半島漁港/阿翁火鍋館

Open Now

Now Closed

今日朋友帶我來灣仔「半島漁港/阿翁火鍋館」吃晚飯，一入門口就見到酒樓的典型大水缸，入面有好多新鮮海鮮🦞🦀🦐🐟 我們在晚上約6點許入座時，全間酒樓幾乎坐滿，很熱鬧🤗入座後睇到餐牌做緊多款優惠及晚市套餐，我們2人點了［$1至尊燒鵝］及［晚市優惠三寶］，夠晒經濟實惠👍🏻而且侍應們的服務很到位😊 至尊燒鵝 (2-4位 1/4隻) $1鵝皮散發酥香🪿，食落富油香脆口，鹹香適中，而鵝肉嫩滑而不乾，正‼️ 晚市優惠三寶 $398白汁明蝦球明蝦即是對蝦🦐，明蝦較大蝦更嫰，甜甜的沙律醬汁拌在中式口味的蝦球上，蝦肉很香口，很美味🤩 欖角骨欖角骨使用一字骨🐷，外層香脆可口，肉質飽滿而且軟腍鮮嫩，醃得入味，配搭惹味的欖角味道，味道豐富而濃郁。清蒸富貴斑 (約1斤)富貴斑魚肉質感細嫰🐟，一點腥味都沒有😊簡單蘸上蒸魚豉油，就帶出魚的清澈鮮味，很好下飯😍 前菜 $15/碟 | 茶位 $15/位

今晚朋友約左去灣仔半島漁港食晚餐，入到去坐好先整個壽味飲住先，同埋食花生真係食炒花生。大家都一致諗好叫優惠一蚊極品BB豬同個優惠四寶，再整個粉葛鯪魚煲唐排湯飲下潤一潤，補多隻紅燒脆皮乳鴿。粉葛鯪魚煲唐排：足料老火湯，魚鮮味好濃味骨湯，好好飲。優惠四寶就係以下四樣-蒜子陳皮蒸頭腩：魚鮮味再加上蒜子陳皮去蒸會更加帶出魚鮮味。油泡龍躉球：厚厚龍躉肉，有口感之外仲口口魚肉鮮味。龍躉要厚肉先可以做到這個口感。連帶配菜木耳，蜜糖豆，紅黃椒加上蒜蓉炒真香口。雙冬羊腩煲：滾住羊腩煲加埋生菜煲。羊腩肉質好，唔會羶，馬蹄枝竹竹筍入晒羊腩煲味道。重點係個腐乳，配合羊腩煲係一流 。頭抽皇焗海蝦：海蝦一食就知，肉質係比較實同時味道比較鮮甜。頭抽爆洋蔥令到蝦味道更鮮甜。$1極品BB豬：BB豬最驚得肥膏，佢唔使太肥。皮脆肉同肥比例適中，咬下來有不同層次香味。紅燒脆皮乳鴿：外脆內熱，肉質好。皮脆得來又鎖住肉汁。守尾門梗係整碗紅豆沙先叫完美。紅豆沙甜度適中，紅豆完全夠淋，有口感又美味。

放工後，同阿爸阿媽相約到灣仔的半島漁港食晚餐，晚市可選火鍋或小菜，下次三五知己過去打邊爐都係一個唔錯的選擇。剛好店員安排卡位，坐得闊落又舒適。😁🍽️🫖✨ 柚子大蝦球（$158），每隻蝦球大大隻，爽口彈牙，炸得脹卜卜、酥脆可口，外皮很薄又鬆軟。炸完再撈上柚子汁，味道帶點酸甜，真是胃口大開。🦐🔥✨ 沙爹金菇肥牛煲（$138），平時都會點呢味作為撈飯之選，肥牛煲大大煲，粉絲和金菇撈滿了沙爹，非常惹味。肥牛香滑，滿滿的沙爹汁炒得夠哂入味，回味無窮。🐮🍄‍🟫✨ 馬拉盞豚肉芥蘭（$148），煲仔上枱時冒哂煙，需要自行炒多幾下，芥蘭超幼嫩，入口無渣，豚肉選用了黑毛豬肉，入口鬆軟彈牙，吃過不停。🐷🥬🔥✨ BB豬（+$1），平日的星期一至五晚市，可用$1的價錢選一款燒味（選擇分別有海南文昌雞、至尊燒鵝皇、極品BB豬），2-4人可獲1/4份。我地就選極品BB豬，BB豬排列整齊，外皮燒得香脆，而且脂肪比唔算多，再點上乳豬醬甘香可口。🐷🤤最後，店鋪逢送南瓜西米露作為飯後甜品，真係又飽又滿足。🎃😋🙌🏼

