明珠閣 (Closed)

原來有小朋友在沙田食飯 仲要book到枱 真係超級困難嘅一件事我真係衷心感激呢間嘢個靚仔經理呢間嘢嘅bb 櫈冇安全帶㗎家長們自行要帶由於我好少落沙田但係朋友 有小朋友冇可能食冇book位嘅地方我其實打咗好多間去問淨係呢間有點心又有得book位我到步之後都好愕然以為係酒樓不過啲嘢食 唔錯最緊要係 樓面好有禮貌佢竟然有暗然銷魂飯夠曬玩味佢嘅叉燒又肥又腍 又juicy但係我唔係好鍾意食個蛋腸粉又滑炸春捲又香又脆佢有個酥炸牛腩我覺得牛腩唔夠腍最正呢度有好多玩味點心啱曬小朋友又食又玩xo炒腸粉稍為嫌唔夠味其實真係好多人等位因為佢嘅收費 都真係幾平不過略嫌茶壺污糟咗少少

今日下午6時35分已登記6位並取票等候，待7時15分，向所謂最高級男職員查詢（男職員自稱是最高級），「已等了40分鐘了，請問可唔可以盡快安排下入座」，因眼見身邊A，B，D票的都已入座，還入了很多張，那位高級男職員無尾音，無禮貌的説「安排唔到喎」，我唔係要即刻有位，幼稚園都識計2＋2＋2=6 / 3+3=6 / 2+4=6，既然係最高級係咪要分佈下入枱次序呢？到我家人問佢點解要等咁耐時，佢既然答食店係無6個位嘅，呢個答案都講得出，我諗有無能力去做最高級呢個位大家都可以分析下，係咪最高級都唔緊要，最緊要係個態度，有無心去做，只係走兩個叫兩個，走3個叫3個，食店本來無6個位就唔叫6位，係咪咁做生意？好可笑！即使食物味道唔差，上菜快到火箭都無用，只要有一個無心無禮貌嘅職員，完完全全影響人流及食客情緒，以後我都無興趣再去沙田明珠閣用膳，怕難為該高級男職員要用心去安排坐位。以上純粹本人個人意見，只想和大家分享，如果6位要入座真係要好耐心等候！

今晚我們喺沙田附近做完嘢之後去咗新城市廣場行吓，行到去一間「明珠閣」見到有幾多人排隊等位，所以我們就決定入去食晚飯！我們叫咗黯然銷魂飯嘅叉燒肉質雖然相當鬆軟，但表面就燒到色澤比較深色，感覺有啲燶黑，而煎蛋嘅表面加咗乾蔥、紫洋蔥同蔥花，令到味道更加芳香惹味！晶瑩鮮蝦餃嘅餃皮好晶瑩薄身，蝦肉相當爽甜彈牙，而且都幾多汁！滑蛋蝦仁帶子炒河嘅河粉麵質好煙煙韌韌，蝦仁同帶子好鮮味彈牙，再淋上香滑嘅滑蛋喺表面，真係好正呀！小雲吞鷄湯嘅湯底味道好鮮甜香濃，雲吞嘅皮相當薄身，而且好軟滑，但鷄肉嘅肉質就有啲「粗嚡」！福建炒飯炒河一樣都係用個小鐵煎鍋盛載著上碟，賣相都幾吸引，而且炒得都幾夠鑊氣，材料亦好豐富有：蝦肉、帶子、鷄肉、瑤柱絲、翠玉瓜粒等等等等⋯⋯真係幾足料抵食！

早幾日放工約左屋企人食飯，忽然想食中菜，路過明珠閣唔洗等位，價錢好似幾抵食就諗住試一試啦叫左三野樣加一個甜品！佢晚上有d平價的客飯或者可以叫主餐牌！羅漢斎飯～～賣相唔錯，主要有菜同菇類，如果有埋豆腐的話會更開心啦😊漁香茄子炆鴛鴦米～～夠入味微辣，但係茄子份量較少，用左米粉加粉絲，口感唔錯，冇咁單一咕嚕魚塊飯～～魚新鮮炸起，但味道較酸，用左新鮮菠蘿，抵讚最後係甜品時間，紅豆砵仔糕～～紅豆只浮起面，沒有黃糖香味，較失望如果想起沙田座得舒舒的話都係一個選擇

I came into this restaurant expecting it to have a similar vibe to Crystal Jade and Din Tai Fung, but it was a much different experience. The furniture looked very casual, and so did the menu. Not too many choices and I did not expect much. But once the food arrived I noticed that the portions were generous, and the taste was strong and to my liking. Recommend to people who seek a casual and quick experience with decent price and food.

