Pause It (Moved) New Location

上個禮拜同朋友行開旺角，行到攰攰地就諗住搵間cafe坐下，就見到有一間純白色嘅餐廳，入面亦都坐滿晒人，甘啱有兩個位多咗，我哋就決定入去試吓啦。我哋叫咗一個主菜一個小食同兩杯野飲。呢個係南瓜蟹肉意大利飯，賣相都整得幾靚。面頭仲有一片片嘅芝士，意大利飯整得好creamy, 仲有唔少嘅蟹肉係入面。呢個係芝士黑松露薯條，佢嘅份量都幾多，薯條面頭布滿晒好多芝士同黑松露，好有誠意。我叫個杯係紫薯拿鐡，顏色好夢幻，係粉紫色嚟嘅。佢嘅味道係偏向紫薯味多啲，同埋好重奶味，咖啡味就好少。

一間充滿文青氣息的cafe。餐牌上的食物選擇也算多, 我對它很多款咖啡類飲品有興趣, 我點了一個輕食, 因為不是太肚餓, 而且我是一個非常喜歡吃牛油果的人, 所以點了一份炒蛋牛油果多士。 飲品方面, 當然是點我至愛的抹茶拿鐵。炒蛋牛油果多士會配上沙律菜, 多士的質感是微煙韌的, 多士上有炒蛋和牛油果。我很喜歡牛油果多士, 很好吃! 炒蛋炒得很嫩滑, 充滿蛋香。抹茶拿鐵是值得推介的! 我選擇了要燕麥奶, 而且加大了份量, 因為實在是太喜歡喝抹茶拿鐵了! 抹茶拿鐵的抹茶味濃郁, 帶點燕麥奶香, 還咬到少少燕麥粒, 很有口感。質感幼滑, 抹茶和奶的味道balance得好好。竹炭鮮奶咖啡的賣相很特別和吸引, 但我喝不到竹炭味, 咖啡味和牛奶味較重。

忙碌的一天過後當然要好好慰勞自己 嘿嘿。旺角鬧市中，一間以全白色簡約裝修的餐廳，小清新的感覺讓人拋開煩惱，頓時變得輕鬆起來。我們點了牛油果多士和辣味蕃茄意粉。牛油果多士簡單美味，牛油果和炒蛋的份量也絕不吝嗇呢！而意粉的辣味醬都很新鮮開胃，佈滿的小車厘茄都非常新鮮，意粉的質感也很彈牙。點完食物後仍心癢癢，始終還是想嘗一下極之邪惡的芝士黑松露薯條 哈哈！芝士和黑松露的份量很多，香氣撲鼻的松露、即溶的芝士，淋在惹味香脆的薯條上⋯試問誰能夠抵擋？飲品方面，我們分別點了很特別的竹炭鮮奶咖啡和意式泡沫咖啡。竹炭咖啡樣子黑黑的，喝起來並沒有太大的炭味。但整體咖啡都非常香濃，再加上美美的拉花，陪伴了我們度過一個美好的晚上！

放日無野做，就會去cafe坐下，傾下計，沈澱下思緒。畢竟平日返工真係好累，想放假做返自己想做ge野。去旺角途經呢間cafe，門面裝修都走向文青簡約路線，好舒服咁，見有位就入去坐下！咖啡種類唔算話好多，但會以Latte為baselines，發展左d特別種類，可以一試！Blue Orange Latte俾佢個名Blue Orange吸引左，從來唔知咩叫藍橙，叫黎試下，味就無乜特別，係個外表粉藍色，幾靚，配合呢度格調！Charcoal Latte呢杯味道偏咸，奶都好濃厚，講真咖啡味真係唔太出到，但勝在真係樣OK，拉花幾靚，可以用黎影相！如果想飲靚啡都係揀返手沖比較好！

凈白+木系，時尚設計，店員年青小伙子，衝幹勁十足。地點靜中帶旺，坐在窗邊的高櫈位置更能感受到寧靜的一刻，確係小休的好地方。西柚檸檬梳打 $36天氣納悶、點了一杯西柚檸檬梳打，粉紅色好夢幻喔！酸酸咪咪，即時透心涼，好醒胃。南瓜蟹肉意大利飯 $88意大利飯我最鐘意，加上時令的南瓜最合時。飯粒有韌度有嚼口，粒粒滿載南瓜忌廉汁，入口濃郁，又香又甜。絲絲的蟹肉鮮美，粒粒的南瓜甜美，濕潤的忌廉汁，口感豐富，不錯喔！

