明珠閣 (Closed)

11人的沙田聚會, 晚飯聚會最怕就是限時, 所以唯有選揀中菜。中菜在沙田確實不多, 今次決定明珠閣, 因為不太多人等位。門面同格局似是一間食Modern中菜的餐館, 燈光柔和, 店內全都是方枱, 沒有圓枱, 人多就好難傾偈。 小菜還可以, 點了魚香茄子煲、菠蘿京都骨、腐竹浸時蔬, 炒得夠香, 味道有點重, 無論湯浸定炒都落比較多調味。份量可以稍多一點, 如以現時價錢衡量。燒味中的叉燒例牌做得比較出色, 半肥瘦適中, 蜜汁味濃, 好食。但乳豬一般, 偏鹹, 幸好皮都脆, 只是不夠鬆。最敗筆的是大蝦上湯烏冬, 是無味的, 湯只是少少鹹鹹地。還有壽桃包, 無論賣相定餡都唔討好, 好大個, 但皮打摺, 亦好厚, 蓮蓉好少, 蛋黃唔香。 

今天中午2点来的叫了个 燒腩仔 燒鹅饭加个中汤来了个 燒腩仔 皮又硬 肉也干硬然后转了切鸡好点碗白饭也是 又硬又没饭香汤就细碗了一点，还算可以吧但整体来说真係好鬼失望 这个价钱💰太不值了 还要加一的绝不会有下次再来的机会也不会推荐人来

周圍食飯都要等，心諗呢間唔使等就食呢間。 入到去先知點解無人食閒閒地一個小菜都100 蚊，但又唔係好吸引招牌金山骨新鮮炸起，夠熱夠脆，但味道無特別， 似就甘炸排骨，而且乜野汁都無，我覺得好乾同熱氣魚香茄子應該係無難度既一度菜，用煲仔上就要對得住個煲，但完全無炸炸聲，又唔夠穫氣。 味道都尚可以，但比較油。加多個白飯，埋單2百幾，我覺得唔值lor

如常既星期五晚上，忽然間一個心血來潮就去左新城市食啦，原本就喺NT個攞位app攞左另一間餐廳既位，點知見呢間人少少唔洗等位，咪試下囉點知中伏。前菜青瓜唔係幾新鮮有少少gep， 木耳都ok，而豆腐就係普通既豆腐加咗啲日式芝麻醬。而佢出左名既就係個叉燒，咁就嗌左個叉燒同個燒腩仔嚟食啦，叉燒都唔錯不過可以再肥啲lo，但係用黎做招牌就差少少。 燒腩仔都唔錯，冇出面嗰啲咁咸，亦唔係好un，皮都夠脆。嗰碟疑似小炒王嘅嘢， 啲肉同蝦乾咸到阿媽都唔認得， 可能本人食得比較清淡但係真係咸咗，啲花生亦唔夠香，雖然係咁，但又無炒到乾爭爭。嗰個蒸魚飯，條魚上面啲蒜蓉醬又係鹹得濟，雖然蒜蓉味夠，飯香，但係就吸收唔到魚味同埋蒜蓉味，好在飯冇蒸到濕lup lup，都唔錯。茄子蒸魚加咗好多蒜頭但係又食唔出有蒜頭味，真係有啲神奇。呢度餸冇過咸，啲茄子吸收咗個汁嘅味道都幾好食。要突出既無突出，而且有啲餸炒到過鹹， 雖然佢處理飯同魚都唔錯， 不過啲小炒真係爭少少，如果要畀個原因我返嚟再食嘅話只會係為左個茄子魚，反而唔係佢哋出名嘅叉燒， 但係以呢個價錢黎講水準就唔係幾高，如果茶樓既價錢能夠做到呢個水準，我都會再返黎食既，不過

小妹在沙田新城市行街，滿載而歸，在購物後，就在附近食飯，遇上了明珠閣，看過食評，蠻不錯，不如入去坐下。除了點心外，還有其他的，聽說明珠閣的叉燒出名，便叫來一個叉燒飯。喔，這個叉燒是半肥瘦的，肥肉不多，還有燶燶地的，食一啖就覺得很淋很軟，又有脆脆地的感覺。

星期日帶兩老到沙田飲早茶，周圍都人山人海，不想等太久，唯有轉場，見明珠閣不用等太久，店內環境還不錯，所以決意早茶在這裡解決。等候期間，聰明如我當然馬上叫門口的姐姐取點心紙研究一下待會吃什麼。大多數都是三件，叫我這四人家庭情何以堪？兩籠太多，一籠不夠分，最後決定分散投資。點心保證即叫即蒸，因為都等了20-30分鐘才上枱，熱辣辣。流金奶黃包 - 必食推介。剛咬開包皮，裡面的奶黃餡就避不及待的爆出來，好香好滑，又不覺得漏，正！懷舊鵪鶉蛋燒賣也是不錯的選擇，邪惡的食物總是最美味的，吃完大概要高呼膽固醇萬歲。小籠包 - 不算得上是極品，皮比較厚而硬，肉餡鮮嫩而多汁，可惜味道偏鹹。主打的皇牌蜜汁叉燒，完全失望，所謂的皇牌既然成為這頓早茶最不受歡迎和最難吃的食物。肉質結實和瘦肉無異，完全沒有豬肉的甜味，靠的只是大量蜜汁的遮蓋，油脂的甘香可以說完全吃不到。其他的點心都是中規中矩，不算出色，但是這樣的價錢，不難找到其他更加出色的飲早茶地方。