某週日下午喺沙田搵野食，見到呢間叫明珠閣的中餐廳，覺得午市二人套餐啱食，見到門口都有數十人等位，點知甘啱有兩位吉枱唔洗等可以入座，未計茶位加一$208幾抵食。桌面預早擺左茶壺，原來只有普洱一種茶，冇得選擇，好彩我係飲開普洱，所以冇問題。霸王花豬骨湯讚！有燉雞湯的味道，味清香湯甜滑，霸王花煲湯有清心潤肺、消暑解熱，正值炎夏飲呢款湯最為適合，男友都話讚！蠔油芥蘭用芥蘭苗，芥蘭新鮮好靚，好正常海南雞份量好少約六塊，雞肉唔太新鮮，好似擺左好耐棉花雞唔錯，幾好味牛肉球質感太(林)，冇口感，整體都OK欖菜肉鬆炒飯好味！味道啱啱好，唔會太油，米飯粒粒分明，軟硬適中埋單 HKD 240，呢個價錢算係唔錯，最重要食物乾淨同環境舒服，又食得開心，推介想飲茶又唔想去酒樓既朋友，呢類餐廳形式既飲茶地方都好正。

我們這些打工仔太忙了，數數手指，一個月有多少日是跟家人共聚晚飯呢？母親節顧名思義是一個歌頌母親的節日，但其實也是給我這個大忙人與家人聚首一堂，共享温馨晚飯的一夜。那麼重要的一晚，媽媽選了去明珠閣，説很喜歡它的叉燒。我帶著半信半疑的心態，$118只有八塊叉燒，值得嗎？但又再一次証明媽媽總是對的道理是正確。叉燒的確很好吃，我想是我吃過最好吃的叉燒。叉燒肉厚而不軔，不肥也不瘦，烤得微焦咬下去又脆口。是值得的！$78的南乳素齋卻有點失望，份量不大，味道不過不失。只有豆卜，西蘭花，粉絲，冬菇和菜。南乳汁拌飯吃也是不錯的，但在家自己弄也可以。三杯雞份量小得可憐，有點像已給人家吃了一半才送上來的樣子。但味道卻岀奇地好，雞炒得十分入味，有鑊氣十分野味，可惜啖啖肉的只有數件，其餘也只是炸雞皮而以，不值$108。最後童心未泯的我點了豬八戒流心包，豬八戒樣子笨笨的，賣相十分可愛。內面則了朱古力醬，本以為是濃醇的朱古力，但朱古力醬卻很稀，有點失望。

難得與相識40載嘅中學同學聚餐，食咩已經頭痕！有同學由美國返嚟，再加上有另一同學喺沙田有其他嘢做需要夜少少到，決定揀沙田嘅中菜館。之前已經聽聞明珠閣，佢地嘅蜜汁叉燒皇好出名，等美國返嚟嘅同學試下。當大家到齊兼吹咗一輪水後點菜，一心諗住試下“蜜汁叉燒皇”，可惜服務員話售罄。惟有點咗幾個小菜。叫咗脆皮乳鴿，皮脆肉滑，下次再幫襯的站必吃 唔錯。石斑 蒸得剛好。菠蘿咕嚕肉 就一般而已。椒鹽肉排 。紅燒豆腐 有點失望。整體唔錯。