陪親友到中旅社辦回鄉卡手續，順便行波鞋街，經過這間餐廳，已經 very tired, 真係要 take a pause, 休息下啦門面唔多顯眼，好易行過都唔知，見到這透明大玻璃才留意到裝修精簡，光線亮白吊燈簡單，同環境非常配合桌上的鮮花襯意式鮮奶咖啡 , 有在家感覺這杯紫薯 Latte 靚到唔捨得攪亂淡紫 and 奶白 cream, 造出別緻圖樣，紫薯味濃，味道very good 藜麥素沙律好健康, 車厘茄、青瓜、 粟米粒、波菜苗…… 用 honey lemon dressing ， 簡直絕配，口味清新一粒粒細小藜麥灑滿在蔬菜上，慢慢咀嚼，吃出淡淡麥味 煙三文魚班尼迪克蛋外型似漢堡飽內層蛋黃溢出，滿口都充滿了蛋漿 煙三文魚味道，久久不散😋😋蒜片辣椒雜菌炒意大利粉微辣可以接受， 幼身意大利粉更加索味， 雜菌清香, 蒜片惹味， 食個不停補充完體力，又再繼續shopping了！

份工做咗兩年，要清一清年假。老公真係好好，話要請年假陪陪我，真係好貼心，於是我們行行街，順便食個下午茶，來個簡單生活。雖然餐廳空間唔算大，不過非常有文青氣息，加上燦爛的陽光從窗外透入，感覺很放鬆。我們看下餐牌，便每人點了一杯飲品和一款全日餐。我們一邊等，一邊喝著飲品。知道他經已很熱，所以點了 藍檸檬梳打。迷幻的色彩，飲落清新得來帶點微酸，冰涼的很解渴。而我一向極少飲凍嘢，就點了 伯爵紅茶，實行扮文青。每次由茶壺倒出細細杯，慢慢品嘗，十分寫意。牛油果雜菌意大利飯意大利飲上洒上芝士片和香草，食落非常香味。而意大利飯加上牛油果，更添香滑，另外仲有些菇菌的味道，令整個菜式不單調。炒蛋牛油果多士炒蛋非常滑，o雪一聲就食落肚。而牛油果是原個以片狀去切但不切斷，弄成一個花的形態，既能食用又用來裝飾，真係睇得食得又健康。

左搵右搵，終於搵到間喺呢個area又未食過嘅cafe，諗住坐耐啲吹吓水煙三文魚班尼迪克蛋 ($78)下面用咗烘得香脆嘅多士，兩隻蛋漲卜卜，一吉開隻蛋啲蛋汁流晒落嚟，又軟又脆好有對比忌廉汁蟹肉菠菜意大利粉 ($88)忌廉汁唔算膩不過味道偏淡，蟹肉份量比想像中多，意粉好掛汁，煮得唔會過爛，portion算大紫芋Latte ($40)芋頭味道偏淡，整體比較甜，唔係我的最愛附近的確唔多可以坐得耐嘅cafe，呢度樓底夠高，所以就算舖頭唔係大但都唔會感覺好侷促另外，店員嘅服務態度非常好，值得一讚！

聽說這兒是可以享受慢活的時間，嘻嘻😄 去減壓下先 雖然地方細細，但服務員超好見你水杯無水又好快斟畀你 即使你食完嘢 都唔會急住叫你走，工作忙碌可以停下來飲杯咖啡食件小點也可，地方又光猛，人多都唔會好嘈， 店舖前台只是一個服務員做嘢， 超細心做嘢又快 ，一眼關七去服侍所有客人，笑容滿面對住所有客人❤又會介紹食物落單， 遞食物 ，結算 ，食用時還有送貨員送貨來幾次都是他一人包辦 老闆請著佢真係有福了！介紹的食物也很好吃和特別有花襯托下 零舍浪漫細心服務員 讚👍竹炭鮮奶咖啡味道好特別咖啡不太濃👍拉花好美😀有個心❤南瓜蟹肉意大利飯意大利飯大大粒 熱辣辣 配埋鮮甜嘅蟹肉 加埋甜甜的南瓜粒 味道好夾 煙三文魚班尼迪克蛋流心蛋配埋煙三文魚 配埋件薄薄多士 味道好夾真係想食多件啊芝士黑松露薯條配搭好特別本人覺得有點漏雲石芝士蛋這甜品是我的摯愛好過酒店嗰啲味道啊

呢間餐廳主打健康料理，而裝飾都特別有格調，可以令人有一個悠閒既午餐，一入到餐廳就格外舒服，完全沒有催促感藜麥素沙律最近開始慢慢少食肉，今日就黎個Green Holiday成個感覺好fresh，好輕盈baby spinach好翠綠，每一塊都新鮮爽口加左藜麥，增添左飽肚感All day breakfast今日同左個小朋友去食lunch，俾啲野食相佢揀，佢一揀就揀左呢個，小朋友果然喜歡食呢啲啲菇炒得好香，好入味多士好脆口，唔會硬綁綁小朋友自己一個清哂成碟仲不停講yummy yummy炸薯條用左粗薯條，外面有微微既辣粉，喚醒了味覺（因為最近食得好清淡）而且一啲都唔油膩熱辣辣食最正熱朱古力一見到啤啤熊出現係杯野飲度，佢超興奮😂

