Patisserie Tony Wong Dessert Cafe (Closed)

聽人地講左好多次Tony Wong d野又好味又靚，尋晚終於嘗試到啦呢個雜果fruit tart 真係好得，好好味今次訂左一個pizza款既雜果芝士忌廉撻幫男朋友慶祝生日，又靚又colorful ，一件一款生果，真係設計到好似個生果pizza一樣方便一d唔係款款生果都食既人，生果好甜好新鮮，芝士又唔會好rich,mix埋d custard 簡直係完美，個size又好岩4-5個人食，就算食完晚飯都仲可以食得落，下次一定要再試埋其他蛋糕🍰

今日入咗元朗搵奶奶食飯，但入到去仲未夠鐘食飯，又有啲肚餓喎🤔所以睇下水牌見到有間Tony Wong cafe 咁就去食返件cake先啦！入到黎老公係芒果怪所以就揀咗個芒果四重奏，而我就揀左件cheesecake加杯野飲，因為依度係有最低消費，每人要$60蚊，個芒果四重奏裏面有一個奶凍都幾好味又夠滑，拿破崙就好脆口好好味😋另外一杯好似芒果汁但有d空氣泡都幾好味，芒果球就麻麻地，cheesecake 質感厚同滑係我好鍾意既口感

成日行過見到個蛋糕櫃啲蛋糕好吸引，今日終於去食...企係面前企左好奈，因為件件都好靚，唔知揀咩好...入到去都有提示叫你去買餐既...sea salt chocolate... 見到蛋糕櫃有一件，但俾錢時店員話要等5分鐘，唔知點解... 外圍個啲唔知咩黎，但鬆鬆地脆脆地咁，幾好食。入面個朱古力蛋糕唔錯，微苦咁。食完我出去睇，蛋糕櫃依然仲有一舊係到，唔知我個舊係邊黎香橙檸檬梳乎厘佛手柑棉花糖... 個梳乎厘有橙粒橙皮咁，不過可以再熱啲。個綿花糖酸酸地咁，加埋都ok既。不過冇想像中咁好食...

今日有屋企人生日,咁之前有朋友介紹過TONG WONG蛋糕好好食,咁就上網睇下有咩款式啦由於屋企人好鍾意食拿破崙蛋糕咁就揀個芒果拿破崙啦Mango Napoleon (Flower)Vanilla Custard Cream Layers of Puff Pastry Fresh Mango $430 / 1LB 呢個芒果拿破崙蛋糕, 一睇就覺得個蛋糕好靚首先要講酥皮超鬆化,入面芒果mousse 甜度岩岩好仲,勁多芒果,芒果仲好鬼甜添。 食完真係好想再食多件,好好食值得推介食呢個拿破崙蛋糕

Tony Wong終於入左黎元朗Yoho.甜品控當然係雀躍今日同友人食飽晚飯，經過，又冇理由唔食架！地方舒服，唔洗點排隊，好快就迷座。與友人每人叫左份甜點share.我地挑選左兩款大熱：1.榛子班戟梳乎厘伴雲呢拿雪球$722.芒果四重奏 $84先說班戟梳乎厘，听個名好似好複製，但亦係佢創意所在。一次過滿足多款甜品願望。有班戟的特點，有梳乎厘既入口鬆軟，搭伴解膩既雲呢拿雪糕，真係多重口感，配搭一d都唔怪，食完好滿足。鐘意芒果既我，冇太多野諗就叫左四重奏。如圖，4款都好精緻，好有心機。4種都有唔同口感，就好似分開食緊4款甜品，岩晒貪心既我。最重要係，宜家唔係芒果當做，但佢芒果用料依然香甜

今日約佐男友食放題，訂佐7:30，見時間尚早咪周圍行下，見到TONY Wong 有隻新出既海鹽味，好似好吸引，仲要即叫即整，但見就食放題，買完擺係佢個度雪櫃，食完先返黎拎。其實即叫即整好似堂食好d，但買返屋企食都一樣好味，出面個一支支既棒仔好好食，入面既蛋糕唔係好甜，美味丫😘😘另外仲買佐兩件蛋糕，一件招牌甜品同北海道士多啤梨蛋糕，招牌甜品叫得招牌一d都唔失禮，濃濃既朱古力味簡直係甜到入心；講返個士多啤梨蛋糕，講真一分錢一分貨，佢個cream真係好滑，味道唔太甜，對於士多啤梨控既我黎講，呢件唔差😏😏總括黎講，簡唔中買黎讚獎勵下自己都ok既。

