Patisserie Tony Wong

Open Now

Now Closed

昨晚朋友生日，買了左上二的芒果拿破崙給她，首先顏值都係OK既。買蛋糕會送一支金色的蠟燭，個人覺得几特別下。講翻個蛋糕，上面滴芒果好甜，可能係當造，蛋糕滴cream 又五太甜，剛剛好。不過蛋糕入面的餅底比較硬，用鋪頭送的刀都好難切得開 暴力切開之後就五好睇了。 但係講真，個味道係好好味的，餅底夠脆。所以我地班朋友都話以後生日就訂呢間鋪了。雖然係有滴小貴，不過好食。 下次想試下雙重芝士（上左三）呢滴係大部分的蛋糕款，以後慢慢逐一試

無論朋友生日定係家人生日都會來呢間鋪度買蛋糕。滴生果新鮮又當造，最中意個蛋糕餅底，脆口鬆化。 呢個蛋糕滴水果每一種都好甜好好味，而且個cream 係我鐘意果種，真係每次有人生日就想叫。

放工嗰陣先醒起今日好似屋企人生日所以臨急臨忙去買個蛋糕，但剩返嘅選擇其實唔係好多。本着呢個不時不食嘅原則，所以揀咗個芒果嘅海綿蛋糕，其實我都驚會唔好食。因為海綿蛋糕點講都好似有少少普通。但食嘅時候發覺間舖頭果然係冇令我失望。上面嘅芒果又甜又大粒，多到成座山咁。忌廉甜得來唔會提你，個蛋糕下面仲有個眼眼地嘅餅底，好好食雖然以$400來講買一個size ！好似有少少貴到咁諗翻起平時啲美心東海堂都唔平，又覺得底左之後我仲喺poster見到有南瓜車造型嘅蛋糕，真係好吸引好靚即刻影咗相俾一個年輕嘅媽媽

朋友生日，特登買咗蛋糕同佢慶祝，我哋兩個都鍾意拿破崙多啲。嗰件草莓忌廉蛋糕，忌廉冇乜特別，賣相係靚嘅，但係味道唔會有好大驚喜。芒果拿破崙好好食，酥皮脆身，唔會話用叉切唔開，吉士醬夾埋酸酸甜甜嘅芒果，成件事好夏天好清新🤣甜度方面，芒果拿破崙唔算話好甜，食完唔會膩⋯⋯輕鬆KO不嬲都覺得食拿破崙好麻煩，成日都會食到啲餅碎跌到周圍都係，所以其實好少食拿過來，但係呢件芒果拿破崙我會想食，最多食完之後執下張枱～

/ 適逢母親節，又點小得母親節蛋糕呢！今年揀左Tony Wong既蛋糕，上年媽咪生日已經食過玫瑰花既蛋糕，所以決定揀個特別小小既，唔只一朵花，而係好多朵花既蛋糕🥰🤣呢個蛋糕叫做裱花忌廉蛋糕，我地覺得幾靚，可以打下卡📸，所以送俾媽咪做母親節蛋糕，不過味道就一般般🥲