夜晚想食中菜，在新城市決定去從未去過的明珠閣。當日有二人套餐，有一碟小食，老火湯加兩個小菜，總值$298，另收加一。小食選擇了叉燒。叉燒用鐵板上，味道一般，得個甜字。叉燒肉質是由鬆肉粉「那」到很淋的那種，我不喜歡跟住老火湯簡直是味精水。影都廢事影。小菜我們選擇了瑤柱西蘭花和三杯雞。兩碟的份量都很多。瑤柱西蘭花是全晚最美味的。有瑤柱味，西蘭花不油膩 。三杯雞其實不是三杯雞，味道甜甜酸酸的。雞肉炸到石頭般的堅硬。餸菜完全無heart，服務還好。

在沙田區與友人們聚會時，每每要到那兒吃飯，大家都很苦惱。到大排檔或小店時，雖然好食，但地方擠迫，環境又不好。想坐好一點，到酒店的餐廳吃飯，價錢又會貴了一點點，千想萬想，還是覺得明珠閣最好，不但坐得舒適，位置又方便。 每次來到，總會點上招牌叉燒，然而剩吃可能有點過時了，他們把台式小食中的刈包融會貫通，創製出一道叉燒皇刈包來吸引客人，以叉燒來代替腩肉，此舉沒有那麼肥膩，反而變得健康一點。 接著來一道席前弄製的鐵板叉燒皇，侍者先將叉燒皇放在熱烘烘的鐵板上，再淋上桂花蜜汁，配合蠔油豆來吃，叉燒的油脂經鐵板的熱力溶化，變得更軟腍甘香，絕對是吃叉燒的新方法。 在晚飯時間供應點心，絕對是一個賣點，港人熱愛的除了叉燒外，還有新鮮蒸出來的點心，晶瑩鮮蝦餃及蟹子滑燒賣必定不可少。蝦餃餡料鮮美，不過餃皮略嫌可以薄身一點，做得更晶瑩剔透；相反地，燒賣則做得不錯，切肉餡料鮮美之餘，更是爽口，配合上面的一隻大蝦，賣相更為吸引。 現在的點心可謂層出不窮，除了要美味外，賣相都要一絕，好像至Like奶皇流沙包及豬八戒流心包兩款，前者是樣子傻更更的表情，包著的是奶皇流沙餡；後者則是豬仔的樣子，餡料是流心朱

服务员点菜的时候就很不耐烦，不屑的大声喊到，外边宣传有，菜单没有就是没有，我刚点了一个菜，准备翻页，他就很不耐烦的催促。吃完这个很不爽的饭后，女盆友叫我快走，我结账的时候，本来想让经理让这个香港人赔礼道歉卑我们，可是经理也是态度蛮横，还是把我钱收走之后，经理才出现。实在非常失望，关键是菜又贵，还是这种服务态度，还特么收服务费，实在令人感到失望

行到攰，諗住搵個人少少既地方坐，見佢環境算唔錯，天氣凍去飲返杯熱茶都好，叫左碗小雲吞麵同一籠小籠包做下午茶。小雲吞麵 （$68）一上枱，勁精緻，心諗應該唔差得去邊卦，點知第一啖面，咬極都唔斷。。再試雲吞，雲吞皮滑滑的，餡既味道普普通通，略嫌真係細粒左少少，湯都係偏清淡。。整體都係好淡味。小籠包 （$36/3粒）小籠包好像比較好，皮薄湯鮮。。尤其皮，真係做到薄到透。。但餡亦只係普通水平。最敗筆都係杯茶，侍應已經提醒我要焗一陣，點知我邊食邊飲都焗左半個鐘，最後普洱既色係出左，但佢重淡口過平時茶樓飲既茶。。同滾水都無乜分別。。雖然佢收$5/位茶錢，但我寧願收貴少少，比杯有茶味既茶我好過。