大漁缸，海鮮🦞仲可以+$1有一個好豐富嘅乳豬/燒鵝/文昌雞真係唔講得笑，堅抵食今日同老豆食得豐富D～慰勞一下辛苦嘅爸爸$1「一蚊乳豬」脆皮肉唔肥，份量夠我哋仲叫埋隻新鮮龍蝦加芝士伊面足足一斤重的西澳龍蝦🦞都係$448仲有芝士🧀伊面,抵食夾大件，啖啖都係肉，鮮甜爆芝士京蔥炒牛肉～酸酸甜甜的上湯什菌浸魚肚～清甜，鮮味，又唔油膩 清清地又好豐富嘅魚肚推介燒味雙拼～叉燒任何時候都係嘅No1 choice,肥淋燶👍👍👍👍👍👍👍魚肚羹正規味道👅真材實料仲有南瓜露送～一絲一絲的南瓜，甜甜的味道，好窩心總共七送一湯，加埋新鮮龍蝦🦞連加一都係1K,真心抵食下次試埋火鍋放題先

之前打電話訂枱，7:30位到咗酒樓等咗一陣間就有位五個人差唔多俾咗張八人枱坐得幾舒服仲可以放兩個火鍋爐首先三揀一 揀咗一個豬骨煲食住先，跟住仲可以揀多一個湯底我哋揀咗鴛鴦鍋 皮蛋芫荽同埋沙嗲跟住嚟咗啲沒有任食的食品例如鮑魚玉掌水餃王 高級牛頸脊仲有啲刺身同埋海鮮拼盤幾百蚊，任食自助火鍋性價比幾高仲有另外一邊就係 丸豆腐，菇類同蔬菜任食仲有基本嘢飲 飲飲例如啤酒，汽水綠茶仲有啲任食就係豬牛羊仲有魚蝦墨魚滑至少無限你時間同埋見全場爆滿好多人叫餸食飯或者一圍圍的菜下次再來食佢嘅小菜食完感覺上係冇乜味精的因為沒有口乾同眼瞓自己的感覺⋯⋯

今年「半島海鮮」的聖誕聯歡會全包宴，菜品種類一如既往地豐富，涵蓋了中式燒味、點心以及傳統飯菜，讓人感受到節日氣氛的濃厚。不過整體仍有不少進步空間 💪🏻🎄🎄1. 燒味拼盤 🔥燒味拼盤包括燻蹄、叉燒、切雞和海蜇，整體味道不錯，能夠滿足大多數人的口味。叉燒略嫌偏瘦，但仍在可接受範圍。然而，本應作為亮點的燒腩仔卻稍顯遺憾。外皮不夠鬆化脆，缺乏入口後「咔滋」的酥脆感 🥲🥲2. 點心 🔥點心提供了春捲、燒賣、蝦餃等經典選擇，種類豐富，整體表現中等偏上。其中，蝦餃和燒賣的口感頗佳，蝦肉鮮甜彈牙。然而，奶黃包則稍顯令人失望。奶黃餡料過於流動，幾乎呈現液體狀態，導致整體口感欠佳 🙈💛3. 燒鵝皇 🔥燒鵝被視為宴會中的王牌菜品，份量十足，肉質也算鮮嫩。👑 燒鵝的油脂偏多，但因為缺少保溫措施，燒鵝在上桌後很快冷卻，肥膏凝固，影響了口感與風味。建議加入保溫設備，讓燒鵝保持溫熱、更好地呈現外皮香脆與內裡鮮嫩的特色。4. 臘味糯米飯 🔥臘味糯米飯的口感處理得當，臘味的分量也充足，能夠吃到臘腸和臘肉的香氣。然而，整體調味偏淡，雖然糯米飯的顏色呈現得不錯，但味道實際上較平淡，可適量加入醬油或其他調味料，讓臘味的香氣能