前日(31-10-2015 Sat)晚,男友人Y幫我同男友整o左新居後,請佢食飯, Y話想食飯8點幾,好多間唔係有人等位就係full晒,我o地o黎到新城市廣場,o黎到,見到呢間食飯o既冇人等位,於是行o黎睇,Y話OK,於是食呢間.我o地三個人拖一個喼,侍應俾o左張梳化圓枱我o地,我o地睇睇menu,Y同男友都話要$438.00二人套餐,而我覺得唔夠,所以想加餸,加同樣$108.00o既檸白牛仔骨定秘製海山骨?男友話問吓秘製海山骨係咩o野先.OK,問經理,佢答係用蝦醬醃過o既,男友覺得OK,於是叫呢個.經理即問我o地餐中甜品要咩o野?桂花糕定壽包?我o地揀壽包,佢話得兩個,問我o地加唔加多個?男友答好.之後又問我o地使唔使加多碗?我o地答唔使.咁就落單喇.落完單好快,原盅滋補靚燉湯o黎到,Y自己要中盅,我同男友刀share一盅,湯o既油份睇落唔算多,有雞腳豬肉同唔知咩藥材,飲吓,味道好清,話係燉湯,咁應該係燉得好短時間,而豬肉o鞋,o個塊藥材似係淮山.之後燒味雙拼到o黎,係叉燒同燒鴨,顏色好靚,食吓叉燒先,蜜汁味夠,雖然唔係半肥瘦,但都夠腍,不過可惜係雪藏過o既肉,所以口感仍然爭啲.而燒

有時候在下不定時的到同一食店吃飯，就像今天來到明珠閣一樣，再一次在這食店吃飯呢！再看餐牌，依然離不開燒味飯，如果吃點心的話，或者吃不到很多，返而餐費可能多過吃燒味飯，故點來燒味飯也許來得划算。叉燒切雞飯。無錯，點來是雙併飯，不是燒肉而是切雞。叉燒雖不是半肥瘦，但吃起來有鬆化的感覺，有點硬但卻可以接受；切雞雞肉都幾嫰，較想像中的好，薑葱黏在雞肉上，增添了薑葱味道。沒有點來飯品，只有喝茶好了，反正不想喝其他呢！

星期五出街食飯可免則免，剛過的星期五避無可避出街食餐晚飯，逛新城市商場地下舖想食小籠包，怎料「翡翠」己結業，看一看商場地下的食肆，發覺中菜的明珠閣很冷清，唔使排隊等，不限交枱時間：一於幫趁：芝士牛油海蝦上湯烏冬不見上湯只有芝士牛油造的芝士杰汁，撈完烏冬又要一碗白飯撈，撈到舔舔脷，隻隻大海蝦肉都爽口。招牌菜之一：秘製海山骨相信是秘製醬汁焗薄薄迷你豬肉扒罷！中式味道的醬汁尚可，和豬肉扒是配合到，但何謂海山骨？今餐沒心情問待應，只要吃不要問！香酥炸豆腐皮薄外脆肉滑是成功的，細細粒，容易食，食得多，幾上火！招呼尚算可以，盛惠378！

適逢母親節 打算同mama食餐飯。去到明珠閣等位等咗好耐終於入得⋯啲嘢食麻麻，無乜特別好食，個蝦冇蝦味 正係得醬汁味，叉燒有啲硬。不過食物都係其次，本來就無特別期望，只求食餐普通飯，但服務態度不好先係問題！食左3個餸之後，等左半個鐘有多，突然有位waiter黎收我地啲碗碟⋯係等到一個點，連佢地都覺得我地食完要走⋯過多陣就催下未黎果兩個餸，但服務員用好不耐煩既態度對待我地，仲要未講完就走左去，跟住先走黎同我地講冇落到單，仲話「要落就快啲啦！落嘅要等多廿分鐘」！雖然成肚氣 但真喺好肚餓⋯佢碟碟餸分量都唔多，岩岩好一人一舊⋯ 唔嗌埋真喺唔夠食

Dim sum--點心--is food that touches the heart. In the case of Pearl Delight, JC Group's flagship Cantonese restaurant, it really did. Pearl Delight's interior was really screaming Asian contemporary--light, clean, minimalistic. We were promptly seated and served our tea, then chose eight items from the bilingual menu because we're Fat Kids Forever and proud of it. I'm now going to take on the challenge of ranking those dishes in order, from worst to best. (Keep in mind, though, they were all supe