Boxing Day 快樂！其實很怕小孩開始放假，而老公卻仍在上班的中空期，今年一共有21及22日兩天！還好新姐姐到了職，十分幫得手，加上這兩天都排滿節目，總算平安過渡。今天就補分享一下冬至日中午行程：先是沙田IKEA / 新城市廣場 X-Box 展覽中放電，然後再與朋友一起午餐。 是日午餐地點就在很近的 明珠閣。大概玩得太累，熱狗一早消化乾淨，兩兄妹特別囝囝這天的食力超勁，連同友人4大2小掃了超多美食！首先是前菜的 麻香螺片 ($128)：大大件的螺片夠薄身、十分爽口，帶點芥末麻醬非常醒胃好吃，不過也因此小孩不宜，我們大人趕緊痛快吃吧！ 因為，接下來的可愛點心兩小魔就非常不客氣了！最先上檯有 晶瑩鮮蝦餃 ($38/四件)，成品飽滿又皮薄餡鮮，兩兄妹都愛吃；還有中間有朱古力醬的粉紅色 豬八戒流心包 ($36)，更火速給搶去。可愛豬包相當流心，妹妹一吃就是兩個，媽媽想試一口也沒門呢～ 另一款是 小熊豆沙包 ($36)，樣子也非常逗趣，由於妹妹取去了只吃了一半，媽媽我才有機會試味：不同於一般豆沙包的濃甜，這包餡料較似紅豆沙的微甜，還留著不少豆衣，個人幾喜歡。 當然少不了小孩至愛的

某一天，在開飯網站中見到識飲識食的友人 EAT Hard PLAY Hard寫了一篇有關這間位於沙田新城市廣場的中菜館子的新食評，見她對這間新近裝修過的中菜館評價不俗，這一天聖誕佳節，我又要和家人來到附近辦點事，便決定帶家中的老人家一起來吃吃點心，開懷大嚼一番。這天是聖誕正日，雖然自己一早已打電話去訂位，但還是額滿見遺，所以自己本已對能在這天光顧不寄厚望，誰不知這天辦過事後，來到「明珠閣」，竟然幸運地只需輪候不到十個號碼便可有位，喜出望外的我當然不介意稍候片刻，最後只是等了十多分鐘，便可入內用餐。沒來多時，這兒比前簇新了，光猛了，我和家人坐的是四人梳化卡座，但我們只得三人，坐得就更舒適了。好一段日子前，曾在新派中菜館 Yum Cha中吃過相類似的前菜，頗為喜歡，所以這一次當我見到「橙皮冬瓜」（$48）時，便已決定點選作前菜。這賣相整齊，顏色豔麗的前菜，冬瓜爽口，橙汁開胃，作為前菜小食，當真不錯。 其實這間「明珠閣」在未重新裝修前，自己也曾和數位朋友來過一趟，吃過晚飯，對這兒的靚叉燒留下甚佳的印象。這一次，從友人的文章中，得知這兒的新菜式「鐵板叉燒皇」（$68）在傳統中加入了新意思，而且

這晚來到沙田新城市廣場，發現Citysuper樓下一向主打廣東點心及小炒的明珠閣換了新形象。新裝修後更明亮整潔，空間感不錯，用餐氣氛輕鬆。翻翻menu，這裡主要分前菜, 小食, 湯水, 小菜, 蔬菜, 飯麵, 甜品以及點心等8個類別。發現無論午市點心抑或小菜都新增了不少創意新選擇。就如「雪花松葉蟹鉗」($32/隻，2隻起)，外層金黃色的脆粒是炸麵包糠，咬開裡面是被彈牙蝦膠包著的松葉蟹蟹鉗，味道層次豐富。感覺帶點百花釀蟹鉗x蝦多士的混合體。明珠閣的叉燒向來頗出色。現在還推出來加強版的「鐵板叉燒皇」（$68）。厚切叉燒放在熱辣辣的鐵板上，再淋上桂花蜜汁後'咋咋聲'效果吸引！「原個菠蘿咕嚕肉」（$108），連同原個菠蘿上枱，在保持味道外，同樣兼顧視覺效果。這夜大家也分享了一隻「脆皮沙田乳鴿」（$58）。皮香肉甜嫩，而且肉汁豐富，愛吃乳鴿的朋友別錯過。此外我們亦吃了2款有趣小食，吸滿橙汁汽水的「橙皮冬瓜」（$48）及一客6件的「奇妙鴨件」（$88）。「奇妙鴨件」以煙燻鴨胸肉、mayo蛋黃醬、烚蛋加上薄脆薯片，想不到這配搭，但味道都頗夾，的確奇妙 主食方面，我們點了「櫻花蝦炒飯」（$108）和「