Video
Exit D1, Nam Cheong MTR Station/ Exit C1, Sham Shui Po MTR Station
continue reading
Telephone
23619069
Introduction
北京拉麵店是一家以京式拉麵為主，並輔以特色的京川小菜和淮揚麭點的一間優質食肆。招牌小點是小籠湯飽皮薄餡靚；另推介肉搶湯拉麵。數間分店由西龍飲食集團策劃經營，深水步總店每晚都有拉麵表演。
continue reading
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
今日同老公嘗試發掘深水埗美食，呢間係西九龍中心開咗十幾年嘅鋪頭我哋竟然一次都冇幫襯過，唔知係因為裝修定係乜嘢，每次經過都冇入去食嘢嘅想法，今日終於鼓起勇氣試一試，心想既然可以係原鋪開咗咁多年，應該有咁上下水準嘅，所以都應該俾次機會。 我哋點咗兩個下午茶拉麵，一個四川擔擔麵，一個南京牛肉麵。食物一上檯就覺得個賣相好靚，感覺應該會好食。結果令我哋好有驚喜，湯底唔糊，又好味，麵Q彈，特別中意個四川擔擔麵，辣得惹味啱啱好。下次會再幫襯！
continue reading
早上叫了一擔擔麵、來了後嚐了第一口便覺得好似五香肉丁味，便問店員是否出錯，但他們好堅決表示我地無五香肉丁。大佬啊！你咪人地未食過擔擔麵啦！五香肉丁味勁重、色水又唔似，唔好搵人笨啦！
continue reading
放假同男友行街，唔知食咩好，想清淡啲行行吓，見到北京拉麵店，感覺好似唔錯，一於入去試吓啦叫咗個回鍋肉炒拉麵感覺唔錯，拉麵好掛汁，回鍋肉其實都唔係好肥既肉我鍾意食呢啲上海炒拉麵嘅原因係因為，佢入邊都會加好多大白菜，感覺唔會好肥膩。試左個瑤柱小籠包感覺都唔錯，都係好大路，正正常常有湯汁酸辣湯雲吞我酸辣湯好大碗，雲吞都好大粒，以上嘅份量兩個人係有食剩的，酸辣湯多飲對身體好促進新陳代謝。所有食物味道都OK。算不上超級美食，但都正正常常，想轉下口味可以一試，唔係一個伏嘅餐廳
continue reading
呢度嘅主打就係拉麵，所以我點都要試下佢哋嘅拉麵架啦，我就叫咗個豬軟骨拉麵，仲叫咗一份花雕醉雞配菜飯同小籠包。呢度嘅拉麵都OK嘅，不過啲豬軟骨就有啲硬，我本身期望啲肉能再冧啲。不過花雕醉雞就幾正，配埋菜飯就仲正，鍾意食菜飯嘅朋友一定唔可以錯過。而小籠包嘅皮都幾好，湯汁都多嘅，不過豬肉可能有啲肥，油左啲，不過點翻啲醋就平衡翻啲。呢間店嘅裝潢都幾有特式，牆上都貼住啲面譜同假嘅竹子，營造咗一個好有中國餐館嘅氣氛環境。
continue reading
有日經過深水埗西九龍中心，都好耐無光顧啲老店。話時話呢間北京拉面店由我細個讀書個陣已經在營業，突然間心血來潮就決定左係佢喇~店舖咁多年都係維持住呢個風格，牆身有好多京劇小面譜，每個面譜都唔一樣細細個都幾有趣。餐廳會有個待應幫你倒茶，茶杯都好中國風格個種藍邊白杯。茶係茉莉花茶黎，茉莉花散發出淡淡的香味幾合適慢慢茗茶。午市套餐選擇唔算多，有啲菜式只有呢間餐廳獨有，價錢尚算合理。低糖紫米豆漿味道一般般，唔算難飲。熱奶茶啱啱上枱個陣比較多泡泡，茶底算濃，質素尚可。花雕醉鷄呢道小食餐廳俾左鷄脾位我地，肉質都幾滑淡淡肉，鷄肉有陣微微的酒香唔會喧賓奪主。但鷄肉份量唔算太多，有啲到喉唔到肺感覺。套餐的鱔糊飯應該是呢間餐廳的招牌菜，膳糊醬汁的味道甜甜鹹鹹好味幾下飯。餐廳用啲比較嫩的芽菜，口感柔軟無乜渣，碟餸都幾多舊鱔魚無乜魚刺啖啖都係肉，鱔皮都爽口。菜飯要加3元，不過個人覺得一般般，因為飯裡面的草青味比較重，要點叫白飯比較好。另一半叫左另一個套餐，拉面湯底都比較清淡，拉面質地唔會太淋都有少少彈性。反而配菜的豬扒有驚喜，炸得好脆味道唔會太鹹，豬扒醬汁甜甜酸酸非常搭。套餐仲有個套餐小籠包跟，小籠包面皮厚度一般，裡面湯汁唔算多，肉餡比較清爽唔會有個陣肥肉的油膩感。作為招牌菜的小籠包味道唔算突出。做返個總結，餐廳環境坐得算舒適，畢竟係老店多多少少有啲年代感。待應反應都算幾快有笑容。菜品味道質素雖然唔太突出但主菜有驚喜，賣相都OK，價錢有少少偏貴。偶然黎呢度都可以試下其他菜式，讚
continue reading