有聞Tony Wong的大名已久，但未有機會品嚐。今天一於試一下。這家店子以白色為主，輔以藍色作點綴。牆上有半立體的白色玫瑰圖案，感覺浪漫。餠櫃內有許多款精緻蛋糕，約＄50一件。每一件都好的式，造型精美，令有選擇困難症的我不知如何選擇. Peach delight$50(新口味）這旦糕造型精緻，頂層的透明香桃啫喱甜甜酸酸，口感爽彈。軟綿綿旦糕十分鬆軟又濕潤，中間除了白朱古力薄脆，還有爽口桃肉，味道香甜。爽爽啫喱，配上軟熟旦糕，仲有脆嘅朱古力同埋爽口嘅香桃肉，口感十分豐富，甜酸的平衡得宜，而甜美之中還透出香濃嘅雲呢拿味，唔錯！唯頂層啫喱比較挺身，和下層的軟綿旦糕有點分離，未能融為一體，否則口感應該會更好。Gold medal$50這朱古力旦糕有點像opera, 由一層一層的由四種不同的layer推疊而成。朱古力mousse 好香醇,加上頂層朱古力片同底層的脆脆，味道十分香甜，細味之申又透出淡淡的茉莉香同杏仁同榛子的nutty flavor，這種高貴的甜味和有層次口感，真是一大享受。推介這個多於新口味。感覺這家蛋糕款式比較特別，新口味幾創新，下次再試試其他旦糕。

一直知Tony Wong 好出名 尤其係果個玫瑰花🌹蛋糕 之前知元朗開左好開心即衝去食平日夜晚9點左右不用排 但竟然係無乜人既情況下..我朋友個榛子🌰pancake竟然等左50分鐘==係我果個食完佢果個都未上論環境 冷氣超凍 朋友叫侍應俾杯暖水 但杯水一望就唔係好乾淨==無飲論嘢食味道 講真 好一般 我果個pancake好彩係酸酸甜甜 叫做易開胃 加上棉花糖又酸酸地 夾住一齊食 都可以 但絕對稱不上係好好食我朋友果個..佢形容係難食☹️呢個價錢 可能真係一半用左黎交租吧下次係元朗食甜品都係食返B仔無咁嬲P.S. 榛子果個影得唔好😂因爲當時等太耐已經hea影😂😂😂請見諒😶

今天下午去了元朗Tony Wong餅店購買了一件新口味的Mango Passion Delight cake. 本意作為老公生日的後飯小甜品。店員也細心附上一支很精美的爉燭。因為只買一件的原因所以店員說不能給紙盒，只可用紙袋盛載，本人也小心奕奕地將小蛋糕帶回家。當回到家，本人打開看看。。。真的真的嚇傻了眼，也很驚訝，點解附上的叉會插在蛋糕上？？本人由Tony Wong第一間店九龍城店已開始幫襯，蛋糕精美的外型確實很引人注目，所以每逢喜興節日也會前來購買。主角們也會很開心喜悅，會發生今次的是真是前所未見。就算連街坊餅店也不會犯下的低級錯誤吧。何況是一家給予人專業十足的餅店。是次很失望的經歷，希望Tony Wong餅店能為員工提供更適當的培訓。

食完個滿足嘅晚餐，同朋友們去食甜品，今次嚟到鼎鼎大名的tony wong 甜品店，明顯地人流已經比剛剛開始開嘅商店少勁多好耐好耐之前食過鼎鼎有名嘅玫瑰花蛋糕，講真影相就真係好靚嘅，不過味道就非常之普通，今次諗住試埋佢其他出名嘅蛋糕睇吓好唔好食頭先叫咗個芒果四重奏，其實除咗嗰個napoleon 外，其他真係唔需要try,個書包同平時喺雪糕店度食嗰啲係一模一樣，個湯咁嘅嘢其實係好似食緊啲空氣咁冇咩特別，另一個食完都唔記得有咩味係個拿破崙好脆，同帝苑嗰個有得揮呢個心太軟超級失望，個蛋糕好硬太熟， 睇得出朱古力係用啲靚野，因為朱古力味道非常濃，不過成個比例係錯左，一切落去係全個蛋糕一齊動，朱古力都係流得5多，心太軟來講係fail橙味疏乎厘，香橙味好濃，都有空氣感咁，如果咁多樣甜品之中， 我覺得處理得比較好同整得比較好食嘅係依個，不過香橙味真係好重，麻麻哋食橙嘅人要考慮下最後一個試咗榛子味嘅疏乎厘，榛子味道都ok ge，不過整到好似多啦A夢入面嗰啲咁，😅性價比不高Anyway 我相信用呢個價錢，可以食到啲更加高質素嘅甜品