有睇過我上一篇食評嘅人都知道我對佢哋嘅純素蛋糕係有啲興趣嘅今日咁岩要去探一位長輩，佢又淨係食素，所以呢就決定又買啦但我今次買嘅唔係一個大嘅蛋糕而係一啲細嘅蛋糕仔，咁店員就話細嘅蛋糕仔呢有兩款都係素嘅，一個係柚子，另外一個係士多啤梨🍓。。咁講下兩個蛋糕嘅味道啦🤓柚子蛋糕上面有一啲柚子啫喱柚子味非常之重。另外個底係朱古力底。鍾意食朱古力嘅人應該會幾鍾意，底脆得黎唔會超甜。長輩好鍾意佢個cream,覺得好清新，岩夏天食士多啤梨蛋糕上面個士多啤梨其實係有少少令我失望嘅，因為呢佢一啲都唔甜。但係算啦，而家又唔係🍓當做嘅季節。長輩大讚佢裏面嘅蛋糕呢係加咗椰絲落去做，好重椰子味，食落有椰絲嘅口感但係又唔會好粗糙，因為都磨得好細。見到我專登放咗兩張相，唔好以為係無聊影多左放埋上去，其實係想讚一讚佢哋啲包裝紙盒裏便係貼咗個小型嘅冰袋/乾冰來保溫店員就提醒我45分鐘之內呢放返落雪櫃就OK 㗎啦咁另外見到個士多啤梨蛋糕都有用一啲紙卡圍住，應該就係為左防止撞到或者係整爛咗個蛋糕嘅兩個蛋糕仔下面都係有用膠紙痴住定位，再成個用硬紙盒裝住整體包裝感覺非常之良好嘅其實就咁買兩個蛋糕仔都唔平㗎，每一個都$60。但係長輩

今日好開心，買咗兩件蛋糕，係純素嘅蛋糕，全間舖頭只有這兩款是素食的蛋糕一個柚子蛋糕、一個士多啤梨蛋糕🍰柚子蛋糕的cream有些帶酸味，好似食柚子的，開胃加上旁邊有糖膠，恰到好處另外這個是朱古力的餅底，我就覺得朱古力味好濃，唔好食朱古力的就普普通通，少少苦，喜歡食朱古力嘅人就應該幾鍾意。至於士多啤梨蛋糕，佢既cream唔錯，幾滑，仲有佢中間有椰絲餅，都有濃既椰子味，cream 加上椰絲嘅香味配合得幾好，士多啤梨比較酸，上面有少少金箔，金箔在紅色既士多啤梨係非常之吸引，但係食落個士多啤梨呢，真係好酸，如果甜就好啦。我自己屋企就買咗幾個士多啤梨，比佢更加甜，加埋自家士多啤梨，一齊食先剛剛好呢

之前朋友生日嘅時候買過一次嚟食，發覺好好食所以就迷上左。今日終於都嘗試第二次見到有一個期間限定嘅生果撻，同埋另外一個好吸引又好靚嘅桃蛋糕，1516 左好耐，最尾都係買咗個生果撻，因為期間限定，怕之後食唔到其實佢個size唔係超級大，但上面啲生果真係好吸引切開嚟食嗰陣佢個皮好脆口，我鐘意。裏面係吉士餡料。🥝奇異果係金奇異果，🍓士多啤梨唔係特別甜但芒果幾好食，可能同季節有關。🫐藍莓嘅味道都唔錯，另外紅莓同黑莓冇話特別酸，整體都幾滿意另外喺購買嘅時候都有特別問有冇一啲係純素蛋糕，店員都推介左一兩款俾我，仲提醒咗我話如果真係想訂嘅話最好早少少打電話問吓有冇，佢怕某d 款會落左架訂唔到。

之前買過幾次蛋糕，如果唔係貪你靚真係唔會買，不過以後都唔會再幫襯，啱啱一落單即刻比埋錢。之後我想改個名牌做中文。打返鋪頭打極都無人聽，個whatsapp 電話打去就 cut 線，whatsapp 覆話要自己打去鋪頭，到終於鋪頭有人聽就話已經寫左名牌，再改要比$10。我夜晚7點先拎，尼頭一落單就即刻寫好？我都係做餐廳，咁嘅服務態度真係趕客走…真係嬲嬲地想叫佢WhatsApp影返張相，我比多十蚊雞同我掉左個舊牌佢

