份，魷魚不會煮得太老，超有水準的意粉！小食有「秘製炸雞」$48炸雞炸得金金黃黃脆卜卜，內裡肉質嫩滑又多汁，配上檸檬汁係炸雞面上更惹味開胃！「香烤安格斯一口牛柳」$158必食首選，牛肉大大粒，粒粒都好厚切，肉質超嫩滑，唔洗調味都已經好好食，薯格更是香口得不得了！

落雨天，最好行商場，銅鑼灣皇室堡有間Pasta Holic, 我鍾意嗰度裝修靚，今天自己一個人，叫咗個特制巴馬臣芝士番茄意粉，最啱我今日食素（1個月我會揀幾日食素），佢嘅芝士同蕃茄醬汁配合得啱啱好，芝士味道唔會太咸或者太濃味（我鍾意食淡味嘅芝士），🍅番茄醬裏面有啲切碎左嘅蕃茄粒，雖然冇肉類，但係咬落去口感都好好😋，意粉份量唔太多，如果想食多啲，可以加錢變1.5倍嘅份量，鍾意食素嘅人，又可以多個選擇啦👍

行完宜家傢俬，順便去皇室堡意粉狂熱食Pizza，地方都算大，裝修得幾新派，最特別係用玻璃樽做燈飾，我叫咗個黃金四重芝士pizza，佢仲配咗個蜜糖汁，我叫咗一個人份量，$58，價錢都適中，個Pizza批底係薄脆嘅，面層嘅芝士焗得好甘香，完全啱晒我呢個芝士狅, 只係啲芝士好似薄咗少少，如果可以加厚D，有拉絲嘅效果就更好，不過我就麻麻哋喜歡配蜜糖汁一齊食，反而我將個蜜糖倒落杯水度，當蜜糖水飲仲好味，平平哋又一餐啊

Pastaholic係和民集團𣄃下日式fusion西餐Menu上全部食物都真係有圖有真相，單單是二人餐已經有三款， 價錢一啲都不貴，仲齊餐湯、沙律、小食、主菜同甜品 ，最貴set先$368，抵到爛！法式芝士洋蔥湯有大量切碎左嘅洋蔥，有嚼口之餘仲有陣陣洋蔥甜香南瓜特濃粟米忌廉湯，粟米味比較重而且口感creamy凱撒沙律原以為一定細細碟，份量比相像中大碟且新鮮，有不少麵包粒、車厘茄，誠意十足!秘製炸鷄，雞塊外層炸酥脆可口，但內裏的肉質依然保持juicy蒜香白酒汁海蜆意粉份量十足，而意粉質感都唔錯，幼身彈牙，用欖油炒過，味度偏淡但幾香蒜味，加少少辣椒醬更惹味安格斯一口牛柳成份用鐵板上，另外有一塊熱石，所以可以自己控制生熟程度，牛柳粒肉汁多，而且好厚肉。是日甜品係濃郁的朱古力配士多啤梨，細細件已經好滿足！

星期六跟太太行完銅鑼灣Sogo，到咗晚飯時間，太太提議去食意大利餐，於是就去了上次食完味道不錯，價錢合理既意粉狂熱。銅鑼灣分店位於皇室堡2樓，座位很鬆動，可以望到半開放式廚房，廚師們在忙碌地準備食物。餐牌選擇十分豐富，小食、湯、沙律、意粉、牛扒、薄餅和甜品，應有盡有。飲品啤酒、芒果益力多經典三式拼盤意式薄切三文魚忌廉芝士卷：肥美既三文魚配上淡淡既忌廉芝士味道十紛配搭。脆炸有皮薯角：薯角炸到又脆又香非常滋味。秘製炸雞：雞塊炸到皮香肉滑，而且肉汁豐富，而且又咸又香。蒜香白酒汁炒蜆意粉意粉炒得乾身，白酒既甜，蒜蓉既香，加上鮮甜既蜆肉，十分美味可口。黃金四重奏芝士Pizza四種不同的芝士溶化了，互相交織在一起，配上皮薄底脆既Pizza餅底，非常好食。帕爾馬火腿三色沙律Pizza油脂味十足既帕爾馬火腿，有苦甜既沙律菜作中和，再多食兩塊，也不會膩。甜品香蕉朱古力雪糕Pizza冰冷香甜既朱古力雪糕，配上香脆既pizza，加上淡淡既肉桂粉既香味，非常有趣。

今天下班跟女友在銅鑼灣行逛，走在煩囂的百德新街，工作中帶來的煩惱没有減少；但因為身邊的另一半，望著她那無懮的臉龐，所有不快也漸漸消失；所以我是享受下班以後跟女友見見面的。 我們走著走著，每個商場都幾乎行了遍，當然大部分時間也是走馬看花，當走到皇室堡時，我們決定是時候填飽肚子，看著商場水牌，搜索著那間比較吸引，最後我們選了一家名叫Pastaholic 意粉迷的一家西餐廳。 餐廳裝潢新穎摩登，開放式的廚房、寬敞的座位，給人感覺舒適自在。 我們點了一個2人套餐，餐湯有特濃南瓜粟米忌廉湯、法式芝士洋蔥湯；半份沙律；主菜有芝士煙肉帶子忌廉意粉、和風照燒雜菌蛋黃醬意粉；還有是日甜品，及飲品。除了套餐，我們還點了意式薄切三文魚忌廉芝士卷、意式炸魷魚圈配他他醬。 食物很快便上枱，首先要贊贊南瓜湯，入口濃郁的南瓜味，與粟米及忌廉完美融合。相反，法式芝士洋蔥湯就有點讓人失望，可能反覆烹調得太久，有點過咸。 芝士煙肉帶子忌廉意粉，入口没有很濃厚的芝士味，但每樣材料都均衡地融合在一起，卻讓味道顯得不單調。 和風照燒雜菌蛋黃醬意粉，蛋黃醬味道濃郁，與和風醬互相輝映，層次分明；但對於比較傳統的食家，可能會覺得其味