Pause It (Moved) New Location

城市人生活忙碌，有時想停一停唞一唞，瑜間悠閒嘅咖啡店就係唔錯嘅選擇唔知呢間咖啡店嘅老闆係咪同一樣嘅諗法，所以將佢命名為「Pause it」呢？藜麥素沙律所有蔬菜包括番茄仔、青瓜、粟米同埋bb菠菜都好新鮮！檸檬蜜糖dressing特別開胃。藜麥唔單止提供大量纖維，幫助腸臟蠕動，仲增加飽腹感。牛油果雜菌義大利飯分量十足，同朋友share都覺。雖然有芝士同忌廉，但因著有大量嘅菇同牛油果，而且無肉類，係健康之選。蝶豆花青檸梳打蝶豆花近年係香港成為好流行嘅飲品，顏色同香味都令人好放鬆。加埋酸眯眯嘅青檸，實在係夏天消暑嘅恩物。藍橙拿鐵一杯好夢幻嘅latte啊，粉藍色系來自藍橙syrup。只有微微嘅甜唔會漏，又好睇又好飲！雲石芝士蛋糕雖然味道冇驚喜，屬普通中上水平，但係美美嘅雲石圖案為呢個甜品爭取返唔少分數。28蚊一件，價錢相宜。

什麼是假期？就是沒計劃地睡，睡醒便吃，吃完便Hea，Hea住又Tea，Tea完又吃，吃完再睡，那就是假期。而一向按規矩辦事的我當然沒違背假期的定義，睡到日上三竿，再慢慢執樣出街Hea，找間Cafe等朋友食晚飯。約了朋友到旺角酒吧，那便隨意在這間「靜止」咖啡室好好靜一靜，等一等。講明要Hea，怎少得一杯好咖啡，點了一杯Latte，濃郁炭香而重可可味，感覺似是較深度烘焙的味道，如果喜愛濃味的，必定心心眼中，加上工整的拉花，怎教人不心動另外同朋友點了一份黑松露芝士薯條，話就話是小吃，但是一上桌滿滿的鋪在碟子上，非常豐富。薯條烘得外表香脆，而內裡粉糯，加上滿滿的芝士及黑松露，氣味郁香，味道咸香，夾上薯條吃，根本是天生一對那樣便一口咖啡，一口薯條，便讓我的假期寶在，你呢？已想好如何計劃你的專屬假期了嗎？

近期最hit既打卡cafe,pause it都係bucket list其一睇到打正白色風既小青新感就知贏曬女仔心清新簡單嘅Menu但入邊已經有齊小食沙律主菜咖啡等等嘅選擇好喇等野食到，緊係周圍影相打下卡先黎個科布沙律。煙燻雞肉再加上bacon配搭着牛油果同埋咁多沙律醬，新鮮嘅菜感覺好Fresh。清新開胃沙律菜好新鮮再加埋番茄感覺好開胃跟住我哋叫咗個黑松露薯條。份量10分充足勁大份呀濃郁嘅黑松露味配搭香醇嘅芝士香味加上香口嘅炸薯條雖然大分班竟然到最後係食晒全部。當然我哋仲叫咗一個牛油果炒蛋多士，見到個樣已經好吸引而且感覺健康。大大份嘅牛油果配搭香滑嘅忌廉加牛油嘅炒蛋再配搭脆口多士，正。睇吓啲滑蛋幾滑當然更加唔少得嗌一杯特色嘅咖啡啦，呢度嘅竹炭咖啡同呢間Cafe嘅白色風格造成一個強烈的對比，所以用嚟打卡真係10分正。仲有呢杯藍橙咖啡，飲一啖落口已經感覺到好香嘅牛奶味加上淡淡嘅咖啡香味再加上藍天空月亮圖案，真係清香得來又好味。今日過咗一個舒服嘅下午茶時段，一定會再嚟飲番杯咖啡嘆下。