女朋友放工買了Tony Wong的蛋糕作飯後甜品, 感覺窩心, 非常感恩, Tony Wong的單件蛋糕可以媲美酒店餅房的價錢, 一件六十多元也超乎我的想像, 畢竟它是一間連鎖餅店. 沒有點它Trademark的玫瑰蛋糕, 而是點了芒果拿破崙以及Earl Grey Mousse Cake. 後面者味道和口感合乎期望, 伯爵茶茶香不過太濃烈, 但味道持久, 還帶微微的花香; Mousse口感順滑但夠挺身, 用叉叉起來不會容易地溜走; 朱古力餅底可可味偏重, 口感也夠脆, 與伯爵茶Mousse形成了甘味和口感的層次感. 可是前者作為Tony Wong出身的帝苑餅房的成名作, 是不應該失手的, 但買回來立即吃的千層酥口感不脆而甚硬, 甚至用叉也要花點氣力才插得下去, 內裡也沒甚麼厚密的層次, 就像吃塊放入雪櫃很久的餅乾一樣, 當然千層酥的牛油香味也不太感受到, 就算芒果如何出色也補償不了, 更何況它的芒果出水甚多, 影響本身的味道和Mousse層的口味感, 我唯有說是因為時間問題, 不夠新鮮, 看看能為其的失手開脫吧!

本人一向只有對拿破崙情有獨鍾，一家人入去件件都想試，點知愈買愈多，眼闊肚窄最後食唔哂，我唔想浪費只好包底，點知一食就不停口個人加起來獨吞3件，乜指標都爆燈我一向不喜歡食蛋糕尤其是花巧的，這次體驗改寫我對花巧蛋糕的看法，值得推介

係Tony Wong既faceboook見到2月13-14日會出返Ruby Diamond於是就出去九龍城買返個黎食但見到個價錢真係o哂嘴太貴喇 72蚊🙈以前食落口會食到繽紛樂既味道但今次再食已經唔同左味lu

好耐以前食過沙田那間，當時點了朱古力玫瑰花，印象都好食，但覺得貴。事隔多年，能力也高了，想再食高質蛋糕慶祝一下，在九龍城走了一遍，最終心怡Tony Wong發現蛋糕款式多了很多呢！竟然有我至愛伯爵茶味，二話不說選了這one two tea cake，外表優雅不在話下，味道一流，香滑茶味適中，蛋糕鬆軟有質感，非常好味推介

我老公好鍾意食拿破侖,所以近幾年佢生日我都係TonyWong買生日蛋糕今次咁Hard feeling係因為佢地聽電話個staff既態度今年係第一次係TonyWong個網店訂生日蛋糕(以前都係直接係門市訂)比左錢之後有個TonyWong既staff打黎話蛋糕最早可以一點拎,問我會幾點拎,我就話應該2點幾3點到到拎蛋糕當日我晏就有野做未必走得開,想早啲拎蛋糕,就打電話問係咪可以1點拎聽電話個staff d態度勁串,話你講左3點就3點架啦,師傅係即刻整即刻比你架,今日師傅好忙架我話你同事問我幾點拎,又話最早一點可以 如果唔可以早d拎,咁我晏啲拎呢？但係我可能要好夜先得,所以問佢幾點關門佢話8:30關門,8點前一定要拎我話咁如果聽日拎呢？佢話一樣係今日整架個蛋糕,我地既蛋糕隔夜無咁好食架我話即係我一定要今日拎啦,咁我睇吓幾點拎佢話咁你今日拎？幾點拎呢？我話你都話三點後先有得拎,又一定要8點前拎,幾點拎有咩分別呢？佢話你考慮完再打黎啦就Cut左我線我果下真係勁嬲,如果唔係比左錢,我會情願係街是但買個蛋糕都唔食TonyWong蛋糕味道係同我係尖沙咀買過幾間酒店既拿破侖有d似,但係黎緊幾年都唔想再買

同事生日想買個靚靚哋嘅蛋糕影相留念最終揀咗Tony Wong，相信佢嘅玫瑰花蛋糕冇人唔識不過講真就志在影相多過食架喇揀咗朱古力味，再加埋白朱古力花瓣，都唔算好甜呢個價錢算不錯啦