今晚朋友飯聚👭🏻近近哋同佢去咗「半島漁港/阿翁火鍋館」食無限時任飲任食海鮮火鍋(2位)😬.蠔皇鮑魚扣玉掌🦆鮑魚同玉掌都炆得入味🔥鮑魚彈牙😆鴨掌軟腍😌配上西蘭花🥦.刺身拼盤🐠有三文魚🐠帶子、生蝦🦐及希靈魚🐟三文魚同帶子肥美甘香😋.招牌鴛鴦鍋🍲皮蛋芫茜鍋同沙嗲鍋💁🏻‍♀️前者足料😉有大量馬蹄、皮蛋同芫茜🥚🌿入口清甜重芫茜味☺️後者惹味帶花生香🥜.環球海鮮盤🌊有蟶子、生蠔🦪鮮蝦、青口、墨魚🦑帆立貝🐚用料新鮮大隻😍.本地手切肥牛(細)🥩油脂分怖平均，肉質柔嫩，肉味濃郁，肉汁豐富🤤.至尊水餃皇(2隻)🥟皮薄餡飽滿👍🏻蝦肉加上木耳🍤好爽口，口感彈牙😗.火鍋配料🥢點咗美國雪花肥牛🐄黑豚肉🐷豬頸肉🐖同四寶丸🍢.自助區🍽️有丸類、餃類、蔬菜類🥬🌽豆腐、菇菌🍄‍🟫內臟類🪿水魷魚、麵食🍜響鈴、麵筋、炸魚皮等💛.飲品🥤有汽水、啤酒🍺紙包飲品🧃同店內每日新鮮煲嘅夏枯草🌱

起14/11，同親戚來左呢間試下晚餐。食物叫左一圍套餐。乳猪皮脆肉嫩，入口即融。龍蝦伊面超重蝦味，喺當將我最為推薦燒鵝，個皮脆脆地配埋話梅汁，超正。除此之外，都有食海鮮抄荷蘭豆，海皇羮，冬菇鵝掌等等。總體而言推薦去下食飯

只需要一蚊咁就可以食到燒乳豬或者文昌雞，甚至燒鵝都得呢個價錢真係好誇張，只要兩位入座就可以用呢個一蚊優惠所以我即刻叫咗一份燒乳豬，兩個人嘅話就會有¼隻嘅燒乳豬可以享用佢嘅乳豬皮好脆，再加小小嘅糖醬汁就更加正我另外叫咗佢晚市優惠三寶，只需398就可以有三款菜式。當中會有蒸富貴班，魚肉好鮮甜厚實，再加埋佢嘅蔥花同埋豉油就，真係好好味。冇諗到呢個價錢，就已經有一斤嘅富貴班，同埋有額外兩個小菜。另外兩個小菜就係白汁明蝦球同埋欖角骨，蝦球裏面嘅蝦好大隻，欖角骨嘅肉酸酸地好開胃。

今次食評有啲私心😂, 唔係針對食物而來，而係一班朋友太耐冇見敘舊傾偈飲嘢， 揀咗依間唔算太貴嘅灣仔火鍋店，其實有時搭車都見開，但係冇留意到佢有夜晚火鍋任飲任食。今日星期五貴少少三百幾蚊一位，都算唔差嘅，一來有個刺身，有個海鮮拼盤同一個靚牛肉…..食完個辣雞窩，之後hot pot 可以任點, 另外響鈴丸菜等嗰啲食物就可以出出邊夾。 如果一大班人又唔想食太貴又想坐成晚, 對食物要求又唔係話太執着的話😂😂可以值得一試, 而且雖然星期五晚比較繁忙, 但見啲夥計都冇狂躁症, 服務都算係咁

是日同朋友到灣仔半島漁港吃晚飯。好快安排好座位，叫左優惠四寶（龍躉兩味蒜子陳皮蒸頭腩，油泡龍躉球,雙冬羊腩煲，頭抽皇焗海蝦）$1一味極品BB豬，粉葛鯪魚煲唐排，紅燒脆皮乳鴿。邊飲住茶邊食住花生等餸黎。龍躉兩味蒜子陳皮蒸頭腩-陳皮香味加上蒜子香令蒸頭腩更加好味道。油泡龍躉球-龍躉球啖啖肉，味道鮮甜好味道。再加上蜜糖豆，木耳，紅黃椒蒜蓉炒更加好味道。雙冬羊腩煲-羊腩煲暖笠笠，有碟生菜可以自己加入煲中烹調。枝竹，筍，馬蹄都吸收晒羊腩煲汁的香味。頭抽皇焗海蝦-海蝦實肉，頭抽味道岩岩好。$1一味極品BB豬-皮脆又唔會過肥，肉又唔會韌。$1超抵食。粉葛鯪魚煲唐排-飲得出好足料,味道好濃。排骨都食晒。紅燒脆皮乳鴿-皮脆內熱。仲有煲到紅豆好淋既紅豆沙，非常好味道。