I'm always in search of new coffee shops. Anywhere for a good cup of coffee and possibly .. yes, cake. I came across Pause It while I was with boyfriend a few months ago but at the time, It was closed for the day. I was curious and made a note to myself to give it a visit in a future date.That day was today! I decided for a bit of cake and coffee while I waited for boyfriend to come out.  There was quite a lot of people on a weekday afternoon. It may not be very big but seating is spacious. Ther

8月有食唔完嘅生日飯🤣冇諗到係旺角山東街會搵到一間甘別緻嘅cafe小店佢位置係麥花臣旁邊，俾d車用音響鋪夾住，反而更顯得別樹一格。再望望個餐牌，食物同飲品都好有特色，特別係咖啡類嘅系列（有唔同嘅顏色ga!)我order左杯竹炭鮮奶咖啡其實係唔會點飲到竹炭味，反而好似有炭燒咖啡☕️嘅香味，奶泡打得綿滑，唔會得個樣朋友仔怕熱，點左菠蘿🍍特飲，好難唔好飲🙈我一向都好鍾意食牛油果🥑，見到佢有個牛油果雜菌意大利飯又點會唔order 呢除左覺得個飯濕左dd之外，味道、份量都好好，又冇諗到牛油果同飯又可以甘夾因為得兩個人，本來仲有好多野想試，見到人地個黑松露芝士薯條好想食，但個胃唔容許，所以就叫多左個香辣炸雞翼，佢應該係配左泰式嘅香辣醬，酸酸辣辣的確可口🎉特別要提店員好有禮貌又好笑容，本身我地坐bar檯位，但佢見我地拎住一袋二袋，佢一有二人檯就安排我地轉過去

下雨天，隨便找一間咖啡店看看書。突然收到某個消息，心情跌到谷底，跟話筒裏另一邊的友人訴苦喊冤，店員細心地為我斟水落單，服務不錯👍🏻Avocado toast 擺盤美美的，牛油果切成薄片，炒蛋略嫌不夠嫩滑，最欣賞店方選用了帶有蕃茄乾的多士，烘得香脆，表面再塗上一層牛油果醬，增添層次，不俗飲品則點了Blue orange latte 藍橙拿鐵第一次見識藍色的latte，配上可愛貓咪拉花圖案，即使在烏雲密佈的大雨天，也能頓時撥開心中霧霾，溶化人心😊味道是甜甜的雲尼拿味，卻並沒有咖啡的縱影。咖啡店環境明亮簡約舒適，是旺角區難得的清泉，閒時去歇一歇是個不錯選擇。

今日去左旺角上泰拳班，朝早打完拳特別精神爽利！沖完涼已經14：00幾啦，即刻去搵間餐廳食個午餐！做完運動特別肚餓，去左附近行下見到有間簡約cafe，Pause It，正好可以停一停休息一下。環境好靚好舒服，而且人客唔會好多，唔太嘈唔會逼，成個環境都好舒適！餐廳選擇都好多，主打簡單食物，我就叫左一個意粉！再加點一杯咖啡！餐具好特別，簡約又有公主feel！忌廉菠菜蟹肉意大利粉，醬汁香濃唔會好膩，入口輕盈唔會好飽濟，菠菜蟹肉份量適中，意粉煮得彈牙，掛上濃香醬汁！咖啡煮得非常好，咖啡豆味偏酸香，入口奶香幼滑，拉花技巧好純熟！Cafe用心經營，支持支持！

煙三文魚甜粟米意大利飯😋.好鍾意食意大利飯既我，見到呢個就想試喇😄.出面見到既意大利飯多數都係味道較濃.但呢個反而恰到好處。.因為粟米係甜，出邊都好少加入粟米整意大利飯，所以感覺都幾新奇。😊🌽.最岩下午想食清少少既你😉.藍色的Latte,很少見吧.好香奶味.味道唔假，仲幾易入口tim.一定要試試喔！牛油果營養價值高，又健康👍🏻.當然試埋呢款啦😆🥑 份量足夠（半個牛油果）.個炒蛋都唔錯，整得唔老.只係個沙律偏苦，同溫度係室溫，唔凍🤨🥗雖然杯凍飲最唔起眼.但就最好味😋 菠蘿特飲.飲完即刻涼番d😌店員好細心咁比呢個個鈎我地掛住d野