到沙田大會堂看表演, 友人提議在附近吃完入場, 好選不選選了明珠閣。枉稱為拍青瓜$48, 拍得不夠鬆, 醋汁不夠濃烈; 而瓜掛不上醋汁, 又硬又寡。上湯蒜子芥蘭$78蒜子欠蒜香, 一、上湯淡而無味, 二、芥蘭老而多渣, 三、加上超貴的價錢, 簡直是絕代三驕 -- 的差……以為下午茶抵吃, 不知就裡的我倆叫了好些點心, 吃後呻笨! 份量選擇出奇的少, 沒一樣好吃, 索價甚高, 價錢一點都不下午茶。豬肚燒賣兩件$22的豬肚是靭的, 豬肚應有的爽滑完全不覺; 燒賣肉球一夾即散, 得個咸字。所謂的雲勝餃簡直是個笑話。三小隻$26, 超痴牙, 餡是一扯即出的。皮是黏成一舊如漿糊般, 黏牙嚴重程度到有假牙也會給扯掉! 目店測內不少老朋友, 有無搞錯! 雲耳勝瓜做餡, 又硬又無味, 不知所謂。百花魚肚二件$26蝦膠蒸過了火, 實而不彈, 調味過咸; 碎濕濕的魚肚卻未能做到索汁的效果, 失敗。黑椒金錢肚$28約有六條, 黑椒味尚算有的; 奈何金錢肚好像「乸」得太厲害, 太化了。腐皮卷$28一客四件, 已經比平常吃的細一個碼, 像是麻雀牌。 餡料更是少得過份, 勁油的難以入口。最要命的是古法糯米雞$48

見食評唔錯，於是去試，點知…….十二點多到達，無乜人，唔洗等位。點心款式少，只好求其揀幾個點心，再加呢度出名嘅叉燒，同涼瓜龍躉飯。點心中嘅粉果、鳳爪同蝦餃，平平無奇，同普通酒樓無異。到出名嘅叉燒，燒得太燶，個外皮黑晒。肉質尚算軟滑，但味道未至於驚為天人，只能說比街邊燒味店好而矣，但價錢卻是別家的兩三倍！個涼瓜龍躉飯仲過份，賣相同茶記碟頭飯無分別，份量少，只得三舊龍躉肉，仲要腥嘅！碟野成$120，係咪可以好d質素呀！?

叉燒原名插燒，是粵菜燒味極品。據聞大哥叉燒按豬脢頭紋理挑選肥瘦均勻的部位，用人手將腩肉的纖維打鬆，然後塗上由海鮮醬、柱候醬、蜜糖、麥芽糖、薑汁等調成的秘製蜜汁，在200度高溫明火暴燒下肥油爆出，將肉汁鎖住才轉細火烤至焦香，做到嫩滑甘香外焦而內裏鬆化的妙品。今次慕叉燒名而至，只想試試西苑以外的選擇。端上卓一看，此物買相暗紅偏黑，估計是色素而非天然燒烤所燒成。蜜汁量多偏濃並且過份甜，品嘗之下覺得肉乾而無肉香，嚥不下的肉渣竟有四份之一。環顧左右食卓，一眾叉燒俱為瘦肉。大哥做到的小弟竟然都反向做到了。順帶一提，茶有色而無味，當然亦沒有近來新城市中心自來水的水喉味。又：茶錢每位十元。白灼菜心偏硬偏老，侍應推介錯了。 

每次來到沙田市中心，都是遇上了午飯時間，亦會順道食埋飯才離開。在新城市廣場的地面層，最近新增了新的食店，但是都已開業了好幾個月。明珠閣落戶新城市廣場，已有幾個月時間，早前經過卻不入內，今次便決定入內吃一頓午餐。店子雖然不大，但有燒味檔和隱藏的廚房，舖面有著淺木色的裝修，就連座位也是兩人方枱，而且還有一些裝飾在牆壁。整體來說，給人一種新派而又富時代感的環境。放在枱面的餐牌都幾多的，計有點心紙，燒味午餐，二人至六人套餐都有，迎合不同需要。而自己喜歡的點心，就在紙心紙中剔選，如果想點燒味午餐的，靈呼喚侍應落單，當中還可以加銀兩配港式飲品，又或者是白灼時菜。然而在下對於點心及燒味都頗具興趣，可是只能任擇其一，始終都是因為一個人午飯，未能吃到那麼多的食物。幾經選擇，最後都是點來燒味飯套餐算吧。叉燒燒飯。是一道經常吃到的燒味，也是在下幾喜歡吃的燒味之一。叉燒部份有著肥羔，但是不太多，表面顏色紅潤，中間部份呈白色，亦有少許燶邊位置，色澤亦現光亮。入口時肉質鬆化，亦帶有煙靭感覺，蜜味也豐富；燒肉有著少許肥肉，入口不膩而且軟腍，皮燒得脆口而不硬。白灼芥蘭。今年冬季都未曾吃過，於是另加二十五個大洋，便可有