平日兩點幾黎到，同友人揀左卡位坐，但店員好煩，見我地得兩個人不斷警告如果繁忙時間要搭枱，講勁多次煩到爆，最後都係唔需要搭枱的。叫左野食後要等4個字先有野食。首先黎左個雪芭仔，芒果味，麻麻地。下午茶個籠係幾靚，可惜食物比較普通，咸點全部係凍嘅，應該一早已整定，到底點解要整4個字。最底層有迷你漢堡同熱狗，pancake，味道唔差，如果熱食會更好。中間嘅鬆餅都ok，但個芒果凍就怪怪地，好稀。頂層有杯黃色野，入面係泡黎，唔識欣賞，個朱古力就正常啦，影完相拿拿聲食完就走了。

吃罷澳門菜後一行5人直衝Patisserie Tony Wong為的是吃店方的美味雪葩，喜歡果味雪葩的我期待已久，終在這天如願以償太幸福了！ 只有兩款雪葩可選當然全點上吧！這兒有少量座位但要＄50/位消費，吃至全飽的我們決定外賣分甘同味！ 第一款以甜筒造型示人的是士多啤梨雪葩＄58，酸甜恰好的士多啤梨雪葩質地滑溜，面層灑上有口感的燕麥和新鮮士多啤梨，雪葩包裹著奶凍吃下多了層次感，脆筒亦香脆可口很吸引呢！ 另一款芒果雪葩＄68，由杏仁脆窩盛載著清甜的芒果雪葩及粒粒芒果肉，而那枝朱古力爆炸雪茄更是畫龍點睛之作，而雪葩內更藏有香滑的雲尼拿奶凍，真心喜歡這兒的雪葩很期待有新口味推出。

今天經過Yoho Mall, 被Tony Wong門口擺放的蛋糕甜點吸引了。假日晚上竟然不用排隊，店內客人佔座亦大概只有3成。朱古力控的我，一坐下便點了心太軟。等了大概20分鐘，一個小小的心大軟就放在眼前，大概三至四口左右的份量。我喜歡先打心太軟打開，看看朱古力流心流出來我驚喜畫面。但切了下次，沒有看到流心朱古力。。再吃一口，都是沒有。整個心太軟都偏硬。🙁失望是水準下降還是名過其實？反正這個”心太軟”就沒有下次了。

友人想食 Tony Wong 的甜點，我們一行五人就潮住呢個方向出發我當然選擇我的心頭好，Hazelnut & Chocolate Crunchy 上層香濃秦子朱古力，下層朱古力脆脆令我回味無窮友人的芒果四重奏，芒果也很甜，她們最讚賞是他的芒果奶凍(可惜沒有得單點)Cafe Mocha，朱古力及咖啡味都很香濃，如果再熱d的話，就能更為完美

《Patisserie Tony Wong》 #YOHOMALL🔹榛子班戟梳乎厘伴雲呢拿雪糕 $72🔹玫瑰花果茶 +$27-其實對於我呢d平時唔食甜品嘅人黎講唔係太識評論好唔好味😂😂同埋款式太小 真係好難揀🤦🏻‍♀️不過我諗黎得食嘅 多數人都係食個tea set-聽落榛子應該會好甜 但竟然唔算甜我都接受到班戟都幾軟身 我覺得整體係ok嘅-玫瑰花茶開頭飲覺得麻麻地 飲飲下又幾好飲☺️因為係風口位嘅關係 飲住杯熱飲真係好好多職員仲好快咁幫我加水🙆🏻‍♀️-byT: 7.5/10