和舊同事敘舊，想吃中菜，於是便來到位於軒尼詩道的「半島漁港」，酒樓現在有個$1抵食優惠，分別可以在海南文昌雞、極品燒鵝皇及極品BB豬3選1，我哋揀咗文昌雞，有半隻咁多，而且都幾好食，真係$1雞，絕對超值！另外我哋揀咗2-3人晚飯優惠套餐，有自選小食、燒味、小菜及糖水，估唔到份量咁大，呢個餐4個人食都夠！🔹豆腐海皇羹：粒粒滑豆腐，配上蝦仁、竹笙等，熱辣辣好好飲🔹醋撈海蜇：海蜇爽口香脆，是我喜歡的味道！🔹蜜汁叉燒皇配冰燒三層肉：呢度嘅燒味都幾有質素，唔錯唔錯！🔹滑蛋炒蝦球：大大隻蝦球，新鮮彈牙，蛋又真係炒得幾滑！🔹海皇雜菜煲：用料豐富，份量十足！而且味道鮮甜，雜菜煲內的粉絲吸收了海鮮湯的甜味，食到唔停得口！

系$1️⃣就一碟至尊燒鵝皇，大家真係冇聽錯，真係$1️⃣🤩🤩🤩喺灣仔呢間中式菜館，宜家做緊$1️⃣優惠，只要$1️⃣就可以揀至尊燒鵝皇、極品BB豬同埋海南文昌雞，真係超抵!(不過提提大家要留意返:優惠只限 三款選一款 ·全部優惠只限星期一至五晚市,公眾假期除外 同只限堂食)我同朋友今日就專登嚟試吓佢哋嘅$1️⃣優惠餐⭐至尊燒鵝皇$1- 我地2位就1/4隻燒鵝，皮脆肉嫩，而且肉質仲好滑，賣相仲夠曬靚，絕不欺場，通常有驚喜!⭐豐料老火湯(例)$128- 老火湯用料十足，每啖湯都夠曬甜，系店員嘅極力推!⭐瑤柱扒豆苗$158- 豆苗都炒得好入味，而且菜苗新鮮一啲都唔老!🍻大藍妹$32 - 朋友話食燒鵝一定要飲啤酒😆整體中菜館嘅環境氣氛都非常之好，晚飯時段見到成場都係客人，坐無虛席。而且每位店員嘅服務態度都好好，係好值得推介大家去嘅平靚正中菜館!

將軍澳的半島漁港去得多，今晚和老公途經灣仔，一於試試這間分店的小菜。🥬蒜蓉炒莧菜～通常外出吃莧菜也會吃到有沙，但這裡算洗得乾淨。以蒜蓉爆炒後，亦吃不出莧菜的草青味。🥚菜甫肉菘煎蛋角～蛋煎得香脆可口，菜甫的鹹香及肉菘的嚼勁令蛋角的口感更突出。🦐香芹藕片炒蝦球～蝦球彈牙，藕片爽脆。🐷極品BB豬～酒樓現在進行一項推廣：星期一至五，燒味三選一(海南文昌雞，至尊燒鵝皇及極品BB豬)只需$1。以$1這個超級優惠價，便可吃到乳豬，我們當然不會錯過。酒樓沒有將貨就價，乳豬份量足，皮脆肉嫩，卜卜脆的乳豬皮令人食指大動！

今晚約左幾個舊同事飯聚，她們最鍾意打邊爐，所以揀了灣仔半島漁港/阿翁火鍋館的無限時任飲任食火鍋，價錢實惠，選擇豐富，值得一試！首先每人送上炆鮑魚鴨掌西蘭花，色香味俱全，鮑魚和鴨掌都吸收了醬汁的精華，鮑魚爽口彈牙，鴨掌軟腍，令人垂涎欲滴，給人一種奢華的感覺。再來刺身四款，有三文鱼、帶子、虾和希靈魚，我最欣賞的是三文魚，非常厚身，肥美甘香，而附送的海鮮併盤，有蟶子、生蠔、鮮蝦、青口、墨魚、凡立貝等，用料新鮮，本地手切肥牛，油脂均勻，肉質嫩滑，牛味濃郁，十分美味，至尊水餃皇，好飽滿，皮很薄，蝦好爽，口感彈牙！自選區提供大量丸類、魷魚、豆腐、粟米…等等和不同種類的菜、響鈴、炸魚皮、公仔麵等，飲品選擇多樣化，除了有汽水、啤酒外，仲有店內每日新鮮煲既夏枯草，微甜，打邊爐後飲返杯，清熱解渴，一流。除左自選區，餐廳提供多款火鍋配料，如大魚頭、魷魚、鳝片、脆肉鯇魚、美國雪花肥牛、豬潤、羊肉、 四寶丸、鮮蝦滑、墨魚滑…..等等，可以依自己喜好，無限時任點任食，最啱一大班朋友聚會，可以慢慢享受各式各樣的美食。這裡環境寬敞，坐得舒適，食物質素高，員工服務也殷勤有禮，值得推薦。