約咗人在旺角食晚餐，仲有成個幾鐘，返屋企又唔夠時間，在街流漣我又唔想，梗係捃間可以坐扛下嘅cafe抖一陣。在麥花臣球場見到依家樓底算高嘅cafe，以白色為主高，檯椅以淺啡襯白，全店格調一致，高檯配高櫈，亦有order檯配有背座椅。（相片係坐咗成個鐘後陸續有人離開後拍的）我就係咁啱經過見到一排五六個人面向街嘅面窗bar table，感覺幾好，不過當時店子都幾爆。（相片係坐咗成個鐘後陸續有人離開後拍的）勉強坐在面窗的bar table and seat，始終係旺角地舖，不夠能要求舒適的環境。坐定定後，杯想要一杯菠蘿特飲，但細問下只是用罐頭菠蘿加雪碧沖調而成，即刻諗過⋯天氣太熱，放棄了熱朱古力（我諗有拉花吧）改為凍朱古力。第一次落單時有要求朱古力味要濃一點⋯一等就等了差不多半小時，全店滿載坐到淨番幾個人⋯向店員表示凍朱古力還未到⋯ 好明顯係剛才無落單⋯不悄一會，一杯淡啡色的凍飲出現在我面前。始終是用朱古力漿沖調的凍朱古力，要濃尐朱古力就會整杯甜度提高⋯唔想咁甜朱古力就淡⋯明顯依杯係一杯勁奶而淡嘅朱古力，收價$40絕對不值，普通茶記一杯廿蚊質素都有過之而無不及⋯這$40 中以大比例算是用來租用

成日路過都覺得好靚想入去試下咖啡今日12點幾去食個晏就 選擇唔多 就揀咗個牛油果蘑菇意大利飯 同iced americano依到嘅裝潢好簡單 純白為主 但都好靚 個意大利飯呢🤔🤔味道食落 唔知關唔關牛油果事呢 有小小怪 不過not bad嘅 好似間不中會換下menu至於個 iced americano 呢，其實都不錯嘅 只不過我唔太好酸豆 所以淨係飲咗幾啖就放棄啦總結尼講 是不錯的 都有3stars out of five.

同朋友黎呢到食晚飯，舖頭唔算大但都坐得幾舒服，可以輕輕鬆鬆傾下計。食物選擇唔算話多，㨂左個All Day Breakfast 同埋個芝士黑松露薯條。個All Day Breakfast就正正常常，唔會話有咩特別驚喜，但個芝士薯條好正丫👍🏻熱辣辣脆卜卜，好味😋😋呢到服務幾好，但又唔駛收加一👍🏻

平時要o係旺角搵間真心好食又好feel 嘅cafe真係唔容易~呢間係佢開幕無耐已經好想試嘅cafe~不過當時未有野食~幾個月後佢終於供應食物,不過天氣太熱我又唔係太肚餓就叫左個沙律,重點係佢沙律都好多選擇,仲有我大愛嘅quinoa!!無肉都照食~雖然成間餐廳都充滿人,但佢上菜速度都幾快,唔使一陣咖啡+沙律已經在我面前,原來佢沙律都幾大份,加上我係藜麥素菜沙律,基本上同食飯差不多,食曬真心飽~~D菜都好新鮮,一路食一路感受到好fresh嘅味道,D青瓜真係每口都"索索"聲,好有口感,小番茄都好甜,有少少醋調味已經好足夠朋友叫嘅凱撒沙律賣相相當精緻,麵包粒雖然響底部,但無會林曬,依然好脆好香口~雞肉都唔難咬,無冰鮮感覺,而且都有好多塊,所以都好抵食呢呢度嘅咖啡好香好滑,值得慢慢細味最驚喜係見到greentea latte嘅拉花,咁靚,值得下次再去啦!!!

平日下午人氣還是很高的，人客真多。煙三文魚班尼迪旦78食物層次多樣化，入口口感豐富，水煮旦一被刺破，黃心溢出，配上脆多士，就成了滿足的午餐。All day breakfast 98所有材料色彩斑斕，叫人未吃就食慾大增。一個女生吃完會好邪惡呀，幸好慢慢嚐，口味會是想繼續把它吃完的。炒旦嫩，還有炒菇腸仔蕃茄焗豆都好大堆頭，加上多士亦很大很香脆。Blue Orange latte 40挺特別，第一次飲，泡沫充足，牛奶芬芳，咖啡味不重，適合受不了太濃味的人。鮮奶咖啡36拉花有心機，花紋細緻，賣相和味道都ok，咖啡☕️香氣不斷。食後感：環境讓人放下繁複生活種種，帶台灣風情的佈置，吃著歇著閒著，輕鬆的氣氛帶給我們一點點的小幸福。P.S.想吃芝士旦糕但竟然賣光，下次要早點來碰下運氣去。

