北京樓 (Closed)

呢度係我飯堂之一。因為夜收工，晚飯多數出街食。呢度的出品唔錯，但就十分容易搵位，所以我與內子每個星期最少來一次。我最鍾意食呢度的海蜇頭，大舊爽口，蔥油香味濃郁，食到尾用匙羹「畢」埋的汁液，沁落D銀絲卷度食，正。炒鱔糊是內子喜愛之一。呢度係京菜館，但的炒鱔糊就滬菜響油鱔糊做法，下墊大量韭黃，她愛其辛辣。呢度D拉麵應該係自己打的，唔似一般京滬菜館的死死實實。重有，蔥油餅都幾正，包有汁，每次必叫一個。這裏的工作人員招呼一流，禮貌周周，值得一讚。食完順路搭車返屋企，又一日。 continue reading

屋企人話去潮樓飲茶，但我知這裡有半價，而且之前同屋企人黎過食晚飯，大家都覺得好好味，so suggest 來這裡，大家都很agree ~五個人，食左十幾碟野，最好味係素菜餃，塊皮好滑，個餡好好味！咁多籠點心最好食係佢！上次黎食晚飯，生煎素菜包又係激好味，皮同餡都好好食，好食過菜肉包or餃！必食item ~~ 芝麻糕都好正，滑到不得了！這兩個點心都令人回味無窮呢~~柚子糕普通，小籠包同燒賣都好食，係得一樣唔好食：蘿蔔絲酥餅，賣相唔靚，餡又唔滑。這裡的包和餃都好得！半價五個人都只係$18x，好抵。所以唔明點解唔滿，不過亦因為咁，我鍾意佢唔嘈，坐得舒服。 continue reading

禮拜日晚, 三個女仔, 度度都多人, 於是就手選一間不用等的食肆。睇完個餐牌, 都係覺得四人餐多花款抵食, 於是明知食唔哂都照叫, 估唔到係樣樣都好好食。冷盤-醉雞, 麻油海蜇~我唔中意食雞, 覺得普通, 但係個海蜇好正, 海蜇唔老, 麻油夠香。雞絲翅~好好味, 雖然唔係好多翅, 但係好夠味。黃金蝦~好難整得差, 不過加左脆玉瓜變得更加好味, 令道菜無咁膩。南瓜翡翠苗~又係味道剛剛好, 南瓜汁幾清, 難得翡翠苗唔老。素餃~雖然係素, 但係一d都唔寡味, 香菇好香。填鴨~我們完全無想到係整隻來, 而且仲係regular size咁大隻(散叫都要二百幾蚊), 隻鴨燒得剛剛好, 而且肥瘦適中, 皮又脆又香, 肉就無肥肉, 最重要係無騷味, 好合我胃口。合桃奶酪~ 美心甜品一向水準高, 如果唔係飽到上心口, 真係想叫他比多d。餐價$558, 埋單$62x, 因為我地三個人比四人餐既錢, 有少少貴, 但係我覺得好值。我試過荃灣鴻x, 一個人比同樣價錢但係d野唔好食。 continue reading

北京樓食過好多次．．一向都唔係以平取勝．．但唔知點解中秋前夕既一餐會咁抵．．與男友一家一行六人叫套餐．．＄６３８有勁多野食．．仲要好大碟：薰魚：有十幾塊．．味道不過不失啦．．紅油元啼：又係十幾塊．．幾好．．唔太肥．．咸旦蝦：好大碟．．有十幾隻大蝦．．又大隻又爽口．．好好味．．仲有Ｄ翠肉瓜．．雲吞雞：好味．．一煲有八碗．．隻雲吞好得．．片皮鴨：好大隻鴨．．但唔係好肥．．所以唔夠香口．．但健康Ｄ無咁溜．．我覺得幾好．．松子魚：用桂花魚．．又係好大條．．好香口．．個汁唔太酸．．好多配料．．好正翠肉瓜炒秀珍菇：幾好味．．又係好大碟．．煎素菜飽：全晚我最鐘意的．．個底好脆．．飽又軟．．菜同冬菇好多好鮮．．超正．．一人有一大個．．紫米露：好香．．唔會好杰．．有椰果．．好味道！六個人成左七百蚊．．以北京樓平時都唔會好平．．但今晚仲係中秋前夕．．真係好抵好多野食．．食到打包好多．．味道又超好．．以後去食晚飯都會選套餐．． continue reading

好飽！已經十三個半人食~五小碟：醉雞、白切肉、海哲、牛展、??有宮保蝦球，好大粒爽口~竹笙魚翅ok北京炒拉麵and素菜包麻麻炒桂花魚有點腥~整體食物質素不錯~共$2500 continue reading