半島咖啡屋 (Moved) New Location

同朋友上次黎過之後今次又再番黎，試佢餐牌其他食物。今次唔食蜜糖雞翼，食佢既椒鹽雞翼！兩款都好食，但如果可以雙併就最好了。不過明白佢係即叫即整既，所以要整雙併都會有啲難。另外點左佢既羊扒配天使麵，份量都好大好飽，而且味道唔錯唔錯。呢到位置舒服，食物都有水準，而且價錢唔貴，好抵食。

同朋友不嬲鐘意去周圍試樓上cafe, 今次黎到呢間。入到去一開始唔太多人，坐落啲座位超寬敞超舒服，兩個人坐六人卡位。點左兩個主菜（包飲品）加一碟雞翼。比期待既更好。碟雜菌忌廉扁意粉超好味！ 啲白汁好濃，又多菇，岩晒我口味，實屬水準以上。個蜜糖雞翼又係難得的好味，煎得好香，塗上一層蜜糖味道好正。個主菜份量都算大碟，女仔食一定夠晒飽！

之前未黎過亦未聽過半島咖啡室，我同朋友都係膽粗粗走上去試，入到去見倒環境一般，燈光有d昏暗(特色?)，仲打開左隻玻璃窗，其實印象麻麻我地揀左張光猛d既4人卡位坐低左，我地見倒菜單上d餐都九十幾蚊起跳，我的確覺得咁既環境咁既價錢係有d貴，心入面有小小唔据我不抱住任何期望，求其叫左什麼煎鱈魚天使麵，但食落發現，咦，d魚煎得微焦發出魚香，冇煎過龍，味道唔錯，白汁又濃又甜，唔係快餐店垃圾貨仔，溝天使麵食好和味飲品我叫左個芒果奶昔，味道都喜出望外，味道好豐富，唔係出面台式飲品鋪d貨仔其實半島咖啡室d o野唔差得過隔離馬德里幾多，但呢度任坐(而且唔駛等位，以及洗手間都乾淨)，如果大家想搵d新Cafe試下，可以考慮下呢度