門面係靚靚落地玻璃，感覺舒服就入去坐喇。揀咗窗口吧枱位，望住人來人往嘅街道，同埋時大時細嘅雨，幾寫意喎。例牌叫咗個茶，烏龍茶夠甘香，添飲一次都仲好夠味，一壺茶夠兩個人飲。叫咗個波菜藜麥沙律，bb波菜好好食😍😍，個沙律汁好清新，有少少檸檬味同醋香，酸味適中入到口。欣賞佢加粟米粒，令個沙律多一份甜味，層次雖未算好豐富，仍然食得好滋味。波菜波蛋多士，講咗好嘢先，個多士係好食嘅，又夠脆。個汁同波菜獨立嚟睇都係唔錯，但放埋一齊，加上一個無味嘅波蛋，就好似碟頭飯，臨上枱先將所有元素放埋一齊咁。食得出誠意，但技術上可以改善。最後登場，雲石蛋糕。非常實在嘅做法，細細件已經好有飽足感，兩個人分嚟食都ok。甜度適中，無特別亮點，但都無嘢挑剔。後記：我覺得呢間cafe最大賣點係環境，有design過嘅燈光同各種配置，兩個人傾計又得，一個人hea都唔尷尬。另外佢定價好親民，五六十蚊一樣嘢食，芝士蛋糕都係二十蚊，變相可以叫多幾樣share食。

在港鐵車廂內看到旺角這家賣竹炭咖啡的cafe的介紹，帶著試新野的心情來到卻真心有驚喜。餐廳位於山東街的車房附近，人流不算多正好可以慢慢享受咖啡和美食，裝潢簡潔，白色燈光更添了幾分乾淨和型格。炒蛋牛油果多士 - 炒蛋炒得很香，並沒有加太多的奶和cream，口感一流牛油果熟的程度剛好，入口挺滑，多士是本人最愛的sourdough，酸酸的多士被烤得超香脆，整個配搭配合得十分好！高質之作煙雞胸肉三明治配薯條 - 麵包同樣烤得香脆，雞胸肉味道有點像平時吃的煙鴨胸，中間夾住不少沙律菜，增添清新感。竹炭鮮奶咖啡 - 味道與普通鮮奶咖啡沒太大分別，不減香滑和咖啡香，喝到底的時間有些沉澱物大概就是竹炭粉，欣賞店主想到將健康的竹炭加入咖啡的主意紅絲絨拿鐵 - 比較重的雲呢拿味，不太特別。店員的服務態度亦很好，是值得推薦的餐廳。

一個令人覺得安靜既環境👍服務員有禮貌係直得一去既地方係旺角甘繁華既地方都可以搵到一小角既寧靜，確係有一種特別既風味我比較喜歡佢哋既飲品由於我唔知道有咩好飲所以當日都叫左服務員推介既花茶果然無推介錯

My third time coming to this cafe, and just like the last 2 times, the food and coffee is great! My friend had the Risotto and says the sauce is creamy, and rice is cooked just right. I stuck to tomatoes flavored dishes, continue to taste awesome, cherry tomatoes, spinach, and sphagetti is just right. There is an option to change from sphagetti to penne should you ask when you place your order. Tried the Fries, love the Cajun flavor.

第一次寫食評，因為好想讚佢地><係MK要搵到 野食又好咖啡又好飲 店舖又靚既cafe真係好少~呢到三樣我都enjoy到~呢到既感覺好似台北既富錦街~ 同埋店員真係好nice而且好細心!!

旺角三多炸脾旁邊開左間靚靚咖啡店成間裝修睇落真係唔錯星期六四點令到都要排一陣隊叫左三文魚Benedict同卡邦尼意粉另外仲叫左杯黑色咖啡😎三文魚benedict尚算唔錯沙律菜新鮮醬汁口味都清新蛋有流心但偏熟少少，三文魚同麵包不過不失卡邦尼意粉唔太好🙁完全無味道，係連煙肉都係得少少味淡味嘅卡邦尼意粉就係難食😞竹炭咖啡嘅拉花好靚，奶叫泡好飽滿可惜奶太多，無咩咖啡香影相係可以嘅男友叫嘅凍朱古力咖啡完全係淡味超甜朱奶🤦🏻‍♀️本來對依間有期望但真係期望愈大失望愈大男友話無下次🙅🏻‍♂️我就等耐啲再試下希望有改善啦

之前已經想黎Pause it試下，難得閒日得閒就終於同朋友一齊去咗依度lunch可能閒日關係，唔多人排隊所以都可以坐好耐同朋友傾下計環境方面:裝修以白色為主 簡潔舒服洗手間都好乾淨座位唔算多食物方面:Egg Benedict:味道稍為淡咗少少不過個poached egg都做得唔錯Cobb Salad:份量適中，醬汁味道唔錯，烤雞肉嘅味道都幾香口炸薯條:炸得都算脆，而且調味唔會太鹹 Charcoal Latte:飲落唔算太特別，咖啡味唔算太濃 我個人覺得唔錯，因為我唔鍾意太苦不過賣相的確係好好嘅🤣總結:食物味道比想像中普通 個賣相方面係幾好嘅價錢唔太貴所以不過不失如果閒日同朋友想搵個地方傾下計都係唔錯嘅選擇